توفيت ليندا ترتيب مهندسة اشهر فضيحة جنسية في العالم

10:13 AM April, 10 2020 سودانيز اون لاين
Osman Musa-
مكتبتى
رابط مختصر

(adsbygoogle = window.adsbygoogle || []).push({});


توفيت يوم الأربعاء عن 70 سنة .
السيدة / ليندا تريب .
والسيدة / ليندا هي كاشفة العلاقة الجنسية بين كلينتون و مونيكا في عام 1998

ازيك يا ابو عفان

الفراش وين ؟

ووين الصور برضو

أخونا اب ذر سلام .
السيدة الجميلة ليندا تريب كانت عجيبة .
شغلت اعلام الدنيا في أيام كلينتون .
وهي من مواليد جرسي سيتي .
و انتقلت بعد الوظيفة المحترمة .
واشترت بيت في المنطقة الهاي منطقة كولمبيا في ميرلاند عشان تكون قريب لي مكان شغلها .

الحبيب عثمان تحياتي
واكثر دولة تأثرت كان السودان
لصرف الانظار كلينتون قصف مصنع الشفاء للادوية
قالوا كمان بمعلومات قدمها شاب سوداني كان الملف في الدرج وبعد مونيكا قام كلينتون بتفعيل الموضوع
هكذا تأتي المصائب .. الى يوم ازمة الدواء

واحد يكابس بنية في امريكا ونحن ندفع الثمن .. كلوا من غباء الكيزان

تحياتي عثمان

أنا بقيت خطير .. ايه رأيك اسمان في لغتي العامية ( يعني 5 من 10)

استاذنا علي
المعلومات التي قدمها شاب سوداني للمخابرات الامريكية لقصف مصنع الشفاء، قرات
تحليلات كثيرة ان الشاب معروف وهو سياسي مشهور ،،،وما اظنه كان شابا في ذلك
الوقت،،،

وكمان يا امتثال
الزول ده كان مشارك في حكومة الإنقاذ لي اخر يوم .
وهو من النوع الممكن ينط في أي حكومة .

أخونا علي عبدالوهاب سلام
طبعا كلينتون رئيس ما اظن يتكرر .
في زمن كلينتون الاقتصاد كان اقوي
اقتصاد حصل في تاريخ أمريكا.
وقصة مونيكا دي كانت قصة محبوكة حبكة
شريرة . لي اهداف معروفة .

الشاب ده مش مبارك الفاضل .... دل دل

يا ود موسى ليندا تريب كانت شينة وكانت مكروهة من الجميع ، وفعلاً عز شفناه في ولاية كلنتون الثانية تاني ما مرت على أمريكا

محمد عثمان بكري
أظنك جبت النجيضة من النهاية ...

الاحباب الكرام

مبارك كان ايضا من المحركين للعملية وكان محرض
نسيت اسم الشاب هل كان صحيح
أو كان تأليف من الكيزان بأنه اقنع الامريكان بالموضوع
وقيل كان لديه بعض المعلومات عن مصنع مجاور لمصنع الادوية
المهم كمان صلاح ادريس استفاد قبض 32 مليون دولار حسب مصادر الكيزان آنذاك
الحبيب محمد كان المفروض يكشفوا لينا هذه الحقائق
اكيد في ناس في سودانيز يعرفوا الموضوع

التحية للاحباب

الأخ علي عبدالوهاب
سلام
قريبك الصحفي الكبير والمثقف الضخم الراحل حسن ساتي .
اكتر زول يفهم في قضية الشرق الأوسط. واكتر مثقف في
العالم العربي والأفريقي يفهم في التاريخ اليهودي والفلسطيني
وأذكر كان ناوي يطلع كتاب عن اجتماع كلينتون مع ياسر عرفات
والرئيس الإسرائيلي .
و كلينتون كان ميال و متحمس لحل القضية الفلسطينية حل شامل
وعادل .
..
حكاية ليندا يا أخ علي اتحبكت كضربة قاضية للزعيم الناجح
كلينتون .

يا أبو عفان ..
كلينتون كان معروف بعلاقاته الجنسية من قبل مونيكا ..
وتم اصطياد مونيكا من قبل ليندا بواسطة اقامة صداقة
لتسجيل مكالماتها مع كلينتون فتم الايقاع
بأحسن رئيس حكم الولايات المتحدة الأمريكية
فدي مؤامرة شاركت فيها العقربه ليندا تريب
والأمر كله لايعدو كونه مؤامرة مقيتة وقذرة ..


الاتنين شينات وكلينتون شغال بنظام الفحل ما عوّأف ..
يمكن ليندا كان عينها من الفحل ده يديها الفيها النصيب ..

