Post: #2
Title: Re: بورداب انخذلت فيهم
Author: محمد البشرى الخضر
Date: 03-14-2020, 10:20 AM
أها ...
|
Post: #3
Title: Re: بورداب انخذلت فيهم
Author: محمد قسم الله محمد
Date: 03-14-2020, 10:46 AM
| Quote: من بوستاتهم تعرفونهم |
قول عبد الجبار رقم واحد
رقم اتنين منوووو
|
Post: #4
Title: Re: بورداب انخذلت فيهم
Author: حيدر حسن ميرغني
Date: 03-14-2020, 10:53 AM
Parent: #3
اللهم لا تخيب ظن ود ابو سن في البعض اكثر كده مع الكورونا الحايمة دي
|
Post: #5
Title: Re: بورداب انخذلت فيهم
Author: Fatima Alhaj
Date: 03-14-2020, 11:08 AM
حياك الله أخي عبد الحفيظ
تبرا من الخذلان أخي..
و حبيت اسلم عليك وعلى المتداخلين..
|
Post: #6
Title: Re: بورداب انخذلت فيهم
Author: عبدالحفيظ ابوسن
Date: 03-14-2020, 03:07 PM
Parent: #5
مرحبا
ودو
محمد قسم الله
حيدر حسن
فاطمة الحاج
الوضع حرج جدا وبائس
التفريق بين المواطن والانتهازي واضح جدا
الانتهازي ممكن يكون كوز ولا عنصري ولا تاجر كوارث
والمواطن ياهو السوداني المعصور من صف لي صف ومن ضيقة لي ضيقة ولا يبدو ثمة ضوء في نهاية النفق
كل الدروب مسدودة ويعافر والغرقان بتلافا زبد البحر
قال حميد
ومابتحير بين الناس الفوق والتحتانية
الا مغير
ولا عقوق
ولا كفيف الانسانية
المنبر يفترض ان يكون منارة وعي
الوعي انسانية
احساس بالآخرين
قدرة علي رؤية معاناتهم ولو كنت بعيدا
والبعيد اقدر علي رؤية الخلل بشكل يكاد يكون كامل
فقط
فقط اذا تجرد من الغرض وسؤ المقصد
بعض البورداب كنت اظن فيهم خيرا للوطن واحساسا به
يبكون خوفا عليه
انسوا الايدلوجيات والعنصريات
انسوا كل شئ
تذكروا الوطن
|
Post: #7
Title: Re: بورداب انخذلت فيهم
Author: Asim Ali
Date: 03-14-2020, 03:17 PM
Parent: #6
Quote: المنبر يفترض ان يكون منارة وعي
الوعي انسانية
احساس بالآخرين
قدرة علي رؤية معاناتهم ولو كنت بعيدا
والبعيد اقدر علي رؤية الخلل بشكل يكاد يكون كامل
فقط
فقط اذا تجرد من الغرض وسؤ المقصد
بعض البورداب كنت اظن فيهم خيرا للوطن واحساسا به
يبكون خوفا عليه
انسوا الايدلوجيات والعنصريات
انسوا كل شئ
تذكروا الوطن |
تحياتى اخ عبدالحفيظ
|
Post: #8
Title: Re: بورداب انخذلت فيهم
Author: عبدالحفيظ ابوسن
Date: 03-15-2020, 12:04 PM
Parent: #7
تحياتي عاصم
نحن احوج مانكون للوحدة والتجرد والوطنية
المركب لو غرقت بنغرق كلنا
|
Post: #9
Title: Re: بورداب انخذلت فيهم
Author: MOHAMMED ELSHEIKH
Date: 03-15-2020, 12:32 PM
Parent: #8
طلع لي في راسي الكارتون بتاع المركب الكبيرة في نص البحر
وكل زول بيشلح منها حتت يعمل مريكب صغيرة وهي ماشة حاتلة
|
Post: #10
Title: Re: بورداب انخذلت فيهم
Author: osama elkhawad
Date: 03-15-2020, 02:02 PM
Parent: #9
Quote: حساس بالآخرين
قدرة علي رؤية معاناتهم ولو كنت بعيدا
والبعيد اقدر علي رؤية الخلل بشكل يكاد يكون كامل |
واضح يا ابوسن بعد التحية والسلام ان المقصودين هم في "الخارج"،
وهم اغلبية كتّابه وقرّائه.
وأعتقد ان مشكلة "البعد"، وهي حقيقة مشكلة،
لا تتمثل في الايديولوجيا كما ترى،
بل أن "البعد" نفسه "حجاب".
ولذلك تقرأ لمن يوجّه الحياة السياسية اسفيريا،
"سووا دا"، و"دا ماتسووهو".
وهذه مأساة كبيرة.
