النفذوا عملية فض اعتصام القيادة العامة وأمر بها هم من يقف خلف تفجير اليوم

11:46 AM March, 09 2020

سودانيز اون لاين
Elhadi-
مكتبتى
رابط مختصر

:)

ده عشان الناس ما تمشي بعيد

ما شاء الله عليك يا الهادي، زرقاء اليمامة بس .. من أمريكا جبت الديب من ضيله ..!!


بريمة

تفتكر عاوزة ليها درس عصر ولا فكاكة يا بريمة !!

موش في قوة عندها سلاح تقيل كده جات كتلت الناس في القيادة العامة، والجيش والاستخبارات العسكرية بجلالة قدرها ما عرفتهم هم منو ؟؟

أها ديل الجماعة ديلاك زاااااااااااااتم

وعلى العموم يا بريمة إذا كانت المعلومات قد خفيت علينا انحنا المواطنين الساي ديل

فلا أظنها تخفى على مسئولي الاستخبارات الغربية

They have to act accordingly

we w’ll see

وأعتقد أن المحاولة لم تنجح لأنهم عارفين العواقب الخارجية ممكن تكون قدر شنو

حاجة كده زي اغتيال الحريري وما جرته على النظام السوري وحلفاءه في لينان

تصنيف بعض الجماعات والقوى المسلحة الداخلية كمنظمات إرهابية

مفروض يكون على طاولة البحث في هذا الوقت

Shocked to hear of the explosion that hit
@SudanPMHamdok
's motorcade this morning. Spoken to the PM’s office and relieved to have confirmation that he and his team are all fine, with no injuries. This is a deeply worrying event which must be investigated fully.

تغريدة سفير المملكة المتحدة !

Incident has reaffirmed the fragile nature of this transition and the vital role being played by the PM. Hope the country will unite behind the PM. UK fully supports the civilian government and committed to continuing to provide whatever support we can to help it succeed.

We are aware of the attack on
@SudanPMHamdok
’s convoy this morning in Khartoum and are monitoring the situation closely. The US strongly supports #Sudan’s civilian-led transitional govt and stands with it and the Sudanese people.

تيبور ناغي

والسفارة الامريكية أيضاً أصدرت تصريح ذهب في نفس الاتجاه التأكيد على دعم الحكومة (المدنية) :)

لو أدت العملية لمقتل حمدوك (لا سمح) كانت عواقبها حا تكون وخيمة جداً على الجهة المنفذة

وأقلاها لجنة تحقيق دولية على غرار لجنة التحقيق في مقتل رفيق الحريري..

لذلك أنا اعتقد في رأي المتواضع أن العملية جاءت لإرباك المشهد ولي إرسال سياسية معينة لأطراف عديدة وللشارع فيما يخص الوضع الأمني في البلاد

زمان أو قبل فترة ما بعيدة يعني.. الخلية الإرهابية التي (زعم) انه جرى اعتقالها وين كده ما عارف (في الحاج يوسف) على ما أذكر

وساهم القحاتة في الترويج لهذه المزاعم.. بدون ما في زول يقدم دليل واحد على صحة المزاعم دي!

الكلام ده كلو في تقديري كان تمهيد للحاصل الليلة ده

Quote: النفذوا عملية فض اعتصام القيادة العامة وأمر بها هم من يقف خلف تفجير اليوم

هم مستفيدن صحي لكن مابراهم ..
في أطراف غيرهم حيستفيدوا ..
من إحداث حالة فوضى في البلد ..

مشكلة حمدوك في تقديري برضو إنو في الوقت اللي العالم الحر كلو بيدعم فيهو وبيرسل رسائل سياسية واضحة في هذا الاتجاه

لكن حمدوك لأنو ضعيف ومتردد فهو عاجز تماماً عن استثمار هذا الدعم في تكريس سلطة المدنيين

وبدلاً عن كده حمدوك بيمشي يترقد للعساكر وللجناح المتحالف مع العساكر من قوى الحرية والتغيير

Quote: وأعتقد أن المحاولة لم تنجح لأنهم عارفين العواقب الخارجية ممكن تكون قدر شنو

طيب يا الهادي على فرض كلامك دا ما تشتيت كوره ..
الجماعة الفي بالك ديل وكتين خايفين من العواقب ح يحكموا كيف بدون مدنية؟

الخارجية الامريكية تدين على موكب رئيس الوزراء الانتقالي عبد الله حمدوك..

وتقول أنها تراقب الموقف عن كثب وعلى استعداد لتقديم كل المساعدات الممكنة للحكومة السودانية

وتؤكد على دعمها للحكومة المدنية..

ـ أعتقد هذه فرصة سانحة ودعوة مفتوحة للحكومة المدنية (إذا كان لديهم رغبة حقيقية ) في كشف الجناة لطلب المساعدة من الولايات المتحدة عبر مشاركة الإف بي آي في التحقيقات الجارية أو حتى مشاركة المعلومات الاستخباراتية حول الحادث !!

ولكن السؤال البيطرح نفسو ـ هل سيكون لدى الحكومة السودانية رغبة حقيقية في معرفة الجناة !!
I'm guessing not

بيان الخارجية الامريكية أدناه :

Quote: The United States condemns in the strongest possible terms today’s attack on Sudanese Prime Minister Abdalla Hamdok’s convoy in Khartoum and offers our condolences to the loved ones of victims killed or injured in the attack. We continue to monitor the situation closely and stand ready to assist the Sudanese government as we may be able. The United States strongly supports Sudan’s civilian-led transitional government. We stand with it and the Sudanese people in their pursuit of peace, security, prosperity, democracy, and equality.