النتيجة إيجابية لا سلبية, حنقاضي الوزير معمل ستاك زوّر النتيجة ما زوّرها و تسجيلات و تنظير و الشعب السوداني في دقايق حوّل المود من التنظير السياسي للطب و تخصص علم الفيروسات! في اثناء سبق الحمير دا مدوّر و الناس مشغولين بيه يعلن العالم كله حالة الطوارئ و يتعلّم الدرس من اهمال الايطاليين للأمر الذي ادى لاانفجار الحاصل حاليا و تحوّل ايطاليا لبؤرة انتشار للفايرس في كل اوروبا و ربّما العالم لكن و الحمد لله لازال في بلدي عقلاء يحملون هم البلد و الناس منطمة منجزون بدات حملة توعية للناس
Quote: #منجزون منأجلبناء_الوطن منظمة منجزون .. من -أجل- بناء- الوطن غرفة الطوارئ المركزية مركز الإعلام
تم وبحمد الله اليوم الاحد الموافق ١٥/مارس /٢٠٢٠ تدشين اول يوم لحملة مكافحة فايروس كورونا ((توعية - إرشاد- دعم )) التوعيه ضد فيروس الكرونا .. وكانت ضربة البدايه من السوق المركزي والنفق لكثرة كثافة السكان الموجوده فيه و تم توفير عدد 108 لتر من معقمات اليد وتوزيعها على المواطنين وتعريفهم علي طرق الاستخدام الصحيحه وطرق الوقاية من المرض وتوزيع عدد ٣٥٠٠ قصاصه إرشادية عن المرض وطرق الوقاية منه ... وسوف تتواصل الحملة لتعم جميع المناطق بالعاصمة ومنها للولايات انشاء الله.. ايد على ايد تجدع بعيد وسودان معافى انشاء الله ... وحانبنيهو البنحلم بيهو يومياتي،، ((سودان معافي _ وبالحد من إنتشار الوبائيات، وخاصة فيروس كرونا المنشود ،،)) والله الموفق دمتم بخير وستتوالي الحملات إن شاء الله.. وسوف تتواصل الحملة لتعم جميع المناطق انشاء الله ايد على ايد سودان معافى انشاء الله 🤲🏻 وحانبنيهو البنحلم بيهو يومياتي وطن شامخ وطن عاتي....
عشانك انت يا بلدي وعشانك بس
Post: #2 Title: Re: بينما الاسافير و الصحف مشغولة بسبق الحمير Author: محمد البشرى الخضر Date: 03-16-2020, 08:01 AM Parent: #1
Post: #3 Title: Re: بينما الاسافير و الصحف مشغولة بسبق الحمير Author: محمد البشرى الخضر Date: 03-16-2020, 08:03 AM Parent: #2
Post: #4 Title: Re: بينما الاسافير و الصحف مشغولة بسبق الحمير Author: محمد البشرى الخضر Date: 03-16-2020, 08:04 AM Parent: #3
Post: #5 Title: Re: بينما الاسافير و الصحف مشغولة بسبق الحمير Author: محمد البشرى الخضر Date: 03-16-2020, 08:06 AM Parent: #4
لشباب منجزون ولكل الشباب المبادر الذي اختار اشعال الشمعة بدلا عن المشاركة في سبق الحمير أو الاكتفاء بقزقزة التسالي و التنظير و نقد أداء الممثلين التحية و التقدير واسّي الله يستر على الصور دي من النقد وليه ما لابسين شنو وليه عاملين كيف ومش عارف إيه
Post: #6 Title: Re: بينما الاسافير و الصحف مشغولة بسبق الحمير Author: نصر الدين عثمان Date: 03-16-2020, 08:13 AM Parent: #5
يا سلااااااام يا ود البشرى..
صور مفرحــة بحق...
التحية لأولئك الشباب الرائعين..
