Post: #2
Title: Re: حمدوكنا
Author: اخلاص عبدالرحمن المشرف
Date: 03-09-2020, 10:25 PM
Parent: #1
في الواتساب واحد منزل فيديو نصائح
كل نصيحة لحمدوك اجمل من اختها
اهم نصيحة لو قالو لك اركب طيارة يا ريس
اوووو وووو
مع هزة رأس اوووعك ووو ووو
كنا وين وبقينا وين
|
Post: #3
Title: Re: حمدوكنا
Author: ترهاقا
Date: 03-09-2020, 10:35 PM
Parent: #2
Quote: اهم نصيحة لو قالو لك اركب طيارة يا ريس
اوووو وووو
مع هزة رأس اوووعك ووو ووو |
او قالوا ليهو أركب طيارة ، يجر معاهو اتنين من عساكر المجلس السيادي
عسكري واحد ما بنفع بكون كرت محروق عندهم
|
Post: #4
Title: Re: حمدوكنا
Author: اخلاص عبدالرحمن المشرف
Date: 03-09-2020, 11:03 PM
Parent: #3
العسكري يا ترهاقا كلو ما نافع وفي له بديل
حمدوكنا ربنا يغطي عليه
زوجته حنينه كاتبة فيهو شعر منثور
|
Post: #5
Title: Re: حمدوكنا
Author: دفع الله ود الأصيل
Date: 03-09-2020, 11:31 PM
Parent: #4
فعلن، نعمة و الله و حكاية .. أدهشتني من البداية!!
ي دكتورة ،قالوا في حفلة قااااجة في أمدرمان و كانت فيها بنية
عليها جنس طعومية ترمي في الشوق المشيت ليهو.ف شنو قامت
ترقص، فقالوا الداير شبال من الحمامة دي لازم يتعربن بسوط منالعريس!
قاموا الشباب جت عليهم سردبو و عملو زغبير أدوها عرض كتافينم شتتو.
قام عمنا الشاعر ود الرضي شالتو ليك الهاشمية و نزل في الدارة قام قال:
الكتوف واقعة
و العيون يا ناس
مويتن ناقعة
الوِجَن قادحات
في الظلام فاقعة
راجي شبالها
وراضي بي صاقعة!
🍂🍁🍂🍁🍂🍁🍂🍁🍂🍁
اها البت لامن سمعت الشعر البروِّب العوينات دا
أدت ود الرضي الشبال! و لامن العريس جاء عشان
يديهو السوط، وقفت ما بين ودالرضي والعريس!
فصرفت عنه كيده و جنبتو ضربة الصاقعة!
**************************
ياخ ما قلنا ليك نحنا و نحنا شعب عندنا موهبة
غريزية في التهرب من الضرائب منذ زمان قديييم .
و حلات كانت (الزواحف) الفي قلبا أبو الحُرقُص هي
أول من هُرِعت لتشتيت الأضواء و لوي أصابع الاتهام.
|
Post: #6
Title: Re: حمدوكنا
Author: اخلاص عبدالرحمن المشرف
Date: 03-09-2020, 11:38 PM
Parent: #5
بديع يا أبو الدفاع
الواحد يبقي صاحبك ورئيسة حمدوك
يشبع شعر وابتسام
ومعاي زولي ال قليبو رهيف ومرهف (زي حمدوكنا )
ما أظنو لألا لا بيقبلها
|
Post: #7
Title: Re: حمدوكنا
Author: اخلاص عبدالرحمن المشرف
Date: 03-09-2020, 11:51 PM
Parent: #6
تغريدة زوجة حمدوك من جمالها وحنيتها الواحد يحفظها
زي ناسنا ، لما تحصل حاجة يتصلو ويطمئنوك
الخبر لو سمعته الأول من التلفزيون كان جنت وحمدوكنا
مرهف وكمان - واثقين منك - زول فاهم .
وهي حنان الدنيا و حنيتها
ده موضوع ينفي عننا الجفاف العاطفي وبدينا
جائزة صدق المشاعر وعمقها وعفويتها
بارو الزول ده وسيبكم من المسلسلات التركية وسواها
|
Post: #8
Title: Re: حمدوكنا
Author: دفع الله ود الأصيل
Date: 03-10-2020, 06:37 AM
Parent: #7
▪ ياخ بالعكس، غايتو إلا نشبعكم فارغة و تدونا مقدودة.
