دافعت الإعلامية والمذيعة بقناة سودانية 24 آلاء المبارك بـ (لوشي) عن اتهامها والإساءة إلى اخلاقها في نشر تسجيل صوتي متداول بمواقع التواصل الاجتماعي يشير البعض إلى أن الاصوات الظاهرة فيه أحدهما صوتها. وقالت لوشي عبر صفحتها الرسمية بمواقع التواصل الاجتماعي (فيسبوك): (دقيقة دقيقة دقيقة شنو كمية التخلف والغباء دا؟. صوتي البتقولو مزعج وبضرسكم دا ما حفظتوه؟. يا أخوانا قبل ما تمسوا شرف زول راجعوا روحكم مرة واتنين). وأضافت: (قال تعالى: (وَالَّذِينَ يُؤْذُونَ الْمُؤْمِنِينَ وَالْمُؤْمِنَاتِ بِغَيْرِ مَا اكْتَسَبُوا فَقَدِ احْتَمَلُوا بُهْتَانًا وَإِثْمًا مُبِينًا) [ الأحزاب : 58 ]. المعنيّون بالوعيد في هذه الآية هم الذين يستطيلون في أعراض المسلمين ظلماً وعدواناً (أي ينسبون إليهم ما هم برآء منه لم يعملوه و لم يفعلوه فقد احتملوا بهتاناً وإثماً مبيناً. و هذا هو البَهت الكبير: أن يحكيَ أو ينقل عن المؤمنين والمؤمنات ما لم يفعلوه على سبيل العيب والتنقص لهم) كما قال ابن كثيرٍ في تفسيره. و قال جلّ و علا: ( إِنَّ الَّذِينَ يَرْمُونَ الْمُحْصَنَاتِ الْغَافِلاتِ الْمُؤْمِنَاتِ لُعِنُوا فِي الدُّنْيَا وَ الآخِرَةِ وَ لَهُمْ عَذَابٌ عَظِيمٌ ) [ النور : 23 ]. وياريت نوعى إنه الحياة الشخصية بتاعة اَي شخص سواء معروف وطارح نفسه للعامة أو لا، دي تعتبر سلوكيات (خاصة) إحنا ما نتدخل فيها، وإذا كان الزميل (….) غلط ربنا يستر عليه ويهديه وكل الناس بتغلط. وإذا كان في اغتيال لشخصيته بغرض تشويه السمعة أكيد ربنا حينصره ولو بعد حين). وقالت لوشي: (الحاجة الشينة ماحبابها وما افتكر أنه أنا آلاء المبارك في يوم من الأيام ممكن أخلي سمعتي على الملأ بهذا السوء).
وتناقلت مواقع التواصل الاجتماعي مقطع صوتي لإعلامي ومقدم برامج معروف يتحدث من خلاله بحديث (فاحش) مع فتاة قال ناشرو التسجيل إنها إعلامية شهيرة. وأحدث التسجيل ضجة كبرى في الأسافير حيث يعد الاعلامي المعني من أشهر ثوار القيادة العامة والذي تشهد له مواقفه أيام إعتصام القيادة بأنه صاحب خلق رفيع.
Post: #2 Title: Re: لوشي ترد على اتهامها بتسجيل مقطع فاضح: (شن Author: محمد على طه الملك Date: 04-08-2020, 10:04 PM Parent: #1
مع أن الكمال لله وحده .. لكن ما دام الحملات دي وصلت رموز كانت في ساحة الاعتصام مثل شومان ودسيس الخ .. لا استبعد أن يصل الأمر الشهداء نفسهم أو أسرهم.. غنم الانقاذ لسه بترعى وفي فمها بزازة لم يجف حليبها بعد .
واضح انها تمتلك قدر من الجهل لو وزع على اهل الارض لكفاهم من خلال كلماتها واضح انها اعترفت بالشئ الحاصل اقرأ يا زهير بين السطور الرحمة و المغفرة للإعلام السوداني اذا كان فيه امثال هذه البنت
اللهم امين يا صبري ويعينني انا كذلك اعتذر جدا عن الخطأ غير المقصود الذي تم بحسن نية ان صدقتني لكن ما تقول لي داير تعتمد علي خطأ ايراد اسمك كأثبات لصحة قولك !
