Post: #1
Title: مزارع سوري ينجح في السيطرة علي سوق الطماطم في ام درمان
Author: Osman Musa
Date: 03-04-2020, 09:59 AM
08:59 AM March, 04 2020 سودانيز اون لاين
Osman Musa-
مكتبتى
رابط مختصر
(adsbygoogle = window.adsbygoogle || []).push({});
عمك السوري نجح في توفير الطماطم المحسنة ( البندورة )وفي كل فصول السنة .
في أسواق البلد عامة .
وبي أسعار مقبولة للعامة .
والرجل في انتظار التصدير الي ألمانيا حسب الظروف ومزاج الحكومة .
|
Post: #2
Title: Re: مزارع سوري ينجح في السيطرة علي سوق الطماط�
Author: ياسر السر
Date: 03-04-2020, 10:54 AM
Parent: #1
انحن بلدنا بي خيراتا والبلد البتشبها ياتا ,,,,
بس للأسف الأجانب يغرفو منها كل يوم ونحن قاعدين نتفرج يا عثمان يا خوي ,,,
الله يصلح الحال ...
تحياتي : ياسر العيلفون ...
|
Post: #3
Title: Re: مزارع سوري ينجح في السيطرة علي سوق الطماط�
Author: muntasir
Date: 03-04-2020, 11:38 AM
Parent: #2
اذا الرجل اجتهد وزرع عينة جيدة ورخيصة ودون منحه امتيازات مافي مشكلة
|
Post: #8
Title: Re: مزارع سوري ينجح في السيطرة علي سوق الطماط�
Author: Osman Musa
Date: 03-04-2020, 05:35 PM
Parent: #3
أخونا منتصر سلامات
انا قابلت الرجل اسمو ابو حسن . عمرو في حوالي ال 45 .
دخل السودان من قبل ستة سنوات . بس الرجل يستحق كل خير
|
Post: #13
Title: مشاهدة شخصية�
Author: الصادق عز الدين
Date: 03-05-2020, 07:47 AM
Parent: #8
المكان : شارع الهوا ناحية كافوري
تحديدا المزارع بين كافوري والمايقوما
الزمان : شهر فبراير قبل بعد العصر وقبل المغرب
المشاهدة : كراتين طماطم مرصوصة في صفوف يمينا وشمالا، والبعض افراد ومطاعم ومحلات يقومون بالشراء
توقفت لشراء كرتونة تحدثت مع أخ سوداني للشراء فطلب ٢٥٠ جنيه للكرتونة ، حاولت مفاوضته فذكر لي شوف صاحب الحق فإذا به سوري الجنسية جالسا على ناحية يستلم المقابل
بعتبرها شقلبة
ليه السوداني ما يستثمر أرضه بنفسه زي السوري ده وينتج ؟؟؟؟؟؟؟؟
|
Post: #20
Title: Re: مشاهدة شخصية�
Author: Asim Ali
Date: 03-06-2020, 10:52 AM
Parent: #13
Quote: بعتبرها شقلبة
ليه السوداني ما يستثمر أرضه بنفسه زي السوري ده وينتج ؟؟؟؟؟؟؟؟ |
قبل 11 او 12 سنه كنت ابحث عن عينات سنابل قمح وفى بحثى مريت بالمنطقه الذكرتها دى سنابل القمح فيها خاليه بسبب الطيور
اما فى الطرق الداخليه تحت شجره كبيره تلقى شله شباب مدورين كشاتين او راكوبه ست شاى لامه شله تانيه وجلهم لاعلاقه عمليه لهم بالمكان
الكلام دا نص النهار قبل صلاه الضهر
دى حال بلدنا ناس ترطيب وبرنامج ترفيه اما الشغل الحار الناس تنفض ايديها وتهرب.
السودانى اصبح همو الكسب السريع باقل مجهود والانشطه الطفيليه لكن اجتهاد لانتاج خقيقى
|
Post: #18
Title: Re: مزارع سوري ينجح في السيطرة علي سوق الطماط�
Author: Osman Musa
Date: 03-05-2020, 05:31 PM
Parent: #3
نعم يا أخ منتصر .
الرجل اجتهد اجتهاد واضح . وفكر تفكير اقرب للوطنية
منو لي التفكير في المكاسب . وهو مدرك انو المكاسب ح تصب عليه
مطر . الرجل يبهل الخضار من الحقول للملجات ينط السمسار بي
طريقة ذكية . ونفس الطريقة في عموم المدن الكبيرة . وبي سرعة .
|
Post: #4
Title: Re: مزارع سوري ينجح في السيطرة علي سوق الطماط�
Author: Osman Musa
Date: 03-04-2020, 01:15 PM
Parent: #2
أخونا ياسر سلامات
بلدنا جنة الله في الأرض يا أخ ياسر
لكن البلد تقوم كيف مع المتمحركين .
|
Post: #5
Title: Re: مزارع سوري ينجح في السيطرة علي سوق الطماط�
Author: Abd Alla Elhabib
Date: 03-04-2020, 02:44 PM
Parent: #4
السودان عايز رجال يحكموهو
أي كوز أو غيرو كتل، سرق أو أفسد
يرشوهو فوراً وبالقانون !
