ماعندي موضوع مع المناضل احمد الضئ بشارة وأخوهو:)

08:36 AM March, 30 2020 سودانيز اون لاين
HAIDER ALZAIN-
مكتبتى
رابط مختصر

(adsbygoogle = window.adsbygoogle || []).push({});الخرطوم _صوت الهامشدونت قوات الدعم السريع، بلاغاََ لدى نيابة جرائم المعلوماتية، في مواجهة الناشط أحمد الضي بشارة، لقوله أن إثنين من قوات الدعم السريع، مصابين بداء “كورونا ”ونقلت مصادر ل “صوت الهامش” أن محمد محمد عثمان، مدير المركز الفني لقوات الدعم السريع، بتفويض من قائد القوة الفريق أول محمد حمدان دقلو، أبلغ نيابة جرائم المعلوماتية وقال في بلاغه أن الناشط أحمد الضي بشارة، تحدث عبر صفحته في “الفيس بوك” وقال أن هناك فرد يتبع لقوات الدعم السريع، وعامل في معسكر “طيبه” مصابين بفيروس كورونا .وأكد في بلاغه أن الأمر ليس صحيحاََ وأثار الرعب والهلع وسط قوات الدعم السريع.وإتخذت الحكومة الإنتقالية في السودان، إجراءات إحترازية لمجابهة جائحة كورونا ، من بينها حظر التجوال ومنع التجمعات ..

نسيـت ..




اها ،

الغريبة احمد الضي دا في اول بداية موضوع الكورونا يحلف و يتقطّع انه مافي كورونا ودي مؤامرات و جاكات حكومية ساي لمنع المواكب!!
أمّا اخوه فلسة مصر انو مافي كورونا

سلام

لقوله أن إثنين من قوات الدعم السريع، مصابين بداء “كورونا”

مدون البلاغ قال الكلام دا ما ليه اي اساس من الصحة... فعلى الضي ان
يثبت ذلك والا يطبق عليه القانون
ثم حكاية مناضل دي يكون محلها الكوز فتاريخة يثبت ذلك

وافر التضامن مع المناضل احمد الضئ بشارة في
----------------------------------------------------------
مناضل بتاع مين يا حيدر الزين يااخى والله هناى المعانا دا بى سواطته البيعمل فيها كل يوم دى اشرف من الضى بمراحل

اليومين ديل كل الدول مشددة العقوبات على كل من ينشر معلومات كاذبة حول الكورونا ليزعزع الاستقرار وثقة الناس في حكومتهم
لازم نعمل مثلهم وعلى الحكومة مراقبة مواقع التواصل الاجتماعي للتحقيق في اي معلومة كاذبة .
مع كورونا ما في نضال ولا يحزنون .. خبت بس

هلا يا حيدروف الصلد
ومن فترة تكونت عندي قناعة أنو الولدين ديل
مهرجين ومكثرين للهراء بهدف الشو والتحشيد
ما اكتر من كدا أبدا .
.................
مش قبل كدا واحد منهم طلع في التلفزيون وقال
أنا رب الثورة وبانيها وصانع مجدها وعايز
أعمل لي حكومة براي ؟؟ وتيييييييييب ياخ.

أى نعم..
الولدين ديل مهرجين و تحس من كلامهم انهم بيخدموا جهات بعينها..
ولكن كونه يقول 2 من الدعم السريع عندهم كرونا ويطلع الكلام كذب..
أها يعنى شنو ؟
هل الاحصائيات بتاعة كرونا حول العالم صاح ؟
ماهو الحكومة بتقول 6 مصابين..
وفى احصائيات اقليمية بتقول ان السودان فيه 58 مصاب (لغاية أول أمبارح)..
هم بس مغتاظين من الولد و لابدين ليه..
لانه ادوه قروش و عربية وشقة عشان يشّكر الدعم السريع..
و قلب عليهم..
شالوا منو العربية..(و دا الجننه زياده هو كمان التانى)..
وهكذا..
مافى قضية هنا..
غير الرغبة فى تأديب ود الضى..
أما كونو يستاهل و لا ما يستاهل..
فدا متروك للراى العام..

