Quote: ود الاصيل مش قلت ليك عمك جقود ده لمن يشيل عكازو المضبب ويركب حمارو المدغلب ويمشي الكارة ا تجي وراه
|
▪ أول مرة يا عمو ما تطلب نني أزح من ( شرتاب) منطقة
العمليات عارف لأنو نيرانكم مع بريمة زاتا تعتبر صديقة.
▪ لكن بحكاية( ن11) دي ذكرتني واحد مشكنب في الأبيض
على أيام مايو لقالو مظاهرة شفع قام فيها و خلاهم يهتفو وراه:
" أبدن.. أبدن ما ح نتوب .. و لن يحكمنا طيش حنتوب "مسكوه
ناس مكافحة الشغب جابوه مكبش لضابطم بدا يحقق معاه تحت
التعذيب : اسمع هنا يا كلب أحسن لك تعترف ، تقول لينا منو طيش
حنتوب الماك دايرو يحمكم . قاللو: يا سعادتك عليك الله هسي إتا
لو ما قلبك براو فيه أبو الحرقص هسة دي تهمة تمسكوني فيها؟ أنا
ما جبت لي سيرة زول . لكن أقول ليك حاجة، كدي خلي كلامي نا
و قول أنت براك: منو طيش حنتوب. الضابط اتلفت صفر في قواته
قاللهم : فكو الشيوعي المعفن دا ما يلبسنا تهمة في صمت خشمنا.