Quote: ما تقول لي داير تعتمد علي خطأ ايراد اسمك كأثبات لصحة قولك !
إنت قلت هي اتهمت زميلها اقتبست ليك كلامها وما فيه أيّ اتهام ...
(إذا) دي أداة شرط .. يعني الزول دا لو عمل الفعل (لأنّو هي ما عارفة هو عملو ولاّ لا فقد يكون الصوت ما صوته .. أو قد يكون صوته ولكن الفعل الأصلي ما عملو ذاتو .. شفت كيف !!) وأكيد أنا وإنت برضو ما عارفين وما متأكدين من الشغلانة دي (ما أعتقد من خلال سماع صوت بس نقول دا هو) ...
كان ردّي على أحد أصدقائي من الممكن عادي يتم فبركة التسجيل !!
تشكر صبرى للتفهم انا شخصيا عندي قاعدة في تصديق الآخرين . ما لم يكن اثباتا قويا بتكذيبه وفي زمن التكنلوجيا اي شي ممكن يكون ماهو ليس ماتظنه اذا فعلا في اللغة العربية الفصحى اداة شرط وعندها جواب شرط لكن قلت ليك بلغة وونسة سودانية الامر مختلف مختلف تماما انا شخصيا مصدقها جدا بس كان ماتتعرض ليهو . وتقول زي ما دة صوتي وانتو بتعرفوهو وهي برضو بتعرف صوتو وعلاقتهم قوية جدا لكنها لم تقل ذلك . بل اوحت بشكل قوى انو هو وتطلب ليهو بالمغفرة شفت الصورة كيف الصوت وانو ممكن يعمل كدة لانها بتعرفو انت يا صبري ممكن تنفي سلوك من زول ولو لم تكن حاضرا لمعرفتك اللصيقة بيهو وتصر كمان وتكذب فلان دة انا بعرفو ويستحيل يعمل كدة للاسف ما حصل منها
Post: #14 Title: Re: لوشي ترد على اتهامها بتسجيل مقطع فاضح: (شن Author: محمد البشرى الخضر Date: 04-09-2020, 07:51 AM Parent: #12
Quote: لكن ما دام الحملات دي وصلت رموز كانت في ساحة الاعتصام مثل شومان ودسيس الخ ..
ما في حملات استهداف يا مولانا براه يداه أوكتا وفاه نفخ!
Quote: ما في حملات استهداف يا مولانا براه يداه أوكتا وفاه نفخ!
سلام عليكم
يا ود البشرى ما في احتمال خطأ؟ و لا حتى شك بسيط ؟ 😢
Post: #16 Title: Re: لوشي ترد على اتهامها بتسجيل مقطع فاضح: (شن Author: muntasir Date: 04-09-2020, 08:37 AM Parent: #15
اذا صح انه هو من نشر التسجيل بالخطأ اثناء تنزيله لڤيدبوهات بصفحته فلا يمكنه بالدفع بالابتزاز وغيره حاجة واحدة تخليك تسجل نفسك أو غيرك في وضع زي ده لا يفسر الا بالنقص وسوء الطوية والغباء ومافي داعي الناس تفتش عن من هي البنت
Post: #17 Title: Re: لوشي ترد على اتهامها بتسجيل مقطع فاضح: (شن Author: محمد البشرى الخضر Date: 04-09-2020, 08:43 AM Parent: #15
طبعا يا دكتورة دائما هناك احتمال ولو 1% لكن المعطيات القدّامنا بتخليك توزن, اولا الصوت هو صوته لكن برضو ممكن نقول يوجد احتمال تقليد ثانيا نزل التسريب هو بنفسه على صفحته قبل أن يحذفه, دي بتضعف من احتمال التقليد خالص أما أهم شي انه نزّل بوست في صفحته وبرضه حذفه بعد اتردم ردم الجن كان بقول فيه ما معناه انه تعرّض لابتزاز ومطلوب منه يدفع اموال و ما بهمه و سيلجأ للقانون و ح يواصل ينزل في فيديوهات ابريل ولن يهتم ما قلنا شي لكن للأسف ما قال بوضوح و بشكل قاطع انه دا ما هو و ان الصوت مفبرك, لو نفى بوضوح كان رفع من قيمة الاحتمال لكن بطريقته دي طيّنها وقعد