أخونا جمال القوز
سلامات
صدقني دي هي الأسباب الخلت كلينتون يفوز
عمك شاطر وعفريت ومحبوب لعامة الشعب بدون فرز .
وعمك يحب غناء الكانتري والدوبيت . والجابودي زاتو .
وبرضو عمك عازف ساكسفون متمكن . وفي دعايتو الانتخابية
في بروكلن يوم عزف مقطوعة لي ري شارس .
الدنيا كلها ادتو الأصوات وقالو لو يا كي بالنية بس .
فايز فايز .
ياخ علي قول ود الجبل في أيام كلينتون كان الدولار بي
دولار . والسوشل يجيك بالبريد في أسبوع وكرت العمل .

أخونا منتصر سلامات .
ياخ، ما كانت مكروهة . ولا شينة .
كانت مزيونة علي قول الليبيين .
وكانت حكاية الحلة بصل تنطبق عليها .
وبعدين هي بتقول انها فكت الشمار بي
دافع الوطنية .
وبتقول انو ده ما هو المكان المفروض
تقوم فيه الحكايات الطلس ملص .
وانت سيد العارفين يا مو .

يا عثمان وين صورة الحاجه دى ياخ

لكين النصيحة غايتو كان جينا لحكاية الحلة بصل

هيلارى كلينتون ما بتتلحق

بصل النوع الموكاااان والبنفسجي داك
ههههههه

أخونا اب ذر سلامات .
عليك الله يا اخوي مونيكا شينة ؟ .
اهلك عربان واشنطن دي سي سموها الوعلة الشاردة .
الوعلة بي المرسوم ليها دخلت البيت الكبير متدربة .
وكانت في العشرين .
لون منقة شندي شهر تلاتة .
ليندا تريب هي البتدخلا وهي البتمرقا .
ثم هجم النمر علي الوعلة الصغيرة .
و حدث ما حدث .
ليندا تريب الحريفة يا اب ذر طوالي كفت الطشت فوق درب الحرامي
وحشرت ال evidence في الدولاب .
وبعد كم يوم شريط دردشة الحبو كانا طلع للسوق .
طلع للسوق الأسود .
الوعلة حكت لي ليندا اصعب رندوق .

والله يا عثمان النصيحة مونيكا ما شينة
بالعكس
كاملة الدسم

لكين عويره بس

ما مفتحه

يا ابوذر عندما تسمع عرض مونيكا عن تجربتها ، حتغير رايك..

عرض آخر لمونيكا لوينسكي :

أخونا الشاعر الخواض سلامات
تحليلات الاستاذ الراحل حسن ساتي كانت هي الأقرب.
ساتي بفتكر انو في جهات ما دايرة كلينتون ينجح
في حل القضية الفلسطينية . ولا دايرة نجاح يقعد
لي كلينتون في التاريخ .
الجهات بتفتكر انو كفاية نجح في الاقتصاد . ولابد
من تدبير مكيدة .
تجهجهو و تشغلو من التفكير في حل قضية كبيرة .
و الجهات عارفة بتعمل في شنو .
اها . مسكين الرجل الطيب من تلتلة المحاكم و الضغط
كانت النتيجة أصابتو بي ( هارت أتاك)
لكن يظل كلينتون هو الزعيم المحب للعدالة والاكتر شعبية .

اهلا صديقنا عثمان

وجهات النظر السياسية، وتحليل ماجرى قد اختلفت.

لكنها تشترك في امر واحد هو:
تجاهل مونيكا لوينسكي

او ادانتها مسبقا.

لقد شاهدت عرض مونيكا لونسكي قبل سنوات ، وكان محزناً جداً .

حاولت هنا ان اعرض الامر من جهة مونيكا.

وهي كانت صادقة في حبها لكلنتون، رغم انها ندمت على ذلك.

أخونا م ع بكري
سلامات
ح نتكلم عن السيدة الراحلة ليندا تريب .
الزولة القلب الدنيا في ديك الايام .

Rated @R
مونيكا قامت بخدمة وطنية .. ظبطت مزاج الرئيس فأدار الدولة والإقتصاد بنجاح مشهود!
بس الحساد يعملوا معاهم شنو! فى جعجعتهم عن المثل والأخلاق، ما فضل ليهم
إلا يقولوا إشمعنا كلنتون! وفى الأخير لامن لقوا موضوعهم فارغ، حاكموهو على
إنه كذب تحت القسم .. هسة دا لو بيغادى عندنا كذبتو دى كان بعتبروها رجالة
فاتت حدها وستر البت والحليفة يصوم ليها صيام كفارة .. لو كان عندهم تعدد
زوجات كان لقى ليهو سبب عقد علي مونكا وما فارقة معاهو أصلا هليرى
بتكون طلعت ميتينو بالنقة ولحدى هسة وإحتمال حملتو فشلها فى إنتخابات الرئاسة
... ههههههههههه

