يدي اليمين وجعتني

04:37 AM April, 07 2020

سودانيز اون لاين
أحمد محمد عمر-
مكتبتى
رابط مختصر

عادة في كرة القدم الإصابات بتكون في الأرجل
لكن في كورة امبارح الإصابة جات في اليد
كيف؟ الله أعلم!





_________
ملحوظة أنا بتكلم عن تمرين أولاد الحلة وغير مسؤول عن أي تفسير آخر

وجعتك ما بعرفها لكن كان أكلتك جاياك قروش بس انت أحسن الظن 😂

و مستغرب ليه؟ أكيد واقف قون :)

Quote: لكن كان أكلتك[/QUOTE هههههههههههههههههههه

---

Post: #5 Title: Re: يدي اليمين وجعتني Author: Salah Zubeir Date: 04-08-2020, 08:25 AM Parent: #4 ههههههه أها امبارح الشللتو منو ... ياخي عدم المواكبه بطال وشين .. أحيانا الشلوت بجلي من الكرعين ويصل البطن واليدين وكمان الراص ... الراص دي من أقوال الشهيد الحرامي صاحبك ...

---

Post: #6 Title: Re: يدي اليمين وجعتني Author: احمد عمر محمد Date: 04-08-2020, 08:52 AM Parent: #5 وكيف بتلعبوا كرة في زمن الكرونا يكون واحد حريف ضربك بالكرة في داخل مربع ضربة الجزاء او واقف حارس على قول ود البشرى

---

Post: #7 Title: Re: يدي اليمين وجعتني Author: أحمد محمد عمر Date: 04-08-2020, 09:12 AM Parent: #6 كان حلمي أطلع لاعب كورة لكن الزمن حازم طلعني ماسورة:)

---

Post: #9 Title: Re: يدي اليمين وجعتني Author: ABUHUSSEIN Date: 04-08-2020, 09:20 AM Parent: #7 Quote: كان أكلتك جاياك قروش جاياه و ل بتجيب ليهو .... ؟؟؟؟؟ سؤال بريء جدا بالمناسبة 😂😂😂😉😂😂😂

---

Post: #8 Title: Re: يدي اليمين وجعتني Author: أبوذر بابكر Date: 04-08-2020, 09:16 AM Parent: #1 برضو انت كويس يا أحمد مكمدات وشوية مسيد وخلاس هههه هسى مسيد دي يشكلوها كيفن ؟ اقراها كدى غايتو Missaid مشكلتك هينة والله انا واجعاني روحي اليمين وروحي الشمال برضو بدت تتاورني حيث لا ينفع المسيد ههههههه

---

Post: #10 Title: Re: يدي اليمين وجعتني Author: محمد البشرى الخضر Date: 04-08-2020, 09:25 AM Parent: #8 Quote: كان حلمي أطلع لاعب كورة لكن الزمن حازم طلعني ماسورة:) ههههههههههههههههههههههههههههههههههههههههههههه طبعا اعمامك الحجاج ديل ما ح تقع ليهم الا بي رابط او تنزل التسجيل ولو عملت كدا ما عافي ليك

---

Post: #11 Title: Re: يدي اليمين وجعتني Author: أحمد محمد عمر Date: 04-08-2020, 09:40 AM Parent: #10 منو دة؟ انا دة! بري بري بري

---

Post: #12 Title: Re: يدي اليمين وجعتني Author: أحمد محمد عمر Date: 04-08-2020, 10:39 AM Parent: #11 Quote: وجعتك ما بعرفها لكن كان أكلتك جاياك قروش أمس الزول العمل الفاول الناس كلها كانت بتقول ليه جابت ليها تكسر يدين كمان! قام عمل منشور قدر الضربة بتكلم عن الفرق الحاولت تسجلو .. قال عرضوا عليه مبالغ طائلة لكن هو مخلص لفريق الحلة وبتاع وحاتك لحدي ما نمت كانوا أكتر من 6000 تعليق يكوركوا الماسورة الماسورة لما صحيت الصباح لقيتو حذف المنشور

---

Post: #13 Title: Re: يدي اليمين وجعتني Author: أحمد محمد عمر Date: 04-08-2020, 10:47 AM Parent: #12 Quote: أحيانا الشلوت بجلي من الكرعينويصل البطن واليدين وكمان الراص علي الحلال كتلتها ياخي أمس بالليل نحن اتلمينا كمية من المحللين المخضرمين أقل واحد فينا ليه 10 سنين في الملاعب حاولنا نحلل إصابة اليد دي بي كل الطرق وما لقينا ليها درب في النهاية وصلنا لي إنه يا إما اللاعب دة حريف شديد حاور الراجل لمن وقع واتكرفس في الواطة اتلخبطن كرعينو مع يدينو يا إما زول اشتر بشوت ساي محل تجي تجي

---

Post: #14 Title: Re: يدي اليمين وجعتني Author: أحمد محمد عمر Date: 04-08-2020, 10:54 AM Parent: #13 Quote: يكون واحد حريف ضربك بالكرة في داخل مربع ضربة الجزاء بصراحة الضربة كان ممكن تكون أقوى من كدة بي كتير كان في استبسال جامد ياخي اللاعب بحاور ويحاول التسديد لمن سل روحنا لكن الراجل صمد صمود شديد والحمد لله الجات في اليد لأنه لو كان جاب لقطة القون زي ما حاولها كان الراجل بتشطب نهائي

---

Post: #15 Title: Re: يدي اليمين وجعتني Author: خضر الطيب Date: 04-08-2020, 10:55 AM Parent: #13 Quote: جاياه و ل بتجيب ليهو .... ؟؟؟؟؟ ههههههههههه مونتي دا وغد لو تابعتوهو بتدخلو في الغريق و احمد عمر دا واضح انو زول برئ حظو العاثر وقعو في شلة اوغاد بعد شوية حتطلعوه ذي الكاف للتشبية لجة :)

---

Post: #16 Title: Re: يدي اليمين وجعتني Author: أحمد محمد عمر Date: 04-08-2020, 11:08 AM Parent: #15 Quote: جاياه و ل بتجيب ليهو هااااه كضب ساي علي الحلال اتلخوا الكاسر والمكسور ياخي العمل الفاول دة أنا متأكد تاني أقلاها سنة ما يقدر يلعب في الدافوري بتاع الحلة إن جاء ماشي بي جمب الميدان ساي الجماعة يكاووهو (يدي اليمين وجعتني)

---

Post: #17 Title: Re: يدي اليمين وجعتني Author: أحمد محمد عمر Date: 04-08-2020, 11:11 AM Parent: #16 Quote: واضح انو زول برئ بريئين هم الفاول دة كان داير ابو سن :)

---

Post: #18 Title: Re: يدي اليمين وجعتني Author: محمد محمد قاضي Date: 04-08-2020, 11:21 AM Parent: #1 Quote: كان حلمي أطلع لاعب كورة لكن الزمن حازم طلعني ماسورة: مين عبد الحليم حازم يا برعي ههههههه Quote: يدي اليمين وجعتني الظروف ما معروفة يا أبوحميد بعد ده أطلب العفو والعافية زي صديق

