Post: #1
Title: + خالد سلك : نحن ما ماشين صح +
Author: Mutasim Idris
Date: 03-14-2020, 04:33 AM
04:33 AM March, 13 2020 سودانيز اون لاين
Mutasim Idris-Sacramento
مكتبتى
رابط مختصر
بالعربي قال قوي الحرية والتغيير ضعيفة والحكومة ضعيفة
وفشلت في (تحقيق تقدم) في الملفات الرئيسية. دا معروف.
لكن العاوزين نعرفه معني الكلام دا:
لأننا نفقد العامل الأهم في ترجيح كفة الانتقال وهو قوة الكتلة
المدنية الشعبية ومدى تنظيمها”.
|
Post: #2
Title: Re: + خالد سلك : نحن ما ماشين صح +
Author: Mutasim Idris
Date: 03-14-2020, 04:38 AM
Parent: #1
دا التصريح بتاعه..
|
Post: #3
Title: Re: + خالد سلك : نحن ما ماشين صح +
Author: Mutasim Idris
Date: 03-14-2020, 04:45 AM
Parent: #2
تناقض غريب في كلامه.. بس قصة الخمسة جيوش دي
برضو عاوزة تتعرف كمان.. القوي الاقليمية دي دخلونا
فيها هم مع رئيس وزراءهم بعدما لقوا العساكر خايضين
فيها.
هل دا بداية نط من المركب؟؟؟
|
Post: #4
Title: Re: + خالد سلك : نحن ما ماشين صح +
Author: علاء سيداحمد
Date: 03-14-2020, 09:18 AM
Parent: #3
6 شهور والناس بتنبح انتو يا ناس ق ح ت ماشين غلط وخالد سلك بعد الفترة دى كوووووولها
ياداب بيقول : نحن ما ماشين صح ( نحنا ماشين غلط ) وبرضو تُشكر يا خالد ان تفهم متأخراُ
خير من ان لا تفهم .
Quote: بس قصة الخمسة جيوش دي
برضو عاوزة تتعرف كمان |
برضو استمرار تواجد الجيوش الخمسة من الاخطاء الجسيمة التى ارتكبتها قوى الحرية والتغيير وخالد سلك
كان بيمثلهم . لماذا لم يتم تفكيك هذه الجيوش ودمج بعضهم فى الجيش والقانون كان فى صالحهم ؟؟
والجيوش الخمسة هى :
- الجيش السودانى
- مليشيا الدعم السريع
- الحركات المسلحة ( قوات الكفاح المسلح )
- الدفاع الشعبى
- مليشيا الاسلاميين ( محموعة تشكيلات عسكرية تابعة للنظام والسلفيين الجهاديين )
بالاضافة للخمسة جيوش المذكورة هناك مليشيات قبلية فى غرب السودان وشرقه .
تصريح خالد سلك اراه شخصياُ كلام فى الصميم وفى مصلحة الثورة لتصحيح الاخطاء .
|
Post: #5
Title: Re: + خالد سلك : نحن ما ماشين صح +
Author: علاء سيداحمد
Date: 03-14-2020, 09:19 AM
Parent: #4
سلام يا معتصم
|
Post: #6
Title: Re: + خالد سلك : نحن ما ماشين صح +
Author: محمد عبد الله الحسين
Date: 03-14-2020, 09:54 AM
Parent: #5
الأخ معتصم سلامات
أعتقد إنه الأخ خالد سلك قد اجاد في توصيف الوضع..و هو بالضبط كما ذكر..
قد تكون هناك أسباب تنظيمية أو شخصية جعلت إفادته هذه متأخرة..
و بالطبع قوى الحرية لحم رأس و ذلك يجعل من ذلك الوضع مرتع خصب الخلافات و التشاكس و التآمر و الشكوك..
و ذلك أمر لا مر منه فذلك طبع الشخصية السودانية و قبل كل ذلك هو ديدن الأحزاب السياسية قاطبة.