يا نعومة مجرد التسجيل او التصوير لحاجة زي دى توضح انو يا مريض او داير يبتز زول والامور خرجت عن السيطرة عندي راي معظم الناس ذكور واناث عندهم سلوك سري مخجل لا يعرفه احد الشقي البقع في القيد وهو وقع
Post: #19 Title: Re: لوشي ترد على اتهامها بتسجيل مقطع فاضح: (شن Author: عمر سعيد علي Date: 04-09-2020, 10:09 AM Parent: #18
مكرر
Post: #20 Title: Re: لوشي ترد على اتهامها بتسجيل مقطع فاضح: (شن Author: عمر سعيد علي Date: 04-09-2020, 10:10 AM Parent: #18
Quote: عندي راي معظم الناس ذكور واناث عندهم سلوك سري مخجل لا يعرفه احد
تشكر عاصم يا جلال المتابعين قالوا نشرو في صفحتو . والصوت يشبه صوتو ان لم يكن هو نزلو وسحبو ونزل تعليق قال نزل بالغلط دون الاشارة لانو هو ولا ما هو ماسمعت بشهاد فرح ود تكتوك قال ليهم بي يدو حاويها وبي خشيمو عاضيها وصلبو يمشي ويجيها اكان فيها ولا خاتيها ربو عالم بيها وقال الراوي 😆😆 القاضي قال ليهو حرم فيها
يا سنّو متوافق معاك تماما من جانبو هو و يبقى سخافتو فى تسجيل لحطات الخصوصية دى سؤالى هل الطرف التانى هى لوشى ده المحك هنا عندنا واحد هنا بيظهر فى وسائل التواصل بى شكل ترامب و صوت ترامب و بيشتغل ترامب
Post: #26 Title: Re: لوشي ترد على اتهامها بتسجيل مقطع فاضح: (شن Author: Ahmed musa Date: 04-09-2020, 01:56 PM Parent: #4
Quote: سلام يا خضر
غريبة انا قريت كلامها مرتين ومرة بعد قريت كلامك لا في السطور ولا بين السطور ما شفت اعتراف ضمني بل انكار في كل السطور ورفض لربطها بالموضوع
انا ذاتي قريت كلامها ماشايف فيه بين سطور بالعكس فيه وقوف مع زميلها وده شي كويس
Post: #27 Title: Re: لوشي ترد على اتهامها بتسجيل مقطع فاضح: (شن Author: أحمد محمد عمر Date: 04-09-2020, 02:05 PM Parent: #26
الطرف التاني ما لوشي ولا بشبه صوتها ولا عندها بيها أي علاقة
هسه يا أخوانا دا سؤال ليكم؟ ساكين ليكم تحقيق في دا صوت منو في البنات. تقلبوا وتبحتوا في خصوصيات الناس وتدورو في مواضيع ما مفيدة وهابطة قال شنو؟ قال منبر للحوار الحر اللهم أحفظنا وأحفظ عقولنا من الهبوط.
سلام و محبة انا متابع البوست واحلى حاجة ما بعرف لوشي.. ولا المذيع ولا سمعت التسجيل ولا عايز اسمعوا بس متابع اب سن ومتكيف من المخزون اللغوي و الموروث الشعبي وخمنت قلت تربية حبوبات. لكن وصلت لقناعة انو هو حبوبة.. بس سؤال عايزين تصلو لشنو
تشكر نملة هههه لا ياخ ما حبوبة تصدق بعدينك زيك وواحد والله ما بعرفهم الاتنين لكن اهو موضوع بمناسبة انو ماخد حيز اعلامي في النت يا حافظ افرز ياخ يعني اصلو ما نتونس
Post: #31 Title: Re: لوشي ترد على اتهامها بتسجيل مقطع فاضح: (شن Author: علي عبدالوهاب عثمان Date: 04-09-2020, 05:48 PM Parent: #30
الاحباب الكرام .. تحياتي بنتنا لوشي دي .. خطفت الاضواء بقت اشهر واحدة في السودان نحنا نقول فقط .. ده زمنهم .. حتى ولدنا ده ما شاء الله عليهو شاب وسيم زمنا داك كنا نغير من ناس الوسامة .. ونفتش وراهم ..