سنتين بس وسودانك فوق يا عثمان !
|
Post: #6
Title: Re: مزارع سوري ينجح في السيطرة علي سوق الطماط�
Author: نادر الفضلى
Date: 03-04-2020, 03:39 PM
Parent: #5
مزارع وتاجر شاطر أفاد المجتمع السودانى، وبضوابط تصدير تحفظ للدولة حقها سيكون مصدر عملة صعبة للبلاد.
|
Post: #7
Title: Re: مزارع سوري ينجح في السيطرة علي سوق الطماط�
Author: علي عبدالوهاب عثمان
Date: 03-04-2020, 04:00 PM
Parent: #6
حبيبنا عثمان .. تحياتي
ديل ناس مبدعين .. ناس شغل وانتاج حتى هنا في الخليج اصحاب أعمال
ما عارف الحبيب عثمان .. زمان كان أهلنا في الشمال انتاجهم غزير جداً يكفي العائلات والباقي إلى السوق
القمح ، الفول المصري ، البامية ، الذرة ، الذرة الشامية ..
بدون حكومة بدون أي دولار بدون أي مستورد ( بالسواقي فقط ) خشب وحبال وبقرة
قدروا حتى يعلموا أولادهم وبعضهم من النخب اليوم ..
نفس طريقة الهنود اليوم يزرع بأي طريقة ولو نص فدان أرز لكافية البيت فقط ( ما عارف محل الحكومة وين )
نحن منذ أيام نميري لجأنا لتبريرات ( الوضع ، الحكومة ، ... إلخ ) ثم الاتكاءة في البيت أو تحت الاشجار
كرامة ، سماية ، مأتم ، عزومة ، زواج وهكذا .. تقريبا على ما أذكر هذه الحكاية بدأت منذ 1978تقريباً
ربما كان انتقال الاجيال ولكن بدون تواصل .. كان آباءنا الله يرحمهم في أواخر ايامهم ..
بعد داك الناس دخلوا في السوق السوداء والتهريب والسمسرة وانتشرت الرشوة في مؤسسات الدولة
وظهر تموين السكر والجاز الابيض والجازولين .. كان البيع عندنا بليل في ضواحي الدنيا .. إلى مجاعة 83
في واحد إخوانا قال جملة مشهورة ( ما في سكر يعني ما في شاي .. أنا رجعت اشرب عرقي )
لأن شريب العرقي غالباً لا يحب الاشياء الحلوة ( الشاي مثال )
تحياتي يا جميل .. اندياح .. لقيت فرصه أعبر عن غبني ..
تخيل الخبيب عثمان .. السوريين عندنا في اقصى الشمال عندهم حفارات في الخلا فوق
واحد فيهم قال لي ( ذهبت إلى الخرطوم واحضرت الاخوة ا لاثيوبيين لأن هنا ما عندكم عمالة )
السكن في الخلا في بورتبلات كل شيء متوفر .. حفارات للمشاريع الكبيرة
الحبيب عثمان .. نحن كلنا كده .. معليش وبزعل ألوم نفسي وجماعتي أقول ( نحن ما ناس شغل )
عكس الاباء ..
|
Post: #19
Title: Re: مزارع سوري ينجح في السيطرة علي سوق الطماط�
Author: Osman Musa
Date: 03-06-2020, 10:37 AM
Parent: #7
أخونا علي عبدالوهاب سلامات
اقولك يا شيخ علي رجوعك للبلاد ضروري . صدقني .
|
Post: #12
Title: Re: مزارع سوري ينجح في السيطرة علي سوق الطماط�
Author: Osman Musa
Date: 03-05-2020, 07:43 AM
Parent: #6
أخونا نادر الفضلي سلامات
الرجل تمدد في الأرض البكر . طموح ما محدود
في نقر أبواب أسواق العالم . طماطم الأرض السودانية
يا أخ نادر ما محتاجة زيت . الزيت جواها حكمة ربنا .
وتصدق يا أخ نادر الأمة السودانية دي لا حدي الآن
ما اكتشفت انها هي جوه الجنة .
|
Post: #10
Title: Re: مزارع سوري ينجح في السيطرة علي سوق الطماط�
Author: Osman Musa
Date: 03-05-2020, 07:00 AM
Parent: #5
أخونا عبدالله الشيخ سلامات
مفروض طوالي بعد نجاح الثورة كان تكون في محاكمات سريعة سريعة .
ومحاسبة بدون اي رحمة وما في كبير علي القانون . القانون هو الكبير .
|
Post: #9
Title: Re: مزارع سوري ينجح في السيطرة علي سوق الطماط�
Author: Abd Alla Elhabib
Date: 03-04-2020, 06:21 PM
Parent: #4
السودان عايز رجال يحكموهو
أي كوز أو غيرو كتل، سرق أو أفسد
يرشوهو فوراً وبالقانون !
