حل هام و عاجل للمشكلة الاقتصادية، ولمشكلة الذهب. رأيكم شنو؟

07:25 PM March, 07 2020

سودانيز اون لاين
احمد محمد بشير-كُل اجزاءهِ لنا وطنٌ إذ نُباهي بهِ و نفتَـتِنُ
مكتبتى
رابط مختصر

لابد من تعويم اسعار العملة مؤقتا للتجريب ورفع سعر التحويلات القادمة من الخارج ليحول المغترب عبر البنك
والأهم انه تصدير الذهب يكون حصري لبنك السودان
بنك السودان يفتح فروع في الخليج دبي و السعودية و واوربا و امريكا
الذهب يذهب مباشرة الى خزينة البنك في الخارج
ويعرض للبيع وبالاسعار العالمية.
والعائد بالعملة الحرة نشتري به القمح و الادوية و الوقود وبعض من السلع الكمالية

يجب ايقاف الشركات التي تصدر الذهب فورا
وقفل عمارة الدهب لانه ثبت بما لا يدع مجال للشك
ان تحديد سعر الدولار و المضاربة في يتم في ازقة هذه العمارة
معظم تجار العملة لا يتعاملون مع البنوك، كل الشركات العملت جوطة في المؤتمر الصحفي لوزير المالية ثبت انهم لا يدخلون دولار واحد للبنوك... انتو ما بتدخلو دولار للبنوك بتتشاكلو في حقوق التصدير لشنو؟!!
طرحنا لتجار العملة وكل من يرغب ان يتعامل مع البنك طرحنا لهم فكرة في منشور سابق ليربحو بطريقة رسمية ، حيث:
يقوم تاجر العملة بفتح حساب في بنك السودان
ويقوم ببيع الدولار بصورة رسمية
ويربح سعر ٢ جنيه في كل دولار
المواطن العندو دولار ما يمشي يبيعو للبنك
يبعو لتاجر العملة وللصرافات والتاجر و صاحب الصرافة يورد للبنك
يحب ايقاف كل الشركات العاملة في الاستيراد و التصدير
والجلب من الخارج يكون حصري للبنك فقط
واقترح بناء مجمع ضخم لبنك السودان وللبنوك الاخرى ان ارادت ، وكده المشكلة حتنتهي نهائيا.

لابد لبنك السودان ان يفتح فروع خارجية في الامارات و السعودية واوربا وامريكا وعموم الخليج
هذه الفروع تكون مهمتها بيع الذهب وتخزين احتياطي السودان من الذهب فيها ، وعملية بيع الذهب تكون حصرية لبنك السودان.
شركات التصدير و الاستيراد في الذهب وغيره هم سبب البلاوي فالعائد عبرهم للاقتصاد من عملات صعبة قليل.
وتعويم سعر الصرف سريع جدا.. ورفع التحويلات الدولارية لامغتربين الى سعر السوق الاسود بدلا من سعر ال٥٥،
كده دولارات الدنيا دي كلها حتدخل بنك السودان
وتنتهي هذه الدوامة

ول رأيكم شنو؟

المصدرين ديل بعضهم ما نزيه وشغالين تهريب لخيرات البلد لابد من زنقهم بهذه الكريقة ، ما يصدروا تاني لانه الشعب ما مستفيد منهم... بنك السودان يشتري مننا بالعملة المحلية ويصدر ويبيع عبر الخبراء عبر فروع البنك في انحاء العالم.
كده سيتم ضبط كل العملات الأجنبية الجاية من الخارج سواء أن كانت عبر تحويلات المغتربين او عبر خير البلد الذي يباع في الخارج.


الفوضى العملوها جماعة تصدير الذهب في المؤتمر الصحفي لوزير المالية كشفت حقيقة هؤلاء الناس المحتالين... غاظوني جدا محتجين عايزين حقوق التصدير وفي نفس الوقت ما شفنا قروشهم دي رجعت كدولارات لابنك!!
هذا لا يعقل أبداً يا جماعة !!