شيخ الزبير الختمي .. ابقى مارق

شيخ الزبير الختمي .. ابقى مارق


03-08-2020, 06:48 PM


  » http://sudaneseonline.com/cgi-bin/sdb/2bb.cgi?seq=msg&board=510&msg=1583689738&rn=0


Post: #1
Title: شيخ الزبير الختمي .. ابقى مارق
Author: خضر الطيب
Date: 03-08-2020, 06:48 PM

06:48 PM March, 08 2020

سودانيز اون لاين
خضر الطيب-South Africa_Cape town
مكتبتى
رابط مختصر



؟
بمداخلاتك الشوية ديل :)

Post: #2
Title: Re: شيخ الزبير الختمي .. ابقى مارق
Author: الزبير بشير
Date: 03-08-2020, 07:01 PM
Parent: #1

يا خضر و الله العظيم انا بعتذر و ما كان القصد
ياخى الدنيا ماسه باقدار الله و نحن اشباح تسير فيها
لك الف عذر و عرفناك و ما حا نخسرك بالساهل

Post: #10
Title: Re: شيخ الزبير الختمي .. ابقى مارق
Author: adil amin
Date: 03-09-2020, 03:15 AM
Parent: #2

Quote: يا خضر و الله العظيم انا بعتذر و ما كان القصد
ياخى الدنيا ماسه باقدار الله و نحن اشباح تسير فيها
لك الف عذر و عرفناك و ما حا نخسرك بالساهل

ده شنو يا الزبير تزرك بطة من شبشة ...مباري كعوك المركز يدوووور بيك وتشمت فينا بريمة
خضر ده فكو لي
يا خضر لو ما كعوك المركز والبلهثو ورا الخارج من بعد مشا الانجليز تقدس سرهم وراحت بركة السيدين وكتشنر وجات الانقلابات العفنة دي وخربت السودان ...الكان بمبرق يخلي السودان منو؟؟وردي قال كل الارض منفي عشان كده حميد اختار المنفي الداخلي رجع نوري والبلد وخلي عربان الخليج كان قاعد في الدوحة بتاعتك دي وبرضه ما قدر يقعد وجانا في نوري هناك وانا كنت في كريمة ايضا ....
زمن
الجنيه كان 4 دولار وخمسة طرادات يا تمليذ
الناس كانت بتجي تغترب في السودان ذى ناس بريمة ديل وحلب والاغاريق وكل ملل العالم وناس ايدي كوهين وقاي معيان ايضا اليهود
بلادي ا مان بلادي حنان
هسة الساقط نافع علي نافع وقطبي المهدي الفاسد عندهم جوزات اجنبية من البقدر يحاكم كندي وامريكي في السودان
الطيب صاالح شرده النظام واصر علي جوازه السوداني وعنده قصة طريفة مع سفير السودان في امريكا مهدي ابراهيم لمن ابو يجددو ليه جوازو في لندن
المشكلة ما في السودانيين والمحسوبين علي السودان القاشرين بالجوازات الاجنبية وجلهم كيزان خسيسين وعقاب شيوعيين ...
المشكلة في الما سودانيين وقاشرين بي الرقم الوطني والجواز الالكتروني المضروب من 1989-2020 ناس الغتوشي وعمر عبدالرحمن وكيزان سوريا واليمن والعراق وكل لاجي يملك 10000 دلار دي قيمة الهوية السودانية المستباحة
زح من الزبير يزح قملك
صلح البلد مع ق حت المهببة بتاعتك دي ووصل الجنيه 4 دولار بعد داك شوف لو في زول قاعد في مصر ولي بلاد العربان والعجمان
ولي زحو من راسنا خلونا نصلح البلد للشعب السوداني
قال ق ح ت قال
https://top4top.io/

انت يا الزبير بدل تنادي عمك الحوثي جقود
تضربك الذلة والمسكنة مع ناس ق ح ت ديل ....
حكومة الكعوك الانتقالية والجوزات الاجنبية تخدم نفس مخطط الانقاذ والبنك الدولي ونكرات لم ينتخبهم احد ولا يملكوت شرعية دستورية ولا اخلاقية وخصوصا وزير المالية خادم الامارات

Post: #3
Title: Re: شيخ الزبير الختمي .. ابقى مارق
Author: خضر الطيب
Date: 03-08-2020, 07:02 PM
Parent: #1

