ازاله التمكين ام تمكين التمكين ؟

03:27 PM March, 14 2020

سودانيز اون لاين
Asim Ali-
مكتبتى
رابط مختصر

ازاله التمكين ام تمكين التمكين ؟
هل ازاله التمكين هى ازاله الرؤوس ؟
ام هى ازاله الالغام المزروعه طوال تلاتين سنه فى ارض الخدمه الحكوميه (مدنيه/عسكريه) وشرائح المجتمع الفاعله ؟؟

طوال تلاتين سنه تم عبر النمكين زراعه كوادر اصبحو فى مواضع تغلبها عصب هذه المؤسسات لا عن خبره وكفاءه وانما تايجه لمسارات النمكين المرسومه لهم

عقليه تنظيم صالح نظام نميرى وبدا التمكين وكبيرهم مستشار لنميرى وانقلب على الديمقراطيه وحكم تلاتين سنه ونفذ كتير من مخططاتو منها سياسه التميكن .
هل كان التمكين بوجوه صارخه الانتماء للتنظيم؟
لا .
بديهى ان يتخذ قاعده له فى المجتمع والدوله من وجوه غير صارخه الولاء للتنظيم
منهم من تم استقطابو تحت جنح الظلام بواسطه المنسقاتيه فى معسكرات التدريب العسكرى لطلاب الشهاده السودانيه على مدى اعوام حكمهم
استقطاب ابناء اسر ذات اسماء معروفه فى المجتمع تاريخيا او مهنيا او سياسيا ...الخ
استقطاب انصاف المبدعين وعاطلى الموهيه ذوى الطموح العالى
المنافقين وماسحى الجوخ لاعقى احذيه السلطان فى كل زمان (كالحرباه)
كل النماذج دى اشتغلو عليها طوال فتره حكمهم ومافبلها وموجودين وسطنا كشخصيات عاديه او (فلوتر) او حتى ناشط فى مجال ما
.
بعد الوصف دا
يصبح اى ازاله تمكين للرموز الصارخه فى الدوله يعنى عالبا تصعيد جيل جديد من كوادر التمكين اجادو لعيه الاقنعه حتى يكونو جزء من الوجوه الجديده فى عمليه التغيير(ازاله التمكين) على كل المستويات

عاصم تحياتي.
الصالح العام هو الحل.

مرحب عارف
تصور كل يوم نلقى منهم ناس اصبجو جزء من وجوه الوضع الجديد وبعضهم ترك فى موثعو -ويمارس نفس الخط القديم - رغم خطوره الموقع تصور الامر درجه تكريم رموز النظام القديم الذين تم ازالتهم.
عندنا كنت بعيد عن تجمع المهنيين فى المكان العمل لعلمى بحدوث اختراق لدرجه ما ولكن وجدت مع الايام انو الاغلبيه خلعت الاقنعه القديمه ولبست الاقنعه الجديده .

سلام يا عاصم..

Quote: عندنا كنت بعيد عن تجمع المهنيين فى المكان العمل لعلمى بحدوث اختراق لدرجه ما ولكن وجدت مع الايام انو الاغلبيه خلعت الاقنعه القديمه ولبست الاقنعه الجديده .

لما قلنا (أي كوز ندوسو دوس) قالوا الشعار دا حاااااار
ورفقا بالفخار.. لا وكمان قالوا فيهم كيزان كويسين ممكن
نستفيد منهم عشان ما نخلق فراغ في المدنية!!!.
الكيزان مدوا رجولهم وبقوا يطلعوا في الاسبوع مسيرة
ويهددوا كمان.
تف يا دنيا تف..

منو يا معتصم القالوا ليك الشعار دا حار و رفقا بالفخار؟ هل هم مسؤولين ولا وناسة ساي
وانت اساسا قلت لمنو؟ بشكل رسمي لجهة مسؤولة ولا برضو ونسة!

و يا عاصم نفس السؤال, عندك معلومات أو شكوك بالاختراق و الآن شبه تاكّدت بعد أن اسفروا عن وجوههم كما تفضّلت, هل اشركت لجان تفكيك التمكين في شكوكك أو قيادة تجمع المهنيين المعروفين و المضمونين مثلا!

يا خوانا الثورة دي ما حقة زول بأدي في شو عشان نقعد في آخر الصفوف نخلف رجلينا ونستمتع بالفرجة على الأداء و ملاحظة الأخطاء و التفنّن في نقدها و ما قلنا ليكم وكلّمناكم!
رعاية الفترة الانتقالية حتى عبورها بر الأمان مسؤولية الجميع, القاعدين في الواجهة ديل الامر بالنسبة ليهم تكليف وليس تشريف نحتاج نعينهم بتبصيرهم بنقاط الضعف ومواطن الإخفاق وما فات عليهم
ودا لا يكون بالنقد الهوائي المستند على "يقال" و "سمعت" و "جابوه لي" ولا بالتشنيع و السخرية في مواقع التواصل كما يفعل اهل الثورة المضادة ومن يريدون اعاقة الفترة الانتقالية و التغيير بأي ثمن , لا اعتقد قنوات التواصل مع المسؤولين صعبة أو قاسية, على الأقل لجنة تفكيك التمكين اتاحت بل و طلبت التواصل معها و تزويدها بالمعلومات "الموثقة".

