وزير المالية يصطاد في الماء العكر

10:09 PM April, 01 2020

سودانيز اون لاين
عبدالحفيظ ابوسن-no where
مكتبتى
رابط مختصر

رفع الدعم مؤقتا لتوفير المال لمجابهة كورونا
يثابر مثابرة حثيثة ليرفع الدعم
يرفعوك ألهي ومولاي كاضم بي كورونا

ليه كده يا عبدالحفيظ 😩😩

حبابك اخلاص
في ارتفاع مجنون في الاسعار بشكل عبثي . وفي ازمات في اهم السلع وضرورتها للبيوت
والناس تزداد.عجزا مع فقرها
يقوم يجي سيادتو يرفع الدعم 😠 هي كانت ناقصة ؟
زي ما قال المثل

جوة البير ووقع فيها الفيل

سلام

اعتقد ان رفع الدعم جزئي : وللمحروقات تحديدا . الناس تتحمل شويه ، نشوف الجاي شنو .

ولا كيف ؟


تحياتي ،،،

الكيزان فكوا جدادم من جديد بعد اضانة بردت الماسكين السوق الكيزان مش الحكومة الانتقالية
كاااااااااااا
مهما فعلتم الحكومة الانتقالية ماضية يا اعداء الله والوطن وانفسكم أوعى تبيعوا الموية فى حارة
السقايين يا وداب سن لن تجد اذن صاغية لأن أمرك انكشف منذ زمن بعيد فلا والف لا لعودة
الكيزان فعاسوا فسادا ثلاثون عاما وهزموا بقوة الله والشعب

يا كاروري هو ماقال جزئيا قال مؤقتا
ثم ثانيا لم يفعل شيئا في حل ضائقة المواطن
والكلام القالوهو اول ما استلمو ما طبقو فيهو بند واحد وشغالين بنفس سياسة الانقاذ
ماقلنا يطبقو فورا لكن ما ختو حتي ساس ليهو
وزي ماقلت سابقا لم يزورو ولا منطقة انتاج واحدة عشان يعرفو مشاكلها وقضوها كلها سفر برة السودان
رغم الكورونا والمحاذير وزيرنا سافر مصر !!؟

تعرف يا صديق انا كسوداني ممكن يعفي دية ولدو الوحيد . ولكن ممكن يكتل لو حقرت بيهو بنظرة
وقفت نفسي من الرد عليك سابقا ولكنك جيت كمومس غادرها الزبائن تطلب ودي بمداخلات لينة وناعمة كثعبان ارقط . لم يفت علي ذلك
وتداخلت معك
ولكن كما يقولون المخنث والعاهرة واللص لن يتوب فلا تصدقه
انت قذر
بل اقذر من جامح خيالي
لذا لن ارد عليك منذ اليوم
وهذه المداخلة ارجو ان تعيد قراءتها كلما اشتدت بك حالة شبق وتقزز الناس من اشباعها لك

لو في سبب يزعل من الحاصل ال بزعل
ترامب وأمريكا ال ما عاوزين يرفعوا
الحظر .

ركز يا حفيظ
أنت تطلق النار في الاتجاه الخاطئ

الأمريكان يوحون لنا بانهم حاميين حمي حمدوك
ويزيدون في الضغط ، وتزداد الشقة بين الشعب
وحكامة ، الأمريكان اثبتوا انهم أعداء .

يا اخلاص امريكان شنو
نحن في تولاه
اليتيم مابوصوه علي البكا
تعبنا جدا

Quote: ماقال جزئيا قال مؤقتا ثم ثانيا لم يفعل شيئا في حل ضائقة المواطن والكلام القالوهو اول ما استلمو ما طبقو فيهو بند واحد وشغالين بنفس سياسة الانقاذ ماقلنا يطبقو فورا لكن ما ختو حتي ساس ليهو وزي ماقلت سابقا لم يزورو ولا منطقة انتاج واحدة عشان يعرفو مشاكلها وقضوها كلها سفر برة السودان رغم الكورونا والمحاذير وزيرنا سافر مصر !!؟

