Post: #1
Title: عوده الحرائق من جديد
Author: Asim Ali
Date: 03-27-2020, 10:33 PM
Parent: #0
10:33 PM March, 27 2020 سودانيز اون لاين
Asim Ali-
مكتبتى
رابط مختصر
يبدو ان الحرائق ستعود الى الواجهه من جديد وهذه المره لضرب محصول القمح احد المحاصيل الهامه لاستقلال قرارنا وكرامتنا
|
Post: #2
Title: Re: عوده الحرائق من جديد
Author: Asim Ali
Date: 03-27-2020, 10:38 PM
Parent: #1
Quote: الحريق بقسم التحاميد غرب المناقل مكتب ٨٩ النالة ترعة ود النورة المساحة التي تعرضت للحريق ٣فدان باسم المزارع خالد محمد حسن حمد ..
تقدر الانتاجية بحوالي ٧٥ جوال قمح ..
حتي الان أسباب الحريق مجهولة
محمد كبوشيه - 24 مارس 2020 |
|
Post: #3
Title: Re: عوده الحرائق من جديد
Author: Asim Ali
Date: 03-27-2020, 10:40 PM
Parent: #2
Quote: للمرة الثانية وفي اقل من ثلاثة أيام النيران تلتهم محصول القمح بقسم المنسي - قرية العمارة كرم الله نمرة (٣) والحريق يقضي علي أكثر من 20 فدان
المصدر - تريند السودان 27 مارس 2020 |
|
Post: #4
Title: Re: عوده الحرائق من جديد
Author: Asim Ali
Date: 03-27-2020, 10:43 PM
Parent: #3
هل حدث تحقيق ؟
هل مايشاع هو حريق مابهد الحصاد كما يقول البعض ؟
اين اعلامنا من كل هذا للوقوف على الحقيقه ؟
|
Post: #5
Title: Re: عوده الحرائق من جديد
Author: احمد حمودى
Date: 03-28-2020, 11:06 AM
Parent: #4
الى مجلس الوزاراء الى دكتور حمدووك الحاصل شنو فى حرائق محصول القمح
يا فيصل محمد صالح وزير الاعلام هل الكلام صاح
|
Post: #6
Title: Re: عوده الحرائق من جديد
Author: Asim Ali
Date: 03-31-2020, 04:07 PM
Parent: #5
Quote:
الى مجلس الوزاراء الى دكتور حمدووك الحاصل شنو فى حرائق محصول القمح
يا فيصل محمد صالح وزير الاعلام هل الكلام صاح |
دا المفروض فى كل الاحوالصحه الخبر او عدم صحتو عشان يكون فى موقف لو ماصحيح يتم قطع الطريق على الشائعات ولو صحيح يكون تنبيه للراى العام عن الجريمه اللى بتحصل فى حق الشعب فى واحد من محاصيل الاستراتيجيه لو جاز التسميه.
قبل شويه لاقانى خبر عن حريق تالت
Quote: جريق هائل يلتهم محصول القمح نمرة ٥ بمكتب ٦١ الطرفة قرية عبدالرسول غربي ٢٤ القرشي والفاعل مجهول.
|
منقول
----
ومازال صمت الاعلام رغم انو اذاعه امدرمان مثلا تلقى عندها مراسلين فى كل اطراف السودان للكوره لكن مافى اهتمام تفاصيل حياه الناس الاخرى
|
Post: #7
Title: Re: عوده الحرائق من جديد
Author: Asim Ali
Date: 04-05-2020, 08:24 PM
Parent: #6
Quote: تحالف مزارعي الجزيرة والمناقل:
الحريق الذى تم اليوم في ود سلفاب - مكتب ود السيد - المساحة المزروعة 20 فدان.
- القسم الشمالي امس مكتب ام دقرسي - ترعة رقم 15 المساحة المزروعة 8 فدان
عمل منظم ومخطط
salma
|
Quote: القبض علي من تسببو في حريق محصول القمح بولاية الجزيره.
تم حرق مشروع ود الحداد للقمح
الأهالي قفلو البلد
قفلو الطريق السفري ود الحداد مدني
قفلو مداخل ومخارج المشروع
عملو تفتيش عام
قبضو الناس الحرقو القمح
داليا الطاهر
|
|
Post: #8
Title: Re: عوده الحرائق من جديد
Author: Hasheem Karouri
Date: 04-06-2020, 11:32 AM
Parent: #7
لم اري البوست في البداية ، فعذرا .
-----
Quote: الحريق الذى تم اليوم في ود سلفاب - مكتب ود السيد - المساحة المزروعة 20 فدان.