سنتين بس وسودانك فوق يا عثمان !
|
Post: #11
Title: Re: مزارع سوري ينجح في السيطرة علي سوق الطماط�
Author: walid taha
Date: 03-05-2020, 07:18 AM
Parent: #1
لذلك يا عثمان لا نستطيع أن نحد من أطماع الناس فى هذا البلد وأرضه إلا بان نعمل ونزرع كل شبر .
الناس من حولنا (ممطقين) فى بلدنا دى وخيراتها !
التحية للمزارع السوري وغير السوري
|
Post: #14
Title: Re: مزارع سوري ينجح في السيطرة علي سوق الطماط�
Author: Mohd Ibrahim
Date: 03-05-2020, 08:13 AM
Parent: #11
ترفع له القبعات ..
|
Post: #15
Title: Re: مزارع سوري ينجح في السيطرة علي سوق الطماط�
Author: علي عبدالوهاب عثمان
Date: 03-05-2020, 08:36 AM
Parent: #14
الحبيب عثمان .. تحياتي
عن تجربة الزراعة عندنا وخاصة في الشمالية التكلفة قليلة جداً
أولاً الأرض مسطحة مما خلقها الله ..
المياه الجوفية قريبة جداً يعني ( ماسورة ونصف ) في أعمق منطقة
حوالي 15 قدم تتحصل على مياه نظيفة ..
أذكر أنني اسست مشروع زراعي محدود للاخواني
تكلفة المياه حتى السطح ( حفر وتنزيل مواسير مقاس 5 بوصة )
ثم اندفاع رهيب للمياه .. التكلفة بالريال السعودي تقريباً (800 ريال)
مثلاً في السعودية مشروع للحصول على مياه معظمها مالحة ( 200 مليون ريال )
حتى ان المياه الجوفية شرق النيل بها ( نز ) تهدم البيوت من كثافتها
شتاء بارد جداً .. نجاح القمح مضمون والفول المصري والطماطم والخضروات وخاصة الشتوية
المشكلة قلة عدد السكان والعمالة .. وعدم الرغبة في العمل خاصة إذا المزرعة كانت بعيدة من الحلة
السوري لم يصدق أن مثل هذه المعطيات موجودة في العالم ..
اليوم الفدان الواحد في أسوأ وأسوأ الفروض 10 شوالات قيمة الشوال 3 جنيه للقمح
يعني 30 الف جنيه في 4 شهور .. راتب طبيب لمدة 10 شهور .. أما الفول المصري أقل حاجة 8-7 الف جنيه
يعني عشرة شوال 80 الف جنيه
بصراحة بصراحة .. أنا أتحدث عن منطقتي وقريتي المشكلة في البشر .. السلوك الاجتماعي تغير كثير
جلسات وحفلات ومؤتمرات وحفلات تخرج الروضة والابتدائية ... الخ .. متابعة الدوريات العالمية
الاسباني والايطالي والانجليزي ..زمان هلال مريخ اليوم ( برشلونه ريال مدريد مانشستر ليفربول يوفنتوس )
تسمع كل هذه النقاشات من الشباب
وأيضاً السفر إلى العاصمة في أي مناسية زواج ولادة سماية مأتم .. يومياً الحافلات تتحرك للعاصمة ..
غايتو الظلط والكهرباء كارثة ..
زمن الترابلة خلاص انتهى ..
|
Post: #16
Title: Re: مزارع سوري ينجح في السيطرة علي سوق الطماط�
Author: Osman Musa
Date: 03-05-2020, 10:01 AM
Parent: #15
الاخ الصادق سلامات
ياخ ح تشوف كثير وكثير في هادي البلاد الطيبة .
|
Post: #17
Title: Re: مزارع سوري ينجح في السيطرة علي سوق الطماط�
Author: Hassan Farah
Date: 03-05-2020, 10:43 AM
Parent: #1
باختصار شديد هذا المزارع السورى المجتهد ادخلكم يا سودانيين فى فتيل
نحن ناس كسالى لحمنا حلو عكس على ما كان عليه اجدادنا فهذا الجيل جيل فاسد تربى على يد الكيزان الذين اورثوه كل اساليبهم الملتوية للحصول على لقمة العيش بدون بذل ادنى مجهود
|
Post: #21
Title: Re: مزارع سوري ينجح في السيطرة علي سوق الطماط�
Author: Ali Alkanzi
Date: 03-06-2020, 01:38 PM
Parent: #17
حسن فرح
جاب النجيضة بقوله:
Quote: باختصار شديد هذا المزارع السورى المجتهد ادخلكم يا سودانيين فى فتيل
نحن ناس كسالى لحمنا حلو عكس على ما كان عليه اجدادنا فهذا الجيل جيل فاسد تربى على يد الكيزان الذين اورثوه كل اساليبهم الملتوية للحصول على لقمة العيش بدون بذل ادنى مجهود |
|
|