---

Post: #19 Title: Re: يدي اليمين وجعتني Author: أحمد محمد عمر Date: 04-08-2020, 11:42 AM Parent: #18 قلتش حاجة أنا ! اللاعب شابكنا نحن الترسنا الشوارع ضد الجنجويد واصحى يا ترس والدوري دة كان جو الجنجويد ذاتو حقنا في النهاية يجي بيضها لينا بي هدف عكسي! صديق بطلب العفو في السنة 4 مرات .. لكن دة الفاول بتاعه زي بنية فاروق جبرة حتى بعد تنتهي عقوبة الإيقاف ما بقدر يلعب تاني

---

Post: #20 Title: Re: يدي اليمين وجعتني Author: أحمد محمد عمر Date: 04-08-2020, 12:03 PM Parent: #19 Quote: مكمدات وشوية مسيد وخلاس هههه حصلت المكمدات والمسّيد بعد إصابة اليد يا زول اعتذارات شديدة من نوع: إن شاء الله الله لا يوفقني في حياتي كلها .. عمري ما عوقت لي زول حتى في النهاية قال للمصاب : كدة أول خطوة إلى دوري الأبطال لكن برضو الفاول كان شديد زي ضربة الجزاء الضيعها باجيو

---

Post: #21 Title: Re: يدي اليمين وجعتني Author: HAIDER ALZAIN Date: 04-08-2020, 12:07 PM Parent: #20 يعني هسه الواحد يعمل شنو عشان يعرف..! وكمان فيهو وجع وأكلان ؟ زمان الخور كان بيفتح والزول بيمشي يباصرها جاي جاي .. هسه الحظر شامل ما مشكلة نعرفها مع قصة الطيارة الماليزية

---

Post: #22 Title: Re: يدي اليمين وجعتني Author: أحمد محمد عمر Date: 04-08-2020, 12:33 PM Parent: #21 قالوا في راجل ماشي في الغابة شايل معاهو مزمار فلوت فجأة طلع ليه أسد وعرف نفسه مأكول مأكول قال يعمل زي عازفين تايتنك ويعزف موسيقى الوداع .. شال الفلوت وبقى يعزف فجأة الأسد بقى يتمايل ويرقص والموضوع عجبه في قردين معلقين فوق في الشجرة قعدوا يتوسوسوا الأسد أخد رقصته وفات خلاهو الراجل قال خلاص عرف سر الأسود تاني يوم جاء بالغابة برضو لقى ليه أسدين قبل يهجموا عليه طلع الزمبارة عزف وبرضو رقصوا واتكشموا وفاتوا خلوهو القردين قعدوا يتوسوسوا تاني تالت يوم جاء ماشي شاف ليك أسد طلع الفلوت بدأ يعزف الأسد ولا شهدو نط فيه أكلو القرد قال لي صاحبو ما قلت ليك كان لاقاهو الأطرش بطلع ميتينو! أها يا حيدر هسة البشرى والقاضي عزفنا ليهم رقصو وطلعو لكن انتظر شوية قطع شك بيجي عضو أطرش بنيش أم ألبوست

---

Post: #23 Title: Re: يدي اليمين وجعتني Author: عمر التاج Date: 04-08-2020, 01:05 PM Parent: #22 Quote: يدي اليمين وجعتني كتابتك دي ما كتابة زول بيكتب باليمين

---

Post: #24 Title: Re: يدي اليمين وجعتني Author: Arif Nashed Date: 04-08-2020, 01:16 PM Parent: #23 أحمد انزيك. نخلي البوست ماشي علي كده 😂 😂

---

Post: #25 Title: Re: يدي اليمين وجعتني Author: أحمد محمد عمر Date: 04-08-2020, 01:27 PM Parent: #24 أيوة يا عارف ارمي طعميتك واتخارج يا عمر وقت الدافوري كلو ببقى شمال

---

Post: #26 Title: Re: يدي اليمين وجعتني Author: muntasir Date: 04-08-2020, 02:51 PM Parent: #25 صدق لافي في التيك توك عترت فيه بالصدفة ، انا لي هسه ما عرفت النقص في الناس البتخليها تسجل ولا تصور حاجة زي دي ما استفادت منها إلا كيم كاردشيان

---

Post: #27 Title: Re: يدي اليمين وجعتني Author: أحمد محمد عمر Date: 04-08-2020, 03:02 PM Parent: #26 الفكرة كلها في الجملة الأخيرة شعر بالانتصار وقال ليها دي أول خطواتك في عالم البورنو نظام حيفسحها في المواقع فإذا به يمشي البورن هب في فتيل

---

Post: #28 Title: Re: يدي اليمين وجعتني Author: محمد البشرى الخضر Date: 04-08-2020, 04:45 PM Parent: #27 في رواية كدا الشباب متفقين عليها انها هي السجّلت لكن مختلفين في التسريب هل مقصود ولاّ كلّو من وائل

---

Post: #29 Title: Re: يدي اليمين وجعتني Author: Mutasim Idris Date: 04-08-2020, 04:47 PM Parent: #27 سمعنا قالوا طريقة اللعب اتغيرت والملاعب بقت مضاءة لكن ياهو الحال في حالو ضلاام ودافوري وبحليفتنا كمان والللاهي. هو مالو عاصر يمين لاعبكم دا.. طرف يا ربي.. ههههههه ازيكم يا مخضرمين..

---

Post: #30 Title: Re: يدي اليمين وجعتني Author: Arif Nashed Date: 04-08-2020, 04:58 PM Parent: #29 ما قالوا عليك شقي ومجنون. ما سمعنا تصفيق الجماهير. 😂😂😂

---

Post: #31 Title: Re: يدي اليمين وجعتني Author: أحمد محمد عمر Date: 04-08-2020, 05:54 PM Parent: #30 Quote: في رواية كدا الشباب متفقين عليها انها هي السجّلت لكن مختلفين في التسريب هل مقصود ولاّ كلّو من وائل انا ما بتفق مع الرواية دي نهائي لأنها كانت رافضة التصوير بشدة وهو يحنس يعني هو اللي ساعي للتسجيل موش هي التسجيل نشرو هو بنفسه بالغلط في صفحته .. كان بنزل في فيديوهات القيادة ونزل التسجيل دة من بينهم والشباب لقطوهو عشان كدة لو لاحظت كويس بتلقاهو تسجيل شاشة ما ملف صوتي الناس النشروا التسجيل أمس ما جابو سيرة تسريب وإنما كانوا بتكلموا في صفحته عن إنه موش نشرته انت براك؟ بعد دة حذفه ما بنفع كل ما تحذفه بنجيبه ليك راجع

---

Post: #32 Title: Re: يدي اليمين وجعتني Author: أحمد محمد عمر Date: 04-08-2020, 05:58 PM Parent: #31 Quote: سمعنا قالوا طريقة اللعب اتغيرت والملاعب بقت مضاءة لكن ياهو الحال في حالو ضلاام ودافوري وبحليفتنا كمان والللاهي. أنا نهاااائي ما بتستبعد تكون في مباريات مصورة HD التحانيس دي أصلها ما تحانيس أول مباراة :) لكن غايتو لحدي هسة ما عندنا غير التسجيل أبو ضلمة دة :) Quote: هو مالو عاصر يمين لاعبكم دا.. طرف يا ربي.. مااااا دة ذااااااتو المحير بوبي قدر ما حاولنا نتخيل وضع اليد اليمين غلبنا بكون بسف صعوط عشان كدة بركب طرف :)