تقول يا شيخ الزبير بأن كل السودانيين العندهم جوازات غربية يعتبروا غرباء عن السودان !!
هل انت جادي يا خليفة؟
مع العلم انك على حسب مصادري بتقدم في اللوتري من سنة 70
يعني خمسين سنة عمر جدي هههههههه

Post: #4
Title: Re: شيخ الزبير الختمي .. ابقى مارق
Author: وضاحة
Date: 03-08-2020, 07:37 PM
Parent: #3

الزبير الختمي
يا حيف عليك يا خال
احزنتني زي ما بقول جدي
ما المحرية فيك 😔
اتعديت علينا وعلي اهلنا
ان شاء الله سراق الحمير بعينك مستشار ليه
علي الأقل يختصر ليك مشوار المحاولة للهجرة والهرب من التعوسبة 🙃

Post: #5
Title: Re: شيخ الزبير الختمي .. ابقى مارق
Author: Biraima M Adam
Date: 03-08-2020, 07:41 PM
Parent: #4


Quote: ان شاء الله سراق الحمير بعينك مستشار ليه

تغيب سنين وتأتي في شتارتها .. ولو قلنا ليها بغم نلقي خضر شابي لينا في رقبتنا ..
يا زولة هاه حميدتي ود بلد .. أنت شوفي أهلك الفايكنج محلهم وين .. أفضل ليك.

بريمة

Post: #6
Title: Re: شيخ الزبير الختمي .. ابقى مارق
Author: خضر الطيب
Date: 03-08-2020, 07:52 PM
Parent: #5

Quote: تغيب سنين وتأتي في شتارتها .. ولو قلنا ليها بغم نلقي خضر شابي لينا في رقبتنا ..
يا زولة هاه حميدتي ود بلد .. أنت شوفي أهلك الفايكنج محلهم وين .. أفضل ليك.

بريمة

مافي سبب واحد يا بريمة يخليني اشب ليك في رقبتك
هسي انا موضوعي شيخ الزبير الختمي العندو مداخلتين دا
قال كل الماخدين جوازات غربية ما وطنيين ذي حميدتي البهم دا
اها رائك شنو في الكلام دا

Post: #7
Title: Re: شيخ الزبير الختمي .. ابقى مارق
Author: وضاحة
Date: 03-08-2020, 08:28 PM
Parent: #6

خضر
اب خشم عفن و صناح دا الدخلوا هنا شنو 🤣🤣🤣
دا بوست بخص زول رداء لي في صفحتي في الفيس
وانت موجه لي البوست دا
التحشر دا ايه
مقرف 🤮



Post: #8
Title: Re: شيخ الزبير الختمي .. ابقى مارق
Author: Biraima M Adam
Date: 03-09-2020, 01:16 AM
Parent: #7


Quote: خضر
اب خشم عفن و صناح دا الدخلوا هنا شنو 🤣🤣🤣
دا بوست بخص زول رداء لي في صفحتي في الفيس
وانت موجه لي البوست دا
التحشر دا ايه
مقرف
أها يا أخوانا.. شفتو كيف فراسة الأنسان البقاري .. أنا متأكد هي لم تأت لخير ..


طيب ما دام جاية غاوية مشاكل مسوية خضر ليك درقة ليه؟ ما ياهو ملافظك تكسر الحجر ..

-------------------------------------
يا خضر، حفيدة الفايكنج قالت عني بتاع "درويل" ما بتشغلني في بيتهم .. سبحان من رفع السماء بلا عمد!

بريمة

Post: #9
Title: Re: شيخ الزبير الختمي .. ابقى مارق
Author: Biraima M Adam
Date: 03-09-2020, 02:22 AM
Parent: #8


Quote: قال كل الماخدين جوازات غربية ما وطنيين ذي حميدتي البهم دا
اها رائك شنو في الكلام دا
أنت لم تأت لتدافع عن حميدتي .. وما يتقوم به مسألة "مديدة حرقتني" ..


------------------------------------
"مديدة حرقتني" .. مخصوص عشان الفايكنج يطشوا شبكة من لغة السودانية السمحة.


