الزول دا ما شاف فيديوهات أبو الرقيع والكلاب والدبايب البياكلوها!!

10:07 PM March, 31 2020

سودانيز اون لاين
Arif Nashed-
مكتبتى
رابط مختصر

كنت أشاهد نشرة الاخبار في قناة الخرطوم جايبين السفير الصيني مع مسئولة سودانية تعمل بوزارة الصحة وجالسين يوقعوا في اوراق عن تبرع الصين تقريبا بعدد 40 او 400 الف كمامة ما متأكد بالظبط.
بعد إتمام إجراء التوقيعات قام واحد سوداني لابس ليهو كمامة وبدأ في شكر السفير والشعب الصيني وانو الشعب السوداني متضامن مع الشعب الصيني في محنته ضد الكرونا وانو الشعب السوداني والصيني أشقاء.
جبت جهاز الدغت والسكر وطفيت التلفزيون واخدت غمده.

هسع كان اخوي ود امي وابوي بياكل أكل الصينيين دا بتبرأ منو.
مافي زول يجي يقول دي ثقافة شعوب.
هسع العالم كله يحمل الصينيين مسئولية انتشار كرونا بسبب أكلهم الشاذ للحيوانات دي.

عارف براحة عليهم
ديل مليارات من البشر ، كان ما أكلو ده ح يعيشو
كيف ، يا مجاعة يا الأكل ده .
مامون حميده مرة اقترح ناكل لغاويس كده .
غايتو ماري انطونيت لما شعبها جاع قالت يأكلون
جاتو 😂😂

Quote: وجالسين يوقعوا في اوراق عن تبرع الصين تقريبا بعدد 40 او 400 الف كمامة ما متأكد بالظبط.

40 او 400 ؟؟؟؟
600 الف كمامه حسب كلام الطبيبه فى بدايه المؤتمر الصحفى لما طلع البيان بقت 400 الف .
=====
الاسيويين ديل ياعارف كان الواحد اتقطع فى صحرا مع صينيين ينوم مفتح عين ومغمض عين والا يتشارو عليهو وياكلو يسدو جوعهم بيهو. ماعندهم قشه مره

Quote: عارف براحة عليهم ديل مليارات من البشر ، كان ما أكلو ده ح يعيشو كيف ، يا مجاعة يا الأكل ده . مامون حميده مرة اقترح ناكل لغاويس كده . غايتو ماري انطونيت لما شعبها جاع قالت يأكلون جاتو 😂😂

بت مشرف انزيك.
الصينيين غير الكرونا ضرونا زاتو في جوالاتنا كمية من مقاطع فيديو من كل دول العالم، ادعية ما ليها حد، علاجات طلس بالكوم، ونكات السودانيين عن الكرونا دي بنزله ليكم هسع ده.

مأمون حميضة كان عايز السودانيين يصابون بفيروس نعيقونا.
الصينيين بياكلوا جاتو وتحليتهم أبو الرقيع.
😂😂

Quote: 40 او 400 ؟؟؟؟ 600 الف كمامه حسب كلام الطبيبه فى بدايه المؤتمر الصحفى لما طلع البيان بقت 400 الف . ===== الاسيويين ديل ياعارف كان الواحد اتقطع فى صحرا مع صينيين ينوم مفتح عين ومغمض عين والا يتشارو عليهو وياكلو يسدو جوعهم بيهو. ماعندهم قشه مره

عاصم انزيك.
روق ما متوكد من الرقم طوالي ي عمك عايز تدخل الزولة في فتيل.
الناس البتاكل أبو الرقيع والله صحي منهم حفلة.

واحد بحكي قال :
حبوبتي سمعت انو كورونا بتقتل كبار السن 👵
من الصباح قامت مسكت الريموت ومشغله طيور الجنة 😁

النكتة دي مهداة للأخ أحمد عمر والعبار بريمة بمناسبة القبقبة.

كورونا والحظر المنزلي😂😂😂
مع حظر التجوال قال ليك رباطابي...
واقف عند باب بيتهم، مرت دورية الشرطة، سألوه إنت من أهل البيت ؟
‏رد عليهم : لا من كفار قريش.
‏قال ليك لى هسي الرباطابي قاعد في القسم يقول للشرطي كنت بهظر 😂😂😂... ‏
الشرطي قال ليهو: جيب ابو لهب يعمل ليك ضمانة . 😂😂😂

# خبر _ عاجل وزاره الصحه السودانية.

Quote: 40 او 400 ؟؟؟؟ 600 الف كمامه حسب كلام الطبيبه فى بدايه المؤتمر الصحفى لما طلع البيان بقت 400 الف .

عاصم هاك النجيضة.
تسلمت وزارة الصحة الاتحادية اليوم دعما من سفارة جمهورية الصين الشعبية عبارة عن عدد (400) الف كمامة طبية دعما لجهود حكومة السودان في مكافحة جائحة كرونا .

انا متأكد انها قالت 600.
زاتو الهيلامنة المسونها دي شنو مؤتمر وصحافة وإعلام!.

خبر_عاجل وزاره الصحه السودانيه.
للأسف الشديد كدااا الموضوع خرج عن السيطره ‏حذزنا قبل كده من الكلام ده وهادي النتيجة:
‏اكتشاف 500 حاله في النيل الأبيض.
‏400 حاله في الفاشر.
‏800 حاله في مدني.
‏19000حاله في الخرطوم.
‏1600 حاله في بورتسودان.
‏2300 حاله في القضارف، .

.

.

.

.

.

.

.

.

.

.

.

.

.

.

.

.

.

.

.

.

.

.


.


‏كلهم حالات( حمل) ‏ولو فضلنا علي كدا هنبقي 100 مليون، ‏
اتهدوا، ‏قاعدين ف البيت للعزل، ‏مش للتكاثر 😜

أحدث تعليق مصري😂
مش صعبان عليا غير الشعب السعودي
لما جيه ينحرف لقي شعوب العالم كلها بتوب 😂

قصة الشاى القال المولد تشربوه بعالج الكرونا دي خلوها.
نديكم قصة الطفل الزييت 😂😂😂 جديدة لنج.

في واحده اتأخرت في الحمل وبعد كم سنه الدكتور فاجأها بأنها حامل ب3توأم طبعا الخبر سار.
الاب فرحان وبعد تعب وتجهيز للولاده جابها المستشفى وطولت شديد في غرفة العمليات طلع الطفل الأول صامت طبعا الدكتور كفت الطفل بكى انتظر الطفل التاني لمده 20 دقيقه طلع الطفل برضو ضربو لقايت ما بكى أنتظر الطفل التالت لمده ساعه كامله ما طلع.
الدكتور قال تاني مافي طفل ومشى بعد شويه الطفل طلع لقى الممرضه قال ليها الزول البدق الشفع مشى.
قال ليك من اليوم داك الممرضه في غيبوبه😂😂😂