و كان المأمول أن يفطن الثوار و الشباب لهذا الأمر مبكرا بتكوين تنظيمات مدنية موازية..
و أيضا يجيء هنا آفة الشخصية السودانية المتمثلة في صبغ الأداء السياسي منذ بواكيره
بالكسل و التواكل و الإنابة و التوكيل..أي الاكتفاء بإيلاء الأمر لبعض ممثليه و الاكتفاء بالمتابعة من بعيد..
لازال ابتعاد الشباب عن العمل السياسي يعتبره البعض فرض كفاية..و تلك آفة قد نُصاب منها في مقتل.
لكن تحليل خالد سلك تحليل صائب و شامل..و أهم ما فيه غياب الاداء المدني الفعّال..
|
Post: #8
Title: Re: + خالد سلك : نحن ما ماشين صح +
Author: Mutasim Idris
Date: 03-15-2020, 05:35 AM
Parent: #6
الاستاذ محمد عبدالله الحسين سلامات..
Quote:
و بالطبع قوى الحرية لحم رأس و ذلك يجعل من ذلك الوضع مرتع خصب الخلافات و التشاكس و التآمر و الشكوك..
|
السؤال للمكون دي وجوده اسبابه شنو في ظل وجود حكومة
هم اختاروها وادوها ثقتهم. وعلشان هم لحم راس مش من
الاجدي كان كل كيان يشوف شغله؟
Quote:
و كان المأمول أن يفطن الثوار و الشباب لهذا الأمر مبكرا بتكوين تنظيمات مدنية موازية.. |
التنظيم المدني الجامع للشباب ديل هو تجمع المهنيين.
كيف ح نقدر نلومهم علي تكوين تنظيمات ما موجود
قانون لتنظيمها؟ هسي الليلة لو عاوز امشي اقدم
لتسجيل حزب أو كيان وين قانون التنظيم دا؟؟
يااخ لجان الاحياء المنظمة غلبتهم..
هل خالد سلك يجهل الكلام دا؟
Quote:
لازال ابتعاد الشباب عن العمل السياسي يعتبره البعض فرض كفاية..و تلك آفة قد نُصاب منها في مقتل.
لكن تحليل خالد سلك تحليل صائب و شامل..و أهم ما فيه غياب الاداء المدني الفعّال.. |
ابتعاد الشباب من المشاركة في الاحزاب الاساسا موجودة
وفشلت حتي في ابرام مؤتمراتها وتداول السلطة فيها الا
من رحم ربي (المؤتمر السوداني).
ام في تكوين احزاب وكيانات جديدة ودة برجعنا
للنقطة الفوق (قانون تنظيم الاحزاب).
الاداء المدني الفعال ياها المليونيات والمحافظة علي الثورة.
نحن لسة حق الشهداء ما استعدناه.
الشارع لسه في ثورته..
تقديري وامتناني استاذي محمد.
|
Post: #7
Title: Re: + خالد سلك : نحن ما ماشين صح +
Author: Mutasim Idris
Date: 03-15-2020, 05:16 AM
Parent: #4
سلام يا علاء
| Quote: تصريح خالد سلك اراه شخصياُ كلام فى الصميم وفى مصلحة الثورة لتصحيح الاخطاء . |
التصريح شجاع جدا من قيادي في حزب المؤتمر السوداني
بأن يعترف بفشل حمدوك وحكومته (مغلف) بكلمة عدم تحقيق
تقدم في اااي ملف اؤكل ليها.
الحرية والتغيير كيان ما معروف سبب لوجوده بع تكوين
الحكومة. دورهم انتهي. أما قصة فشلهم او نجاحهم
ما عارف يقيسوها بشنو؟ لانهم ماعندهم دور نقدر نقول
اخفقوا او نجحوا.. المهم زيادة حشو لكرش الفيل دي.
ربط حمدوك بالثورة فشل او نجاح خطأ جسيم قدروا
العسكر يمرروا من خلاله الكتير اخرها زيارة حميدتي
للقاهرة ومعاهو وزير الماليه.. أتخيل!!
|
|