حينما تباح السخافة والسماجة على الهواء مباشرة

05:22 PM March, 07 2020

سودانيز اون لاين
طلحة عبدالله-
مكتبتى
رابط مختصر

ثم تقول للمتصل بكل لداحة الدنيا وسماجتها يا ولدي
أجيب ليك من وين ؟ ثم تتعبس وتتبسر وبحركة اكروباتية
يحسدها عليها أجعص ساحر تعقد حاجبيها على شكل حدوة
حصان وهي تردف وكأنها أوبرا وينفري : يا حبيبي ما بصنعا
أنا يا حبيبي أنا أجيب ليك من وين .. ثم وتشالقت حينما أرادت
أن تتثاقف فأقحمت مثلا لا علاقة له بالموضوع لا من قريب ولا
من بعيد ( المحرش ما بكاتل) وأنهت المكالمة مع المتصل المسكين
وكأنها بائع بصل يحسم زبونا وهي تقول قول ست القناة والقنوات
المجاورة : على العموم اتقاضى عن يومي ما تحضروا ..
وإستطردت بلؤم الكون كله وهي تستعد لمعركة جديدة : أنتهينا..
وكانت المعركة الجديدة هي صنع ابتسامة لم أر أسمج وأسخف منها
قط لتردد كأنها جهاز تسجيل : موووشاهدي الاعزاء موووستمعينا
الأفاضل هذه قناة النيل الأزرق زمردة الاذاعات المرئية والمسموعة الخ الخ الخ ...
لم استغرب والله أن تكون قناة النيل الأزرق بهذه الرداءة، ولكن المدهش حقا
أن يكون هناك أنسان ناهيك عن ( اعلامي ) بهذه السطحية والتردي اللفظي
في التعامل مع المشاهدين.
غايتو أنا لغاية هسة بفتش عن معني (اتقاضى عن يومي ما تحضرو ) كيف
يعنى ؟؟ لكن السؤال الأهم من دا كلو الأخت دي شغالة شنو بالضبط ؟؟ .

فى عصر تسليع المراه لاوجود للكفاءه عند الاختيار
اسلوب الرد اسلوب ##### معدبه بنفسها ومفتريه بيهو على خلق الله

سلام يا عاصم
ودي والله أردأ وأسوأ حاجة ممكن أشوفا أو أسمعا
(الكلام على الحركات).. لاحظ بالله لحركة (اتقاضي)
عن يومي ما تحضرو دي وكمية اللؤم والسماجة الفيهو
لا والحركة بتاعت ( انتهينا)... واللا حركة انهاء الفقرة
وهي تصنع أسخف وأقرف ابتسامة ..
لكن اللوم ما عليها بل على قناة الجمعيات الأدبية
بتاعت مدارس الإبتدائي دي .

انه عصر القونات يا طلحة والعجب لو دخلت التيك توك وشفت الفنانين الواحد أشنى من الككو ويت... يخليك تقول يا حليل حمادة بت كان ارجل الك...😂.

يا منتصر شنى ما قلنا حاجة لكن
لما تكون معاها شناة طبع وأخلاق
دا البرفع الضغط والسكري ويكالب
عليك كل أمراض العصر ورب الكعبة