بين ليبيا والسودان والصومال و اليمن

لا تخرج قبل أن تقول ( سبحان الله)

نقول اولا سبحان الله ...
ثم دي اول مرة السودان، الصومال،سوريا، ليبيا، اليمن، تتلم في حاجة سمحة وهي خلوها من وباء الكورونا..
فهذه الدول تمزقها الحروب والفقر ...وتتلم دائما في السلبيات وليس الإيجابيات...
..ومرة ثانية ..سبحان الله

Quote: السودان، ليبيا، سوريا، الصومال، اليمن

كورونا وباء بوييلجي امريكي لضرب الصين والدولة الغنية المنافسة لا امريكا
والدول التي ما فهيا كرونة يقتلوها بي جيل الحرب الرابعة =الحروب الاهلية ونهبون مواردها بواسطة وباء الاخوان المسلمين والسلفيين القاسم المشترك في تدمير كل هذه الدول وصراع النقائض المزيفة ناس علمانيو واسلامايو
وعبث الادوات المفضوحة مصر والسعودية والامارات وقطر وتركيا
https://top4top.io/

Quote: ثم دي اول مرة السودان، الصومال،سوريا، ليبيا، اليمن، تتلم في حاجة سمحة وهي خلوها من وباء الكورونا..

تحياتي امتثال
هل يا ترى هي معادلة كونية وزنها عند رب العالمين؟

سلام عليكم
ناس قالو حقو السودانيين يخشو الجنه بلا حساب بعد الشايفنو دا
وناس يقولو حقو رمضان ينقصو للسودانيين من شده السخانه
ههههه
.
نتكلم جد
رغم كل الممعطيات البتكون سبب انتشار القيروس (بالمناسبه الليله غبار وكتاحه شديد ) يعنى زياده خطر الانتشار . لكن اظن رحمه ربنا بالاطفال والعجائز بهد كل الاحنا فيهو ولسه مسال الله يلطف بعبادو وينجينا .

تحياتي عادل أمين

Quote: كورونا وباء بوييلجي امريكي لضرب الصين والدولة الغنية المنافسة لا امريكا والدول التي ما فهيا كرونة يقتلوها بي جيل الحرب الرابعة =الحروب الاهلية ونهبون مواردها بواسطة وباء الاخوان المسلمين والسلفيين القاسم المشترك في تدمير كل هذه الدول وصراع النقائض المزيفة ناس علمانيو واسلامايو وعبث الادوات المفضوحة مصر والسعودية والامارات وقطر وتركيا

يعني يا كبيرنا نحن ميتين ميتين ومافي داعي يخسروا فينا حتة فيروساية بتاعة كورونا
الغريبة قبل سنين فكوا فينا فيروس الكوليرا وكان ربك ما سهل كان (زرقنا) كلنا
إلا الظاهر بتاع الكرونا ده غالي ، وبوزعوه للدول الغنية ما الكشا مشا زي السودان والصومال وجيبوتي ..

غايتو جنس سبحان الله والحمد لله.

*السنة الفاتت نحن بكمامات والبمبان في كل*
*حتة والعالم كله يتفرج علينا* 👀
*السنة دي كل العالم بكمامات* 😷
*ونحن نتفرج* 🧐

*لنا كوزونا..🦂 ولكم كرونتكم*..👣

😂😂
من روائع الواتس.

جندي أمريكي بتفرج في صوماليين بيلعبو كوتشينة... مهم مره يكسب الأول.. وبنفس الورق في التوزيعة التانية يخسر.. الأمريكي طلع ١٠٠ دولار وقال ليهم علموني اللعبة دي... قالوا ليهم القانون هو البترك ضبانة اول في ورقة هو الفايز....
دحين السودان والصومال و دول الضبان دي ما عندهم حتى فحوصات

الحبيب التاج .. تحياتي
سبحان الخالق عز وجل
يضع سره في اضعف خلقه

اللهم أحفظ أهلنا من كل سوء
الغريب كمان اندونيسيا وماليزا الأقرب للصين لم تظهر الكورونا
حقيقة في سر في الموضوع