يعني نفس الشئ .
الرجل هو وزير المالية ، ومن المؤكد اطلاعه علي كثير من الامور الخافيه علينا ، وانا معك المخرجات التي تمت بعد تشكيل الحكومة الانتقالية ، لاترضي طموحات الكثيرين ، وعلينا ان نساهم معهم في اخراج البلاد من الورطة التي ورطتنا فيها الكيزان ، بالصبر والتوجيه السليم ، ولفت انظارهم لاي قصور ، وتقاعس في تنفيذ القرارات التي تمس المواطن .
اما كثرة السفر خارجيا ، فعلا كان مطلوب منهم ذلك لتوفير ارضية ملائمة للاصلاح الداخلي ، ولا يحدث ذلك الا بعد حلحلة : ( عقوبات دولية / مشاكل اقليمية مع دول الجوار ووو الكثير من الخطوات التي تسبق دائما وجود استقرار ، ومن ثم الخروج من الازمة ) .
لا اعلم سفره لمصر ، وكيف تمكن من ذلك ؟


تحياتي ،،،

سافر مع حميدتي حسب الاخبار
يا كاروري دة موظف بنك دولي ما بعرف غير روشتة البنك

الاخ عبد الحفيظ تحية طيبة . .
الما قادر افهمو هو وينو الدعم ده اذا كان السوق كلو مولع نار . .

الدعم دة حنك ساي عمر
تتحكم الرأسمالية الطفيلية بالسوق
يدعمها وزير المالية والتجارة بالعجز او التآمر او الاثنان معا

https://sudaneseonline.com/board/510/msg/%d9%87%d9%84-%d9%84%d9%88%d8%b2%d9%8a%d8%b1-%d8%a7%d9%84%d9%85%d8%a7%d9%84%d9%8a%d8%a9-%d8%a7%d9%84...8%9f-1585678783.html

للدعم والمساندة

أبو الحسن بن صدر
يا حفيظ امس سمعت تسجيل صوتي لميمونة
البكري أبو حراز ، اتذكرت أبو الحسن بن صدر .

حمدوك والبدوي كانوا اخر امل لطريق اخر.

وسيلجأ من بالداخل للحسم الثوري فقد فشل
الأمريكان مرة اخري وسيعض الكيزان أصابع الندم

يا ود أب سن
تحياتي
ربما يكون الحل الناجع في رفع الدعم حتى لو مؤقتاً
اقولك مبالغة: في ناس بقوا عايشين على الصفوف ولامن الصفوف تختفي بزهجوا وينقنقوا تتخيل ؟؟؟
الشي التاني: ناس المعارض قالوا برسلو الجوكية بي العربات الواقفة عندهم .. يعبوها كل يوم بنزين ويجوا يحلبوها يبيعوها

الداير اقولو إنو نحن جزء من المشكلة والأزمات دي من صنع ايدينا ..
مش جزء بس نحن أمها وأبوها

اختشى
وعندما تكون صادق مع نفسك يا اخونا فى الله عبدالحفيظ أكتب لكن اتركك تضلل الناس فانت كوز مضر
والشعب طردك طردت كلب أوعى تانى تكتبت بوست هنا دا مكان الشرفاء وليس مكان ضعفاء النفوس
اطلع من المنبر تطلع روحك لذا يجب عليك ان تتذكر بوستاتك الانصرافية قبل الثورة واثناء الثورة واسع
جايى تعمل فيها بطل يا هطلة

لكن صديق دا ردمتو ردمة كعبة خلاس

غايتو يا صديق بس ذكرتني ود الباوقة زمان .. هو قاعد في السعودية ويشكر في الحكومة وينابز في المتضررين
انت عايش في امريكا يعني لا شفت صف العيش لا حمت يومين عشان غاز لا كهربتك قاطعة من صباح الرحمن
ياخي الله يزيدك ويعلي مراتبك لكن ما ممكن مواطن الداخل البكتب عن طحن الأسعار ليه سوق كوستي تقول ليه أقيف في الصف من سكات وإلا فأنت كوز

قناعتي يا اب سن إنه البدوي لا يملك حلول
ربما جاء بحماس الروح الثورية أو الخبرات الخارجية لكن لما مسك الجانب العملي غلبه
كل الأزمات ماشة في تصاعد ولا حل يلوح في المستقبل القريب ولا البعيد ذاتو
مفروض يمارس فضيلة الاستقالة ويترك الفرصة لمن يملك حلول

تشكر جعفر
وكمان عاين وزير التجارة مفتكر نفسو وزير الخرطوم بس
بيع مخفض جوار وزارة التجارة
دة حلو للسودان

سلام اخونا ابو سن.....والاخوان

Quote: يا كاروري دة موظف بنك دولي ما بعرف غير روشتة البنك

تعرف يا ابوسن ... اكبر غلطة ارتكبوها القحاتة في حق الشباب والشهداء الذين فجروا هذه الثورة العظيمة انه ...ماتت فرحة الثورة والحماس للتغيير ..بسبب هذه التشكيلة من الضعفاء و الهواة.
بعد الثورات وبحق الشرعية لا تحتاج للمقاربة الا في اطار الكياسة التي تحمي القرار ...