- القسم الشمالي امس مكتب ام دقرسي - ترعة رقم 15 المساحة المزروعة 8 فدان
عمل منظم ومخطط |
خبر جميل انه تم القاء القبض علي الاوغاد .
بالله ديل بشر ؟
الكيزان ديل ما ناوين يجبوها البر . لكن يشموها قدحه . فالشعب لهم بالمرصاد .
تحياتي عاصم علي
|
Post: #9
Title: Re: عوده الحرائق من جديد
Author: اخلاص عبدالرحمن المشرف
Date: 04-06-2020, 12:49 PM
Parent: #8
اؤيد وبشدة عقوبة الإعدام حتي لمن كان فوق السبعين
ومحاكمة من بسجن كوبر بالإعدام حتي ولو كان فوق
السبعين ، وان لا نتقيد بالقانون
كلو ولا قوت الشعب والإضرار به
الإعدام ...... الاعدام مطلب الشعب
|
Post: #10
Title: Re: عوده الحرائق من جديد
Author: Asim Ali
Date: 04-07-2020, 05:17 PM
Parent: #7
Quote: ترتيبات زيارة رئيس الوزراء #حمدوك إلى ولاية #الجزيرة وسط #السودان لتفقد إنتاج القمح ضمن جهود الدولة للارتقاء بالإنتاج والأعمار والتبشير بنجاح الموسم الزراعي الحالي
واكب |
|
Post: #11
Title: Re: عوده الحرائق من جديد
Author: علي عبدالوهاب عثمان
Date: 04-07-2020, 05:52 PM
Parent: #10
الحبيب عاصم .. بحكم الممارسة والارث الزراعي
اكثر ما يؤثر في المزارع هو الاعتداء على الزرع خاصة بعد نضج الزرع
ده الموت أرحم للمزارع وهو يشاهد زرعه يحترق معليش كارثة طبيعية
معليش حتى أزمة جازولين ولكن بفعل فاعل .. وكمان القمح
لأن الزرع بالنسبة للمزارع جزء منه كأنه الابن او الابنة
الموضوع نفسيا خطير ومؤثر بغض النظر عن التكلفة المادية
والقمح خاصة عندما تنظر اليه والرياح تحركه مثل الامواج مع وشوشة السيقان مع نغمات رياح أمشير
أجمل عزف وموسيقى يسمعه المزارع
وبالنسبة للقمح دائماً نفسياً المزارع يكون مرتاح .. اكثر من الذرة .. القمح فيه حنية وجمال
اللون الذهبي .. قمحي .. أكثر بهجة للمزارع من اي زرع آخر
ولا يضاهي القمح لدى المزارع إلا النخلة وهي أم
المفروض الحكم بالاعدام لأنه اشد قسوة من قتل النفس
صدقني الحبيب لم استطيع مشاهدة فيديو حريق القمح
هذا أجرم بني آدم على وجه الأرض
تحياتي الحبيب عاصم .. بوست مؤثر جداً خاصة منظر الحريق
|
Post: #12
Title: Re: عوده الحرائق من جديد
Author: Asim Ali
Date: 04-07-2020, 06:29 PM
Parent: #11
عمنا الحبيب على والاخت اخلاص سلام عليكم
الامر فعلا يحتاج وقفه قويه وعقاب رادع وتامين للمحصول من كيد الفلول
Quote: مخرجات اجتماع لجنة الحصاد مع والي ولاية الجزيرة
١- مشاكل الخيش تم استلام خيش من الدمازين والقضارف وكنانه وواصل الخيش المستورد بورسودان.
٢- حماية وتأمين المحصول والشون والمخازن ومداخل ومخارج الجزيرة.
٣- معالجة طرناطة 24 القرشي.
٤- استلام فائض القمح من المزارعين
٥/توفير 50الف جالون في اليوم لمشروع الجزيرة والمناقل
مراقبة جاز الحاصدات ووضع جاز ترحيل القمح لمناطق التخزين ومناطق التشوين
الاهتمام من المكاتب بجمع التكلفة نقدا من المزارعين
تم توفير عربتان للجنة الحصاد الأولى بالجزيرة والأخرى بالمناقل
مالك عبدالعزيز
عضؤ لجنة الحصاد
المصدر:الصفحة الرسمية لتحالف مزارعي الجزيرة والمناقل
|
|
Post: #13
Title: Re: عوده الحرائق من جديد
Author: Arif Nashed
Date: 04-07-2020, 07:56 PM
Parent: #12
منتهي الاستهتار بقوت الشعب.