حقيقة والله بعتذر للاخوة المشاركين بالبوست لأني فتحتو وبالجد ماىمهتم ولا كير بالضئ ولا اخوهو
ولا اذكر اني اهتميت بأي شئ يخصهم الا مرة في فيديو كدة بعد فض الاعتصام شاهدتو ليهو هو ومعاهو واحد تاني بيحملوا ق ح ت المسولية
وبيتهمو بعض موكناتها بتوقيع القرار .. على ما أذكر كان ما اكون ملخبت بينهم وبين ابورهف والا زنون والا اي طلوشة تاني من الطلوشات..

بس سامع بيهو وعارف انهم من نجوم اللايفات ومنظراتية الفيديوهات واثارة الجدل وعيك عاك ورجغت ومفتكرو دعم سريع
آآآآآ
آآآآآآآ
عموماً ما كان عندي موضوع وقلت اسأل من طراجي بالمرة !

فعذراً يآخ


ـــــــــــ
طراجي وين ياربي ؟!

الاخ الفاضل حيدر الزين..
احترام..

عموماً ما كان عندي موضوع وقلت اسأل من طراجي بالمرة !

فعذراً يآخ
ـــــــــــ
طراجي وين ياربي ؟!
...

رغم اعتذارك للاخ بس فى كلمتين لازم نقولهم...
المرة الجاية لما ما يكون عندك موضوع...
و داير تسأل عن شخص بالمرة..
أكتب لينا الكلام دا فوق فى العنوان..
لانه فى ناس بتقطع من وكت غالى جدا عشان تدخل فى المواضيع الجادة جدا..
زى اولاد الضى الما عنك معاهم شريعة..
العيال ديل رغم حماسهم الا انهم صغار فى السن..
فى العشرينات..
و ما عندهم معرفة بالسياسة..
بس فاكرين نفسهم سياسيين و عشان كدا سهل استغلالهم...
لذلك بيدخلوا السجون كتير و بيعذبوهم و الراى العام بيقيف معاهم و يطلعوهم..
ويدخلوا تانى..
يعنى لو لقو توجيه سليم..
حيخدموا البلد ..

تانيا..
تراجى عندك فى هاملتون..
و أنت فى تورنتو..
يعنى 45 دقيقة بالعربية..
و سهل جدا تلقى تلفونها..
موجود عندكم فى تورنتو..

يعنى فى كل الحالات..
يا حيدر الزين..
حدد لينا المقصود من عنوان البوست...
عشان ما ندخل فى عدم الموضوع..
ومافى زول يقول لى و أتى الدخلك شنو..
المنبر دا للداير يدخل..
و للبيهمو الامر..
ودمتم..

سلامات استاذة نور

في دي عندك حق والله وبكرر أسفي للخستكة الاخدت من زمنك..
اعتذاري الاول عشان كلمة التضامن البذلتها في العنوان وحا اعدلها الآن
والتاني لانه ما حا اقدر افسر او أفتى في موقف او موقع احمد الضئ واخوهو كما لا استطيع في ذوالنون او ابورهف غير انهم بتاعين إثارة
وشو ومناضلي مقابل ودي قرايتي .. سبب البوست كان استغراب بسبب قربهم زمن الاعتصام من الدعم السريع..
وهي ظاهرة او مجموعة كاملة ثيمتها تغيير المواقف وتسليع الأراء والمتاجرة بالقضايا يصاحبها دردرقة براميل فاضية ..
وأقرب نموذج وامثولة وتجسيد حي طراجي مصطفي .. ودا سبب السؤال
ولو ما اكون كضاب فهي رائـدة هذا المجال والمهنة في السودان ثم سار على خطاها آخرون وتعددت المدارس ..
لكن شايف انه صيتها وصوتها انخفض وتجاوزتها الاحداث وتكعبل حمارها
فحسنة واجر سألت منها
اكرر عذري لإزعاجك
وشكراً صراحة الاديتيني موضوع اللحظة دي مع قعدت كرونا فكتبت :)
ثم انا والحمد لله ما في كندا بلد العلمانية :)

