Post: #1
Title: الاحباب الكرام .. استراحة تربال .. لحين العودة
Author: علي عبدالوهاب عثمان
Date: 03-31-2020, 12:15 PM
Parent: #0
12:15 PM March, 31 2020 سودانيز اون لاين
علي عبدالوهاب عثمان-جدة
مكتبتى
رابط مختصر
تحياتي الاحباب الكرام
استراحة زول تربال في ضل الشغل
عشرات التلفونات من جماعتنا
كلهم (( انت ما عارف تدافع نفسك .. ليه تعتذر .. )) ديل ناسي ( اقربائي )
هم اكثر ناس شجعوني أيام مقالات التراث
ورسائل في الخاص
لفظ ( ود عرب )
اعتذاري للجميع .. وخاصة الحبيب عارف .. مودتي لحين العودة
|
Post: #2
Title: Re: الاحباب الكرام .. استراحة تربال .. لحين الع�
Author: علاء سيداحمد
Date: 03-31-2020, 12:37 PM
Parent: #1
هووووى يا على الحاصل شنو ؟ اوع واحد يكون مزعلك ؟
|
Post: #3
Title: Re: الاحباب الكرام .. استراحة تربال .. لحين الع�
Author: Biraima M Adam
Date: 03-31-2020, 01:43 PM
Parent: #2
يا الحبيب علي،
علي اليمين .. ناس عارف وعمر دفع الله وجماعة تانين لا يسوون وصلوها معاي .. إلي كافور الأخشيدي !
ويا هو أنا قاعد .. ود عرب ..
الشيوعيون منهم وغادي .. بعرف ليهم الكو كلكس كلان عادل أمين ..
بريمة
|
Post: #4
Title: Re: الاحباب الكرام .. استراحة تربال .. لحين الع�
Author: ابو جهينة
Date: 03-31-2020, 01:43 PM
Parent: #2
في انتظارك يا حبوب
مع خالص التحايا
|
Post: #5
Title: Re: الاحباب الكرام .. استراحة تربال .. لحين الع�
Author: ABUHUSSEIN
Date: 03-31-2020, 01:57 PM
Parent: #4
و الله بالغت يا ابو علوة
انا ود عرب و حركاتي كلها حركات اولاد عرب
و اي جاهل فاضي ما عندو موضوع يضرب راسو بالحيطة
انت صدقت وهمة الجاهل دا و ل شنو ؟؟؟؟؟؟
سجل عندك ابو حسين ود العرب زي ما انت ود نوبه
|
Post: #6
Title: Re: الاحباب الكرام .. استراحة تربال .. لحين الع�
Author: احمد حمودى
Date: 03-31-2020, 02:44 PM
Parent: #2
الاستاذ على عبد الوهاب اذا كان عن بوست عارف فعارف زاته ما لامك عن كلمة ودعر ب
لانك انت زاتك نوبى قح اتعلمت العربى فى الوسطى والثانوى عادى زى الزبادى بوستات الاكشن ونحنا
زاتنا بنحب زى البوستات دى احمد ربك انك طلعت فى الكفر والله نحنا نتمنى بوستات الاكشن دى
واى زوول يغلط عليك اديه بالفيها الحديدة ياحبيب اكرر عارف لم يقل انت عنصرى وتحياتى
يال حبيب
|
Post: #7
Title: Re: الاحباب الكرام .. استراحة تربال .. لحين الع�
Author: adil amin
Date: 03-31-2020, 03:40 PM
Parent: #6
Quote: الشيوعيون منهم وغادي .. بعرف ليهم الكو كلكس كلان عادل أمين ..
بريمة |
الناس حتفر من الحقيقية ليه ؟؟؟ ويفرو لي بتين ومتي نخرج من متاهة شعب اسود بهذه الطريقة
يا بريمة ويا علي انا ما زعلان من علي او بريمة انا زعلان من محي الدين صابر ومن هلم علي شاكلته في كل السودان اصرارهم الغريب علي اعتناق الايدولجيات العروبية دي ناصري وبعثي ويتحرك في ضرر السودان وفي اهله كمان (غرق حلفا وااغراق الاثار السودانية والصلف المصري المستمر لحدي هسة
حتي ناس جبال النوبة الكوشيين الاصليين عايزين يستعروب علي الطريقة المصرية ليه
هسة
ما عايزيين يكونو كوشيين ليه ؟؟؟
ما عايزين يكونو سودانيين ليه بالاصالة او بي الحوالة ما مشكلة
البرنامج الوطنية السودانية ماللا
لحدي هسة ناصريين وبعثيين ليه ؟؟؟
هسة الناس من حلفا الي عبري
نوبة ولي كوشيين ؟؟
|
Post: #8
Title: Re: الاحباب الكرام .. استراحة تربال .. لحين الع�
Author: Arif Nashed
Date: 03-31-2020, 05:06 PM
Parent: #7
حبيبنا علي امبس تحياتي.