سلام ليندا دورها انه استغلت صغر سن مونيكا وحاجتها للنصح ودعتها للريتز كارلتون وسجلت كلامها دون علمها ونصحتها بعدم غسل الفستان الأزرق الفيه الأدلة وكلنتون حوكم لكلمته الشهيرة I did not have sex with that womeo ولو رجعنا لتقنية الڤار ممكن ننجد كلامه صاح لأنه ممكن تفسير ما فعله انه ما sex المهم كلينتون يعتبر أول رئيس أسود لأمريكا قبل أوباما ذاتو 😂

Quote: واكثر دولة تأثرت كان السودان لصرف الانظار كلينتون قصف مصنع الشفاء للادوية قالوا كمان بمعلومات قدمها شاب سوداني كان الملف في الدرج وبعد مونيكا قام كلينتون بتفعيل الموضوع هكذا تأتي المصائب .. الى يوم ازمة الدواء واحد يكابس بنية في امريكا ونحن ندفع الثمن .. كلوا من غباء الكيزان

تحياتي الحبيب علي
والصديق عثمان
يعملوها الامريكان
ويقعوا فيها الكيزان
ومنها يتضرر الشعبان
ويطلع المرحوم غلطان
تموت ليندا وتبقى مونيكا
وتعيش هيلاري للكلينتون مان

واللة ياجمال القوز مفروض بكري يديك كرت احمر ومعاو شلوت كمان ... ياخ معقول مونيكا شينة ..ياخ دي غيرت الموضة كلها فستان مونيكا جزمة مونيكا تسريحة مونيكا شبشب مونيكا ...
..ههه (وش ضاحك)

سلام يا حبيبنا منتصر، أول مرة أعرف إنك سوداني أمريكي، إنت من زمن كيلنتون ما رجعت أمريكا؟! هههههه
تحياتي يا عثمان يا جميل

انا دخلت المدرسة صغير وامتحنت العام من خامسة 😂وراجين شيك الكرونا يا نذير لكن عمك ود موسى ده كان ما لحق فورد صوت لي كارتر قطع شك

أخونا عمر التاج سلامات
مشكور علي المرور الكريم
تحياتي

أخونا نادر الفضلى سلامات
الراحلة ليندا كانت ضحية و مونيكا ضحية و كلينتون
والقضية الفلسطينية .
حكاية مونيكا كانت كلها عراك وضرب تحت الحزام .
والمسكوت عنو فيها كان مخيف .
كانت ايام عصيبة علي كلينتون و أسرتو وعلي اسرة
مونيكا .
والحمد لله القضية أنها انتهت علي كدا .

قرأت في عدة صحف أن ليندا ترييب دي كانت نيتها سودة وهي بتسجل المكالمة بينها وبين
لوينيسكي ،،،وربما كانت مشتركة في مؤامرة للايقاع بي كلينتون...
وبعدين ٣ حروف من اسمها بتتشابه مع اسم ترامب ،معقولة نيتها تكون بيضة ... TRP...

اتو بالمناسبة دي يا عثمان

مسعولين من الخير

تشيلسي بت كلينتون وين ؟

زوله ظريفة والله وما شغاله ب الفارغة

اسغر مننا فى العمر شويه

ههههههه

ابو ذر
تشيلسي بت كلينتون اتزوجت عام ٢٠٠٩م من واحد اسمه مارك، اسمه الاخير ما بيتنطق لا بالعربي لا بالانجليزي
وعندها ٣ اطفال ، ولدين وبت،،وساكنة في شقة في افخم عمارة في ال Fifth Ave. في نيويورك،،وزوجها اشترى
الشقة دي بي ١٠ مليون دولار ،،،والجرائد بتقول ان ثمنها ا كثر من كده بكثير لكن صاحب العمارة نقص السعر عشان خاطر
كلينتون الاب،،،،
ومن المعروف ان ال Fifth Ave. في نيويورك هو افخم شارع في منهاتن وثمن الارض بيبيعوهو بالبوصة ما بالمتر،،،

ازيك يا امتثال

والله عجبني ليها تشيلسي بت أم تشيلسي
تستاهل ب الجد

لكين انا إعلان منها عشان ما كلمتنا بى العرس بتاعها ده

الزول على الأقل كان يقوم بالواجب

ياخ أن شاء الله يشيل ليها طقم كبابي

ولا حتي جردل خبيز

والله الزول هسي داخل فى اضافرينو

ابو ذر
لكن انت قصرت معاها شديد،،،معقولة ما تودي ليها هدية ،،حتى كان وردة !!!
ونسيت اقول ليك ان البوصة في ال Fitth Ave. في منهاتن ،نيويورك ، ثمنها
يتراوح ما بين ال٢٠ الف دولار الى ١٠٠ الف دولار ،على حسب الموقع،،،

أخونا مو سلام
مونيكا سمحة و صافي لونا و ت ... في DC سكونا .
بعدين عليك الله في بت في العشرين شينة ؟