Post: #1
Title: الكشف عن زيادات كبيرة في مرتبات الوزراء و وكلاء الوزارات الاتحادية بالحكومة الإنتقالية
Author: زهير عثمان حمد
Date: 03-03-2020, 03:02 PM
02:02 PM March, 03 2020 سودانيز اون لاين
زهير عثمان حمد-السودان الخرطوم
مكتبتى
رابط مختصر
كشفت مصادر عن زيادات كبيرة على مرتبات الوزراء و وكلاء الوزارات الاتحادية.
وقالت المصادر إن الحكومة رفعت راتب الوزير الاتحادي وكذلك الوكلاء ولم تحدد الكم أوالنسبه
و كانت بعض الوزارات زادت أجور الموظفين؛ تمهيداً إلى تطبيق الحد الأدنى للأجور المقترح؛ من قبل اتحادات العمال و تجمع المهنيين.
|
Post: #2
Title: Re: الكشف عن زيادات كبيرة في مرتبات الوزراء و
Author: حيدر حسن ميرغني
Date: 03-03-2020, 03:04 PM
Parent: #1
هييع يا زهير
عملتهن تلاتة بوستات تماشيا مع الزيادات الحاصلة ؛)
|
Post: #3
Title: Re: الكشف عن زيادات كبيرة في مرتبات الوزراء و
Author: احمد حمودى
Date: 03-03-2020, 03:17 PM
Parent: #2
Quote: عملتهن تلاتة بوستات تماشيا مع الزيادات الحاصلة ؛)
|
ههههههه الليلة ابو الزووزما لقى ليه حاجة مطرفة عملن تربل بوست وتحياتى حيدر وابو الزووز
|
Post: #4
Title: Re: الكشف عن زيادات كبيرة في مرتبات الوزراء و
Author: Hassan Farah
Date: 03-03-2020, 06:03 PM
Parent: #1
ابوالزوووز ما من عاداتو يجيب خبر مصدره مجهول
الليلة مالو يا ناس؟؟
|
Post: #5
Title: Re: الكشف عن زيادات كبيرة في مرتبات الوزراء و
Author: Asim Ali
Date: 03-03-2020, 06:39 PM
Parent: #4
عندنا فى مؤسستنا مواجهه بين منسوبى المؤسسه والاداره بعد اصدار لائحه ماليه اعطت للمسئولين (الاداريين) زياده تحت بند عبء ادارى تتراوح قيمتو بين 150% و200 % من قيمه صافى المرتب فى حين والمنسوبين فى انتظار ( تحسين ) اللائحه الماليه الخاصه بهم والتى تعتبر ضعيفه جدا مقارنه بزيادات الاداريين. ومسار اخر مع الوزاره ورئاسه الوزراء وربما مجلس السياده مطالبه بزياده المرتبات مع التلويح بالاضراب.
.
هل نحنا فعلا فى حاله استبدال تمكين بتمكين اخر ؟؟
|
Post: #6
Title: Re: الكشف عن زيادات كبيرة في مرتبات الوزراء و
Author: Asim Ali
Date: 03-03-2020, 07:13 PM
Parent: #5
Quote: الخرطوم”تاق برس” – كشفت مصادر ل(تاق برس) عن زيادات كبيرة على مرتبات الوزراء ووكلاء الوزارات الاتحادية.
وقالت المصادر إن الحكومة رفعت راتب الوزير الاتحادي إلى (150) ألف جنيه، ووكيل الوزارة الى (90) ألف جنيه.
وكانت بعض الوزارات زادت أجور الموظفين؛ تمهيداً إلى تطبيق الحد الأدنى للأجور المقترح؛ من قبل اتحادات العمال وتجمع المهنيين. |
”تاق برس”
|
Post: #7
Title: Re: الكشف عن زيادات كبيرة في مرتبات الوزراء و
Author: جمال ود القوز
Date: 03-03-2020, 08:35 PM
Parent: #6
زيادة مرتبات وبس !! ..