Quote: الغريبة احمد الضي دا في اول بداية موضوع الكورونا يحلف و يتقطّع انه مافي كورونا ودي مؤامرات و جاكات حكومية ساي لمنع المواكب!! أمّا اخوه فلسة مصر انو مافي كورونا

والله يا حبيب ما عاوز اقول لأستاذة نور اني كل او اغلب الأسامي بتاعت هؤلاء النجوم اللوايف اول مرة اسمع بي زول فيهم بيكون هنا بالمنبر
وعندك تحديداً ماعدا ذو النون عند النصري امين هههه
مابنكر التأثير والايجابية لدور الكتيرين في الحشد ودعم الثورة في عنفوانها في وقت خرست اقلام وصمت الكتير
بعد الاصوات دي ادت دورها وانجزت عملها والتفت لمايفيدها ويفيد العباد
ونماذج تانية نصبت نفسها وبقت راجية المقابل ومنتظرة المكسب والربح وإلا الردحي والإبتزاز..

بس ماعارف الاخلاق البتجي لي زوول يبذل ساعة وساعتين يتكلم بس .. خليك من المستمع ..
تبارك اللذيذ دا ما قدرت ايهو اكتر من عشرة دقائق على دفعتين :)

Quote: مدون البلاغ قال الكلام دا ما ليه اي اساس من الصحة...

من ناحية تانية يا عمر نملة .. هو يدون ضدو بلاغ عشان ينشطب بعد اسبوع وبعد يتنشر في الاعلام لي شنو ؟
ضياع زمن موظفين وحشو إعلامي وتبديد قروش !

سلام يا حسن فرح ..

Quote: مناضل بتاع مين يا حيدر الزين يااخى والله هناى المعانا دا بى سواطته البيعمل فيها كل يوم دى اشرف من الضى بمراحل

إذا كان اغلب من يعبر عن رايه في شتى الوسائط انطباعه عن الشباب ديل انهم مستهبلين يبقى خطاباتهم دي موجهة لمنو؟
وكيف لشخص فاقد المصداقية ولا يؤتمن ليهو حسب الرأي العام بصورة عامة يكون لمعلومة او خبر ينشره تأثير ..!
إذا كان مؤثر فيما ينقل فبالتاكيد كسبها بالمصداقية ..
ان لم تكن له مصداقية فلا تاثير لما يجلب من انباء ولا يستدعي المحكمة فانت حكمت على شهادته مسبقاً ..
إلا كنت تهدف بالمحاكمة لضحد صورة الراي العام عنه بما ويعيد له المصداقية وفق معادلة سالب السالب موجب ..

Quote: اليومين ديل كل الدول مشددة العقوبات على كل من ينشر معلومات كاذبة حول الكورونا ليزعزع الاستقرار وثقة الناس في حكومتهم لازم نعمل مثلهم وعلى الحكومة مراقبة مواقع التواصل الاجتماعي للتحقيق في اي معلومة كاذبة . مع كورونا ما في نضال ولا يحزنون .. خبت بس

سلامات يا حنين ..
من حكم زمن الكرونا انه المواطن نفسه بقي يدعو وينادي ويحث انظمته على اختلافها بتقييد حريته الشخصية ..
وممكن يطلع مظاهرة عديل ضد حكوماته على إختلافها إا تباطأت في تقييد كلامو او حركته ..
سيستم Made In China هو والكرونا ومحاربة الشائعات باعتباره ميزة ووسيلة ناجعة
السؤال البيفرض نفسه .. هل من السهولة للانظمة والحكومات بعد كدة التنازل عن هذه الهدية؟
ولأي مدي ممكن استمرار تطبيقها وتقنين وسائل التواصل الإجتماعي .. !
اظن انه العالم في جزءه الأسواء حا يفقد جزء من حقوقه مع ضحايا الكرونا
فاذا كانت كرونا سبب كافي الان فستزول وتظل اسباب غيرها في وجه نظر القانون

الحبيب طلحة عبدالله .. سلامات

ماعرفنا ابوالثورة دي منو زاتو حيرونا ..
شايف قصة ابوة قوش وامومة طه الحسين اختفت جزئياً مع اختفاء شعار تجمع المهنين يمثلني وإنعدام بولات أبراهيم بقال ..