شوف حمدوك دة موظف امم متحدة معظم عمره ويتعامل باللين و يتعامل مع القضايا كموظف امم متحدة بالظبط ...ليس كسياسسي يفكر خارج الصندوق او كثوري لحسم الامور ...البدوي دة ايضا موظف دولي والاسوأ من ذلك حزب امة من طرف الوهمي الصادق المهدي ,..
شوف كمان ...فيصل صالح لافي في الفاضي علي طول الوقت وشايل ميكرفون زي السكرتير يقدم في الموتمرات الصحفية ( ليس كفاعل مؤثر ) ومخلي الكييزان متجدعين في التلفزيون والاعلام ...والغريبة يصرف مرتب وزير ...

وقس علي كددة....


الاستسهال واللين في معالجة الامور يعتبر غتغتة

عب حفيظ
١- عارفها والزيك ما بورو.


الزعل ال شايفها في كلامك وكلام الأخت ميمونة
البكري أبو خراز مؤشر لقرب انفجار الوضع ، وربنا
يغطي علي الجميع

(قرب) شنو يا إخلاص
كدي خلي عمر التاج يصحى .. طوالي بيجي داخل ليك البورد بمظاهرات القصر الجمهوري الليلة والشباب بكوركوا (بالصوت والصورة حمدوك طلع ماسورة)

امريكا بإصرارها علي الحظر هي من أشعلت
الفتيل


هل تستطيع الاخت ميمونة البكري ابوحراز ان تكون
القائدة - الأيقونة - فثورة اخري بدأت بشرائط الكاسيت

ابراهيم البدوي مافي فرق بينه وبين
الركابي ومعتز موسى.. شغال بي نفس
التيم والفريق القديم وبي نفس العقلية

لاعندة حلول ولا شئ.. عاوز يطبق برنامج البنك الدولي
وصندوق النقد ويحول حياة الناس إلى جحيم لا يطاق

Quote: وزير المالية يصطاد في الماء العكر

من يبحث عن مواطن ضعفك ويهاجمك منها ..
وانت تنتظر أن يراعي حالك ويرأف بك
ده خسيس وخبيث ولا ترجى منه ..
إبراهيم البدوي قليل حلية وعديم فهم ..
والآن جاب ليهو خباثه وخساسة وجبن ..
المواطن المهصور بي المعيشة الكل يوم تضيق ..
كان راجي منه يرأف بي حاله شوية ..
لكن زي ده ما تنتظر منه يوم من الأيام ..
يرتى لي حال المواطن الضعيف ..
حيدوسه بي برامج صندوق النقد الدولي ..
وهو معتقد إنه برفع الدعم بيساعده ..
خليه يواصل ويرفع الدعم عن كل شيء
النشوف داير يصل لي شنو ؟ ..
ده عاطل فهم وقليل حيلة ..
وذا خسة ونذالة ..
ولو عنده دم كان استقال
يابدوي حاجة غلبتك وبان فيها عجزك
خليها لي غيرك يمكن يلقى ليها حلول
ــــــــــــــــــــــــــــــــــــــــــــــــــــــــــــــــــ

عندي عربية في زمن مضى كانت عاجباني ..
ما كنت داير أبيعها لكن انجبرت لي ظرف ..
جار وصديق عارف وضعي وظرفي ..
لامن عرفني داير أبيع أفك زنقتي جاني وبخسني ..
قلت ليهو والله أكان أموت بالجوع ما ببيعها ليك ..
لو كان الوضع كويس وكان عندي قروش كان بسامحك ..
لكين تجيني وانت عارفني مفلس ومزنوق ..
وعايز تستغلني والله مابنساها ليك ولا بسامحك ..
كان من زول غريب وماهو عارف ظرفي ..
ما كان بتحرقني قدر ده وفعلا لي يوم الليلة ..
الزنقة اتفكت والظروف اتغيرت وسنين مضت ..
الباب قدام الباب كلما أشوفه قدامي أحتقره ..
أها ياها شغلة البدوي الاستغل ضعفنا بي كرونا ..
بي زعلتي ديك قلت ليهو كلام خايف ناس العنصرية والتنميط
يجي يزنقوني ناس أبو حميد صاحبي ومن لف لفه
قلت ليهو يازول أنا دنقلاوي ماترجى زنقتي في قروش وقد كان ..
تلفون لي اول واحد وحاتك ماتنيتو ود خالي شال الشيلة
ورفض وبزعل يحدد ارجع ليهو قروشه متين