بريمة

Post: #11
Title: Re: شيخ الزبير الختمي .. ابقى مارق
Author: خضر الطيب
Date: 03-09-2020, 03:46 AM
Parent: #9

مرحب شيخ الزبير
Quote: يا خضر و الله العظيم انا بعتذر و ما كان القصد
ياخى الدنيا ماسه باقدار الله و نحن اشباح تسير فيها
لك الف عذر و عرفناك و ما حا نخسرك بالساهل

انا ما زعلتا بالمناسبة و انت ما الزول البزعلو منو
انا اتفاجأتا بالذات بموضوع حميدتي
الجنسيات الغربية الناس ما اخدتا مزاج
اكتر سودانيين اخدو الجنسيات الغربية كانت خلال السنوات التلاتين المشئومة
يعني مجبرين و في النهاية ببقى الجواز مجرد وثيقة سفر ابداَ ما بتحدد ميول حاملها
و لا مدى وطنيتو للبلد الأم
عموماً اهلنا المشايخ ديل ما ناس هجرة ابعد بلد بمشو ليها هي السعودية
الحاجة التانية حملة الجوازات الغربية ديل اكتر ناس ممكن يفيدو البلد

دا ما تقليل من الناس الجوة البلد لكن انت عارف حال السودان في سنوات الظلام بقى كيف
يبقى الناس تتكاتف عشان البلد دي تقوم ليها قايمة
قبل فترة اتفقتا مع مجموعة من الزملاء عايشين في بلاد كثيرة و وضعنا خطة تدرب شاملة
و مجانية و لمدة تلاتة اسابيع و في كتير من المجالات في السودان
دا كلو عشان سودانا يتقدم

نقولا نعم و ألف نعم و ليك يا عادل أمين يا بطة يا ملهم :)

Post: #12
Title: Re: شيخ الزبير الختمي .. ابقى مارق
Author: adil amin
Date: 03-09-2020, 04:19 AM
Parent: #11

Quote: نقولا نعم و ألف نعم و ليك يا عادل أمين يا بطة يا ملهم :)


رجعت لي هذيانكم المايوي البغيض
واغاني نميري السفيه امام الكيزان الاول
مش قلت ليك انت من طلائع مايو ...وتقول لي الماني ...
انا ما عامل استفتاء هنا ...عشان تقول نعم ....
اوعك تتطاول علي الختمية سفينة نوح
والزبير ده خط احمر
اكثر الختمية في السودان ولي الشيوعيين والبعثيين والناصريين
انظف الختمية في السودان ولي الشيوعيين والبعثيين والناصريين انقلاب مايو 1969
نحن عندنا بس
(المولد + الفتة + الانتخابات ) وبرنامج اللورد كتشنر تقدس سره
عايزي تباربي بضاعة خان الخليلي الكوز والقصرية والجردل والجك
اختاني
بلا ق ح ت بلا كلام فارغ

Post: #13
Title: Re: شيخ الزبير الختمي .. ابقى مارق
Author: MOHAMMED ELSHEIKH
Date: 03-09-2020, 05:26 AM
Parent: #12

و الله يا خدر اخوي انا ما واجعني الا دفاع وزير المالية عن نفسو امام عمار ادم بانه :
1/ لايملك غير الجواز السوداني.
2/ لايسكن في بيت حكومة.
وكأن الحصول على الجواز الأجنبي سبة أو السكن في منزل الحكومة فضيحة يريد ان يتبرأ منهما.
كان الاحرى به أولا ان يدافع عن حملة الجوازات الأجنبية وسكان المنازل الحكومية والظروف التي اضطرتهم لذلك
ومن ثم يشير إشارة عابرة وبرسالة بسيطة انه لايملك جواز اجنبي ويسكن بمنزله .
ولكن الدبلوماسية قسم !!!!!


حبينا نسلم عليكم وعلى خليفتنا والمرور

Post: #14
Title: Re: شيخ الزبير الختمي .. ابقى مارق
Author: خضر الطيب
Date: 03-09-2020, 06:18 AM
Parent: #13

عدولي يا دفعة كيفنك مع الحوثيين و جيرانكم السعوديين
عساكم طيبين مع التعتيم الاعلام الحاصل بشأن احداث الجمعة الدامية

Quote: رجعت لي هذيانكم المايوي البغيض
واغاني نميري السفيه امام الكيزان الاول
مش قلت ليك انت من طلائع مايو ...وتقول لي الماني ...
انا ما عامل استفتاء هنا ...عشان تقول نعم ....
اوعك تتطاول علي الختمية سفينة نوح
والزبير ده خط احمر
اكثر الختمية في السودان ولي الشيوعيين والبعثيين والناصريين
انظف الختمية في السودان ولي الشيوعيين والبعثيين والناصريين انقلاب مايو 1969
نحن عندنا بس
(المولد + الفتة + الانتخابات ) وبرنامج اللورد كتشنر تقدس سره
عايزي تباربي بضاعة خان الخليلي الكوز والقصرية والجردل والجك
اختاني
بلا ق ح ت بلا كلام فارغ