امبس دي زاته معناه شنو شايفك بتخاطب بيها بعض الإخوة قلنا نخاطبك بيها.
اضيف لمداخلة حمودي، عايزك تعرف ان لك مكانة كبيرة في نفوسنا وبس وكل ما أرجوه أن تعدل عن هذا القرار.
وفي انتظارك.
|
Post: #9
Title: Re: الاحباب الكرام .. استراحة تربال .. لحين الع�
Author: Arif Nashed
Date: 03-31-2020, 05:17 PM
Parent: #8
Quote: علي اليمين .. ناس عارف وعمر دفع الله وجماعة تانين لا يسوون وصلوها معاي .. إلي كافور الأخشيدي !
ويا هو أنا قاعد .. ود عرب .. |
يا عبار اتا جلدك تخين وزول مكاواة ساااااي فشنو ما تقارن نفسك بعمك علي الزول الحساس والرقيق وحمامة سلام المنبر.
سلام للجميع.
|
Post: #10
Title: Re: الاحباب الكرام .. استراحة تربال .. لحين الع�
Author: جلالدونا
Date: 03-31-2020, 05:17 PM
Parent: #8
يا استاذ على تعرف لو قلت ليك يا ود الناس
حيجى ناس عارف الماعارف و دينق و من لفّ لفّهم
يقولو ليك دى كلمة عنصرية
تقول ليهم كيف الكلام ده
يقولو ليك و التانين اولاد قرود !!!!
و كلّو من محى الدين صابر و خدم و كعوك المركز
|
Post: #11
Title: Re: الاحباب الكرام .. استراحة تربال .. لحين الع�
Author: بدر الدين الأمير
Date: 03-31-2020, 08:20 PM
Parent: #10
حبيبناعلى عبدالوهاب
ياخى روق المنقة
ياخى المفردات البتحمل مدلولات عنصرية
عند الناطقين بالعربية فى السودان لاحصر لها
مثلا لو قلت فلان ود بلد دى بتعنى انك مش غرابى
اى من غرب السودان والمفردة ظهرت ايام حكم الخليفة عبدالله التعايشى
بعتباره و معظم جيشه كانو من غرب السودان ولانو بسحناتنا صعب تقرق بيننا
ولمن استخدمها السيد الصادق المهدى فى احد الحوارات معه فى وصف احد
المقربين منه انو ود بلد جيت قومت عليهو الدنيا هنا دا غير الحرج الوقع فيه
الخاتم عدلان فى اول ندوة له بعد عودته للسودان بعد اتفاقية السلام وكان من حضورها عمك نقدالله
حين مسك عمك المكرفون فى نهاية الندوة وقال للخاتم لو استمر هذا الحال تانى ماحانشوف اضان بيضا
فى بلدنا فكان رد الخاتم وتقديرا لكبر سن عمك نقدالله انا شخصيا اضانى زرقاء
ياخى تعال ونصنع من التركين شربات ونناقش المفردات البتحمل مدلولات عنصرية
وفى تقديرى لاتجود فى الدنيا والاديان ومعظم الاديان مفردات لاتخلو من مدلول تعالى عرقى
|
Post: #12
Title: Re: الاحباب الكرام .. استراحة تربال .. لحين الع�
Author: بدر الدين الأمير
Date: 04-01-2020, 04:21 AM
Parent: #11
٠
|
Post: #13
Title: Re: الاحباب الكرام .. استراحة تربال .. لحين الع�
Author: محمد بدرالدين
Date: 04-01-2020, 06:52 AM
Parent: #12
كل التحية و المحبة
للجميع دونما فرز
احترم و اقدر رغبات كل شخص
و المجال الذى يكتب فيه
.. و لكنى اتمنى من بعض الاحباب
التوغل او الاسهاب ف مجالات محددة
للاستفادة اكثر
مثال الحبيب و تاج الراس شيخ على
عندما يكتب ف التراثيات..
و الحبيب بريمة ( اشعر باننى بين بقاره و الفيافى الممتدة)
و كل الاحباب الذين استفاد منهم الجميع و هم يكتبون ف مجالاتهم بحقائق و معلومات صحيحة
حتى اصبحت سودانيز تنافس دار الوثائق
لكم الشكر جميعا و اولكم الباشمهندس بكرى الذى اتاح هذا و جعله ممكنا
..
اذوب طربا مع الحبيب القبانى يحي و هو يسقى زهرة منسية و وردة طالها الذبول
و يحيها لنا هنا فتعطر سماواتنا ...
... شيخ على اكتب ف التراثيات
و ذكرنا بالعادات و التقاليد
و ارسم مع الاخرين خارطة الوطن الجميل
ففى حضرتك و الوطن يطيب الجلوس
..