مودتي الحبيب التاج

ناسنا بياكلوا فتة حقة بوش فى الدرداقة تقولى كرووونا كرونة شنو ا البتجى السودان

ومن روائع الواتساب كذلك ::"
واحد مات في السعودية، وبعد صلاة الجنازة وقف الإمام وقال، : أتدرون إلى أين سيذهب الميت الآن، إنه ذاهب الى مكان لا يوجد به بترول ولا ماء ولا كهرباء ولا تأمين صحي ولا دواء ولا عمل ولا سكن ولا خبز ولا اي شئ من ملذات الدنيا ..
واحد سوداني كان حاضر الجنازة التفت إلى صاحبه وقال ليه : على الطلاق الميت ده ماشى السودان...

ببساطة لأن وباء الكورونا مرتبط بأعداد السياح
السودان والصومال وليبيا وسوريا هذه دول لا يأتي لها السياح
أو أن أعداد السياح قليلين جدا قلة تشبه العدم
فمن أين يأتي وباء الكورونا لدول لا يفد إليها السياح؟!

أنما شايف السودان لا يحتاج لإغلاق مطاره
لقلة الوافدين إليه وهو في هذه المرحلة التي يحتاج فيها للدعم والمساعدة وتشجيع السياحة والتجارة
بينه وبين بلدان العالم فليس من المصلحة إغلاق المطارات ومنع الدول من دخول رعاياهل للسودان
فلا تنفعنا مجرد المحاكاة
فقط يكفي عمل احترازات واحطياطات.

منظمة الصحة العالمية تعتمد في نشرتها على البيانات و الاحصاءات الرسمية التي تصدرها الدول عن عدد الحالات المؤكدة و الوفيات و التي تم لها الشفاء
ما بتمشي تبحبت وراك و تحسب لحالها وحتى إن فعلت فلن تنشر بشكل رسمي إلاّ ما تقوله الدولة العضو
الدول دي يجمعها بشكل أو بآخر الفشل
فا شنو... دو ذا ماث

ناس الدرداقة ديل يا احمودي ناس مصفحين على الطبيعة
قبل سنتين لما انتشرت الاسهالات المائية
ناس الصحة قالوا ليهم استخدموا فلاش المراحيض في موية الشرب،
تتخيل الفلاش السام قتل الميكروب وما أثر فيهم ههههه
سبحان الله والله اكبر

تحياتي عاصم علي

Quote: رغم كل الممعطيات البتكون سبب انتشار القيروس (بالمناسبه الليله غبار وكتاحه شديد ) يعنى زياده خطر الانتشار . لكن اظن رحمه ربنا بالاطفال والعجائز بهد كل الاحنا فيهو ولسه مسال الله يلطف بعبادو وينجينا .

الكتاحة دي بيقال انها مكافح الجراثيم والميكروبات
وربما جعلها الله وقاية السودانين في الأشهر الحمر (ام كبق السودان من شهر ٤ الي ٨)
ولكن لا ندري اثرها على هذا الفيروس الوافد؛
ولعل الصين تكتشف فيه العلاج فتبادر لاستيراد كم طن هبوب من السودان
أو تعمل على تحويل مجري الكتاحة إليها نظير رسوم تدفعها لنا..

منظمات الصحة العالمية فعلا بتعتمد النشرات الرسمية فقط
ولكن هذا المرض يصعب دسه أو تكذيبه
لذا اتوقع ان تكون الأرقام الواردة أقرب إلى الواقع
وفيما يبدو يا ود البشرى أن السودان سيخرج اليوم من القائمة
ويترك محور الحرب (ليبيا، اليمن، سوريا، الصومال، جيبوتي)
تستمع بالهواء المعافى لوحدها.. والي حين.