ياخي انت حتى لو زرت السودان ،
ستجد نفسك في منزلة بين المنزلتين:
بين "السائح"، و"المواطن"،
فما باالك وانت في مهجرك أو منفاك؟؟؟
|
Post: #11
Title: Re: بورداب انخذلت فيهم
Author: osama elkhawad
Date: 03-15-2020, 07:38 PM
Parent: #10
من إبداعات "ثورة يناير" المصرية مصطلح:
ويطلق على الذين لا يشاركون في التظاهرات ويكتفون بالاسترخاء على الكنبات ومشاهدة التلفزيون.
ويمكن لنا أن نطلق مصطلح:
"حزب الكنبة الاسفيري"
على الذين يوجّهون الحياة السياسية السودانية من شاشات حواسيبهم،
أو تلفوناتهم الذكية.
|
Post: #12
Title: Re: بورداب انخذلت فيهم
Author: osama elkhawad
Date: 03-15-2020, 07:46 PM
Parent: #11
النموذج المثالي لحزب الكنبة الاسفيري،
إذا استعرنا مصطلح ماكس فيبر،
هو صديقنا عادل أمين.
فهو حتى لم يكن في منزلة بين المنزلتين:
بين السائح والمواطن.
ومن هنا نموذجيته الباهرة.
|
Post: #13
Title: Re: بورداب انخذلت فيهم
Author: جمال ود القوز
Date: 03-15-2020, 07:58 PM
Parent: #11
الناس جوه انعصرت وانسحقت ..
صفوف تزح فيها من صلاة الصبح ..
شي صف عيش وصف بنزين ..
وكان انبوبة الغاز قطعت ليك .
راسك بيقطع معاها ..
وتتعب وينقطع نفسك لامن تلقاها ..
شي بالواسطات وشي بالمعارف وبالتحانيس ..
وبذل ماء الوجه ..
بعد تلقاها تدفع فيها كم ذاتو لامن تتلقى ليك ..
ومرتبك ما يلحقك اول اسبوع في الشهر
وتقعد تتلفت وتدين وينكشف حالك
أكيد حيصيبك احباط لامن تجي تلقى واحد
بيدافع بلا أي تفكير أو منطق ..
عن وضع أصلا هو ما عايشه ولا بيعاني منه
وحكاية عندي ناس بيعانوا ما مقنعة خالص ..
وأكيد مازي لامن تكون معاناة تعيشها بي نفسك
ولا محتاج زول يوصّفها ليك ..
وما حتقدر تتحمل زول يجي ينظّر ليك في الفاضي ..
وتحتار ترد تقول شنو .. تتكلم ووب ..
تسكت ياها جمرتك القابض عليها وبتحرق فيك ..
الحل واحد ..
الحل ما في البل ..
الحل في الحل ..
تنفرط العقدة الكاربة الرسن دي ..
عشان الناس تمش لي قدام ..
غايتو ده خزلاني في البعض هنا ..
الموضوع ما بعيد عن الاتساق والانصاف
وانتفاء الوصولية والعناد الطفولي
والشعور بمعاناة الآخرين
لانه ده قمة الانسانية ..
تقول كلمة الحق وتربط حجر في قلبك ..
لانه حياة الماديات وكسر الرقبة ..
مابينفع معاها الأحاسيس مهما نبُلت أو تسامت
هنا واحد + واحد = اتنين ..
وإلا فلتتبين أين تقف ومبادئك وإنسانيتك ..
تحية ليك حبيبنا أبو سن ..
وربنا مايخذلك في عزيز ..
|
Post: #14
Title: Re: بورداب انخذلت فيهم
Author: منتصر عبد الباسط
Date: 03-15-2020, 08:14 PM
Parent: #13
|
Post: #16
Title: Re: بورداب انخذلت فيهم
Author: منتصر عبد الباسط
Date: 03-15-2020, 08:26 PM
Parent: #14
ود القوز تحياتي| Quote: ومرتبك ما يلحقك اول اسبوع في الشهر |
بالله واحد يورينا راتب رئيس الوزراء كم ؟!
وهل تم تغييره وتخفيضه عن الراتب السابق في عهد النظام السابق ول لا ؟
عشان نشوف ونقرر هل نقول ليهو شكراً ول لا ؟
وكذلك راتب الوزراء ووكلاء الوزارات وما شابه من مناصب ووظائف ؟
عشانيا جماعة و نعرف من أين جاءنا الخذلان ؟.