ياما حتشوف تمكين مضاد يا أبو الزهور ..
ماشفت من الجمل إلا اضانه بس ..
التقيل جاي ورا ..
قال ليك تمديد الفترة الانتقالية ..
انت لسه شفت حاجة ..
الجراب مليان مخازي ..
|
Post: #8
Title: Re: الكشف عن زيادات كبيرة في مرتبات الوزراء و
Author: محمد البشرى الخضر
Date: 03-03-2020, 08:54 PM
Parent: #7
يا جيمي يا خوي مفروض لا اسى تكون استفدت! ما تندلق قبل ما تتأكد
في حملة شائعات رهيبة و مدروسة شغالة بشكل يومي و هدفها تكريه الناس في الحكومة و الحرية و التغيير والهدف النهائي الوصول لفهم اخير الإنقاذ! لتسهيل فكرة قبول الانقضاض على الثورة
|
Post: #9
Title: Re: الكشف عن زيادات كبيرة في مرتبات الوزراء و
Author: Asim Ali
Date: 03-03-2020, 09:07 PM
Parent: #8
| Quote: في حملة شائعات رهيبة و مدروسة شغالة بشكل يومي |
قلت كدى
@الجمره_بتحرق_الواطيها
|
Post: #10
Title: Re: الكشف عن زيادات كبيرة في مرتبات الوزراء و
Author: جمال ود القوز
Date: 03-03-2020, 10:01 PM
Parent: #9
Quote: يا جيمي يا خوي مفروض لا اسى تكون استفدت! ما تندلق قبل ما تتأكد
في حملة شائعات رهيبة و مدروسة شغالة بشكل يومي و هدفها تكريه الناس في الحكومة و الحرية و التغيير والهدف النهائي الوصول لفهم اخير الإنقاذ! لتسهيل فكرة قبول الانقضاض على الثورة |
حملة الشائعات خلها يا ود البشرى يا أخوي ..
الفشل البتمارسوا حكومة قحت ده دايرلو اشاعات كمان !! ..
فشل يليه فشل يتبعه فشل مسلسل متواصل من الفشل ..
الكعب انعدام رؤى الحل والانهزام ...
عليك الله ي ود البشرى شماعة الدولة العميقة وهوس الكيزان ..
ونسب أي فشل لهم ولدولتهم العميقة الكلام ده حيستمر لي مين ؟ ..
غايتو شخصيا اقتنعت بفشل سارقي الثورة هؤلاء ..
لكن وحاة الله قاعد اشفق عليك..
لانه حتجيك اللحظة الحتنصدم فيها وحتفوق ..
فيأخ أملص نضارة الدفاع البائسة دي ...
عسى ولعل تشوف النحن شايفينو ..
وتشوف الليلة زينا أخير من التخدير الانت عايش فيهو ده
الانقاذ ما أخير ولا حاجتين لو ده بيرضيكـ ..
لكن قحت وكوم اليسار الفاشل ده لايمثل الثورة ..
|
Post: #11
Title: Re: الكشف عن زيادات كبيرة في مرتبات الوزراء و
Author: اخلاص عبدالرحمن المشرف
Date: 03-03-2020, 10:23 PM
Parent: #10
المشكلة بين اماني الثوار وواقع البلد
الحلم يظل حلم ما لم نعمل علي تحقيقه
وخطين تحت نعمل ، السماء لا تمطر ذهب
والعمل ما هتاف ، وشغل المكاتب ما هو المخرج .