---

Post: #33 Title: Re: يدي اليمين وجعتني Author: أحمد محمد عمر Date: 04-08-2020, 06:01 PM Parent: #32 Quote: ما قالوا عليك شقي ومجنون غايتو أمس لمن كان بتكلم إنه حاولوا يشتروني ويدفعوا لي مبالغ باهظة ويهددوني وبتاع أنا كنت مييييت من الضحك :) بي قلبي أقول ليه دة حنكك! ياخوي يهددوك يعلقوك في السقف يشتروا ليك برادو بي جازك بي ارحم اليد اليمين

---

Post: #34 Title: Re: يدي اليمين وجعتني Author: Arif Nashed Date: 04-08-2020, 07:05 PM Parent: #33 أحمد الزول دا يا احوص يا اتا إيديك الاتنين يمين.

---

Post: #36 Title: Re: يدي اليمين وجعتني Author: طلحة عبدالله Date: 04-08-2020, 09:36 PM Parent: #34 سلام أحمد عمر والمرور الكرام الله الساتر يا جماعة ومن كان منكم بلا فاولات فليتحسس الحتة العايز يتحسسا خخخخخ أنا ما عارف الناس بتوثق زي الماتشات دي لشنو ؟؟ شنو الفكرة وشنو الهدف بالضبط ؟؟ الاجابة .. غباء وعبط وربما مرض نفسي .

---

Post: #35 Title: Re: يدي اليمين وجعتني Author: muntasir Date: 04-08-2020, 09:34 PM Parent: #32 معناتها خيالك محدود وسع مداركك ياخ

---

Post: #37 Title: Re: يدي اليمين وجعتني Author: الامين موسى البشاري Date: 04-09-2020, 00:38 AM Parent: #35 كنا عايزين نستعمل تقنية الفار عشان نحدد حجم الاصابة ... وهل تستحق الطرد ولا نكتفي بالكرت الاصفر بس .. لكن مع الاسف الكورة كانت مذاعة بس

---

Post: #38 Title: Re: يدي اليمين وجعتني Author: أحمد محمد عمر Date: 04-09-2020, 05:00 AM Parent: #37 Quote: سلام أحمد عمر والمرور الكرام الله الساتر يا جماعة ومن كان منكم بلا فاولات فليتحسس الحتة العايز يتحسسا خخخخخ أنا ما عارف الناس بتوثق زي الماتشات دي لشنو ؟؟ شنو الفكرة وشنو الهدف بالضبط ؟؟ الاجابة .. غباء وعبط وربما مرض نفسي . عارف يا طلحة أنا ما عندي أي مشكلة في ممارسة الجنس بين اتنين راشدين بإرادتهم ولو كان الموضوع دة مصور بالدس كان بتلقاني شايل سيف الخصوصية أجندل بيه أي زول يدين السلوك يقفلوا بابهم عليهم بكامل الحب والتراضي وليهم علي لو جيت بالصدفة وسمعت أصوات أغض السمع وأواصل مشي محترماً خصوصيتهم باختصار: مارست جنس إنت انسان عادي وطبيعي وكفاءة .. صورت ولا سجلت إنت منحرف أي حاجة بتتعمل بدون رضا الطرف الآخر بصنفها مع التحرش والاغتصاب وتصبح عندي جريمة كاملة الأركان وما عندها علاقة بالمعنى السامي للجنس الزول دة من البداية كان بحاول يقعنها بالتصوير وهي رافضة وتسجيله دة كان في الضلام بعد رفضها فتح النور أو توجيه التلفون عليها لحدي الثواني الأخيرة كان ممكن أجازف ليه معاذير واقول شفع بلعبوا لكن عبارته بتاعة (دي أول خطواتك في عالم البورنو) ورتني مدى سوء طويته الزول دة كان ناوي يبتزاها بالتصوير أو حتى يستمتع باللايكات في مواقع البورنو وهو بيعرض جسمها بضاعة مجانية للغاشي والماشي .. كان ناوي ينتهك خصوصية جسمها فانتهكت الأقدار خصوصية تسجيلاته وانتهى كناشط سياسي وإعلامي ياخد ليه راحة سنتين تلاتة ويمسح باقي التسجيلات الفي تلفونه ويجينا راجع تاني عادي .. نحن شعب نساي

---

Post: #39 Title: Re: يدي اليمين وجعتني Author: أحمد محمد عمر Date: 04-09-2020, 05:05 AM Parent: #38 Quote: معناتها خيالك محدود وسع مداركك ياخ ماهو يا إما نصف الصنقيرة بتاعة الحبوبات وهن بشربن في الجبنة ومتكئات على الكوع في السرير يا إما حركة بكري المدينة بعد يجيب قون غير كدة ما شايف أي تحميل على اليد اليمين

---

Post: #40 Title: Re: يدي اليمين وجعتني Author: أحمد محمد عمر Date: 04-09-2020, 05:14 AM Parent: #39 Quote: كنا عايزين نستعمل تقنية الفار عشان نحدد حجم الاصابة ... وهل تستحق الطرد ولا نكتفي بالكرت الاصفر بس .. لكن مع الاسف الكورة كانت مذاعة بس أفو أفو ياااا بشاري !! ماااالك ما حضرت معانا زمن الرشيد بدوي عبيد!! ما كنت بتنطط وتحلف إنك شايف الميدان بالكامل وانت جاري بدواخلك كلها مع عبارة (هو جاري وهم جارين وراهو) ؟ يا زول صرخات النشوة والألم الفي التسجيل دي واااااااضحة عادي بتخشك وتمرقك .. ما بتفتح النور من وراها بل تساسق بين شفقتك وحرقتك

---

Post: #42 Title: Re: يدي اليمين وجعتني Author: عبدالحفيظ ابوسن Date: 04-09-2020, 06:27 AM Parent: #40 غلبني اتصور المشهد دة 😆😆 الا كان قصة الازواج العجايز الراقدين في الحوش 😆😆 اول مرة اعرف انك ممكن تكون جاري بالكورة وشايل كمرتك وبتصور . ما بتجي كدة

---

Post: #41 Title: Re: يدي اليمين وجعتني Author: محمد محمد قاضي Date: 04-09-2020, 06:26 AM Parent: #1 آها في كورة الليلة جاي ول ما جاي؟؟ شايف جماهير الفريق التاني ماشين علي الإستاد تعال إتفرج زينا وكتر من التسالي والقصب غريبة ما في أي أسد أطرش ظهر هنا هههههه

---

Post: #43 Title: Re: يدي اليمين وجعتني Author: أحمد محمد عمر Date: 04-09-2020, 06:46 AM Parent: #41 كيفن ما ظهر أسد اطرش يا قاضي يا زول منتصر جاء كشح اللعب كلو

