لا فورلامي ما متل ده المحبة لتشاد

11:55 AM April, 06 2020

سودانيز اون لاين
muntasir-
مكتبتى
رابط مختصر

أزرق كمون كان طريتا أنا ما بنوم ، زول يبرنا بالغنية حتى لو عثمان موسى

لامي فورتين أوريكو كلام قلبي أنا ما عندي لارچان💵 انا لو عندي لارچان نمشوا نشيلو دونير👗المتر بي فيم سانك5000

نشكا🧵ب2000

Quote: زول يبرنا بالغنية حتى لو عثمان موسى

يأخ عمك عثمان موسى ما قادر يبر بوستاته يقومم يبرك إتا ده ..
يلا انت كمان وبما إنك راجل موسوعي حتقوم تبرنا بي شرح لـ (نشُكا بي ألفين دي ) ...
فلو ما لحقتني بالشرح بقوم بشرح لي نفسي براي وانت مسؤول .. خخخخ
(طبعن بهظر معاك ماتقوم تفهمني صاح كمان ) ..
ولا أقول ليك طالما ذكرتك الأغنية دي بي تشاد وحسب (مايطلبه المستمعون )
تقوم تشرحا كلها بي فرنساويها ذاتو ..
وانتبه ها ..
(جوس وي باغلي فغنسي كومسي كومسا) ..
وحاعرف لو سطّحت بي ..
وكمان .. آي أنداندي بنجري ..
تيك كير ها ...


ــــــــــــــــــــــــــــــــــــــ

جنابو محمد الحسن حمدنا الله يأخ إتا زول حكّاي جدا ...
إتا كيف بقيت بوليس ..
ياجماعة البواليس مايزعلو مني ..
أنا ذاتي قدمت لكلية الشرطة وبراي أبيت بعدما خلاص قربت ابقى ضابط شرطة ..
ليه ما عارف ...
إتا يا منص دحين ما كنت كُمندان قبل ده ..
ولا أنا عيوني كعبات ..
المهم .....
التحية لكل (إريرات) المنبر واحترامنا ليهم جميعا ..

يا سلام يا منتصر دي أغنية أثيرة إلي نفسي ولأني زرت تشاد أكثر من مرة كان للأغنية وقع خاص ليت أحد الإخوة الملمين باللغة الفرنسية قام بترجمة الكلمات الفرنسية في الأغنية طبعاً التشاديين كأهل دارفور يقولون ما مِسِل دا تسلم

Quote: ليت أحد الإخوة الملمين باللغة الفرنسية قام بترجمة الكلمات الفرنسية في الأغنية

هاك الشرح يا ود الحسن منتصر ده مافاضي لينا .. ههههه
كان عنده تعديل وتصويب اليجي بعدين يسويهو
ــــــــــــــــــــــــــــــــــــــــــــــــــــــــــــــــــــــــــــ

شجعان واستشهدوا رابح وقورنق وكل الشهداء
ولا لا فورلامي (انجمينا) ما مثل ده
لأمي فورتين (سكان انجمينا)
أوريكو كلام قلبي قلتا ما عندي لارجان (قروش)
انا كان عندي لارجان نمشي نشيلو دونير (فستان سهرة)
المتر بفين سينق (خمسة الف ريال تشادي)
نشكا (نخيطو) بالفين
ناس فورلامي نقول ليكو كلامي قلتا ماعندي مونيه (قروش)
انا كان عندي مونيه نمشي نشيلو فوتو (صورة)
ندقا فوقا تامبون (ختم البريد)
ننفاي بار أفيون (نرسل بالطيارة) للبريدا دهب جمرو
ازرق كمون كان طريتا انا ما بنوم
دي الخضره الليمون كان طريتا انا بنوم
ام قلبا حنون كان طريتا انا ما بنوم
البتعرف الأصول كان طريتا انا ما بنوم
البيض السنون القاريه الدستور البتعرف الاصول
البتعز الرسول لالي (تحية) للخضرة الليمون اختنا...
دي ام قلبا حنون لأمي فورتين انتو وين ناس فورلامي انتو وين
هيي انتو فرحانين اليوم انا زعلان
مية سنة تمام ما مشينا لقدام جفانا الزمان
الناس وصلوا القمر انحنا رجعنا لورا
قولوا المصطفى شبابنا قولوا المصطفى ده
نجوم الصباح خاتم الصلاه لالي القمر ضوا
اخونا الجنرال مصطفى جي
بوكو فوياجيه جيه بوكو رقارديه (سافرت كتير وشفته كتير)
ميه جي ني با تروفيه كوم لا فام تشاديين
(لكن ما شفت زي المرأة التشادية)
ادكاسيون باترنيل (تربية ابوية)
اورينتاسيون ماترنيل)(توجيه من الام)
هيميلتيه ناتيريل (تواضع طبيعي)
فيديل ايه سولدير (مخلصة ومتضامنة)
فيرتيه ايه بونيير (عزة وسعادة)
برافو ماسير تشاديين (التحية لاختي التشاديه)
لالاي لآدم تايير (الترزي) اخونا البعرف الموديل

ـــــــــــــــــــــــــــــــــــــــــــــــــــــــــــــــــــــــــــــــــــ

لكين نشكا بي الفين ما بعيدة من الجات في راسي

قلت ليك ..
في اخونا تشادي بي غادي راشينا هواده ساي ..
زول هبشو ولا شاغلو ماف ..
قال ليك نحن ما حديقة خلفية للسودان ..
والتغيير لا يأتي من أزقة أم درمان وما عارف شنو ...
المهم شكلو هاجت عليهو المشاعر الوطنية ..
فقال يرش بيها السودان ..
فرشنا في صمة خشومنا ...
انت السودانين مش برضو بقولوا ليك نحن ما حديقة خلفية لاولاد بمبا ..
وما عارف شنو كلام زي ده يعني
أها هسه جاتك حديقتك الخلفية ترد ليك الصاع وترشك ..
فاركز يأخ واحتسب ......