و لا كمان نباري عمو جقود نشبع( فتة ) من تكايا حضرة أسيادنا. و أما حمدوكنا دا فراجل مسالم و طيبان شديد.
تراهو بس يفضل يوزع لينا في ابتساماتو العريضة دي لحد
ما تغرب شمش الانتقالية من مغربها . و لكن بصر احة كدا
بقينا أخشى ما نخشاه عليه "أن يؤتى من مأمنه الحَذِر"
▪ عمون صبحكم الله و مساكم بصباحاتٍ و أماسيَ رابحاتٍ
و بكل خيرٍ نافحاتٍ و نحن جئنا نعفر اقدامنا بغبار النور من ساحتكم ، و نسعد بوجودنا هنا كبقيةوالنوارس لنظل قابضين على جمر البقاء هنا رغم الداء و الأعداء ، كأسراب النسور فوق صخرةٍ شماءَ.
▪ ثم ضاع الأمس منا .. و انطوت في القلب حسرة..
و يحضرني هنا قولً كنت فضفضتُ به سابقاً مع أحدهم :
♤ باسم الحضارة و نهج وثبتِنا الفتية قد تحولنا جماداتٍ
و انطواءًاتٍ فاكتئاباتٍ وانعزالاً و تمزق الوطن الجميل ..!!
و مات فينا إحساس الجمال..نهشت وحوش الذّل منّا لقمة العيش الحلال.. واحترقنا في لهيب الخوف .. مات الشوق
فينا و حلم يقظتِنا الأبيّ و خارت وثبة الآمال ..و تفجرت
فينا حمم النضال و الغضب الوبال..
♤ و تكاثر فتتاثر الدينارُ في الطرقات كالسرطان و ابتاع
القضاةُ الدين منا و تاجر (الأوغاد) ببيع قانون السماء..و زيّن الدولار قصر المترفين .. و ودَّع الحقُّ اليقين..و باتت الشمس الجوى..و زُجَّت نهاراً جهاراً في كهوف الإعتقال !!
♤ من آمنوا بالحرب منا فازوا بالجنان..؟ هي محطات
أوقفتني و ما أعمقها حينما يتحول الصمت الجريح براثنَ!
و إذن ، ما عسانا سنفعل و الهدى قد تاه في بحر الخطايا
غاب في زخم الضلال ..مساءاتكم ندية و أمانيكم سندسية.. عذراً كانت تلكم إتكاءة بطعم الدم على كتف الوعد اليباب.
محبتي وكل شئ .***********************
|
Post: #9
Title: Re: حمدوكنا
Author: عمر التاج
Date: 03-10-2020, 11:22 AM
Parent: #8
| Quote: زوجته حنينه كاتبة فيهو شعر منثور |
دي ميزة ان يعيش المسؤول في وسط رومانسي ومشاعري
كل الصعاب والقواسي بتتحول لمادة كتابية سهلة الهضم والاستهلاك
مش زي ناس السيدة فلانة ديك..
الراجلها مات في حادث طائرة وما وجدت لرثائه غير السيادة و التجارة والبزنس
اسه لو كانت شاعرة كان انشغلت وشغلت العالم بكم ديوان شعر تمجد فيه زوجها
|
Post: #10
Title: Re: حمدوكنا
Author: اخلاص عبدالرحمن المشرف
Date: 03-10-2020, 12:53 PM
Parent: #9
يا عمر التاج لازم الشعر يتقال لشاعر
يلعب بالمشاعر
يعني كيف كيف شعر في بشه
وناس الكشة .