دمت يا زعيم ..
الوجع واحد وضيق المعيشة ضايقنو وحارق جوفنا ..
فانت تعبر تماما عن حالنا .....
ومن لا يعاني مثلك لن يحس وجعك
ولن يؤلمه صراخك

يا جماعة البدوي ده موظف ، النبذ لزومو شنو ؟

بليد مقبولة لكن الباقي ده ما عندو معني
وممكن الناس تتناقش في بليد ويكون مقصود
ما عندو رؤيا ، طيب رفع دعم البنزين وبالذات البنزين
كتير مؤيدين له ، يبقي اختلاف رؤيا ، من ناحية شخصية
البنزين يؤثر فيني والجازولين. ما لي به شغلة
لكن البنزين من يستهلكه هم طبقة معينة ، الترحيل
للسلع باللواري والقطر وديل ما لهم دخل بالبنزين
جشع التجار والمستفيدين من الأزمات هم المصيبة .

وكمان في صائدو المناصب وديل الاسوأ

ان تأتي متاخراً

قومة السودان
القومة لك يا وطني

لن نلومه إذا تأخر ، ولن نلومه فقد حاول
ولكن غباء المحاور وأمريكا الذين لم يروا
مستقبلاً لما عرض عليهم ، نحن نؤمن بان
المستقبل لنا ، حلم وقناعة وسنعمل علي تحقيقه
سودان قوي خير وكله فرص و به وفرة .

ابناء السودان قادرون وسينجزون وسينجحون

القومة لك يا وطني

ل
حين
ميسرة

تحياتي ود اب سن و الزملاء
تعليق على الاقتباس التال من حديث الدكتورة

Quote: هل تستطيع الاخت ميمونة البكري ابوحراز ان تكون القائدة - الأيقونة - فثورة اخري بدأت بشرائط الكاسيت

استمعت لتسجيلها الأخير, فيه فكرة جية و الناس بتطالب بيها من اول يوم لن اضعفته بالتركيز على الكذبة بتاعة ارتفاع راتب الوزير لمية وخمسين الف
ما ممكن تبني ليك سيناريوهات كبيرة على اساس كذبة وعايز الناس تتابعك! نفس خطأ اغلبية اللايفاب و عمر التاج وآخرين الواحد يلقح اللفحة ما يخليها تبرد طوالي جاري بيها على الواتس وهاك يا لخ

لا انكر يا بدر في تجار ازمات
كبار وصغار
رأسمالية طفيلية ومسحوقين بيهدو في بيتهم دون وعي
الرك علي تفعيل الضوابط والقوانين الرادعة
التحانيس والمليس ما بنفعن

يا معلم يا احمد
قطعة الليمونة الواحدة ب 10 ج
انبوبة الغاز 1100
ج السكر 4000 ج
واييييك
تموتو بس
للاسف هو عبارة عن موظف بنك دولي . موظف جيد للبنك واهدافو . لكن ما ثوري ولا وطني
وممكن اسئ الظن بيهو واقول هو يخدم اجندة لتسريع الظروف لانتخابات مبكرة
با اخلاص انا غايتو ما نبذتو لكن دعيت عليهو واتمني ان يستجاب الدعاء

( جوة البير ووقع فيها الفيل )