وهل تحققت العدالة في توزيع المال العام على السوية بين المواطنين أم لا؟
وهل شعار حرية سلام وعدالة في طريقه ليكون واقع معاش حقيقة أم هو
محض أماني مستحيلة التحقيق؟
|
Post: #17
Title: Re: بورداب انخذلت فيهم
Author: Arif Nashed
Date: 03-15-2020, 08:28 PM
Parent: #14
Quote: عبد الحفيظ أبو سن تحياتي
أظنك تقصد البوست بتاع عارف |
منتصر تحياتي.
ياتو بوست!!
ومنتظر أبو سن يؤكد او ينفي.
|
Post: #18
Title: Re: بورداب انخذلت فيهم
Author: منتصر عبد الباسط
Date: 03-15-2020, 08:56 PM
Parent: #17
.
|
Post: #15
Title: Re: بورداب انخذلت فيهم
Author: Asim Ali
Date: 03-15-2020, 08:24 PM
Parent: #13
سلام ود القوز
تعرف قله قليله شايله الهم زى كانها عايشه جوا البلد
وواحدين اصلا برا الشبكه ماشغالين بالحاصل جوا
واخرين الواحد يتعامل معاك زى كانو معاناتك العايشها ماحقيقه وخداع نظر وهلوسه او يعتبرك لمحا او تصريحا ثوره مضاده وردودو تكون اشبه بالهتافيه وكلام اركان النقاش ايام انتخابات الاتحادات ولا يمكن يناقشك فى صلب كلامك القلتو وينقدو بموضوعيه.
ناس لابسين نظاره الحزب او الجهه او الطائفه...الخ وماقادره تشوف شىء من عيرها ومابيقدرو يشوفو ويسمعو الاخر بحياديه الا للوطن
.
والشى دا حتى من قبل الثوره لما زول يتكلم عن دور للجيش وانت شايف واقع تقول ليهو باختصار (الدوله العميقه) يرد ليك زى كانو بيقول ضمنيا انت ماعارف حاجه احسن تسمع بس .
فى اعتقادى الانسان لو ماحس وناقش باحساس ومعاناه شخص فى اقصى اطراف السودان او بشكل عام الواحد لازم يتجرد تماما فى مرحله زى دى من اى انتماء جانبى ويكون الانتماء للسودان
|
Post: #19
Title: Re: بورداب انخذلت فيهم
Author: منتصر عبد الباسط
Date: 03-15-2020, 09:21 PM
Parent: #15
طبعا يا عارف أخوي بالنسبة لي أنا أصلاً ما عادي نفسي من المقصودين
لأنو بكون طوبتي من زمااااان شالها من حساباتو وجدعها بعيد
هههههههه
|
Post: #20
Title: Re: بورداب انخذلت فيهم
Author: Arif Nashed
Date: 03-15-2020, 09:31 PM
Parent: #19
الاخ منتصر تحياتي.
ننتظر لنسمع كلام سيد اللبن.
وماشين في السكة نمد.
|
Post: #21
Title: Re: بورداب انخذلت فيهم
Author: عبدالحفيظ ابوسن
Date: 03-16-2020, 06:27 AM
Parent: #20
سونبهار
تحياتي للجميع وكتر خيركم
ولحين عودة
وايم الحق لا اقصد بوست عارف
والذين اقصدهم لن تجد كثير عناء في معرفتهم
بوستاتهم اكثر وضوحا
|
Post: #22
Title: Re: بورداب انخذلت فيهم
Author: عبدالحفيظ ابوسن
Date: 03-16-2020, 01:10 PM
Parent: #21
ياهو يا ودالشيخ
دار ابوك كان خربت شيل ليك منها شلية
هذا المثل الانتهازي الوضيع
مرحبا خواض
البعد ممكن يكون والزول موجود جوة بلدة مش حميد قال مصنع مصنعين مامرابا مر
الاشكالية اظنها في التربية السياسية ذات نفسها . في ارثنا الثقافي وتراثنا . عجزنا عن التطور بشكل طبيعي ككل البشر . قبضة الايدلوجيا او الاسرة او العرق اقوي من مشاعرنا الانسانية . شوف الفساد عبارة اسر تمت للسلطة بأواصر القرابة . وكذلك حين ندافع عنها
كنا في قروب متفقين علي سؤ الانقاذ واتت سيرة احمد فشاشوية وانبرى احدهم مدافعا عنه رغم انتقاده للانقاذ
|
Post: #23
Title: Re: بورداب انخذلت فيهم
Author: عبدالحفيظ ابوسن
Date: 03-16-2020, 02:58 PM
Parent: #22
ودالقوز كدأبك لم تترك مجالا الا
كتر خيرك لقد ابنت
|
Post: #24
Title: Re: بورداب انخذلت فيهم
Author: عبدالحفيظ ابوسن
Date: 03-16-2020, 03:00 PM
Parent: #22
ودالقوز كدأبك لم تترك مجالا الا
كتر خيرك لقد ابنت
|
|