ده زمن التكنولوجيا والكميرات .. زمنا كان بس رقيب وعتيد كانت الحرية الفردية للاخر ومقوننة ماذا لو شاهد الجيل الجديد تلك الصور في البارات والكازينوهات وغيرها من الاماكن المرخصة .. كان عملوا لينا محاكم .. زي ما قلت زمنا كان رقيب وعتيد .. لا كاميرات خفية لا تسجيلات .. ومع ذلك اعتبرهم منضبطين اكثر مننا زمان اي ركن في الشارع تقيف تشرب نصية أو فتيلة ... آه يا زمن .. وكمان بعد الكبت انفجار .. كما حدث بعد المهدية وده بعد الانقاذ والكيزان ما خدين راحتهم في قصورهم وفللهم والكبت على الغلابا ..
جميل ورائع ابناءنا وبناتنا بعد الثورة دي .. اصبحوا في نظري فوق كل شبهة
Quote: هسه يا أخوانا دا سؤال ليكم؟ ساكين ليكم تحقيق في دا صوت منو في البنات. تقلبوا وتبحتوا في خصوصيات الناس وتدورو في مواضيع ما مفيدة وهابطة قال شنو؟ قال منبر للحوار الحر اللهم أحفظنا وأحفظ عقولنا من الهبوط.
قوموا لفوا كلكم
اول شى التسجيل فيهو تشويش زى القاعدين ليهم تحت ضل نيمة الشى التانى ليه الناس مشت على لوشى و ادلتا شنو الشى التالت لو داير تخضع سؤالى لى حتة حمّال اوجه و انت مشيت للوجه الاقبح ما عندى ليك غير تبّا لك بالانجليزى
سلام يا جلالدونا الكلام ما موجه ليك على وجه الخصوص. كلامي عام وعن الموضوع ككل بس إقتبست سؤالك لأنو هو السؤال الذي يدور حوله البوست. أنا أصلاً ضد إعادة النشر وضد الإستقصاء عن الموضوع. وذلك بغض النظر عن ما إذا كان المقصود نفي تهمة او تثبيتها.
_______________ بمناسبة الما بدورك يحدر ليك في الظلام كنت داير أعمل ليك إستثناء من إنك تقوم تلف وبعد كتبت الإستثناء قمت مسحته عشان قلت مافي لكن قلت مافي داعي أحدر ليك في الضلام
برضو يا عمّك الموضوع لأنو كتر و فيهو وجع ايد و يمين كمان سألت هل شبهة الصوت تقوم مقام الدليل القاطع بى انها هى من شارك فى المتعة دى مع افتراض انو هو صاحب الصوت برضو ولّ الصور ليهم مع بعض جابت الكلام خاصة و هناك همس انهم متزوجين فى السر اها الموضوع مشى للقدح فى شهادتو اما لجنة لبيب
Post: #36 Title: Re: لوشي ترد على اتهامها بتسجيل مقطع فاضح: (شن Author: احمد عمر محمد Date: 04-09-2020, 09:31 PM Parent: #35
Quote:
هل شبهة الصوت تقوم مقام الدليل القاطع
[\quote]
اعتقد ان الشبهة ليست بينىة وتظل من غير سند لان الجنحة لابد من توفر شروط لاثباتها وهو اما الاعتراف او توفر اداوت الجريمةفمثلا في حالة قتل فالقاضي لا يبنى على شبهة و انما تثبت القضيةعنده بتوفر الجثة و القاتل والاداة المستخدمة في القتل واعتقد اداوت الجريمة تشمل اشياء عدة حسب الجريمة وناس القانون هم من بفتي في مثل هذه احداث
أنا كمولاكم أفتيت ليك بعدم جواز تداول هذا الموضوع وعدم جواز التحقيق والتدقيق فيه
Post: #38 Title: Re: لوشي ترد على اتهامها بتسجيل مقطع فاضح: (شن Author: mohmmed said ahmed Date: 04-10-2020, 07:42 AM Parent: #37
اذا تاكد ان الصوت هو صوت لوشى تكون الإدانة على حازم بهذا السلوك الصبيانى الاجرامى واذا لم يكن صوتها ايضا يتحمل المسؤولية على اشانة سمعتها بهذه الطريقة المبتذلة