Post: #8 Title: Re: بينما الاسافير و الصحف مشغولة بسبق الحمير Author: Salah Zubeir Date: 03-16-2020, 08:40 AM Parent: #6
ود البشرى ... سلام عليك .... كورونا ومشاكلها في الأسافير فقط ... زرت بنتي التي تعمل في صيدلية بشارع مكة في الرياض لأمر يخص عملي ... طلعت من هناك علي السوق العربي ومن ثم علي الحارة ٢٠ شارع الأبراج لعزاء أقارب حدثت الوفاة صباحا ومن ثم الي الدروشاب لعزاء أقارب ايضا وحدثت الوفاة ليلا ... بنتي في الصيدلية (اصرت) علي استعمال الكمامة وزودتني بكمية منها ... هي تعرف بأنني من حزب (لن يصيبنا) ... طوال الطريق لاحظت بصات النقل والوسايل الاخري تجوب الشوارع مكتظه بالناس ونادر جدا تشوف حد لابس كمامه مما شجعني علي خلعها ودخول العزاءين المكتظين بالمعارف وممارسة عاداتنا في العزاء والسلام بالأحضان والجلوس وسط مجموعة كبيرة من الناس دون التفكير حتي في كرونا ولا شلعونا ... وعند مواعيد الغداء جلسنا في صينية كنتا فيها خامسهم ... السودانيين لازالو يمارسون حياتهم اليومية العادية بكل أريحية دون مخاوف ...
Post: #7 Title: Re: بينما الاسافير و الصحف مشغولة بسبق الحمير Author: Khalid Abbas Date: 03-16-2020, 08:29 AM Parent: #1
من اول يوم قلنا ده جيل عظيم وواعي الاسافير مشغولة بتخاريف النخبة وهؤلاء الشباب مشغولين بحب الوطن والمواطن
Post: #9 Title: Re: بينما الاسافير و الصحف مشغولة بسبق الحمير Author: نعمات عماد Date: 03-16-2020, 08:42 AM Parent: #7
لو كان للموت عموماً ايجابيات، فأن وفاة المرحوم تسببت في رفع
الاستعداد و الحذر و التوعية ربما ستنقذ حياة الكثيرين، لعل المرحوم
فدى بعض أبناء الشعب السوداني . اسأل الله له الرحمة و المغفرة.
شكراً شباب الثورة و شكراً كل طواقم المستشفيات الذين يعملون
في ظروف صعبة.
Post: #10 Title: Re: بينما الاسافير و الصحف مشغولة بسبق الحمير Author: محمد البشرى الخضر Date: 03-16-2020, 08:56 AM Parent: #9
تحياتي نصر الدين, خالد, صلاح و دكتورة نعمات
يا ود الزبير
Quote: السودانيين لازالو يمارسون حياتهم اليومية العادية بكل أريحية دون مخاوف
نفس غلطة الإيطاليين التي بكون ندما عليها الان أنّهم لم ياخذوا الامر بجدية! اكيد سامع بالاجراءات الشديدة في الخليج و خاصة المملكة! تفتكر ساي الكلام دا! المشكلة في الكورونا تتمثّل في الانتشار السريع للعدوى وليس للمرض نفسه, التفشّي الشديد يؤدي لإنهيار المنظومة الصحية و العجز عن تقديم الخدمات للمرضى بل و يؤثر على الخدمات المقدمة للمرضى الاخرين! وأوّل خط دفاع - بالنسبة لظروف السودان ربّما يكون الوحيد - هو التوعية و الوقاية الذاتية التعامل بسبهللية و تجاهل هو ما سيفاقم الوضع
Post: #11 Title: Re: بينما الاسافير و الصحف مشغولة بسبق الحمير Author: حيدر حسن ميرغني Date: 03-16-2020, 09:05 AM Parent: #10
سلام ود البشرى نعم العافية درجات التوعية في حد ذاتها جزء من مكافحة المرض ، لا تقل عن العلاج تحية لهؤلاء الشباب والشابات
Post: #12 Title: Re: بينما الاسافير و الصحف مشغولة بسبق الحمير Author: mohmmed said ahmed Date: 03-16-2020, 09:07 AM Parent: #10
جيل العطاء
تسلم البطن الجابتكم شباب وشابات الوطن البنحلم بيهو
Post: #14 Title: Re: بينما الاسافير و الصحف مشغولة بسبق الحمير Author: يوسف الطيب احمد إدريس Date: 03-16-2020, 09:12 AM Parent: #12
شيء يسر البال ويفتح النفس
شكراً ود البشرى
ومعاً من أجل تفعيل طاقة العمل الإيجابي والانتقال من الثورية الهتافية
لثورة العمل والبناء من أجل الوطن
Post: #13 Title: Re: بينما الاسافير و الصحف مشغولة بسبق الحمير Author: أيمن نواى على Date: 03-16-2020, 09:09 AM Parent: #9
تم توفير عدد 108 لتر من معقمات اليد وتوزيعها على المواطنين وتعريفهم علي طرق الاستخدام الصحيحه وطرق الوقاية من المرض وتوزيع عدد ٣٥٠٠ قصاصه إرشادية عن المرض وطرق الوقاية منه . ..................................