سيد محمد لإنجمينا وتشاد في قلبي معزة ولشعبها الطيب شكراً لمرورك

النهود الجميلة لي معها ذكريات أثيرة وحبيبة إلى النفس كتبت عنها في هذا السودانيز مرارا،
كانت إذاعة انجمينا أقرب إلينا ، من حيث الصفاء، من إذاعة أمدرمان ، أمدر المقدسة حفظها المولى ورعاها،
كانت إذاعة انجمينا مصدرا للأغنيات حين تعز الأشرطه والبطاريات والريكوردرات التي أرهقت بها جيب الوالد
وقتها لأني كنت لا أنام إلا والراديو يعمل بجواري ، وكنت من المداومين على برنامج ما يطلبه المستمعين
وكنت مبسوط من اللغه الدارجه التي يستخدمها مقدمو البرامج وكان من الطبيعي أن تسمع مثلا:
منتصر من أبشي يهدي لمحمد المرتضى بمناسبة زواج صاحبو جمال القوز في أوزو الغنية بتاعت حمد الريح ما قوقن جنياتو.
لكن غنيتك دي يطرشني.

مشكور يا ود القوز ، انا قضيت جزء من حياتي في فورت لامي وعندما انقلب فيلكس مالوم على تمبلباي أصبحت إنجمينا ودرست فيها حتى خامسة إبتدائي في مدرسة الصداقة السودانية التشادية( مدرسة نميري) وحتى الحرب الأهلية الأولى التي انتهت بدخول جوكوني عويدي وحسين هبري معاً لانجمينا ولي بها اجمل الذكريات ولشعبها الجميل

سلامات أخونا الفنان منتصر
سالت أخ تشادي درس في جامعة الملك سعود في السعودية
ومهتم بالغناء .
الزول اتكيف شديد للسيرة دي . وقام
قال لي : الأغنية تتكلم عن حسناء متمدنة من بنات فورت لا مي شارع القبة
والرجل العاشق صاحب الأغنية من بدوان الصحراء في تشاد .

أما بخصوص نشكا بألفين انت جبتها صاح لكن نسيت البيت البعدو جيبوا لي أدم تايير(الخياط) البعرف الموديل . بخصوص صاحبك التشادي صحيح كل الانقلابات في تشاد من حسين هبري وحتى ادريس دبي كان للحكومة بتاعتنا دخل فيها

سلام مرتضى أذاعة أنجمينا كان بها من الطرائف الكثير الي مرحلة متأخرة كانت وسيلة الإعلام الوحيدة حيث لم يكن يوجد إرسال تلفزيوني أما الغنية فهي جديدة نوعاً ما وفعلاً حمد الريح ووردي والبلابل كان ليهم وجود شديد في تشاد

سلام ود موسى العاشق غالباً يكون من عرب السلامات، تشاد فيها تنوع في القبائل من السارا جنوباً وحتى الفزان شمالاً وقرعان وبديات ، لكن النجاض الجدجد ما قبيلة ولكن ( المتيس) كما كان يطلق عليهم وهم خليط بين الفرنسيين وغالباً السارا ملالات نار حمرا😂

سلام جمال أما بخصوص سؤالك بخصوص الشرطة نعم لكن ما قدر سيد محمد وراهو بي دفعاااااااااات ونص السطرين بتاعت الطعمية دي من قعدات الميزات حياها الغمام😂😂

Quote: بمناسبة زواج صاحبو جمال القوز

من بٌقك لباب السما يا مولانا ..
الحالة الكرونية دي جابت هيّجت علينا أحلام عرس الزين من جديد ..



تسلم كتير ....

Quote: مشكور يا ود القوز ، انا قضيت جزء من حياتي في فورت لامي وعندما انقلب فيلكس مالوم على تمبلباي أصبحت إنجمينا ودرست فيها حتى خامسة إبتدائي في مدرسة الصداقة السودانية التشادية( مدرسة نميري) وحتى الحرب الأهلية الأولى التي انتهت بدخول جوكوني عويدي وحسين هبري معاً لانجمينا ولي بها اجمل الذكريات ولشعبها الجميل

روعة يأخ ..
كونك تكون عندك الخلفية القوية دي عن تشاد ..
ليتك يوم تكون رايق تكتب ذكرياتك بتلك الديار ..

قلت لي بي ..

Quote: دفعاااااااااات

هههههههههههه عاد لي وين ماش ..
كدي النعد الالفات حقاتك ديل ..( النص خلو ما بحوق ) .. خخخ
ما تكون قاصد كل ألف بي سنة .. ههههه ..
تقوم توصّل حبيبنا ود الحسن ده للعصر الحجري ..
ودعمتي كان معاي بقى كمندان ..
هسه كلما يلاقيني يقول لي يا دين تعال هنا .
جيب قروش نحن مفلسين ..

بس أوعك تقول لي الكوز الزكانا كان منو ..
ـــــــــــــــــــــــــــــــــــــــــــــــــ

سطرين نصاح هن لكين ..
بينجضن نجاض قبورة .. خخخخخخخ

سرد ممتع واصل يا منتصر

تسلم محمد لو كنا تمددنا شرقاً وغرباً وجنوباً لعرفنا محبة هذه الشعوب لنا ولكنا تمددنا شمالاً فأصبحنا نغني بلسان ونصلي بلسان كما قال الراحل محمد عبدالحي