يا صوتها لما سري لحمدوكنا منغما
يا رقة تلعب بأعصاب الوري
سيدتنا مني
|
Post: #11
Title: Re: حمدوكنا
Author: اخلاص عبدالرحمن المشرف
Date: 03-10-2020, 08:04 PM
Parent: #10
فعلاً الناس بتختلف وأظن التجارب كذلك
تجربة الدكتورة مني أشوفها عادية
فقد تعودنا إذا حدث شئ ان تتصل اول شئ
تطمئن ناس البيت ،
لذا لم استغرب ، بعضهم طلب من الله قوة
اعصاب دكتورة مني ، غايتو انا بعد اتصال يطمئن
بتصل في خلال ٥ دقائق وتاتي بعد مدة ممكن ساعة
|
Post: #12
Title: Re: حمدوكنا
Author: اخلاص عبدالرحمن المشرف
Date: 03-10-2020, 11:08 PM
بحاول اتخيل الحصل حسب رواية الاستاذتان
داليا الياس وسهير عبدالرحيم
الرواية الأولي
حمدوك في البيت ومعاه زوجته يشرب
شاي ، لابس خف ويمكن لابس لبس الشغل
لو لبس البيت اخد كم عشان يصل مجلس الوزراء وهل
مر أمام ( مسرح الجريمة ) وراكب ياتو
عربية وبعدين زوجته ما وصوها تعمل شنو
التغريدة لو ما هي الكتبتها ح ازعل
ليه كده يا مني
واضح انها لا تستقيم عقلا
|
Post: #13
Title: Re: حمدوكنا
Author: اخلاص عبدالرحمن المشرف
Date: 03-10-2020, 11:13 PM
Parent: #12
بحاول اتخيل الحصل حسب رواية الاستاذتان
الرواية الأولي
الرواية الثانية
ما كلموها
الرواية الثانية دي ريحتني
معناها مني كتبت التغريدة
نشوف ح تلفق ولا لا
مني في البيت براها لازم للزمن
يتصل بيها ، طيب اتصل ، الطبيعي
يكون في زمن بين الحادث والاتصال
ده لو في حادث وطبيعي يقول لها اسع
دي حصلت المصيبة ( لا شعورىا انتي اغلي
من روحي _ كذب ازواج وكده _ برضو الزوجات
بعملن كده ) يبقي ثلاثة دقائق ولا ربع ساعة
ما فارقه
|
Post: #14
Title: Re: حمدوكنا
Author: اخلاص عبدالرحمن المشرف
Date: 03-10-2020, 11:22 PM
Parent: #13
وفي الليلة الظلماء يفتقد المستنير
وفي رواية المستطير البيطور
واسع يجئ الأستاذ صلاح الزبير يقول اتبين
و الأستاذ الزببر بشير الحتمي يقول سيدي
|
Post: #15
Title: Re: حمدوكنا
Author: اخلاص عبدالرحمن المشرف
Date: 03-10-2020, 11:50 PM
Parent: #14
خلاصة الأمر
لا يمكن في حكومة الفترة الانتقالية اتفاق جميع
الاطراف علي أمر ، وواضح أن حكومة الفترة
الانتقالية لا تمتلك أجهزة أمنية تعمل لمصلحتها
والا ما كنا رأينا استهانة تجار العملة ومهربي الذهب
وحتي كتاب الصحف بها، وليس لها القدرة علي تدبير
مؤامرات لرفع شعبية زيد أو عبيد هذا الي
جانب أن الشعب لماح ولم يعرف عنا الاغتيالات وما شابهها
من اعمال عنف ، ومن يحاولون الصاق الأمر
بحكومة الفترة الانتقالية لا يدرون طبيعة من هم بها.
وهم يقولون إن حمدوك ذو خلق ولكنه ضعيف
هل من كان علي خلق يكذب !!!!؛ وهل من كان
ضعيفا يدبر المكائد والتفجيرات !!!! هذا
عدم اتساق ولا أدرى عن قصد ام حسن
نية يرتكب البعض مثل هذه الاخطأ
|
Post: #16
Title: Re: حمدوكنا
Author: اخلاص عبدالرحمن المشرف
Date: 03-11-2020, 05:30 AM
Parent: #15
اجمل ما في الديمقراطية أن الجميع يستطيع
طرح ما يرأه لا يخشي الا الله وضميره
أنصار نظرية المؤامرة لهم حق التحدث
ومكفول لا منة لا منحة
|
Post: #17
Title: Re: حمدوكنا
Author: اخلاص عبدالرحمن المشرف
Date: 03-12-2020, 03:05 PM
Parent: #16
الثورة دي حارساها الملائكة
حتي الخلايا النائمة للكيزان صحت
رفعت ضنبها ومع الزواحف سارت مشت
كورونا زيها بقت
كذب وتزوير دبرت
وخلايا متوهمة زيفت
قالت الشيوعي وأكدت
لكن علي منو يا الحربويا ال صحت
نافع كتلت
الغريب ولا دمعة عليه نزلت
والشعب العمرو طيب ولا واحدة فيه عليه اترحمت
عارفنكم حافظنكم عاجننكم وخابزنكم يا السجم الرماد
|
|