---

Post: #44 Title: Re: يدي اليمين وجعتني Author: أحمد محمد عمر Date: 04-09-2020, 06:48 AM Parent: #43 أصصصصصلو ما عافي ليك يا اب سن ياخي أنا داخل البورد قلت ألقى أبو سن عامل بوست اسمه بهدوء حول التسجيلات الصوتية واحتل البوست واقعد اتجدع بمزااااج بدون أي مسؤولية وابو سن هو البجيب القهوة ويطايب في الضيوف لكن لقيتك غتيت خليتني فتحت صالوني وبقيت أضيف في الناس

---

Post: #45 Title: Re: يدي اليمين وجعتني Author: أحمد محمد عمر Date: 04-09-2020, 06:52 AM Parent: #44 Quote: اول مرة اعرف انك ممكن تكون جاري بالكورة وشايل كمرتك وبتصور . ما بتجي كدة أيواااااا تلك دة بيت القصيد ذاااااااتو إن بقى همك لعب الكورة والله كلنا بنحب الكورة وبنشجع اللعبة الحلوة لكن بمجرد ما شلت الكاميرا معناها ياخوي انت ماااااا بتاع كورة .. انت عندك قصد تاني :)

---

Post: #49 Title: Re: يدي اليمين وجعتني Author: عبدالحفيظ ابوسن Date: 04-09-2020, 07:05 AM Parent: #44 تصدق كنت نايم كهربتنا قاطعة ! 😆😆 بيضو النية صحيت لقيت البلد مطرانا وترعتها مكسور قعدت ساعة اجري جاي وجاي اشوف المباراة دي غايتو سونبهار كدة توثق وتنشر ما صاح . يا داير تشيع الفاحشة لو كنت براك او تشيعها وتنتهك خصوصية اخر الزول البلقا ليهو كورة مقنطرة بشوتها ما بمشي يفتش ليهو كمرة شوتها وقش كدارتك اووووب سوري وقش خشمك

---

Post: #46 Title: Re: يدي اليمين وجعتني Author: HAIDER ALZAIN Date: 04-09-2020, 06:52 AM Parent: #41 Quote: الزول دة كان ناوي يبتزاها بالتصوير أو حتى يستمتع باللايكات في مواقع البورنو وهو بيعرض جسمها بضاعة مجانية للغاشي والماشي .. كان ناوي ينتهك خصوصية جسمها فانتهكت الأقدار خصوصية تسجيلاته وانتهى كناشط سياسي وإعلامي ياخد ليه راحة سنتين تلاتة ويمسح باقي التسجيلات الفي تلفونه ويجينا راجع تاني عادي .. نحن شعب نساي ما هو يا يجي اسد اطرش ياكلني .. يا بركب راس الشجرة واقع مع القرد أكسر يدي ! وااا حاج عوضااااه :)

---

Post: #47 Title: Re: يدي اليمين وجعتني Author: أحمد محمد عمر Date: 04-09-2020, 06:54 AM Parent: #46 هياااااا حيدر الزين !!! معقولة بس ؟ وش مخلوع خلغة شديدة يا زول العدة كلها اتكشحت وزهير فتح بوست بي هناك وانت لسة برة الشبكة؟ لا لا لا والله معناها انت ليك يومين ما دخلت فيسبوك

---

Post: #48 Title: Re: يدي اليمين وجعتني Author: أحمد محمد عمر Date: 04-09-2020, 06:57 AM Parent: #47 أكتر حاجة مهمماني في البوست دة إنه عاطف عمر لسة ما جاء ردمني ما جاب لي اكوات تناقض ونبزني نبزتين على الطاير وعامل فيها تقدمي وبتاع الخوف يكون متفق معاي! لا لا لا تفها من خشمك لأنه لو بقى كدة معناها أنا في المكان الغلط ومحتاج أعيد قراية الحدث

---

Post: #50 Title: Re: يدي اليمين وجعتني Author: Hafiz Bashir Date: 04-09-2020, 07:27 AM Parent: #48 حيدر الزين يا صديق الأسد الأطرش ياهو أبو حميد دا ذاتو وكشح الموضوع هنا Quote: كان حلمي أطلع لاعب كورة لكن الزمن حازم طلعني ماسورة:) Quote: أكتر حاجة مهمماني في البوست دة إنه عاطف عمر لسة ما جاء ردمني من هسه دي بكلمك أنا في موضوع البوست دا واقف مع عاطف عمر قلباً وقالباً ولو جاء حتتردم على الأقل من إتجاهين

---

Post: #51 Title: Re: يدي اليمين وجعتني Author: محمد البشرى الخضر Date: 04-09-2020, 07:48 AM Parent: #50 يا عربي تمبول عايزك تأكّد لي حتة انو هو النزّل الفيديو في صفحته بالغلط! انت شفته بنفسك ولاّ حدّسوك؟ لأنّو دي حتّة مهمة برضو لكن عموما غض النظر عن كيفيّة تسريب التسجيل, الدرس المستفاد هنا أن ربّنا حتى وانت تعصيه و تخاف عقابه و تنشد الستر فسيسترك و ينتظر توبتك ويغفر لك بإذنه! لكن لمّا تهتك الستر براك و تجاهر و تتخذ من ادوات (التوثيق) للمعصية فأنت هنا تتحدّاه و العياذ بالله, فمن يريد هتك ستر الله لن يناله! _____________________________ كدا بجيب ليك عاطف القنينيط بالمزيكا, ما بقدر يفوّت الموعظة المجانية دي من هاتك استار المغربيات

---

Post: #52 Title: Re: يدي اليمين وجعتني Author: أحمد محمد عمر Date: 04-09-2020, 08:36 AM Parent: #51 عاطف انضرب يا جدعاااااان Quote: عايزك تأكّد لي حتة انو هو النزّل الفيديو في صفحته بالغلط! انت شفته بنفسك ولاّ حدّسوك؟ ما شفت بي نفسي لكن كنت قريب جداً من مكان الحادث وقتها والناس كانت جاية من هناك وبتحكي مشيت صفحته ولقيت البوست اللي عامله عن الإستهداف وتابعته كل الناس كانت بتتكلم في البوست المحذووف عن إنه نزل التسجيل بالغلط ولحدي هسة في صفحته ما لاقاني زول قال إنه الفيديو نزل بواسطة حساب معين أو من شخص تاني أقلاها الاسكرينات الحايمة دي كانت لقطتو هو طبعاً توثيق اللحظات الحميمية في أجهزة مستباحة بالهاكينغ أو حتى الكلاود البعمل باك أب - زي ما حصل لي كاميرون دياز في sex tape - التوثيق دة ما حاجة كويسة مهما كان غرضك لكن أنا مشكلتي الأكبر مع التوثيق هي نيته السيئة في جعل البنت نجمة بورنو ما بقدر أجزم بإنها مغشوشة وبريئة لأنه كان بكرر مناداتها بالعاهرة في كل التسجيلات وهي متصالحة مع المصطلح عادي لكن المحصلة كانت إنه هو الإعلامي المحترم أصبح نجم بورنو والبقول عليها عاهرة طلعت منها عادي

