Post: #1
Title: الشفافية يا حكومة!!
Author: محمد البشرى الخضر
Date: 03-23-2020, 10:07 AM
Parent: #0
10:07 AM March, 23 2020 سودانيز اون لاين
محمد البشرى الخضر-العين-الإمارات
مكتبتى
رابط مختصر
عارف ان الوقت غير مناسب ولا صوت يجب أن يعلو فوق صوت يدعو و يوعّي الشعب الأسمر بتاع المنقة بجدّية موضوع الكورونا
لكن تقول شنو بس
لينا كم يوم و الكيتة مدوّرة من موضوع التعيينات لتغريدة الدقير و بيان الاتحادييّن الملغّز و قبلهن قصة وزارة الزراعة و الصراع الكريه مع مركزية الحرية و التغيير
وجات قصة اعفاء اردول ثن استقالة وزير الدولة للعمل عشان بي موية وتكمل و يلقى بيجو وغيره الهوا البضري عيشهم وشي اتهامات فساد وشي جهوية وشي عنصرية و فين يوجعك في ثورتك يا شعب يا أسمر يا بتاع المنقة!
كل الفات دا كوم لكن ما اثير و يثار من اتهامات فساد وحديث عن بلاغ ضد الجمهوري حيدر شبو و ضمان ابراهيم الشيخ ثم ما يقال عن لجنة تحقيق في الشركة السودانية للتعدين عن فروقات في الانتاج بلغت 146 كيلو ذهب و أخيرا ما ذكر على لسان اردول او مدير مكتبه عن تجاوزات لا يمكن السكوت عليه و الاكتفاء بمرور الزمن و الرهان علي ضعف ذاكرة الشعب الاسمر!
يا حكومة لست من انصار الطلوع في الفارغة و المليانة و الرد على كل ترهات الواتساب و اللايفات لكن حين يصل الأمر لبلاغات من جهة رسمية و لجان تحقيق و تصريحات من مدراء مكاتب فا هنا الأمر لا يمكن السكوت عليه
انتو ما الانقاذ عشان نضر كف بكف و نقول ما كلهم حرامية من شيخهم وننصرف لأمورنا! لأ انتو ناسنا وممثلينا و حكومتنا و الرهانا عليكم
ما بنرضى فيكم او منكم الشينة!
ضرورة خروج فيصل او اي من الوزراء المعنيين او حتى حمدوك هيمسيلف لتوضح و الرد على الاتهامات تحديدا الخاصة بالذمم المالية أمر لا بد منه
خليك من قصة عينتوا فلان وشلة و بتاع دي حسادة مثقفاتية و حزبجية ساي
لكن الفساد - ومجرد الاتهام به - ام مختلف!
|
Post: #2
Title: Re: الشفافية يا حكومة!!
Author: خضر الطيب
Date: 03-23-2020, 10:10 AM
Parent: #1
الشفافية ولا الرمادية ؟
بت الكلب الشعيرية
ههههههه
|
Post: #3
Title: Re: الشفافية يا حكومة!!
Author: محمد البشرى الخضر
Date: 03-23-2020, 10:21 AM
Parent: #2
يا واطي يا ابن الواطي
خرمت شكلك!
|
Post: #4
Title: Re: الشفافية يا حكومة!!
Author: عمر التاج
Date: 03-23-2020, 10:32 AM
ماشي كويس
الحق الثورة ماتفوتك هههه..
..
..
وبالمناسبة موضوع اردول والحديث عن المليارات المسروقة خاشي في موضوع البوست ولا بره منه؟
|
Post: #5
Title: Re: الشفافية يا حكومة!!
Author: محمد البشرى الخضر
Date: 03-23-2020, 10:45 AM
Parent: #4
كيف ما خاشي في موضوع البوست, ما قريتها ولا شنو
خطورة المذكور في الموضوع انو ما مجرد اشاعات ولفحي بل تصريح منسوب لحذيفة عبدالله مدير مكتبه بالاضافة لبوستات كاتبها اردول في حسابه وصورة من قرار تشكيل لجنة تحقيق
موضوع الجمهوري ووزارة الزراعة فيه بلاغ اتفتح عديل
يعني الموضوع هنا طلع من كونه اشاعات و لفحيبة ساي, لكن الصمت الحكومي هو ما يغري ناس الاشاعات و التنظير في التمادي
طبعا لا نريد منهم الحديث بالتفصيل عن موضوعات أمام النيابة لكن على الاقل اشراك الرأي العام و اطلاعه بشفافية على ما يجري دون التأثير في سير الاجراءات القانونية و لقفل باب الشائعات
|
Post: #6
Title: Re: الشفافية يا حكومة!!
Author: Yousuf Taha
Date: 03-23-2020, 01:14 PM
Parent: #5
ياود البشرى
غايتو تضامن منعم طلس حا يغطس حجر كيس اردول ولو كان الحق معاو
منعم عند البعض بمثابة ثيرموميتر لقياس المصداقية لو وقف مع حاجة معناها غلط( باي ديفولت )
|
Post: #7
Title: Re: الشفافية يا حكومة!!