يا سلام على الانجاز و الاعجاز .. فى زمن قل و ندر ان نجد امثالهم .. صفقة قوية يا شباب .. الشباب ديل تابعين لى منو .. علما المنظمة اسست بداية عام 2017 قبل الثورة .. علاقة منظمة منجزون بالمنظمة الرحمة التركية الخاصة بشئون الحرب شنو .. و من اين تتحصل على الدعم .. هل دعم داخلى و لا خارجى .. و هل الدعم يمر عبر القنوات الرسمية .. و هل تم مراجعة حسابات المنظمة .. مازالت معفية من الجمارك .. كم عدد الاعفاءات الجمركية التى تحصلت عليها .. و هل منجزون هى الزراع و تتبع لى يات جهه .. بعد تتحصلوا على الاجابة قابلونى فى اللفة .. قال اية قال يجزون .. دنقر راسك يجزوا ليك .. ناس مساكين .. شعب طيب اوى
Post: #15 Title: Re: بينما الاسافير و الصحف مشغولة بسبق الحمير Author: احمد عمر محمد Date: 03-16-2020, 09:17 AM Parent: #13
يا ايمن الان يمكن تجميد كل الاسئلة و الاجابة عليه المهم هو ارواح الناس و التوعية و الدنيا ما طارات اذا في اي تجاوزات ينظر لها في حينها
جميل ما يفعله المتطوعون بعيدا عن من هم الان
Post: #16 Title: Re: بينما الاسافير و الصحف مشغولة بسبق الحمير Author: نعمات عماد Date: 03-16-2020, 09:22 AM Parent: #15
يا أيمن ذكرتني المرجع الشيعي الرافض لأدوية الكورونا
الإسرائيلية، إلا بشروط.
Post: #17 Title: Re: بينما الاسافير و الصحف مشغولة بسبق الحمير Author: أيمن نواى على Date: 03-16-2020, 10:14 AM Parent: #16
يا أيمن ذكرتني المرجع الشيعي الرافض لأدوية الكورونا
الإسرائيلية، إلا بشروط ........................
سجمك يا الدكتورة .. شرطى عينى .. تشعشعنى مع الشيع .. شكيتك للفكى ابو جنقور .. منجزون بداية الخطة ب لجس نبض الشارع اذا وجد استجابة تبدا الجرعة الثانية انزال كل الكوادر الامنية و فتح الميزانيات لتجنيد لجان المقاومة او تحيدهم الان يمكن ان نقول قندور نزل الميدان على وزن كلنا اردوقان .. الاتفاق لقد اتى اكله .. القدم بالقدم و الحجل فى الرجل .
محمد احمد عمر لماذا لا يتاح الى لجان المقاومة تكوين منظمات تستقطب الدعم لبناء مشاريع خيرية .. أسوة بمنظمات المؤتمر الوطنى .. الغرض واضح .. ضرب لجان المقاومة .
Post: #18 Title: Re: بينما الاسافير و الصحف مشغولة بسبق الحمير Author: نعمات عماد Date: 03-16-2020, 10:50 AM Parent: #17
Quote: . شكيتك للفكى ابو جنقور
😂 ☺ الحمدلله ما اشتكيتني لرب العالمين.
اعتبر ان ما تقدمه المنظمة هو حق للشعب، و خدمة يحتاجها الآن.
زي ما قال أحمد محمد كل شئ في وقتو. ما تخاف على لجان المقاومة.
وين بصات الدعم السريع؟ وين الجماعة الكانو بيوزعو عبوات موية باردة
في رمضان الفات؟ رمضان فض الإعتصام، رمضان الشهداء و المفقودين؟
Post: #19 Title: Re: بينما الاسافير و الصحف مشغولة بسبق الحمير Author: Arif Nashed Date: 03-16-2020, 11:08 AM Parent: #18
ود البشري تحياتي. حقيقة صور تثلج الصدر. يكفي خدمة الوقاية التوعوية التي يقدمونها للجمهور ضد الكرونا حتي وإن كانوا يتبعون للشيطان. الكيزان لو كانوا مهمومين بالمواطن وبقدموا خدمات مماثلة لما ذهبوا.
Post: #20 Title: Re: بينما الاسافير و الصحف مشغولة بسبق الحمير Author: محمد البشرى الخضر Date: 03-16-2020, 11:09 AM Parent: #18
نواي هوي ها.. سبق الحمير بي غادي !