---

Post: #54 Title: Re: يدي اليمين وجعتني Author: أحمد محمد عمر Date: 04-09-2020, 08:39 AM Parent: #52 Quote: أنا في موضوع البوست دا واقف مع عاطف عمر قلباً وقالباً ولو جاء حتتردم على الأقل من إتجاهين والله وبقيت زول يا عاطف المستنير رفيق سلاح معاك بي تحت ومولانا حافظ يؤيدك من فوق هييييع دي ولا كنت بتحلم بيها ذاتو :)

---

Post: #53 Title: Re: يدي اليمين وجعتني Author: HAIDER ALZAIN Date: 04-09-2020, 08:38 AM Parent: #51 أهااااااااااااا هههههههههههههههههههههههه ( الضحكة دي حقت زول خش الاستاد بعد فتح الأبواب ) المهم ... ربنا يستر ويغطي .. لكن للائدة العامة ممكن اضيف انه في وضعية كدة اسمها الدراجة أو العجلة ... عادي بتوجع اليد... :)

---

Post: #58 Title: Re: يدي اليمين وجعتني Author: محمد البشرى الخضر Date: 04-09-2020, 08:49 AM Parent: #53 Quote: لكن كنت قريب جداً من مكان الحادث وقتها والناس كانت جاية من هناك وبتحكي ههههههههههههههههههههههه ياخي دا خيال عجيب, قريب كيف على بعد كم كيلوبايت يعني؟

---

Post: #55 Title: Re: يدي اليمين وجعتني Author: Salah Zubeir Date: 04-09-2020, 08:40 AM Parent: #51 يا احمد ... ما تعمل (فينا) معروف انا وحيدر الزين ومعانا آخرين كتار وتجيب المعروضات نسمعها وتشوف رأينا النهائي ... بصراحة الفيس انا خليتو من زمن طويل لأنو فضيحه ... بذكر كنتا معلق مع الزرافه الهنديه ديبيكا بادوكون شي لايكات وشي قلوب وشي حاجات تانيه حامياني ... المهم جاتني واحده من البنات (اصغرهم) وقالت يا ابوي وضعك صعب لأنو الصهاينه ديل (اخواتا) ومعاهم جنكيزه (امهم) راصدنك وبيضحكو فيك في كل لايك وقلب إنتا بترسلو للهنديه ... دحين شيل البت دي من حسابك ويا دار ما دخلك شر ... وبعد داك اعمل ليك حساب منفصل وسميهو ديبيكا ولكلك زي ما عايز ... يا ابقي جاهز لي تسونامي يجيك من وين ما حا تعرف .... ههههههههه

---

Post: #56 Title: Re: يدي اليمين وجعتني Author: mohmmed said ahmed Date: 04-09-2020, 08:46 AM Parent: #55 بمناسبة البوست دا يا احمد نحكى ليكم طرفة عن اصابات الملاعب زمان منافسة شديدة بين النيل والاهلى اندية الخرطوم مهاجم خطير للاهلى ناطى للكورة مع المرحوم كابتن النيل نجم الدين حسن لا عب الاهلى نزل غمران ومن الملعب للمستشفى تانى يوم نجم الدين بيزورو فى المستشفى ويقو ل ليهو معليش يا كابتن ماهى كورة بيحصل فيها لاعب الاهلى قال لا مافى مشكلة يا كابتن نجم بس عليك الله الحديدة الضربتنى بيها جبتها من وين

---

Post: #57 Title: Re: يدي اليمين وجعتني Author: HAIDER ALZAIN Date: 04-09-2020, 08:49 AM Parent: #55 يا شيخ صلاح الموضوع ساهل يآخ https://www.youtube.com/watch؟v=MLStPwc67rohttps://www.youtube.com/watch؟v=MLStPwc67ro كبر سماعاتك وانصت ..

---

Post: #59 Title: Re: يدي اليمين وجعتني Author: أحمد محمد عمر Date: 04-09-2020, 08:51 AM Parent: #55 ههههههههه لا لا باااااالغت يا ود الزبير قلت لي قبضوك بالثابتة أنا غايتو قاعد اتقبض في الكلام في الدين لكن مفتشين القطر بتاعيني بشمشموا الحائط همهم ما يظهر فيه عطر حريمي .. غير كدة ما عندهم شغلة _______ بالمناسبة حيدر باعك وتركت مثل السيف وحدك

---

Post: #60 Title: Re: يدي اليمين وجعتني Author: أحمد محمد عمر Date: 04-09-2020, 08:54 AM Parent: #59 Quote: لا مافى مشكلة يا كابتن نجم بس عليك الله الحديدة الضربتنى بيها جبتها من وين _______ رسلت المشاركة يا ود الزبير لقيت صاحبك حيدر عزاك بالرابط :)

---

Post: #61 Title: Re: يدي اليمين وجعتني Author: HAIDER ALZAIN Date: 04-09-2020, 08:54 AM Parent: #59 Quote: بالمناسبة حيدر باعك وتركت مثل السيف وحدك أفووووو انا الأسد ... ما شفت الرابط :)

---

Post: #62 Title: Re: يدي اليمين وجعتني Author: عبدالحفيظ ابوسن Date: 04-09-2020, 09:08 AM Parent: #61 الشي دة امكن كورة يد 😆😆 ما كورة كرعين اتعبني ياخ في كم زول سألني يعني شنو برونو وريتهم وطلعوني خبرة 😆😆 قدر ما حاولت اقنعهم ثقافة ساي اتطعمجو فيني