Quote: رغم اعتذارك للاخ بس فى كلمتين لازم نقولهم... المرة الجاية لما ما يكون عندك موضوع... و داير تسأل عن شخص بالمرة.. أكتب لينا الكلام دا فوق فى العنوان..

عجبني ليك ههههههه.

والله انا زاتو عجبني لي نفسي اكضب عليييك هههههههه

رشة زي ما بالساهل الزول يلقاها :)

والشئ بالشئ يذكر لمن كان يرى انه القبة تحتها فكي !

Quote: واصل المتهم أحمد الضي بشارة، في جلسة محاكمته الخامسة، الثلاثاء، اعترافاته المثيرة بصحة تسجيله لمقاطع فيديو وبثه على الوسائط. ويمثل الضي، أمام قاضي جنايات الخرطوم شمال، الذي ينظر في القضية المقيّده ضد الناشط أحمد الضي، والتي يواجه فيها تهماً تحت المواد (50)، (51)، (56)، (58)، (60)، (62)، (64)، المتعلقة بتقويض النظام الدستوري، وإفشاء معلومات عسكرية، والتحريض على الهروب من الخدمة العسكرية والتحريض على التمرد وإثارة الشعور بالتذمر وسط القوات النظامية. وكانت المحكمة وفق صحيفة حكايات شاهدت في الجلسة الرابعة الأسبوع الماضي، مقطع الفيديو الثاني، الذي وصف فيه المتهم موقف بعض قوى الحرية والتغيير بـ(الضبابي) من قوات الدعم السريع، خاصة حزبي “الشيوعي والبعث“، وقال إنهم ينتقدون الدعم السريع في غياب قائدها، ويمتدحونها أمامه سعياً للحصول على المال “بالنفاق“ على حد تعبيره. وقال المتهم أحمد الضي، في مقطع الفيديو الذي شاهدته المحكمة، برئاسة القاضي حامد صالح، والذي أقر فيها المتهم بصحة مقاطع الفيديو، فيما قال الضي: إن مدير جهاز الأمن والمخابرات الأسبق، الفريق صلاح قوش يعمل مستشاراً أمنياً للشئون الأفريقية للرئيس المصري عبد الفتاح السيسي، وإنه مسنود من جهات دولية. وكشف الضي، عن وجود ما أسماه بـ”الصفقة” بين السلطات المصرية وقوات الدعم السريع، لتلعب الدعم السريع دور الدرع لمصر في نزاعها مع أثيوبيا حول سد النهضة، مقابل أن تسمح القاهرة لقوات الدعم السريع، التنقيب عن الذهب في حلايب وشلاتين. وقال أحمد الضي بشارة في المقطع الذي أقر بتسجيله وأعيد بثه أمام المحكمة، إن لقاءً جمع قائد قوات الدعم السريع، الفريق أول محمد حمدان دقلو، بمدير جهاز الأمن والمخابرات الأسبق، الفريق أول صلاح قوش الذي زار الخرطوم سراً بعد سقوط الإنقاذ، وإنهما غادراً سوياً إلى القاهرة بطائرة خاصة – بحسب الضي-. وأضاف: الحزبان، الاتحادي الديمقراطي الأصل، والاتحادي المعارض، مؤيدان لتحركات صلاح قوش في السيطرة على شرق السودان بعد إثارة القلاقل فيه”. وحددت المحكمة جلسة نهاية ديسمبر الحالي لمشاهدة بقية الفيديوهات وعددها (14) مقطع فيديو، والسير في القضية. الخرطوم ( كوش نيوز)