Post: #1
Title: "شفتنة" الاصمعي و ذكاء أبى جعفر المنصور
Author: أبوذر بابكر
Date: 03-28-2020, 02:51 PM
02:51 PM March, 28 2020 سودانيز اون لاين
أبوذر بابكر-
مكتبتى
رابط مختصر
مما يروى فى لطائف وطرائف حكايات الأدب العربي
القصة الشهيرة عن الخليفة العباسي التانى
أبوجعفر المنصور
كان راجل داعية جدا وسريع الحفظ لدرجة مدهشة
كان بحفظ القصيدة من أول سماع
المنصور طبعا زيه زى معظم الخلفاء والحكام كان محب للأدب وللشعر خاصة
مشكلته انه كان بخيل جدا زى ما بيروى عنه
يعنى كان "جلده" أو "قيحه" بكلام ناس مدني
|
Post: #2
Title: Re: andquot;شفتنةandquot; الاصمعي و ذكاء أبى جعفر المنص
Author: أبوذر بابكر
Date: 03-28-2020, 03:03 PM
Parent: #1
بدت حكاية الاصمعي مع المنصور لما أعلن أبوجعفر عن أنه اى شاعر ينشد قصيدة قدام الخليفة
ويكون المنصور ما سمع بيها قبل كده
ح يدى الشاعر ده دهب بوزن الشى الكتبت عليه القصيدة
الشعراء طبعا ما صدقو وهاك يا قصائد مدبحة وسمحة
الخدعة طبعا كانت فى انه المنصور بحفظ النص طوالي من أول مره يسمعه
ويقال انه كمان كان معاه واحد من الشغالين معاه بحفظ من المرة التانية
بعد ما الشاعر يلقى القصيدة
أبوجعفر طوالى يقول ليه
قديمة يا معلم
سمعناها قبل كده
ويقوم يسمع القصيدة للشاعر
لا وشنو
يقول ليه لو ما مصدق خلى فلان ده يقولها ليك
وينادي الزول البحفظ من المرة التانية داك ويرص للشاعر قصيدته
أبو جعفر حير ليك الشعراء وجنن جن
ههههههه
|
Post: #3
Title: Re: andquot;شفتنةandquot; الاصمعي و ذكاء أبى جعفر المنص
Author: أبوذر بابكر
Date: 03-28-2020, 03:05 PM
Parent: #1
القصة انتشرت والناس احتارو فى الشى الحاصل ده
عمك الاصمعي سمع بالحكاية
قال الشى ده مستحيل يكون كده واكيد فى سر ولعبة وخدعة من المعلم الكبير أبو جعفر ده
لكين أصبر لى ليهو الجلده
|
Post: #4
Title: Re: andquot;شفتنةandquot; الاصمعي و ذكاء أبى جعفر المنص
Author: أبوذر بابكر
Date: 03-28-2020, 03:10 PM
Parent: #1
الاصمعي الشفت هبش بى جاى وبحت هنا وهنا وقدر يعرف أنه الخليفة عنده مقدرة عجيبة ورهيبة فى الحفظ
قال ليه طيب
بس ليك الجن القدر غداك
قعد وعمل ليه قصيدة غريبة وعجيبة
واتنكر فى شكل واحد إعرابي ومشي مجلس الخليفة قال ليهم انا شاعر وعندي قصيدة جديدة للخليفة
الجماعة كلمو أبوجعفر
وأبو جعفر ما صدق طبعا قال ليهم طولنا ياخ ما ضحكنا من الشعراء المواهيم ديل
دخلو لينا الفاره ده
ههههههه
|
Post: #5
Title: Re: andquot;شفتنةandquot; الاصمعي و ذكاء أبى جعفر المنص
Author: أبوذر بابكر
Date: 03-28-2020, 03:12 PM
Parent: #1
عمك الاصمعي جا داخل متابط قصيدته العجيبة
وبدأ ينشد ويلقى
صـوت صفير الـبلبـلِ هيج قلبي الثملِ
الماء والزهر معاً مــــع زهرِ لحظِ المٌقَلِ
وأنت يا سيد لي وسيدي ومولى لي
فكم فكم تيمني غُزَيلٌ عُقيقلي
قطَّفتَه من وجنةٍ من لثم ورد الخجلِ
فقال لا لا لا لا لا وقد غدا مهرولِ
والخوذ مالت طرباً من فعل هذا الرجلِ
فولولت وولولت ولي ولي يا ويل لي
فقلت لا تولولي وبيني اللؤلؤ لي