Quote: و يا عاصم نفس السؤال, عندك معلومات أو شكوك بالاختراق و الآن شبه تاكّدت بعد أن اسفروا عن وجوههم كما تفضّلت, هل اشركت لجان تفكيك التمكين في شكوكك أو قيادة تجمع المهنيين المعروفين و المضمونين مثلا!

شكوك شنو يا ودالبشرى ؟
الوجوه المتصدره المشهد هى هى نفس الوجوه والمتملقين وماسحى الجوخ والامنجيه مادايره تبليغ وتبلغ منو ؟عشان عشان يحصل نفس البحصل فى عهد الكيزان واسلوبهم الخسيس .
مره مشيت لمتابعه موضوع لى فى اداره من الاات وجدت نفس الكوزه القمئيه ونفس الخبث خرجت من المكتب بحاله الم دخلت لتدريس محاضره ودفنت الالم حتى لا اقصر مع طلابى و لكن سقطت على الارض اثناء المحاضره من الضغط والالم .
ياخى بتكلم ومثالى الماثل هو المؤسسه الانا شغال فيها (المناظر هى ذاتا والصور نفس المشاهد)
ياخى عميدنا الجديد بيمشى بالمواصلات ولما سالتو ليه ماعندو وسيله ترحيل من ضمن ماذكر انو مافى شى اتغير واغلبهم ملكوهم العربات العندهم.ا
.
تكلم منو ؟
راسلت اسماء معروفه قبل ان تسالنى من قبل عن لجنه التمكين فى بوست اخر طالبا وسيله اتصال حتى اقدم مستنداتى حول مشاكل تفضح بعض الرموز دى ولكن لاحياه لمن تنادى

Quote: يا خوانا الثورة دي ما حقة زول بأدي في شو عشان نقعد في آخر الصفوف نخلف رجلينا ونستمتع بالفرجة على الأداء و ملاحظة الأخطاء و التفنّن في نقدها و ما قلنا ليكم وكلّمناكم!

منو القعد فى اخر الصفوف الاخيره ؟ - نعم انا زول غير منظم فقط مواطن عادى - اذا كان الاختراق البنقولو دا بكوادر مدربه تجيد لعب دورها ليكون اكثر اقناعا فى موجهه مواطن اى كفه سترجح .بعدين الموضوع فضح كوادر بدور امنى يعنى عشان اتكلم اما شخص مضمون فعلا او قناه اتصال امنه يتم وضع كل شىء فيها.

عشان كدا بنتكلم فى الوسائط هنا اولو فعلا فيهم خير - تجمع المهنيين والجهات ذات الصله- وحرص على سلامه جسد الثوره مفروض يدوا اعتبار للوسائط لرصد كثير من القضايا وجوانب التقصير فى المرحله دى زى ماكان ليها دور فى ايام الثوره

عاصم سلام.
المفروض اي وزير يحصر الأقسام والمرافق التابعة لوزارته ويبدأ بمديري ورؤساء الاقسام واحالتهم للصالح العام لانو 100% بكونوا كيزان ولا أظن بأنها شغلانة صعبة والمدراء الجدد بدورهم سيكونون بمثابة جهة رقابية علي موظفيها المسئولين عنهم الشغل يتم بالتدريج من أعلي لأسفل.
إزالة الرؤوس هي البداية.
البلد مليانة مؤهلات عاطلة وبرضو يمكن إعادة من تم فصلهم في عهد الكيزان أن رغبوا في العودة.
المرحلة مرحلة أفعال وليس أقوال.

كويس انك تواصلت و سألت عن وسيلة لتوصيل مستندات, دا فعل ايجابي افضل من لعن الظلام
كبداية هاك دي صفحة اللجنة ع الفيس بووك
https://www.facebook.com/%D9%84%D8%AC%D9%86%D8%A9-%D8%A5%D8%B2%D8%A7%D9%84%D8%A9-%D8%A7%D9%84%D8%AA%D9%85%D9%83%D9%8A%D9%86-%D9%88%D9%85%D8%AD%D8%A7%D8%B1%D8%A8%D8%A9-%D8%A7%D9%84%D9%81%D8%B3%D8%A7%D8%AF-%D9%88%D8%A7%D8%B3%D8%AA%D8%B1%D8%AF%D8%A7%D8%AF-%D8%A7%D9%84%D8%A3%D9%85%D9%88%D8%A7%D9%84-%D8%A7%D9%84%D8%B3%D9%88%D8%AF%D8%A7%D9%86-103778977848499/صفحة لجنة تفكيك التمكين واسترداد الأموال

طبعا الرابط ما ح يزبط هنا فا ممكن تكتب في الفيس "لجنة إزالة التمكين ومحاربة الفساد واسترداد الأموال- السودان" دا غير صفحة تجمع المهنيين و الحرية و التغيير و صفحة وجدي صالح و الفكي وغيرهم
إن شاء الله أحدهم ح يرد عليك بوسيلة تواصل مع اللجنة و كيفية توصيل مستنداتك

شكرا ود البشرى على المعلومات

تمكين التمين يا قحت و الشيوعيين ، كيزان 2 ، الله غالب