Quote: دو ذا ماث

يعني يا ابو الشباب ناسنا ما عملوا الشغلانة دي ولا كيف!
ننتظر بعدين المؤتمر وربنا يجيب العواقب سليمة

تحياتي

Quote: أنما شايف السودان لا يحتاج لإغلاق مطاره لقلة الوافدين إليه وهو في هذه المرحلة التي يحتاج فيها للدعم والمساعدة وتشجيع السياحة والتجارة بينه وبين بلدان العالم فليس من المصلحة إغلاق المطارات ومنع الدول من دخول رعاياهل للسودان

اهو الحالة جاتنا عبر المطار مباشرة يا عبد الصمد
ومرت عبر سلطاتنا الصحية مرور الكرام دون اكتشاف أو حجز
َبذلك سجل السودان نفسه كأول دولة تعلن حالة وفاة قبل الإصابة..
ودي بتشبه ظاهرة التسامي في الفيزياء ، وهي حالة المرور من مافي كرونا
الي حالة وفاة بالكرونه دون المرور بحالة تسجيل كرونا..
يعني اول ما كشفوا عن مصاب بالكرونا كان هو في عداد ضحاياها..
الا رحم الله الفقيد وجعل الجنة متقلبه ومثواه
انا لله وانا اليه راجعون..

سلام ود التاج و لنزلائك الأماجد
و الماجدات الكريمات و الكرام و البررة.
● يلا تعال نزيدك في بيت القصيد (وهمة):
الله اكبر و و أبظن ما هنت يا سوداننا يومن عليتدنا.. 🇸🇩

▪ الصين تعلن رسمياَ منذ ساعات نجاح المصل(السوداني) التى قدمته الد كتورة
هالة وزيرة الصحة(القحطانية) إلى وزارة الصحة الصينية و الذى اثبت فاعليته
بنسبة 100 % على اكثر من 7 حالات تم شفائهم لتعلن الصين ان العلماء الاطباء السودانيون اثبتوا للعالم أجمع أنهم هم صناع الحياة و أصبح حق براءة اختراع
المصل السوداني 100 % لعلاج كورونا المستجد جاهزاً ليصل تصديرة الى كل
دول العالم و بالاسعار التى تحددها وزارة الصحة السودانية. الله اكبر الله اكبر
الله اكبر يحيا السودان و لا نامت أعين الجبناء لقد اصبحت السودان حقا
فى مصاف و أوئل دول العالم فى السودان تهدي للصين براءة اختراعها.
▪ الشفاء من كورونا والجهاز يدخل حيز التصنيعالسودان الرائدة في العلوم
والطب و البحوث العلمية .وزيرة الصحة السودانية سافرت الى الصين لتشرف
على البرنامج الصين أعلنت حالاً إنها نجحت فى السيطرة على فيرس كورونا
ببلازما الدم من المتعافين من المرض بعد أن استخدمت بلازما دم المريض
المتعافي لحقن المصاب ووجدت تحسن كبير في حالات الأصابة المؤكدة.

● قف تأمل : الخبر صحيح مية مية ؟!!تم تدشين العلاج أول امس
و انه تم الإعلان عنه اليوم :فايروس كورونا تمت السيطرة عليه بعد ٤٨
ساعة من اكتشاف العلاج ناموا وارتاحوا . الفضل بعد الله سبحانه وتعالى
ثم إلى مركز البحوث في السودان.

♧ تخريمة بعد شهة لون و تكية خط:
روشتة وصفة المصل المكتشف عبارة عن: تمباك من ود عماري الجيد.
طريقة الاستعمال: سفَّة بعد العشاء و قرل النوم تنخت مدنكلة غليدي
متل دفار البطاح تحت لسان المصاب و يصم خشمو علبها نايم للصباح.

مرحبا ود الأصيل..