مودتى و تقديرى
|
Post: #14
Title: Re: الاحباب الكرام .. استراحة تربال .. لحين الع�
Author: بدر الدين الأمير
Date: 04-01-2020, 06:53 AM
Parent: #12
كن بخير ياعلى
|
Post: #15
Title: Re: الاحباب الكرام .. استراحة تربال .. لحين الع�
Author: دفع الله ود الأصيل
Date: 04-01-2020, 07:29 AM
Parent: #12
معقولة يا جماعة دي سودانيز االلي جيناها على أساس
إنها منبر من لا (بامبرز) له . و قايلين ح نتعايش فيها مثل
(حروف الهجاء بحيث لا يتغول أحدٌ منها على مخرج حرفٍ
آخر). يومتا ود مهدي مقبقب ود التاي و الليلة هدي معركة
بلا معترك بين أحلى اتنين : عارف المسمي عمو علي حمامة
سلام ، و أنا بعتبرو رمانة اتزان الهيصة اللينحن فيها دي .
● فيا عمو علي استهدى بالله و تعال راجع النحكي ليك
واحدة من خشم أخونا النعيم المهدي ، يوم كنا حضوراً في
ندوة لأبكر آدم إسماعيل في التدشينة الألف لجدليته المهببة
(بين المركز و الهامش) و كان معانا بدر الدين الأمير دا زاتو.
▪ حكى لي صاحبنا النعيم و الذمة على الراوي قال : مرة بعد
مناظرة بين وفد الحكومة و ناس التجمع:؛ منهم دكاترتنا/ تيسير
محمد أحمد و سليمان علي بلدو. و في نهاية اللقاء كان الجماعة
واقفين يدردشو شوية كدا. قام دكتور حسين أبو صالح نادي ليك
د. تيسير من بين لفيف من وجهاء الحضور و قاللو: ما معناه و الله
يا تيسير أنا الشغلانة دي كولها مافي شيتن موجعني فيها إلا كان
مباراتكم للعبيد الهمل ديل . فكانت مثاراً لتلطيف سخونة تلك
الأجواء المشحونة بقومة الأنفاس ، أكثر منها للعنصرية.
[/cente
|
Post: #16
Title: Re: الاحباب الكرام .. استراحة تربال .. لحين الع�
Author: يحي قباني
Date: 04-01-2020, 07:53 AM
Parent: #15
يا عم علي يا تباع الزيت ... عربيتك (مربوتة بهيت)
يمين بالله لا تفوت. ولا ترتاح ...
ياخ انت الشبهك انقرضوا ...
بالله ما ترمي يمبنا واطه ...
|
Post: #17
Title: Re: الاحباب الكرام .. استراحة تربال .. لحين الع�
Author: ABUHUSSEIN
Date: 04-01-2020, 08:22 AM
Parent: #16
قال ليكم يومين تلاتة و برجع خلاص بطلو هرجلة ....
و لو عرفتو الوضع الحرج اللي وضع فيه غصبا عنو لعذرتوه لو غاب نهائيا من سودانيز
فالرجل استاذ انجليزي درس الآلاف و زعيم في جده يحج إليه الكثيرين للتزود بالمعرفة و التراث و عادات و تقاليد النوبة
فهو استاذ عتيق و زعيم في نظر الآلاف فأي إساءة او تقليل من شخصيته يعتبر إهانة لهم جميعا
و فيهم من لامه على عدم رده المناسب له و اعتبروه ضعف منه
فالرجل لا زول مشاكل و ليس له خبره في التعامل مع معارك يعتبرها لا داعي لها و لا وقت لديه لخوضها ...
سيعود حتما فهو نفسه لا يقدر على الغياب عن المنبر
|
Post: #18
Title: Re: الاحباب الكرام .. استراحة تربال .. لحين الع�
Author: tabaldy
Date: 04-01-2020, 09:04 AM
Parent: #17
| Quote: فالرجل لا زول مشاكل و ليس له خبره في التعامل مع معارك يعتبرها لا داعي لها و لا وقت لديه لخوضها ... |
تحياتي
|
Post: #19
Title: Re: الاحباب الكرام .. استراحة تربال .. لحين الع�
Author: محمد مجيدو
Date: 04-01-2020, 09:36 AM
Parent: #1
يا قريبي ... أأألي ... سكرفي .. امبس ...
يااخ ما تكون حساس للدرجة دي .... و اُخد الامور ببساطة ...
اصلوا ناس سودانيز ديل كدا .... يبرمجو بالزول . الا قلوبهم نقيه ...
بتذكر ايام مناكفتي مع الشاويش الاجنبي ...
ولما قفلت معااي .. قلت ليه :
نحن اولاد العرب ما مالين عينا تجي انت كمان ..؟؟؟؟
( باعتبار انا نوبي وهو زنجي ) ....