الزراعة ثم الزراعة ثم الزراعة ثم التعدين ، غير
كده ما في حل ولازم معينات من آلات وتدريب يعني
دروس عديل من خريجي الزراعة والترابلة وننتظر
المعينات وناس الري بالتقطير والآلات للحرث والحصادات
اما جيوش الموظفين ديل ف ح يظل الحال كما هو.
|
Post: #12
Title: Re: الكشف عن زيادات كبيرة في مرتبات الوزراء و
Author: محمد البشرى الخضر
Date: 03-03-2020, 10:47 PM
Parent: #10
يا جيمي أنا لا ادافع هنا عن الحكومة او على الاصح عن أخطاء الحكومة, لكن ارفض ان تهاجم الحكومة بالباطل و ننساق وراء الشائعات
اي خطأ واقع فعلا لا أحد عاقل ينكره او يرفض نقده إذا كان يريد الخير و التقويم لحكومة الثورة! لكن المشكلة في الإنسياق وراء الكذبات و اتخاذها منصة للهجوم دون التأكد منها, اي تقويم واصلاح هنا في تضخيم كذبة و الرويج لها
اسي انت دلقت ليك محاضرة طويلة عريضة في بوست فيه خبر يقول بزيادة مرتبات الوزراء زيادة رهيبة, طيب لو طلع الكلام دا اشاعة محاضرتك دي تقبل بيها وين!
مش تستنى شوية تتأكد المحاضرة و المستمعين ما طايرين
يا عاصم كلام الجمرة بتحرق الواطيها وانتو وين ونحنا وين مقدر ومفهوم خاصة في طريقة النظر واختلاف زاويته و التقييم المتباين لنفس الحدث
لكنها ابدا ليست مبررا للإنسياق وراء الشائعات و ترويجها, إن بقيت واطي جمرة أو بالعها عديل هذا ليس مبرر للكذب أو تصديقه أو تبريره!
على الاقل الواحد يتريث شوية ويتاكد البلد دي بقى ما فيها شك ببيت للصباح في ساعات بتجيك الاكيدة
|
Post: #13
Title: Re: الكشف عن زيادات كبيرة في مرتبات الوزراء و
Author: Asim Ali
Date: 03-03-2020, 11:49 PM
Parent: #12
| Quote: يا عاصم كلام الجمرة بتحرق الواطيها وانتو وين ونحنا وين مقدر ومفهوم خاصة في طريقة النظر واختلاف زاويته و التقييم المتباين لنفس الحدثلكنها ابدا ليست مبررا للإنسياق وراء الشائعات و ترويجها, إن بقيت واطي جمرة أو بالعها عديل هذا ليس مبرر للكذب أو تصديقه أو تبريره!على الاقل الواحد يتريث شوية ويتاكد البلد دي بقى ما فيها شك ببيت للصباح في ساعات بتجيك الاكيدة |
الخير دا مامثل مفاجاه وانما تاكيد للحاصل عندنا قبل اسبوع او يزيد مواجهه بين اداره المؤسسه وقطاع من العاملين والحدث كان منقول فى الصحف وقناه الجزيره كانت موجوده ونقلت الخبر وكان لائجه زيادات الاداريين وحجم الزيادات مستفزه ليهم, والقطاع الاخرسلك طريق اخر ضمن لجنه مهنيه اتحاديه (لانو لسه نقابات مافى ولا حتى لجان تسيير فى اغلبيه المؤسسات دى) تم التوافق على عضويتها بواسطه تواصل بين منتسبى المؤسسات المعنيه على امتداد السودان -وتجمع المهنيين نايم نوم عميق- وبدو من الوزاره ومافى نتيجه والان فى انتظار تحديد موعد مع حمدوك عشان موضوع الاجور لانو فى هيكل مجاز غير منفذ ليهو اكتر من سنتين.
|
Post: #14
Title: Re: الكشف عن زيادات كبيرة في مرتبات الوزراء و
Author: منتصر عبد الباسط
Date: 03-03-2020, 11:56 PM
Parent: #13
وهل رهنا الثورة بالحرية والتغيير التي لا تعبر حتى عن كل من تدعي أنه جزء منها؟!
أم هل رهنت الحرية والتغيير نفسها والثورة بهؤلاء الوزراء الفاشلين ورئيسهم؟!
|
|