الأخ الفاضل / عبد الحفيظ ابوسن
التحيات لكم

الشعب السوداني يرى حالياُ أن الذي وقع في البير ليس بمجرد فيــــل !! .. بل هو جبل من جبال التاكا الضخمة !!!.. صدقني يا أخي الفاضل هنالك من يجهل أو يتجاهل تعمداُ بالظروف القاسية والمريرة الحالية التي تمر بها أغلبية الأسر السودانية !!.. وتلك الحالة كانت تتفاقم يوماُ بعد يوم لأكثر من ثلاثين عاماُ ( ولا نقول لأكثر من ستين عاماُ ) وهو ذلك القول السليم .. ورغم تلك المدة الطويلة في الصبر والتحمل يردد البعض من أبناء السودان تلك العبارة العقيمة التي لا تقدم ولا تؤخر .. عبارة قد تقادمت من كثرة الترديد وأصبحت ممجوجة في المسامع .. وهي عبارة : ( الناس حقو تتحمل شوية !!! ) .. ( سبحان الله وسبحان ) .. ستون عاماُ من التحمل والصبر ورغم ذلك يقولون : ( الناس حقو تتحمل شوية ) !!.. ولسان حال الشعب السوداني يقول لهؤلاء إلى متى وذلك ( التحمل الشوية ؟؟؟ ) .. ألم تكفي تلك السنوات الطويلة من الصبر والتحمل ؟؟ .. وهل لا بد أن يلاحق ذلك التحمل حتى مشارف القبور ؟؟ .. والبعض من هؤلاء الذين ينادون بالصبر ( شوية ) قد لا يعانون ولا يشقون كالآخرين من الغلابة الذين يشتكون من الغلاء ومن تلك الأسعار الجنونية عند رأس كل ساعة .. وقد يجدون من ينفق عنهم في السراء والضراء .. وبالتالي فأمثال هؤلاء لا يبالون كثيراُ حتى ولو بلغت قيمة الرغيفة الواحدة بمبلغ مليون جنيه سوداني !! .. لأنهم يملكون من يدفع ويصرف نيابة عنهم في كل الظروف والأحوال !.. وفي تلك الحالة فإن مثل ذلك النداء ( بالتحمل والصبر شوية ) يمثل نوعاُ من الأنانية الغير مطلوبة في هؤلاء !!

وذلك الوزير الحالي للمالية متواجد لتلبية رغبة شعب أراد أن يتخلص من الغلاء والبلاء .. وأن يتخلص من نظام الإنقاذ البائد الذي كان يخدع الشعب السوداني بفرية ( رفع الدعم ) عن السلع الضرورية من وقت لآخر ,, وبالتالي كان يتسبب في رفع الأسعار في البلاد لمدة ثلاثين عاماُ .. وبسبب تلك السياسات المالية والاقتصادية العقيمة البليدة فقد ثار وانتفض الشعب السوداني حتى يتمكن من إسقاط النظام البائد الفاسد .. وبالتالي يتخلص من نغمة ( رفع الدعم ) .. تلك النغمة البغيضة ألتي أصبحت تسبب الحساسية المفرطة لدى الشعب السوداني .. فإذا بالوزير الجديد المحترم دون خجل أو استحياء يردد نفس تلك النغمات البغيضة الكريهة حيث نغمات ( رفع الدعم عن السلع الضرورية ) .. وكأنه يرى أن الشعب السوداني يترفل في ثياب الرفاهية والهناء بفضل ذلك الدعم السخي من دولة السودان !! .. ويجهل أن الشعب السوداني يكابد الويلات في حال الدعم وفي حال ( رفع الدعم ) .. والأمر لا يؤثر كثيراُ في أحوال الشعب السوداني .. وبالمختصر المفيد فإن ذلك الوزير قد فشل فشلاُ كبيراُ في إدارة الأمور المالية والاقتصادية في البلاد .. والشعب السوداني يقول لذلك الوزير المحترم ( أثابكم الله خيراُ !! حتى هنا وكفى فالمرجو أن تغادرنا دون غضب أو زعل حتى يتواجد في وزارة المالية من هو أكفأ منكم وأمهر في أداء الوظيفة والمهام ).. ولا يعني مطالبة الوزير الجديد بالاستقالة أن ذلك من منطلق العداوات الشخصية .. أو من منطلق التوجهات السياسية .. ولكن تلك هي الضرورة التي تتطلب أن يتواجد في تلك الوزارة أحد أبناء السودان الماهرين في إدارة الشئون المالية والاقتصادية .. حيث لا بد من بديل من أبناء السودان الذين يجيدون إدارة وإزالة تلك الأزمات المالية في البلاد .. وبالتالي ىيستطيع أن يذهب ويطرد أحوال الغلاء والندرة في البلاد .. تلك الأحوال المتردية التي دامت لأكثر من 31 عاماُ .. ( 30 عاماُ برفقة الإنقاذ البائد وعاماُ كاملاُ برفقة السيد حمدوك ووزرائه الفاشلين ) .