Author: محمد البشرى الخضر
Date: 03-23-2020, 04:20 PM
Parent: #6
هههه فعلا يا يوسف بيجو كان عايز يعمل فيها هيكل في الايام الاولى لحدي ما جا وشرب الشاي بالياسمين و برّأ الجنجويد!
لكن الموضوع دا أكبر من بيجو! التفاصيل الذكرت و الاشارات قبيحة جدا جدا
واسي كمان جات مصيبة تانية برضو تمس احد ايقونات الثورة!
ما عارف هل الشغل دا مقصود و دي زي ما قيل خطة ب للثورة المضادة باثارة شبهات الفساد و الغبار حول قيادة الحكومة الانتقالية ولاّ الحاصل شنو
|
Post: #8
Title: Re: الشفافية يا حكومة!!
Author: Mutasim Idris
Date: 03-23-2020, 04:32 PM
Parent: #7
ودالبشري سلامات..
بيجو برااهو الشرب واكل وبرأ الجنجويد؟ ههههههه
Quote:
هههه فعلا يا يوسف بيجو كان عايز يعمل فيها هيكل في الايام الاولى لحدي ما جا وشرب الشاي بالياسمين و برّأ الجنجويد! |
هسي ح يجو يعلقوها في شماعة (الدولة العميقة) والكيزان
(الماكويسين) الشغالين لسسسة في الحكومة دي اللي مازي
(منيس) مثلا..
صوتنا بح غايتو بعدم (الشفافية) دي نشوف يمكن يسمعوك
ويجوا يقولو. والبلاغات دي ما تبقي زي البلاغات الكتييرة
مفتوحة وننتظر العدالة تاخد مجراها وما نأثر علي سيرها.
غااااايتو..
|
Post: #9
Title: Re: الشفافية يا حكومة!!
Author: محمد البشرى الخضر
Date: 03-23-2020, 07:26 PM
Parent: #8
جاتك مقنطرة يا معتصم هههه
لكن منو غير بيجو البرّأ الجنجويد! ياهم ناس الضي و بريمة لاسباب جهوية تاني منو؟
بالنسبة للمواضيع الفتحت فيها بلاغات فا ح تصل آخرها سواء بالادانة او البراءة وحتى ذلك الحين كنا نود ان تخرج علينا الحكومة بكلمة تلجم بها رعاة الشائعات
|
Post: #10
Title: Re: الشفافية يا حكومة!!
Author: Arif Nashed
Date: 03-23-2020, 08:36 PM
Parent: #9
| Quote: لكن الفساد - ومجرد الاتهام به. |
ود البشري تحياتي
دائما أربط الفساد بسوء الإدارة.
المشاكل التي نعاني منها الآن نتجت بسبب الفساد وعندما يتعلق الأمر بأي تهمة فساد فيجب التعاطي معها بشفافية تامة.
|
Post: #11
Title: Re: الشفافية يا حكومة!!
Author: Arif Nashed
Date: 03-23-2020, 09:11 PM
Parent: #10
الخرطوم – الراكوبة
دفع وزير الدولة بالعمل والتنمية الاجتماعية د كتور ا ستيفن أمين باستقالته من منصبه لرئيس الوزراء د عبد الله حمدوك وحسب صحيفة السوداني الصادرة اليوم الاثنين .
وقالت السوداني إن الوزير المستقيل طيلة فترة وجوده بالوزارة لم يتم تسليمه أي من ملفات للعمل فيها بجانب اعتذار وزيرة العمل لينا الشيخ المتكرر من تلبية طلبه بعقد اجتماع معها.
وقال المصادر أن وجود الوزير في الوزارة (ديكوريا) فضلا عن تأكيده بأن الوزارة لاتزال تدار بأيدي الدولة العميقة وغادر الوزير إلى خارج البلاد وتكليف مدير مكتبه بتلسيم الاستقالة لمجلس الوزراء.
|
Post: #12
Title: Re: الشفافية يا حكومة!!
Author: Mutasim Idris
Date: 03-24-2020, 01:27 AM
Parent: #11
| Quote: لكن منو غير بيجو البرّأ الجنجويد! ياهم ناس الضي و بريمة لاسباب جهوية تاني منو؟ |
ناسك (ذمسيلفس) قالوا ما عملها ههههههه الكلام دا شهر١١
الفات.. هل كان عندهم تحقيقاتهم كمان ولة سااي كدا.
وديل كمان المكون كوووووووله قالوا هيئة العمليات وكمان
ورونا عرباتهم كان بتطلع من وين. هههههههه.
اما ما يختص بالشفافية يا ودالبشري زماااان البرهان
قال ايام المفاوضات الناس دي بقولو لينا كلام ويطلعوا
يقولوا للشارع كلام تاني.. نسيت؟. يعني متعودين.
مدني في لقاء قال تنقصنا الشفافية وتمليك الشارع
كل الحقيقة (قبل ما يبقي سعااادة وزير).
خلها مستورة ياااخ وننتظر في الصف مع بعض نهاية
(التحقيقات) اللي سيرها بقي زي (سير) الطاحونة.
|
|