الجبهة الثوريه والحركه الشعبيه شمال بجناحيها وتوقيع اتفاق نهائي مع الحكومه

01:46 PM April, 01 2020

سودانيز اون لاين
Gafar Bashir-
مكتبتى
رابط مختصر

اخبار عن قرب توقيع الاتفاق النهائي

متأكد يا هندسة! انا قريتوا و ما صدّقت لأنو حسب متابعتي جناح الحلو لسّة و جناح عقّار و الثورية اجلّوا المفاوضات اسبوع بعد وفاة وزير الدفاع و متبقي لسّة أخطر ملف الترتيبات الأمنية
ان شا الله يطلع كلام صاح وخشمك فيه اللبن

والله ما متاكد
انا محتاج تأكيد برضه

لكن الواحد بفتش عن اي حاجة مفرحة وسعيدة في الايام دي ...
انشاء الله حتي ولو نبوءة

طلع ماسورة يا دفعة

ما ح يتفقوا ولا ح يوقعوا
الحركات المسلحة ليست أفضل كثيراً من الإنقاذ
ح يقعدوا يتجرجروا كدي لامن تندكه وترجع للحرب تاني

جمهورية السودان
وفد الحكومة الانتقالية لمفاوضات السلام
بيان صحفي
حرصاً من جميع الأطراف على ضرورة التعجيل بحسم ملف السلام وإستغلال الظروف السياسية المواتية للوصول إلى سلام شامل في أقرب وقت ممكن؛ توصلنا في وفد حكومة السودان مع شركائنا في الجبهه الثورية السودانية وفريق الوساطة من حكومة جنوب السودان على ضرورة مواصلة الحوار حول الموضوعات العالقة في مساري دارفور والمنطقتين والقضايا القومية عبر الحوار غير المباشر؛ تسلم وفد الحكومة قائمة من الموضوعات التي نعمل الآن للرد عليها خلال ال ٧٢ ساعة القادمة.
نسبةً للظروف الصحية الإستثنائية التي يمر بها العالم فإن خيار الحوار غير المباشر وسيله ممكنه لتكملة موضوعات السلام مع الجبهة الثورية خاصة وأن الموضوعات المتبقية ليست بالقضايا المعقدة فكل الموضوعات والمشكلات المرتبطة بجذور الصراع وجدت حظها من النقاشات الأولية والتوافق حولها تبقت فقط القضايا المرتبطة بنسب قسمة السلطة والثروة والقضايا ذات الخصوصية.
نعمل بكل ما في وسعنا لحسم ما تبقى من ملفات السلام بما يفتح الفرص أمام البناء والتنمية وإنهاء الحروب وأسبابها نهائياً وإعلان العام "٢٠٢٠" عاماً لإسكات الحرب للأبد باذن الله.
محمد حسن عثمان التعايشي
الناطق الرسمي باسم وفد الحكومة المفاوض
٢ أبريل ٢٠٢٠

ما عندنا حلول كتيرة غير نتمسك بس بالكلمات المشرقة ... عسي ولعل