شكراً بابا كوستا يا سلاااام و يا للروعة من الاغاني الممكن تسمعا كل يوم الرحمة و المغفرة للفنان الجميل الودود خليل اسماعيل و الرحمة و المغفرة للشاعر محمد على ابو قطاطي رجعتنا لمنتصف التمانينات في سهرة سجلناها لخليل اسماعيل كان لابس لبسة مبرقعة كده ذي جلد النمر قلت ليهو يا استاذ انت جادي لابس جلد نمر عاين بي نظرة كده انا فهمتا معناها و ضحكنا قلت ليهو قول العاوز تقولو قال لي ما بقدر اقول و ما قادر اصرح لانكم حتبوظو لي السهرة يا سلااام ياخ اجمل مافي السهرات دي كانت خلف الكواليس قبل التسجيل في سهرة تانية يا كوستاوي كانت مع الاستاذ الراحل الجابري مهندس الصوت زميلنا عادل بخاري بظبط في المايكات و انحنا كلنا تحت في الاستوديو الجابري في بعض الاحيان بكون قدامو كرسي بكون رافع رجل في الكرسي و التانية في الارض و ماسك العود عادل قال ليهو يا استاذ حتكون واقف و لا حترفع رجلك يقصد الكرسي طبعاً عشان يعرف يظبط ارتفاع و اتجاه المايك الجابري عاين ليهو بنظراتو المندهشة .. قال ليهو اسمع انتو بجيبوكم من وين كنت قريب قلت ليهو يعني قصدك شنو يا استاذ بجيبوهم من وين قال لي يعني هسي انا جتا سيرة ابو صليب و لا سبعة بيوت ههههههههه
Quote: مهندس الصوت زميلنا عادل بخاري بظبط في المايكات و انحنا كلنا تحت في الاستوديو الجابري في بعض الاحيان بكون قدامو كرسي بكون رافع رجل في الكرسي و التانية في الارض و ماسك العود عادل قال ليهو يا استاذ حتكون واقف و لا حترفع رجلك يقصد الكرسي طبعاً عشان يعرف يظبط ارتفاع و اتجاه المايك الجابري عاين ليهو بنظراتو المندهشة .. قال ليهو اسمع انتو بجيبوكم من وين كنت قريب قلت ليهو يعني قصدك شنو يا استاذ بجيبوهم من وين قال لي يعني هسي انا جتا سيرة ابو صليب و لا سبعة بيوت ههههههههه
دي الانا قصدتها يا بابا كوستا الجابري رافع رجلو في الكرسي و هو متعود على الحركة دي في كتير من السهرات السجلناها لكن سهرة مطرب الجماهير دي انا ما اشتغلتا فيها