Post: #21 Title: Re: بينما الاسافير و الصحف مشغولة بسبق الحمير Author: Gafar Bashir Date: 03-16-2020, 11:22 AM Parent: #20
Quote: نواي هوي ها.. سبق الحمير بي غادي !
Like
مش بيقول ليك في علم التسويق اربط الحمار محل عايز صاحبو وطيب
Post: #22 Title: Re: بينما الاسافير و الصحف مشغولة بسبق الحمير Author: Hadeer Alzain Date: 03-16-2020, 11:40 AM Parent: #21
. - . -
Post: #23 Title: Re: بينما الاسافير و الصحف مشغولة بسبق الحمير Author: Hadeer Alzain Date: 03-16-2020, 11:46 AM Parent: #22
- - - -
Post: #24 Title: Re: بينما الاسافير و الصحف مشغولة بسبق الحمير Author: Asim Ali Date: 03-16-2020, 11:58 AM Parent: #21
سلام عليكم ماشاءاله فى شباب متحركين .وبسبب الجشع وارتفاع اسعار الكمامات والمعقمات مجموعه شرغت فى تجهيز كمامات مع مراعاه شروط التعقيم ومجموعه طلاب مختبرات شرغو فى مشروع تحضير سائل تعقيم للاسهام فى محاربه الجشع ومكافحه الكورونا
Post: #25 Title: Re: بينما الاسافير و الصحف مشغولة بسبق الحمير Author: MOHAMMED ELSHEIKH Date: 03-16-2020, 12:07 PM Parent: #24
Quote: كيفكم كلكم مع الحرب النفسية القاسية دي؟ والله دي أخطر علينا من فيروس كورونا المستجد، كوفيد 19 - زاتو. الحمدلله أهو الفرج جاي في السكة .. وترامب قال ليكم بطلوا الهلع .. وتخزين المواد الغذائية
فيروس كورونا: أول تجربة على البشر للقاح يحمي من المرض
من المنتظر أن تبدأ في وقت لاحق اليوم، الاثنين، أول تجربة على البشر لإنتاج لقاح يهدف إلى الحماية من فيروس كورونا، وذلك في مدينة سياتل بالولايات المتحدة.
وتموّل الحكومة الأمريكية التجربة، التي ستبدأ باختبارات على 45 متطوعا من الشباب الأصحاء.
وسيحصل المشاركون في التجربة على جرعات متنوعة من لقاح لا يحتوي على أي جزء من فيروس كورونا المستجد، كوفيد 19.
ويعتمد اللقاح، الذي تجري تجربته، على دفع الخلايا البشرية لإنتاج بروتينات قد تجنّب الإصابة بالفيروس أو تعالجه.
وفي المرحلة الأولى من التجربة، ستختبر الجرعة اللازمة لاستنفار الجهاز المناعي لدى الشخص. ويعرف اللقاح الخاضع للتجربة باسم " mRNA-1273"، وانتجته شركة "مودرنا".
يلحقونا ويحضرونا وذلك بعد ان ندعو الله ان يرمل نساءهم وييتم أطفالهم ويجعلهم هم ومن معهم غنيمة للمسلمين.
تحية للجميع
Post: #26 Title: Re: بينما الاسافير و الصحف مشغولة بسبق الحمير Author: حيدر حسن ميرغني Date: 03-16-2020, 12:51 PM Parent: #25
فعلا ڤيرس الدونية والتقليل من قيمة البلد والبشر ونشر الإحباط وتدوير الشائعات اخطر من كورونا
Post: #27 Title: Re: بينما الاسافير و الصحف مشغولة بسبق الحمير Author: Hadeer Alzain Date: 03-16-2020, 12:51 PM Parent: #25
- - - -
Post: #28 Title: Re: بينما الاسافير و الصحف مشغولة بسبق الحمير Author: حمد عبد الغفار عمر Date: 03-16-2020, 01:01 PM Parent: #27
ربنا يعين كل من يقدم الخير فليكن لنا في الصينيين اسوة حسنة تناسوا حتى صناعة السيارات وتجمعوا كشعب واحد وهزموا اقوى أعداء الإنسانية كورونا
Post: #29 Title: Re: بينما الاسافير و الصحف مشغولة بسبق الحمير Author: tabaldy Date: 03-16-2020, 05:14 PM Parent: #28
تحياتي كيف ممكن ادعم المبادرة دي؟ وكيف ممكن لسودانيين الخارج دعم مجهودات مكافحة الفيروس؟
Post: #30 Title: Re: بينما الاسافير و الصحف مشغولة بسبق الحمير Author: جمال ود القوز Date: 03-16-2020, 08:48 PM Parent: #29
Quote: محمد احمد عمر لماذا لا يتاح الى لجان المقاومة تكوين منظمات تستقطب الدعم لبناء مشاريع خيرية .. أسوة بمنظمات المؤتمر الوطنى .. الغرض واضح .. ضرب لجان المقاومة .