مافي هزيان مايو دي حقبة انطوت لها ما عليها
انت كدفعة انت ذاتك كنت من طلائع مايو بالمناسبة
و معتز بحكم انو معاك في نهر ابو عنجة قال انكم كنتو من طلائع مايو
انحنا كنا في نهر الرجال .. نهر دينار
كان بينا و بينكم نهر دقنة حق البنيات
و انتو كان مختلط نهر عنجة و عاملين ليكم سور من الاسود الضارية
الذين هم انحنا .. و كانو برجعوكم البيوت بي بص عمنا الطيب علي عليه الرحمة
يا بطة انت قايل التاريخ دا بتمسح

فشنو .. ابقى راكز على مايويتك السابقة
الموية بتتغير لكن ما بتغير البحر
فابقى راكز يا بطة ههههههه
وارخيني من بوستاتك ال LOOP دي
ياخ تعال بي حاجة جديدة
حاول ابتكر شغل طايوقك دا
بالمناسبة التسجيلات الصوتية بتاعتك رائعة و بتختلف عن كتابتك دي
حاول قرب من الحرية والتغيير و افهم الحاصل شنو
ما تبقى ذي القطر
و هاك
اساسق بالدريب الجاي بحداكا
اقول يمكن يصادف مرة القاكا
اسلامك ينشرح قلبي الاصلو حباكا
يكون اول مرة احب جنريتر هههههه


Post: #15
Title: Re: شيخ الزبير الختمي .. ابقى مارق
Author: الزبير بشير
Date: 03-09-2020, 07:45 AM
Parent: #1

الاخ عادل
لك التحيه

انا عممت القول و دائما التعميم مخل في الاحكام . عشان كده اعتذرنا .

اما بالنسبه للاخ خضر ، الزول ده خدمنا في مسجد السيد علي

موضوع البوست في الفيس يعيب الناس في امتهان تجارة معينه ، نحن ضد اي زول يعيب الانسان بمهنته و التجاره حلال و ما عيب ايا كانت في اي مجال .

الدكتوره وضاحه ( بنت اختي لزم ) يا ريت حميدتي اسمع كلامك و اعمل فايده و اجيبنى وزير مالية خبره عشرات السنوات في اقوي الشركات الصناعيه حول العالم مع تاهيلي الفني و الاكاديمي العالي .

الزبير الختمي

Post: #16
Title: Re: شيخ الزبير الختمي .. ابقى مارق
Author: الزبير بشير
Date: 03-09-2020, 08:01 AM
Parent: #1

المشكله الان في السودان الناس تلت و تعجن و ناسيه انه الامر امر الله

اجي حميدتي افوت حميدتي ، الاقدار مقدره و لنا التسليم في القدر مع العمل في ازاله الباطل ان كان باطل و سند الحق ان كان حق .

اما LIKE and DISLIKE و الاراء العريانه حا تغرق البلد في دوامه المجهول

الان البلد في هاويه علينا العمل مع من تولى الامر ، لخروج البلد من الازمه ، اما اي زول ضارب ركن و قاعد اشتم ده ما حل .

من 21 فبراير 1968 و نحن في ازمات ، لسوء العلاقه مع الله و ال بيت رسول الله ، و سوء الادارة ، و اي زول عنده راي .


الزبير الختمي

Post: #17
Title: Re: شيخ الزبير الختمي .. ابقى مارق
Author: adil amin
Date: 03-09-2020, 03:02 PM
Parent: #16

Quote: وارخيني من بوستاتك ال LOOP دي
ياخ تعال بي حاجة جديدة
حاول ابتكر شغل طايوقك دا


والله با الديك الاحمر لو البوست ده ما فيه عمي الزبير الختمي النظيف العفيف وكنداكات لمكرت مكرا لا تعرفه العرب
ثورة الحرية والتجديد مستمرة وانت في مكانك
عايز تقول لي صديق يوسف وساطع والسنهوري يدل موديا 2020
والله لحدي الليلة ما مرقتو من بلاعة المخابرات المصرية وعبثا في السودان