Quote: قف تأمل : الخبر صحيح مية مية ؟!!تم تدشين العلاج أول امس و انه تم الإعلان عنه اليوم :فايروس كورونا تمت السيطرة عليه بعد ٤٨ ساعة من اكتشاف العلاج ناموا وارتاحوا . الفضل بعد الله سبحانه وتعالى ثم إلى مركز البحوث في السودان

قادر الله وسبحان الله، يضع سره في أضعف دوله
لو ملاحظ فإن الاسافير تضج من امس بخبر تكذيب وزير الصحة..
المنشورات والتغريدات تقول مافي اي حالة كرونا والمرحوم مات بالقلب وليس بالكرونا..
بعض المشاهد قد ترجح ذلك اذا عرفنا ان المرحوم تم عمل اختبارين له قبل وفاته وكانت النتائج سلبية
فكيف يظهر المرض ويعلن بعد وفاته..
الشئ المؤكد ان الحالة اذا كانت فعلا كورونا
فمن المؤكد ان العدوى ستكون انتقلت لعدة أشخاص من أقاربه ومعارفه والمحتكين به..
فإذا وردت حالات لاحقة، وتتمنى ان تكون خفيفة، صدقنا الحكومة..
وإذا لم تظهر إصابات في محيط المغفور له كذبناها وسفهنا بيانها واعلانها..

أها وصلنا وين ؟

Quote: أها وصلنا وين ؟

غلطان المرحوم


"ثم ان الفيلسوف بيدبا اعرض عن سرد بقية الحكاية لما تأكد له انها ربما تغضب سيده الملك دبشليم وبرزويه الطيب
سواءً بسواء ، لكنه في قرارة نفسه ما زال يعتقد بسلامتها وملائمتها لما يجب ان تنتهي اليه اي حكاية غايتها الحكمة الابدية ،
إن الذي يعمل بالشبهة يكون قد صدق ما ينبغي أن يشك فيه. "

وبس .. حيدر الزين انت بتنكت مالك ياخ ؟

Quote: أها وصلنا وين ؟

د. عمر ما فاضي هسع عندو نبطشي في حتة تانية هههه
د. منتصر قال أصلا الكورونا سببها السواح ونحن في السودان
ما عندنا سواح فالمفروض نفتح المطار للسواح والتجار عشان
الاقتصاد ينعش وكده ونرفع حظر التجوال وأحسن الغلابة يموتوا
بالكورونا وما يموتوا بالجوع ...
وبعد يموتوا خلاص نعمل الإحترازات والإحطياطات .. أيوة كتبها كده

وصلنا ويبين؟
شكرا حيدر علي النكت والسؤال،
أعتقد مازال حلفنا في بداية الطريق..
اليمن تكتشف اول حالة كورونا اليوم
الصومال وليبيا ما زالتا في ذيل القائمة
السودان بدأ بحالة مشكوك فيها،
وختم بحالة مشكوك فيها أعلنها ونفاها وزير الإعلام
والحمد لله وبفضل الله فإن الكورونا مركزة على الدول الكبرى
دمرت اكبر قوتين اقتصاديين في العالم (الصين، امريكا)
وبهدلت أكثر الدول تقدما وحضارة ..
يبدو أنها فايروس سلام،
ولو لا ان الرسالة ربانية للجميع لما زارت مناطق يلعلع فيها السلاح وتجوبها المجاعات نهائيا..
فهل؛

كلام خايم فى الوسائط انو فى توجيه من حميدتى لناس جمارك المعبر بشمال السودان اما حركه الشاحنات ونقل البضائع
انشاءالله مايكون صحى
فى الاخبار اليوم اسوان اترصد فيها 10 حالات مورونا

Quote: شوارع #مقديشؤ اليوم بعد فرض الحكومة الصومالية حضر التجوال بسبب وباء كرونا

كنت ماسك تعليق انو الصومال مازى مانحنا متصورين فالصومال اصبحت من الدول الاصبحت احسن حالا من السودان (رغم الحرب والارهاب)
اعتبارات الموقع الجغرافى-كدوله ساحليه وعلى معبر دولى واقليمى هام- تجعلها اكثر عرضه للوباء
ملحوظه :مشهد نضيف ومريح للعين زى دا ماتشوفو فى ارقى مناطق وسط الخرطوم