قالت له حين كذا انهض وجد بالنقلِ
وفتية سقونني قهوة كالعسل لي
شممتها بأنفيَ أزكى من القرنفلِ
في وسـط بستان حلي بالزهر والسرور لي
والعود دندن دنا لي والطبل طبطب طب لـي
طب طبطب طب طبطب طب طبطب طبطب لي
والسقف سق سق سق لي والرقص قد طاب إلي
شـوى شـوى وشاهش على ورق سفرجلِ
وغرد القمري يصيح ملل في مللِ
ولو تراني راكباً علــــى حمار أهزلِ
يمشي على ثلاثة كمشية العرنجلِ
والناس ترجم جملي في السوق بالقلقللِ
والكل كعكع كعِكَع خلفي ومـــن حويللي
لكن مشيت هارباً من خشية العقنقلِ
إلى لقاء ملكٍ معظمٍ مبجلِ
يأمر لي بخلعةٍ حمراء كالدم دملي
أجر فيها ماشياً مبغدداً للذيلِ
أنا الأديب الألمعي من حي أرض الموصلِ
نظمت قطعاً زخرفت يعجز عنها الأدبُ لي
أقول في مطلعها صوت صفير البلبلِ
|
Post: #6
Title: Re: andquot;شفتنةandquot; الاصمعي و ذكاء أبى جعفر المنص
Author: أبوذر بابكر
Date: 03-28-2020, 03:15 PM
Parent: #1
قال ليك أبوجعفر رأسه قرب يضرب
قدر ما حاول يلملم ليهو بيتين تلاتة الشغلانه غلبتو
لوله شديده جدا
الاصمعي قرب يقول يقول ليه
راحت عليك يا حاج
والمنصور بكون قرب يسب ليهو دين
هههههه
|
Post: #7
Title: Re: andquot;شفتنةandquot; الاصمعي و ذكاء أبى جعفر المنص
Author: أبوذر بابكر
Date: 03-28-2020, 03:27 PM
Parent: #1
لامن خلااااااس الشغلانه غلبتو تب
قال لى الاصمعي
يا زول مافي مشكلة
البتاعة دى كتبتها فى شنو ؟
طبعا الجائزة هى يوزنو الشى المكتوب فيه القصيدة ويدو الشاعر وزنه دهب
المنصور ما بقدر يخالف كلامه طبعا
ده أمير المؤمنين وخليفة المسلمين عاد
كتبتها فى شنو يا سجم انت ؟
الاصمعي قال ليه
والله يا أمير المؤمنين ما لقيت لى لا ورق ولا جلد ولا جن أحمر اكتبها فيه
قمت كتبتها في عمود بتاع رخام
هداك ليهو شايلو فى حملي بره
قال ليك المنصور قرب يقوم يخنقو
المهم واحد من الجماعة قال المنصور
اسمع
اقول ليك شى
يمين بالله مافي زول مسلط بسوي البلاوي دى غير الفقر الاسمو الاصمعي
الخليفة قال الاصمعي
فك الزفت المغطي بيهو وشك ده
وعرفو انه فعلا ده الاصمعي
قال لي المنصور ستين يمين ما برجع الدهب ده إلا توعدني
اها قول داير شنو
قال ليه تدين الشعراء المساكين ديل قريشاتن
وتبطل حركات ناس ملوص البتعمل فيها دى
أبو جعفر قال ليه
يا زول طلاق ب التلاتة
من يوم الليله دي تاني ما بعملها
وما داير اشوف خلقتك دى قدامي تانى
اها الجماعة ضحكو واتفرقو
|
Post: #8
Title: Re: andquot;شفتنةandquot; الاصمعي و ذكاء أبى جعفر الم
Author: ABUHUSSEIN
Date: 03-28-2020, 04:22 PM
Parent: #7
سلام ابو ذر
و يقال انو عندو جارية بتحفظ برضو القصيدة لو سمعتها ثلاثة مرات ...
فكان بيأكد بيها نظريتو زيادة ....
في مقطع فيديو دا رابطو نزلو هنا
https://youtu.be/Gd1nyKrJZuUhttps://youtu.be/Gd1nyKrJZuU
|
Post: #9
Title: Re: andquot;شفتنةandquot; الاصمعي و ذكاء أبى جعفر الم
Author: أبوذر بابكر
Date: 03-28-2020, 04:57 PM
Parent: #8
مشكور يا أبا حسين
قلنا نطلع الناس من جو الخوف والاوبئة والأحزان
|
|