(adsbygoogle = window.adsbygoogle || []).push({});حميدتي آل دقلو يفتتح الدائرة الطبية لمليشيا الدعم السريعفي شمبات. بعد تم اخلاء مبني سلاح الاشارة التابع لمليشياالكيزان الذي كان يسمي سابقا بالجيش السوداني.ودا طبعا حصل بعد تشريف رئيس وزراء (ثورتنا) الموقرحفل تخريج الدفعة (الثامنة) للقتلة والمغتصبين وتعينهلقائد المليشيا آل دقلو علي رأس الآلية الاقتصادية العليا(لانقاذ) المواطن السوداني.
Post: #2 Title: Re: رئيس اللآلية الاقتصادية يفتتح مستشفي الد Author: HAIDER ALZAIN Date: 03-12-2020, 05:36 AM Parent: #1
سلامات
قصدك حمدوك الحضر الافتتاح ؟
Post: #4 Title: Re: رئيس اللآلية الاقتصادية يفتتح مستشفي الد Author: Mutasim Idris Date: 03-12-2020, 05:41 AM Parent: #2
زي القريت انه رئيس الالية الاقتصادية هو حمدوك .. عشان كدة سالت اتلخبط على عنوانك والخبر مافيهو حضورو.
بقالنسبة لحميدتي قائد الدعم السريع فعادي يحضر الافتتاح لانه كقائد دا بيعتبرو انجاز ليهو بعد قوات خلاء ومرتزقة وقطاع طرق و علاج في الخيران بقت ليهو وجود قانوني ومستشفيات الخ فحضورو ضروري الماكان حضورهم مفسر بتاعين الجزارة والا المسلخ ديلك :)
تحياتي
Post: #11 Title: Re: رئيس اللآلية الاقتصادية يفتتح مستشفي الد Author: Mutasim Idris Date: 03-12-2020, 02:12 PM Parent: #9
Quote:
زي القريت انه رئيس الالية الاقتصادية هو حمدوك .. عشان كدة سالت اتلخبط على عنوانك والخبر مافيهو حضورو.
عدلت العنوان حتي لا يحصل (لخبته).. هو استقال ليه؟ عندك فكرة يا حيدر؟ حمدوك قالوا بقي رئيسها وطلعت معاها حملة (جنيه حمدوك).. يعني لما كان دااك رئيسها ما كانت محتاجة دعم.
Post: #3 Title: Re: رئيس اللآلية الاقتصادية يفتتح مستشفي الد Author: Mutasim Idris Date: 03-12-2020, 05:36 AM Parent: #1
وتجدر (الاشارة) كمان انه تم افتتاح فرن لميشيا الدعم السريع في عاصمة الحديد والنار (عطبرة). صدفة افتكر..
وطبعا مصدر التمويل معروفة (دهب ومرتزقة) وكلو بالغاانوون.
Post: #5 Title: Re: رئيس اللآلية الاقتصادية يفتتح مستشفي الد Author: Mutasim Idris Date: 03-12-2020, 05:54 AM Parent: #3
الجدارية مهمة طبعا.. وليه لا مش (إتمكن بقرشه). غاااايتو.
Post: #6 Title: Re: رئيس اللآلية الاقتصادية يفتتح مستشفي الد Author: خضر الطيب Date: 03-12-2020, 05:55 AM Parent: #3
سلام يا معتصم
الناس ديل تاني مابرجعو الخلا مسألة انو يكون في جيشين في بلد واحد عمرها ما حصلت
Post: #7 Title: Re: رئيس اللآلية الاقتصادية يفتتح مستشفي الد Author: Mutasim Idris Date: 03-12-2020, 06:10 AM Parent: #6
استاذي الصنديد خضر الطيب سلامات..
Quote: الناس ديل تاني مابرجعو الخلا مسألة انو يكون في جيشين في بلد واحد عمرها ما حصلت
جيش سوداني تاني ماافي يا خضر. حميدتي ح يورث المنشاءات والمباني حقتهم. المبني دا بتاع الاشارة قسموا لقسمين واحد للمستشفي والتاني للإسناد ووضع فيه آلياتهم العسكرية.. اتخيل, والمسلسل ح يستمر.
Post: #8 Title: Re: رئيس اللآلية الاقتصادية يفتتح مستشفي الد Author: عمر التاج Date: 03-12-2020, 07:00 AM Parent: #7
يعني زي ما الجيش عنده (سلاح طبي) الدعم السريع بقى عندهم (جنجويد طبي) فهنيئا لحكومة حمدوك المدنية بهذا الإنجاز
Post: #10 Title: Re: رئيس اللآلية الاقتصادية يفتتح مستشفي الد Author: جمال ود القوز Date: 03-12-2020, 01:44 PM Parent: #8
قمة المهازل البيحصل ده .. الأنكى والأضل من كل الكوميديا السوداء دي .. إنه حميدتي الآن بيتم الدفاع عنه .. وتبرير أفعاله ومخازيه .. العملها والحيعملها لي قدام .. لماذا كل هذا الخنوع والدفاع عن الباطل؟ .. لماذا عدم الاتساق ؟ .. عشان شنو ده كلوووو ؟ ..
صحي البيعيش ياما حيشوف ..
Post: #12 Title: Re: رئيس اللآلية الاقتصادية يفتتح مستشفي الد Author: Ali Alkanzi Date: 03-12-2020, 02:36 PM Parent: #10
تقنين لحمديتي وقواتو والكل بدأ يَعُتَرِف ويَتَعَرفْ ما سمعتو غنية وردي يا خضر ما جيبا لينا غصبا عنك وغصبا عني حميدتي بالواقع اصبح رقما لا يمكن ان نتخطاه في ظروف السودان الحالية وهذا لان جيش السودان بكل اسف تم تدميره كاملا لصالح قوات حميدتي بامر من البشير وسمعت البشير مرة بقول: انو احسن قرار اتخذو في حياتو هو خلق قوات الدعم السريع حتى المعارضة المسلحة استسلمت للرجل واعترفت بحضوره والاتحاد الاوربي يدعم حميدتي لتقليل الهجرة الغير شرعية والامارات والسعودية يدعمو حميدتي لانه الحليف الاقوى في اليمن وتعينو على رأس المنظومة الاقتصادية في البلد اعتراف له بانه هو الاول واخشى ان اقول الاخر قحت باعت الثورة بابخس الاثمان وببضاعة مزجاه ونحن الان لليوم الثاني في الروضة امدرمان لم نحصل على الخبز هذا والكهرباء تغيب اكثر من نصف اليوم خاصة المساء والينزين تحتاج لنهار كامل لتأخذ اربع جالون بنزين والجزولين حتى للمزارع هناك مشقة للحصول عليه والسلعة اي المحروقات متوفرة في السوق الاسود الغاز في البيت كمل والانبوبة ايران واحد عرض علينا يبدلا بالنيل ودفعنا اربعة الف نص نعم قال ستة الف ونص واخد انبوبتنا باثنين ودفعنا اربعة ونص انسان السودان الان يبحث عن ابجديات الحياة المتوفرة في كل العالم ولا يجدها لا بعسر ولا يسر فتساوى الغني مع الفقير في المشقة