ردمية صغيرونة كده على قد ما قُسم للمعلم .. كان تزيد ليهو شوية يا نواي .. على الأقل يسد شوية من الديون العليهو ..
Post: #31 Title: Re: بينما الاسافير و الصحف مشغولة بسبق الحمير Author: احمد حمودى Date: 03-16-2020, 10:56 PM Parent: #30
شوفوا الزووول دة عليك الله
Post: #32 Title: Re: بينما الاسافير و الصحف مشغولة بسبق الحمير Author: أيمن نواى على Date: 03-16-2020, 11:31 PM Parent: #30
😂 ☺ الحمدلله ما اشتكيتني لرب العالمين ...................... قالوا الفكى جنقور دا صعب بالحيل .. يخلى الواحدة 19 سنة يعنى تانى ترجعى تقرى الطب من جديد. ههههههههههههه
ود البشرى وزير الصحة و الاعلام مختفين مشغولين فى ترتيب سباق الحمير بنلحقهم بى هناك بعد شوية شيل الصبر .
جمال ود القوز محمد احمد عمر كفاية عليهو شوية الردم .. ردمية العتبة معقولة جدا للدخول .. تانى ما بتحمل طابق تانى دور .. يقوم ينفجر يسقط يبقى كرونا من نوع تانى .
Post: #33 Title: Re: بينما الاسافير و الصحف مشغولة بسبق الحمير Author: Mutasim Idris Date: 03-17-2020, 00:09 AM Parent: #32
ودالبشري سلامات.. غايتو النت بتاعنا قوووووي وسبق الحمير ما شاركنا فيه..لما الحكومة وزير صحتها يقول (كرونا شنو والبشير نحن قدرنا عليه) لااازم الشباب ديل كان يتحركوا يكملوا انجازات ثورتهم. انت شفت (الهجر) الصحي وين؟ غايتو وزير(التجارة) مع العساكر اختاروا الصحراء مكان (مهجور) ما بتصلوا الا الهليكوبتر.. يا ربي ح يوصوا المصابين هنا كيف؟؟ ياريت التوعية تستمر خاصة في الاقاليم لانه لو وصلها المرض النتائج ح تكون كارثية..
التعديل نسيت ما سلمت..
Post: #34 Title: Re: بينما الاسافير و الصحف مشغولة بسبق الحمير Author: Hafiz Bashir Date: 03-17-2020, 00:29 AM Parent: #33
جهد مقدر وتفاعل إيجابي مع الأزمة يستحق الإشادة والدعم
Post: #35 Title: Re: بينما الاسافير و الصحف مشغولة بسبق الحمير Author: Hafiz Bashir Date: 03-17-2020, 00:42 AM Parent: #34
Quote: كان تزيد ليهو شوية يا نواي .. على الأقل يسد شوية من الديون العليهو ..
😂😂😂 حتى أنت يا ود القوز معليش يا احمد عمر محمد أمسحها لي أحمد محمد عمر في وشو
Post: #36 Title: Re: بينما الاسافير و الصحف مشغولة بسبق الحمير Author: Kabar Date: 03-17-2020, 01:13 AM Parent: #1
محمد البشرى..حبابك يا صديق والتحية عبرك لبنات واولاد منظمة منجزون.. فكرة جيدة ، ترتيب منسق ، وخطوة جات في وقتها المناسب.. نتمنى أن يكون قدوة لبقية الشباب في الأحياء الأخرى والمدن والأرياف.. ياريت تكتر لينا من اخبار زي دي..ياخي مع المنبر والفيس بووك الواحد حاسي انو ارتد لغاية القرون الوسطى..!
كبر
Post: #37 Title: Re: بينما الاسافير و الصحف مشغولة بسبق الحمير Author: نعمات عماد Date: 03-17-2020, 07:10 AM Parent: #36
Quote: ترجعى تقرى الطب من جديد.
ما هو يا انت تقدم لبلدك البتقدر عليو أو تخلي غيرك يقدم يا دكتور!!