زي ديل يطبقوا فيهم حد الحرابة.
ده كلو من التساهل في العقاب.
|
Post: #14
Title: Re: عوده الحرائق من جديد
Author: Asim Ali
Date: 04-12-2020, 11:49 PM
Parent: #13
مرحب عارف
شكلو برنامج الحرائق حيستهدف الصناعه الوطنيه كمان
|
Post: #15
Title: Re: عوده الحرائق من جديد
Author: Asim Ali
Date: 04-15-2020, 05:57 PM
Parent: #14
Quote: تم حرق محاصيل البصل من فداسي لغاية الحصاحيصا
السؤال :
هل العملو كده ديل بشر؟؟
هل معقول عشان تفشل حكومه تأذي الناس وتأذي بلد
#الكيزان_عبدة_الكراهية
#تحديات_الفترة_الانتقالية
#استكمال_هياكل_السلطة_الانتقالية
#القومة_للسودان
|
صفحه ثوره الوعى- فيس بوك
|
Post: #16
Title: Re: عوده الحرائق من جديد
Author: Asim Ali
Date: 04-22-2020, 07:53 PM
Parent: #15
بعد حريق بنك الخليج بشارع المطار
حريق في بنك الخليج فرع شارع إفريقيا
التاريخ: 21-أبريل-2020
كشف بنك الخليج بالسودان عن أن الحريق الذي شب اليوم في أحد فروعه بشارع إفريقيا بالخرطوم لم يؤثر على انسياب الخدمات المقدمة وسير العمل. ونبه البنك في بيان اليوم بحسب صحيفة السوداني، الى أن الحريق شب خارج مباني البنك وتمت السيطرة عليه بواسطة الجهات المختصة. وأكدت إدارة البنك التزامها بتقديم كافة الخدمات التي تلبي طموحات العملاء. الخرطوم: (كوش نيوز)
-------------
حريق فى المنطقه التجاريه بالشهداء ام درمان
صفحه مدن السودان تنتفض
|
Post: #17
Title: Re: عوده الحرائق من جديد
Author: Hamid Elsawi
Date: 04-22-2020, 08:14 PM
Parent: #16
شكراً عاصم
لا ألوم الكيزان
لكن ألوم الاجهزة الامنية
يصرفوا مرتبات ومن مال الشعب
ونايمين.
الان البلد فيها قرارات منع التجمعات وشملت
الافراح و الاتراح و في العالم كلو ...
يجو الكيزان يخرقوا القرار و يطلعوا مظاهرات
و الأجهزة الامنية المفروض تحافظ علي القوانين تتفرج
ديل مفروض تتم محاكمتهم بتهمة عدم التقيد بقانون منع التجمعات
طبعاً التهاون من اجهزة الامن معروف أسبابه
|
Post: #18
Title: Re: عوده الحرائق من جديد
Author: Asim Ali
Date: 05-17-2020, 09:57 PM
Parent: #17
Quote:
حريق في الولاية الشمالية
القرير العامراب
و خسائر فادحة في اشجار المانجو والبرتقال والنخيل ..
|
|
Post: #19
Title: Re: عوده الحرائق من جديد
Author: Asim Ali
Date: 02-03-2021, 11:04 PM
Parent: #18
فى يوم واحد
حريق مجمع نيفاشا للاجهزه الالكترونيه شمال فندق اراك وبرج البركه
>
حريق بالحديقه الدوليه -شارع المطار قبل قليل
|
Post: #20
Title: Re: عوده الحرائق من جديد
Author: Asim Ali
Date: 02-16-2021, 05:37 PM
Parent: #19
Quote:
حريق كبير في ثكنات معبر ارقين البري دون خسائر في الأرواح
|
|
Post: #21
Title: Re: عوده الحرائق من جديد
Author: ترهاقا
Date: 02-16-2021, 05:46 PM
الغلط إننا ما قصقصنا ريشهم بعد الثورة، خليناهم يرتعوا ويمرحوا تحت حجة الديمقراطية
|
Post: #22
Title: Re: عوده الحرائق من جديد
Author: عبداللطيف حسن علي
Date: 02-16-2021, 05:51 PM
لو رقعت راسك في السوق العربي او سوق امدرمان او اي سوق اخر
ونظرت الي توصيلات الكهرباء ، نستغرب من عدم حدوث حريق
علي راس كل دقيقة ، العجب مافي الحرائق ، بل في عدم حدوثها
مع كل الفوضي العارمة في التوصيلات
|
|