هنا قامت الدنيا ولم تقعد ..... وهكذا سودانيز ....
فا شنو ... انسى الموضوع ... وخليك هنا وبلاش تفارق ..
واكيد بتكون سمعت نكتة العربي ... الجاء من الاقاليم للخرطوم ..
وفي موقف الحافلات .. سمع الكمساري ينادي.. اركب .. عربي .. عربي ...
تحياتي ,,
عــاالــــم بطاالــــــــــــــــــــــة ,,
|
Post: #20
Title: Re: الاحباب الكرام .. استراحة تربال .. لحين الع�
Author: MOHAMMED ELSHEIKH
Date: 04-01-2020, 10:42 AM
Parent: #19
Quote: حبيبناعلى عبدالوهاب
ياخى روق المنقة
ياخى المفردات البتحمل مدلولات عنصرية
عند الناطقين بالعربية فى السودان لاحصر لها
مثلا لو قلت فلان ود بلد دى بتعنى انك مش غرابى
اى من غرب السودان والمفردة ظهرت ايام حكم الخليفة عبدالله التعايشى
بعتباره و معظم جيشه كانو من غرب السودان ولانو بسحناتنا صعب تقرق بيننا
ولمن استخدمها السيد الصادق المهدى فى احد الحوارات معه فى وصف احد
المقربين منه انو ود بلد جيت قومت عليهو الدنيا هنا دا غير الحرج الوقع فيه
الخاتم عدلان فى اول ندوة له بعد عودته للسودان بعد اتفاقية السلام وكان من حضورها عمك نقدالله
حين مسك عمك المكرفون فى نهاية الندوة وقال للخاتم لو استمر هذا الحال تانى ماحانشوف اضان بيضا
فى بلدنا فكان رد الخاتم وتقديرا لكبر سن عمك نقدالله انا شخصيا اضانى زرقاء
ياخى تعال ونصنع من التركين شربات ونناقش المفردات البتحمل مدلولات عنصرية
وفى تقديرى لاتجود فى الدنيا والاديان ومعظم الاديان مفردات لاتخلو من مدلول تعالى عرقى |
ايه الكلام الحلو دا ياخال ؟
انت بتذاكر من وراء أولاد اختك؟؟؟
|
Post: #21
Title: Re: الاحباب الكرام .. استراحة تربال .. لحين الع�
Author: بدر الدين الأمير
Date: 04-01-2020, 01:34 PM
Parent: #20
محمد ياهندسة
خالك بقى عاطل اوعطيل ماشيفو بورق
فى الملوخية وانت واخوك القمر عاملين
رايحين امس حاولت اعقد اتفاق مع المدام
قلت لها بدل اكورك فيك وفى ولدك احسن
امش اسكن مع العزابة لحين تنجلى الكرونا
اورنجع السودان الشركة وقفلت قالت خلاص
حنيت للصعلقة والصعاليق انت مابتخجل ماشى
تعيد ايام جاهليتك احترم سنك ولا ماشى تسكن
مع لبنانية انت قايلنى ناسية تاريخك صدق ماقدرت
ارد الفلس الفلس هل تسمعنى يامحمد كلم معاك اخوك القمر
صدق وانا اكتب لك في هذه الكلمات دموعى رب رب
|
Post: #22
Title: Re: الاحباب الكرام .. استراحة تربال .. لحين الع�
Author: MOHAMMED ELSHEIKH
Date: 04-05-2020, 07:26 AM
Parent: #21
Quote: الفلس الفلس هل تسمعنى يامحمد كلم معاك اخوك القمر
صدق وانا اكتب لك في هذه الكلمات دموعى رب رب |
بلادي حقول
بلادي سهول
|
Post: #23
Title: Re: الاحباب الكرام .. استراحة تربال .. لحين الع�
Author: بدر الدين الأمير
Date: 04-05-2020, 06:18 PM
Parent: #22
دى اخرتها ياود اختى
خالك يقولك دموعى رب رب رب
وكنت مستنى منكم الدولارات ولاريالات
تجينى رب رب
تطلعو زيكم وزى الكرونا
اصبرو اكان ماجبت ليكم العيبة
وبقيت كوز وتجينى التحويلات
رب رب ياشيخ عبدالحى هل تسمعنى
|
Post: #24
Title: Re: الاحباب الكرام .. استراحة تربال .. لحين الع�
Author: حيدر حسن ميرغني
Date: 04-05-2020, 07:15 PM
Parent: #23
يا بلدياتي سلام
لو كانت مجرد استراحة ابدا ما بطالة
الكتابة في حد ذاتها محنة تحتاج مرات لتوقُف حتى بدون اسباب
تعود لينا بإذن الله وانت مليان حكاوي كما عودتنا
|
|