---

Post: #63 Title: Re: يدي اليمين وجعتني Author: Salah Zubeir Date: 04-09-2020, 09:21 AM Parent: #62 Quote: https://www.youtube.com/watch؟v=MLStPwc67rohttps://www.youtube.com/watch؟v=MLStPwc67ro[/QUOTEhttps://www.youtube.com/watch؟v=MLStPwc67rohttps://www.youtube.com/watch؟v=MLStPwc67ro[/QUOTEhttps://www.youtube.com/watch؟v=MLStPwc67rohttps://www.youtube.com/watch؟v=MLStPwc67ro[/QUOTEhttps://www.youtube.com/watch؟v=MLStPwc67roh...v=MLStPwc67ro[/QUOTE] شوف يا حيدر ... ترا الرابط دا يا مخستك يا انا بيع البصل خستك بي معرفتي المعلوماتية الكانت راسخه فيما مضي .... Post: #64 Title: Re: يدي اليمين وجعتني Author: محمد البشرى الخضر Date: 04-09-2020, 03:08 PM Parent: #63 قاليك أهم حاجة يكون عندِك كونسنت, مافي كونسنت اتخارج لينا من هنا Post: #65 Title: Re: يدي اليمين وجعتني Author: احمد عمر محمد Date: 04-09-2020, 04:04 PM Quote: هو النزّل الفيديو في صفحته بالغلط! في فيلم البطل فيه قاتل محترف وبعدين واحدة من الضحايا حقه صورها ونزل الصورة حقها في الفيس في حساب بإسم مستعار وكون القاتل كان قاتل حريف في التخري لمن سالوه كيف تنكر بأنك انت القاتل وانك اتصورت مع القتيلة قبل الجريمة بلحظات وكنت اخر من قابلها والدليل انك منزل صورتها وصورتك في حسابك في الفيس فقام قال للمتحري انا نزلت صورتها معاي كسبا للايكات والشهرة فليس من السهل واحد غلبان زي يلاقي نجمة زي دي يتمنى الناس مقابلتها وافوت الفرصة لباب الشهرة وبالتالي صورتي انا وهي في الفيس ليس ادانة لي بانني القاتل. وبرغم ان القاتل في الفيلم غلبان وحريف وهو من انزل الفيديو طواعيةً ففيما يبدو ان صاحب الفيديو يتشارك نع بطل الفيلم في الطواعية دي برغم شهرته لكنه كان مركزا على امر اخر والدليل قوله مرحبا بك في عالم اللي ميسماش Post: #66 Title: Re: يدي اليمين وجعتني Author: Arif Nashed Date: 04-09-2020, 05:26 PM Parent: #65 سيد اللبن نكروا حطب قال ده ما صوت حمارو. الحل ان يستعان بتقنية التحليل الصوتي. Post: #67 Title: Re: يدي اليمين وجعتني Author: أحمد محمد عمر Date: 04-09-2020, 05:42 PM Parent: #66 Quote: والدليل قوله مرحبا بك في عالم اللي ميسماش تعرف يا ابو حميد ما بنكر إنه فتحت البوست وانا كلي فضول لمعرفة قصة اليد اليمين :) لكن المقتبس الفوق دة كان المراقة بتاعتي الدرقة المتحامي بيها في موضوع الخصوصية وكدة :) عااااارف هادمين اللذات قاعدين ما شايف حافظ بشير شايل بسطونته ولامي في الجماعة خبت Post: #68 Title: Re: يدي اليمين وجعتني Author: أحمد محمد عمر Date: 04-09-2020, 05:49 PM Parent: #67 Quote: سيد اللبن نكروا حطب قال ده ما صوت حمارو وين دة يا عمك؟ أنا قاعد في البحر من أمس حارس الجنازة .. مافي كلام زي دة أعمل حسابك من الماسورة لأنه من أمس لحدي الليلة اتعملن زي 29 حساب فيسبوك بي اسمه Post: #69 Title: Re: يدي اليمين وجعتني Author: أحمد محمد عمر Date: 04-09-2020, 05:54 PM Parent: #68 تعرف يا البشرى فيديو وئام شوقي دة الليلة خلاني أعرف الفرق بين تويتر والفيسبوك ياخي بنات واعيات وفاهمات وكلامهن مضبوط ومحكم ومسؤول وعلمي .. لاحظ إنهن لحدي نهاية الفيديو ما جابن ولا اسم في تويتر واحد بس حاول يتنمر بي رسمة ساخرة ليهن التلاتة وعينك ما تشوف إلا النور .. العالم دي كلها قامت فوقه كان في استنكار غريب لتصرفه والفيديو نفسه تم تداوله على تويتر بإيجابية وكلام عن المحتوى وتقدير للشابات ديل على العككككككس تماماً من الفيسبوك اللي لم ينزل الفيديو في قروب إلا وكانت التعليقات حول النظارات والشعر المنكوش والبنات المسترجلات وما عارف شنو قليلين جداً اللي ناقشوا المحتوى تويتر رغم إنه ميدان مفتوح وفيه شوت ضفاري والألفاظ النابية بتم تداولها عادي ومرات من بنات إلا إنه مستوى الوعي فيه أعلى بي كتيييييير من فيسبوك بل لا مقارنة ذاتو Post: #70 Title: Re: يدي اليمين وجعتني Author: أحمد محمد عمر Date: 04-09-2020, 06:00 PM Parent: #69 Quote: الشي دة امكن كورة يد 😆😆 يا النبي نوح بعد السمعة دي كلها إن طلع بتاع يدين ساي الرمادة في خشمو Post: #71 Title: Re: يدي اليمين وجعتني Author: أحمد محمد عمر Date: 04-09-2020, 06:01 PM Parent: #70 يا اخوانا كان شفتو حافظ بشير ماري بي شارع البوست أقروا ليه وجعلنا من بين أيديهم سداً ومن خلفهم سداً فأغشيناهم فهم لا يبصرون :) Post: #75 Title: Re: يدي اليمين وجعتني Author: احمد عمر محمد Date: 04-09-2020, 06:27 PM Parent: #71 حاجة غريبة البنات دافعوا عن الحالة بانها عادية اذا في كونسنت ولا تنسيق بين الطرفين حسب قول ايمان لكن في نفس الوقت المتحدثة الاولى قالت استخدم معاها كلمات والفاظ غير مقبولة وهي مشت ليهو وهل في اذلال اكتر من المشي على جسد المرحوم فنراه امر عاديا وننفر من الكلمات التي لا تقتل Post: #72 Title: Re: يدي اليمين وجعتني Author: Arif Nashed Date: 04-09-2020, 06:08 PM Parent: #70 Quote: وين دة يا عمك؟ أنا قاعد في البحر من أمس حارس الجنازة .. مافي كلام زي دة أعمل حسابك من الماسورة لأنه من أمس لحدي الليلة اتعملن زي 29 حساب فيسبوك بي اسمه صحصح معانا ياااااخ. الجوكي لابد. تلوشي يا حلوة يا بطة قال ده ما صوته. Post: #73 Title: Re: يدي اليمين وجعتني Author: أحمد محمد عمر Date: 04-09-2020, 06:14 PM Parent: #72 ما صوتها فعلاً ولا بيجي بي جمبه ذاتو الناس بس استغلت موضوع الصور المشتركة ولصقت فيها التهمة Post: #74 Title: Re: يدي اليمين وجعتني Author: muntasir Date: 04-09-2020, 06:22 PM Parent: #73 الفيس أبطاله ناس حسنين شنكل وغريبة ما بياكلوا عيش في التويتر😂🏃🏽‍♂️🏃🏽‍♂️ ياخ لا صوتها لما سرى ولا حاجة الناس حاسداها في سماحتها ومافي داعي الناس تسك البت منو لانه ما بيخدم اي حاجة الناس لو دايرة تردم يردمو العنتيل وآخر قولي اللهم أحفظ ولدنا الأصم ولا تفجعنا فيه Post: #76 Title: Re: يدي اليمين وجعتني Author: أحمد محمد عمر Date: 04-09-2020, 06:36 PM Parent: #74 لا لا يا عمك ياخ ما تبالغ الأصم زول سياسي ومسك ملفات حساسة ومفاوضات على مستوى رؤساء دول ما بقع في جنس دة بقعوا فيه الوهم الساقوهم تركيا ديل انتو ما ملاحظين إنه جماعة تركيا كلهم مواسير! Post: #77 Title: Re: يدي اليمين وجعتني Author: أحمد محمد عمر Date: 04-09-2020, 06:45 PM Parent: #76 Quote: حاجة غريبة البنات دافعوا عن الحالة بانها عادية اذا في كونسنت ولا تنسيق بين الطرفين حسب قول ايمان لكن في نفس الوقت المتحدثة الاولى قالت استخدم معاها كلمات والفاظ غير مقبولة وهي مشت ليهو وهل في اذلال اكتر من المشي على جسد المرحوم فنراه امر عاديا وننفر من الكلمات التي لا تقتل يا أحمد أنا كلامهم دة ذاتو قلتو فوق قبل اسمعهم دة رأيي من زمان أيوة الجنس حاجة عادية للراشدين بالرضا والموافقة في ناس بتفرق معاهم الفاتورة وناس لأ بالنسبة لي أنا أيما شخص قفل عليه باب اوضته ولم يجاهر بالجنس فهو عندي حر فيما يفعله لما بنت ترضى تواقعك دة ما بيعني إنها عاهرة وإذا دة حكمك فالمفروض تقتنع بي إنك انت ذاتك عاهر مافي سبب بخليكم تعملوا نفس الفعل وتقوموا من السرير هي عاهرة وانت الشفت الممسح بالزفت لا لا الاتنين في نفس الفتيل عشان كدة هي ما مفروض تقبل بالمناداة دي إذا هم الاتنين اتفقوا على التسجيل وجعلوهو حاجة خاصة بيهم مافي مشكلة ولا تعدي ودة الكونسينت المقصود والمطلوب أخيراً ممارسة الجنس ما إذلال وإنما متعة سامية تتم بكامل الحب وممارس الجنس ما مرحوم بل بعيش أجمل حياة Post: #79 Title: Re: يدي اليمين وجعتني Author: أيمن نواى على Date: 04-09-2020, 07:15 PM Parent: #73 بعد ما اتغدا بيهو .. مشى الشرق يقلبها باكورت .. و جكسا فى خط ستة .. خت الكورة واطة باصات ارضية .. ناس انطح و اكسح ديل ناس السنتر ليك متعودين على الاعتزار .. انحنا ناس غانا الماسكين هوانا .. و الخيانة ما معانا .. ضربة الجزء تسبب الازاء .. الكورة مقنطرة يمكن تشوتها بى رجل واحدة ما بى رجلينك الاثنين .. واعمل حسابك من رجلك التالتة القصيرة ما تشوت بيها 😍😍😍 Post: #78 Title: Re: يدي اليمين وجعتني Author: جمال ود القوز Date: 04-09-2020, 07:14 PM اللهم لا تعولقنا لا تفضحنا ... لا يجينا وجع يدين لا وجع ركب .. حتى نقابل وجه كريم ... البنات الجابن ود البشرى ديل قال ليك المهم الكونسنت يعني كان الكونسنت معاك قشة ما تعتر ليك .. الشغل ده فنياتو كترت .. وشكلنا كده ماشين على مرحلة تقنين(الاسمي ده) .. المهم يكون (مفتاحك) معاك أقصد كونسنتك معاكـ .. وع .. ــــــــــــــــــــــــــــــــــــــــــــــــــــــــــــــــــــــــ ده مستنقع شنو النحن خايضين فيهو ده .. يا جماعة الموافقني منو بأنه اعتصام القيادة كان أساس لي مرحلة ذات اتجاهات متعددة أرست مفاهيم جديدة وأبطال جدد اتسيدوا ساحات متعددة .. صحيح بينا وبين الأجيال دي جيلين .. لكن هناك تسارع مبالغة ورتم سريع ومربك .. ربما حتساهم المفاهيم السياسية في بلورة واقع اجتماعي مختلف أو فلنقل يحدث انفصام بين واقع قديم وواقع جديد جاي أو جاء أولردي طبعا خشيت ومرقت مرتين تلاتة أيام الاعتصام وشفت وسمعت ما جعلني أقول كلام زي ده .. أو أبدي ملاحظة زي دي .. المهم الموافقني يرقع إيدو ... المهم ... الجايينا قريب ما ساهل فأخير نتسولب من دغشا بدري .. Post: #80 Title: Re: يدي اليمين وجعتني Author: جمال ود القوز Date: 04-09-2020, 07:33 PM Parent: #78 Quote: سيد اللبن نكروا حطب قال ده ما صوت حمارو. جهجهاتا باكات المعلم .. مشى كاس لبن تاني ....... خخخخخ .. أيام الكلية كان عندي صاحبي أول مايلقاني يقعد يتلفت يقول لي ذوات الثدي وين ياعمك ؟ .. انت مكان ما فيهو لبن مابتقعد فيهو دقيقة .. المهم الآكسنت بعيد ومختلف شديد ده آكسنت (محلي) قح .. لولا براءة لكن العنتيل ماف ليهو مخارجة لازم يتردم ولو من باب الحسادة .. لانه (أمورو واضحة ) شديد .. Post: #81 Title: Re: يدي اليمين وجعتني Author: جمال ود القوز Date: 04-09-2020, 07:38 PM Parent: #80 Quote: بعد السمعة دي كلها إن طلع بتاع يدين ساي الرمادة في خشمو ماف كلام زي ده خالص ... إنت يا أبو حميد الشغلة دي كانت في الضُلمة أوديو بس .. وين الاسمى ده .... خخخخ Post: #82 Title: Re: يدي اليمين وجعتني Author: muntasir Date: 04-09-2020, 07:45 PM Parent: #81 عليك الله شوف ودالقوز الزول راسو واجعو تربطو لو كراعه يقول ليك ايدو اليمين واجعاهو تقول الموافق يرفع يدو اللهم لا تمحنا ولا تبلينا Post: #83 Title: Re: يدي اليمين وجعتني Author: جمال ود القوز Date: 04-09-2020, 07:47 PM Parent: #81 أخير ارجع لي Motherless Brooklyn إدوارد نورتون طالما ماف حاجة تتشاف .. اليوم للمرة التالتة حضرت فلمك يا ابوحميد بتاع ...Everybody had you figured for a cop,You walk like a cop, you fight like a cop,you even smell like a f**king cop. Post: #85 Title: Re: يدي اليمين وجعتني Author: جمال ود القوز Date: 04-09-2020, 07:52 PM Parent: #83 Quote: عليك الله شوف ودالقوز الزول راسو واجعو تربطو لو كراعه يقول ليك ايدو اليمين واجعاهو تقول الموافق يرفع يدو اللهم لا تمحنا ولا تبلينا ههههههههه الواجعاهو يدو يرفع ......... ويربطوا ليهو مكان الوجعة ... زي نكتة صاحبك بتاع البنطلون داك .. خخخخ Post: #84 Title: Re: يدي اليمين وجعتني Author: Arif Nashed Date: 04-09-2020, 07:50 PM Parent: #81 Quote: جهجهاتا باكات المعلم .. مشى كاس لبن تاني ....... خخخخخ .. يجازي محنك يا ود القوز. ياخي المعلم ما عارفوا جلاها كيف😂 Post: #86 Title: Re: يدي اليمين وجعتني Author: الامين موسى البشاري Date: 04-10-2020, 00:03 AM Parent: #84 when something goes wrong, blame the black guy Quote: ماهو يا إما نصف الصنقيرة بتاعة الحبوبات وهن بشربن في الجبنة ومتكئات على الكوع في السرير يا إما حركة بكري المدينة بعد يجيب قون غير كدة ما شايف أي تحميل على اليد اليمين كورتك شكلها فكت يا معلم :) الفرنسيين عندهم استايل كدا برضو بوجع اليدين الاثنين بس انا المحيرني اشمعنى يدك اليمين بالتحديد الوجعتك .. .. خروج: زمان كان معانا مهاجم حريف ولعاب .. ولكن مع الاسف خواف المدافعين كانوا بستغلوا الحتة دي شديد يوم لاعبين مع فريق من حلة تانية وكنا مغلوبين 1-2 لغاية الدقيقة 85 المهم في اخر الدقائق جدعو للمهاجم حقنا باص خلاهو هو والقون انفراد تام مع الحارس فريق الحلة التانية عندهم سيردباك عاتي وجهامة ومع انفراد المهاجم حقنا قام ساكيهو ليك من ورا المهاجم حقنا ما خواف قعد يرجف .. ساب الكورة وضيع علينا فرصة التعادل المهم نهاية الكورة الكوتش سأل المهاجم حقنا: يا زول مالك خليت الكورة وضيعته علينا التعادل؟ المهاجم: والله يا كوتش حسيت بالسيرد باك حقهم جاري وراي وكنته بسمع في صوت (حاجات) من وراي بعملن (لط لط .. لط لط) اللهم احفظنا واحفظ الجميع من الكورونا Post: #87 Title: Re: يدي اليمين وجعتني Author: أحمد محمد عمر Date: 04-10-2020, 10:26 AM Parent: #86 ماهو يا البشاري نحن مشكلتنا في إنها يد واحدة أي سيناريو جمباوي بتكون فيه اليد مرتاحة شغالة سنادة مخدة عادي لكن يد واحدة في الهواء لمن توجع دي داير اكروبات عديل كدة زمان المريخ سجل محترف عراقي حليو كدة اسمه علاء الزهرة لو متذكر أها الشافع سنة ما كملها رجع العراق وحلف يمين ما يجدد التعاقد لمن عصروهو قال بصراحة اللاعبين السودانيين ديل في الميدان بعملوا حاجات ما عندها علاقة بالكورة Post: #88 Title: Re: يدي اليمين وجعتني Author: أحمد محمد عمر Date: 04-10-2020, 10:30 AM Parent: #87 Quote: الكورة مقنطرة يمكن تشوتها بى رجل واحدة ما بى رجلينك الاثنين .. واعمل حسابك من رجلك التالتة القصيرة ما تشوت بيها ماهي دي مشكلة الكور المذاعة يا نواي انت بتسمع كو كررو وبيجاي لأ وتعال بي هنا .. وبتتمها خيال لكن دة لخبط لينا الثقافة الفي راسنا كلها ما فرزناها قلبتها من عدلتها Post: #89 Title: Re: يدي اليمين وجعتني Author: أحمد محمد عمر Date: 04-10-2020, 10:47 AM Parent: #88 Quote: شكلنا كده ماشين على مرحلة تقنين(الاسمي ده) .. المهم يكون (مفتاحك) معاك ونان انت قايل شنو القسيمة ذاتها ماا شكل من اشكال الكونسينت بس انت وسع المنظور شوية :) في مجموعة قصصية لي علي المك قريتها زمان شديد ما متذكر اسمها البطل ساكن في بيت عزابة نايم في الحوش يسمع ليك صوت الشغل بالحيطة بتذكر إنه عاش نفس الدور لما مشى لي بيت دعارة فالحاجة الوصل ليها إنه (الزواج دعارة محمية بالقانون) مرة زمان راكب حافلة سفرية .. حافلة ما بص .. أنا راكب يمين في المقعد البراهو وقدامي في المقعد الدبل راكبين عرسان الريحة ما مشكلة حاجة صعب التحكم فيها وعاذرينها لكن عرسان الهنا ديل من اتحركنا لحدي ما وصلنا ما اتبادلوا ولا نص كلمة .. الاتنين تجم وبدل يتونسوا ويضحكوا زي أي عرسان لذاذ ونحن نفرح بيهم اختاروا الطريقة الأسوأ للتعبير عن سعادتهم العروس نايمة في كتفه وهو حاويها بي يدو وشغال يهبش في كتفها ونهاية يدها وشعرها وخدها ورقبتها واحنا قاعدين واحنا اتخضينا بقى ياخي كسر لينا رقابنا الحافلة كلها مقبلة منهم كدة عشان ياخدوا راحتهم وانا ومعاي الشباب نقبل منهم شوية ونرجع نسرق النظر تاني غايتو الولد القاعد جمبي في مقعد النص اتضايق جنس ضيق واتململ جنس ململة :) قطع شك بكون عملها أها لمن ارجع أفكر في الموقف دة بلقى إنه عريس الهنا دة بي قسيمته والحنة الظاهرة على آخره وكل المسوغات القانونية اتحرش بالحافلة كلها أيوة طلع ميتينا كلنا والله ولا راعى لي وجود نسوان ولا لينا نحن الشباب العزابة ديل ولا لي بنطلون الولد الجمبي لو خيرتني أيهما أفضل أخلاقاً الما عندو فاتورة وقافل عليه غرفته ولا أبو فاتورة ومطلوق في السهلة بقول ليك ياريت كل الناس تكون زي أبو من غير فاتورة المستور دة Post: #90 Title: Re: يدي اليمين وجعتني Author: أحمد محمد عمر Date: 04-10-2020, 10:51 AM Parent: #89 Quote: انت مكان ما فيهو لبن مابتقعد فيهو دقيقة بركة اللقيت لي رفيق الناس دي هنا كلها بتاعة خلفيات Post: #91 Title: Re: يدي اليمين وجعتني Author: أحمد محمد عمر Date: 04-10-2020, 10:53 AM Parent: #90 Quote: ليك ايدو اليمين واجعاهو تقول الموافق يرفع يدو علي الحلال عملت جنس اكروبات عشان اكتشف من أين أتى هؤلاء ! وبرضو ما عرفت :) Post: #92 Title: Re: يدي اليمين وجعتني Author: أحمد محمد عمر Date: 04-10-2020, 10:55 AM Parent: #91 Quote: Motherless Brooklyn غايتو بس الممتع فيه تمثيل بروس ويليس رغم إنها كلها 5 مشاهد ويمكن ما تامة 3 دقايق بس بتوريك إنه الكبير كبير والكاريزما من الله Post: #93 Title: Re: يدي اليمين وجعتني Author: عبدالمنعم الطيب حسن Date: 04-10-2020, 08:22 PM Parent: #92 لا حولااااااااا يا (محمد عمر) يا زول دا امتع بوست انا غايتو استمتعتا بالبوست دا اكترمن خارم بارم دا طبعا مشيت فتشت للتسجيل ولقيت غزل المشاهير يُقرا خلوتهم لقيتو فظ ومسيخ ومباشر غايتو احتياطيا كدة يخس يخس بعدين اللحظات دي فيها كلام زي دا طيب هو عاوز يفضحها ليه ماهي موافقة ومخلصة لحدت ما يدها اليمين توجعا واضح انو وراهو هدف بائخ الزول دا كعب غايتو

---