وفي الختام لكم خالص التحيات

Quote: امريكا بإصرارها علي الحظر هي من أشعلت الفتيل

(عدم) رفع الحظر هو الضمانه الوحيده لبقاء الحكومه الانتقاليه من انقلاب الكيزان عليها و اطلاق حرب جماعات ارهابيه بدعوى الدفاع عن الاسلام عدم رفع الحظر هو مايلجم الكيزان عن اطلاق مزيد من الاذى
الحظر مايترفع الابعد يتحاكموا الكيزان محاكمات حقيقيه حازمه وازاله تمكين اعمق فى مفاصل الدوله وتتقلع اموالنا المنهوبه منهم واللى انا على قناعه تامه لو جدت الانتقاليه فى الامور دى فلن يحتاج حمدوك حتى (لمجرد) التفكير فى حمله جمع تبرعات

عندما يتقدم الركب الجهلاء يتأخر العلماء فهيأ تقدموا يا جهلاء وانتم الذين ينطبق عليكم المثل البقول
عاجز الرأى مضياع للوقت ههههها يلا عوسوا عواستكم .
اقتصاد شنو البتعرفوا ناقشوا فيه ياخ امشوا شوفوا سوق الحمير بوين هههه يا جهلاء كمان تتحدثون
فى عالم الاقتصاد البروف البدوى والله هانت الزلابية وكتين بتعرفوا كلام زى دا مالكم ما تكلمتم فى
وزير مالية الانقاذ معتز وانتم تنومون فى صفوف لدرجة منعكم ان تأخذوا فلوسكم من البنوك يخسى
عليكم يا ماركة يسخى والله تانى الحكم تشموهو قدحة بإذن الله
ملحوظة
بت المشرف اختشى

Quote: عندما يتقدم الركب الجهلاء يتأخر العلماء فهيأ تقدموا يا جهلاء وانتم الذين ينطبق عليكم المثل البقول عاجز الرأى مضياع للوقت ههههها يلا عوسوا عواستكم

قليل من الاحترام لا يضر يا هذا فردودك تؤذينا

ل
حين
ميسرة

الاقتصاد يحتاج إلى إبداع مثله مثل أي نشاط إنساني مهم، ودكتور البدوي لم يقدم حتى الآن أي فكرة مبدعة تستطيع أن تحسن من الاقتصاد السوداني، بل اتهمه بالافتقار للفطرة الاقتصادية السليمة التي تجعل عامة الناس يحسبون حسابا صحيحا ويميزون بين الربح والخسارة وهذا لاحظته في مؤتمراته الصحافية التي عقدها. الحلول التي يقدمها سلبية أي أنها تسلب الناس ما عندهم ولا تقدم لهم بديلا أفضل. يتحدث عن أن الدعم يذهب إلى الأغنياء ونسي أن يبحث عن طريقه لاسترداد هذا الدعم من الأغنياء دون أن يحرم الفقراء الذين كذلك يتنقلون في مركبات تعمل بالوقود ذاته الذي يستعمله الأغنياء. لم يفكر في المغتربين كأفضل جهة قادرة على إقراض الدولة بقليل من الامتيازات التي تسهم كذلك في إنعاش الاقتصاد. لم يفكر في سرعة استرداد الأموال المنهوبة والأموال المجنبة. لم يقدم أي مبادرات استثمارية سريعة قادرة على إعادة الروح الاقتصادية للبلاد بعد شهور من السياسات المالية الخاطئة التي أوقفت حركة التجارة والاستثمار بسبب شح العملة. لم يأت بأي طريقة تنظيمية تحد من ظاهرة تهريب الوقود والدقيق المدعومين.
ثورة لا يقودها الثوار ليست بثورة، بل شبه ثورة.

الاستاذ صديق مهدي

أولاً الاستاذ عبدالحفيظ فهم إشارتي له في ١-
ويصعب ان أخوض في امر بأكثر من التنبيه
ثانياً لم اتعرض لأي منكم أو للوزير بسوء وان
فهمت أنت خلاف هذا فاتمني ان تعتبر هذا اعتذار لك

مع كامل الاحترام

سأعود للرد الراتب
لا عليك يا اخلاص لم تخطئ
خبر جيد
مجلس الوزراء يمهل وزير المالية لتقديم رؤيته لحل مشكلة الاقتصاد خلال اسبوع