سلام يا احمد حمودي
الفيديو خطير و فيه كمية من الجهل و المغالطات المفروض يكون في جهة
مسؤولة تحاسب من ينشر معلومات خاطئة في ظرفنا دا.
Post: #38 Title: Re: بينما الاسافير و الصحف مشغولة بسبق الحمير Author: نعمات عماد Date: 03-17-2020, 07:10 AM Parent: #36
آسفين لتكرار يا ود البشرى
Post: #39 Title: Re: بينما الاسافير و الصحف مشغولة بسبق الحمير Author: محمد البشرى الخضر Date: 03-18-2020, 10:15 PM Parent: #38
Post: #40 Title: Re: بينما الاسافير و الصحف مشغولة بسبق الحمير Author: محمد البشرى الخضر Date: 03-19-2020, 07:31 AM Parent: #39
Quote:
Vittotio Sgarbi
نائب في البرلمان الإيطالي عمل حمله في فيسبوك في أول مارس قال انو مافي شي اسمو ( كورونا) وانو دي (حيله من الحكومه) و (كذب) لتخفيف (الضائقه المعيشيه) وانو (البيقتل هو الجوع وليس كورونا) وانو الحكومه (اخترعت) موضوع الفايروس دا (لتقويض الديموقراطيه)!
فيتوريو دا جر ناس كتار وراهو.. وفي ناس بدت تقتنع بي كلامو.. جماهير كتيره مارست حياتها بشكل عادي... ورفضوا يعملوا المحاذير والاحترازات..
باقي الناس كانت مشغوله ب انها (تنفي) أو (تثبت) انو كلام فيتوريو دا حقيقه ولا كذب.. وفي الاثناء دي كان الفايروس بينتشر في انحاء إيطاليا لتسجل إيطاليا اليوم أعلى معدل للوفيات خارج الصين!
ايطاليا الليله بتتحسر على أنها اتأخرت شديد في الإعتراف ب الفايروس ومواجهته وانو دا كلفها خساير ارواح كتيرة..
طبعا النائب طلع واعتذر وقال انو (اسف) على معلوماتو الخطأ وانو فعليا (يشعر بالذنب)..
يا ترى عندنا كم واحد ح يطلع و يعتذر و يقول أنه آسف و يشعر بالذنب !!
Post: #41 Title: Re: بينما الاسافير و الصحف مشغولة بسبق الحمير Author: Yousuf Taha Date: 03-20-2020, 09:02 AM Parent: #40
Quote:
يا ترى عندنا كم واحد ح يطلع و يعتذر و يقول أنه آسف و يشعر بالذنب !!
يا ود البشرى العجب الناس البتهاجم في د.اكرم ديل عشان قال عبارة فسروها عللا هواهم واضح انو قاصد يستنهض همم الناس ويذكرهم بالتكاتف والنضال ضد الطاغية بالله سوء النية قلبوها حاجة تانية خالص.
الله يرفع البلاء
Post: #42 Title: Re: بينما الاسافير و الصحف مشغولة بسبق الحمير Author: Asim Ali Date: 03-20-2020, 10:37 AM Parent: #40
Quote: نائب في البرلمان الإيطالي عمل حمله في فيسبوك في أول مارس قال انو مافي شي اسمو ( كورونا) وانو دي (حيله من الحكومه) و (كذب) لتخفيف (الضائقه المعيشيه) وانو (البيقتل هو الجوع وليس كورونا) وانو الحكومه (اخترعت) موضوع الفايروس دا (لتقويض الديموقراطيه)!
دا مفروض يتحاكم حسب مواد الامن القومى ويكون عبره للاخرين مايستخدمو المنابر العامه فى تضليل الراى العام
Post: #43 Title: Re: بينما الاسافير و الصحف مشغولة بسبق الحمير Author: أحمد محمد عمر Date: 03-20-2020, 12:36 PM Parent: #42
Quote: حتى أنت يا ود القوز
كلمناهو زمااااان أحمد الشقي دة قلنا ليه أعمل ليك صورة شخصة ولا توقيع ولا أي حركة يفرزوك بيها بدل كل مرة جاياك بنية بالغلط
بالنسبة لعملاء منظمة منجزون أنا بقترح يقبضوهم ويحرقوا الكمامات والمنظفات ويتمنعوا من ممارسة أي نشاط في السودان طيب وبالنسبة للكرونا؟ نحن نسجن عملاء تركيا ديل وإن جاتك الكرونا أنا بأكد ليك إنك ما بتوت إلا يومك يتم
