ياسلام عليك يا خضر الطيب بالله شوف الشباب والكنداكات ديل ديل ياهم صانعو الثورة ووقودها وحراسها فليصمت المرجفون وشذاذ الآفاق للأبد المستقبل لصناع الثورة
Post: #4 Title: Re: انت يا حمدوك (فيديو) Author: صديق مهدى على Date: 03-02-2020, 07:01 PM Parent: #3
تسلم ياود الطيب خضر ربنا ينصرك على كل جقر يحب يعيش فى الجو العكر همو ازعاج البشر بما يكتب من كلام غذر بالديمقراطية كفر عايش على كنف العسكر ليس له عذر سوى انه كذاب اشر
Post: #5 Title: Re: انت يا حمدوك (فيديو) Author: Ali Alkanzi Date: 03-02-2020, 07:22 PM Parent: #4
سلام خضر فعلا هم الشباب صناع الثورة ورجالها ونسائها ومن حقهم ان يعبروا عن ما يجيش في القلوب نحو حمدوك الذي احسبه الماسورة اليوم قال لي اخي معتصم ان الناس صارت تصلى الفجر في المخابز وصار امر عادي جدا واليوم قرأت ان هناك مطاعم اغلقت ابوابها لقلة الخبز والاسعار في السماء واكثر الشباب دون الخامسة والعشرون لا يصتدمون بالمعوقات المعيشية فالام والاب في السودان مازالا يصرفان على هؤلاء الغنية جميلة وكان من الافضل ادائها بصوت نسائي
Quote: ياسلام عليك يا خضر الطيب بالله شوف الشباب والكنداكات ديل ديل ياهم صانعو الثورة ووقودها وحراسها فليصمت المرجفون وشذاذ الآفاق للأبد المستقبل لصناع الثورة
شباب ذي الورد عارفين بعملو في شنو بعرف منهم اربعة كانو صابنها في القيادة و اكيد الباقين كانو معاهم الى الآن حمدوك ما قصر و ماشي بخطى واضحة و النتائج الايجابية جاية بس الناس الصبرت تلاتين سنة تصبر بس تلاتة سنوات افتكر انها ما كتيرة لهم التحية #شكراَ_حمدوك
Quote: تسلم ياود الطيب خضر ربنا ينصرك على كل جقر يحب يعيش فى الجو العكر همو ازعاج البشر بما يكتب من كلام غذر بالديمقراطية كفر عايش على كنف العسكر ليس له عذر سوى انه كذاب اشر
منتصرين يا صديق على كل الجقور حتى الجقور الاكلو الكبري تباَ للكيزان و الفلول و الرماديين يا ريت تدينا قصيدة للفلول و للرماديين ابداها ليك يا فلول السجم و يا رماديين .... انداح يا حبيب
Post: #8 Title: Re: انت يا حمدوك (فيديو) Author: خضر الطيب Date: 03-03-2020, 04:37 AM Parent: #7
مرحبي بيك يا علي
Quote: سلام خضر فعلا هم الشباب صناع الثورة ورجالها ونسائها ومن حقهم ان يعبروا عن ما يجيش في القلوب نحو حمدوك الذي احسبه الماسورة اليوم قال لي اخي معتصم ان الناس صارت تصلى الفجر في المخابز وصار امر عادي جدا واليوم قرأت ان هناك مطاعم اغلقت ابوابها لقلة الخبز والاسعار في السماء واكثر الشباب دون الخامسة والعشرون لا يصتدمون بالمعوقات المعيشية فالام والاب في السودان مازالا يصرفان على هؤلاء الغنية جميلة وكان من الافضل ادائها بصوت نسائي
حمدوك ماشي بخطى سليمة تحسين العلاقات الخارجية ازالة التمكين محاولة تحسين الاقتصاد حمدوك ما بشتغل براهو و دولة المؤسسات ما بتنبني على شخص واحد الناس صبرت تلاتين سنة على اقذر نوعية من البشر ما قادرة تصبر تلاتة سنوات؟ مالكم كيف تحكمون
Post: #12 Title: Re: انت يا حمدوك (فيديو) Author: خضر الطيب Date: 03-04-2020, 01:25 AM Parent: #11
يا سلااام يا بابا كوستا فعلاً خطوة عزيزة ويوم ما كان موعود انو يشرف الولايات المتحدة رئيس وزراء سوداني من تلاتين سنة و التحية عبرك للبلبلة بت طلسم كانت مفاجأة للجميع حتى حرس الحماية الامريكية ما قدر يستوعب الحاصل #شكراً_حمدوك
Post: #13 Title: Re: انت يا حمدوك (فيديو) Author: عمر التاج Date: 03-04-2020, 08:28 AM Parent: #12
Quote: عمر التاج يا فلة تعال اسمع
عموما الاغنية جميلة، والأداء الفني وسط وكان تكون أجمل لو تضمنت الكلمات بعض الانجازات وغناها أو وزعها الموصلي أو الكورال
Post: #14 Title: Re: انت يا حمدوك (فيديو) Author: عمر التاج Date: 03-04-2020, 08:42 AM Parent: #13
السكرتير الصحفي بمكتب حمدوك كتب بوعي عندما علق على الأغنية قائلا : “الأغنيات والقصائد التي تُمجِّد الأشخاص، أياً كانوا، ليست إلا سقطاً من متاع الاستبداد، ولا تُؤدِّي إلا لتكريس مشروع الفرد المُقدّس عِوضاً عن مشروع القيادة الجماعية المُؤسّس”. .. .. منقول من بوست الزميل زهير
Post: #15 Title: Re: انت يا حمدوك (فيديو) Author: خضر الطيب Date: 03-04-2020, 10:06 AM Parent: #14
عمر يا فلة حبابك
Quote: عموما الاغنية جميلة، والأداء الفني وسط وكان تكون أجمل لو تضمنت الكلمات بعض الانجازات وغناها أو وزعها الموصلي أو الكورال
يكفي انها مبادرة من شباب كانو صابنها في القيادة الاغنية الجاية حتتضمن الانجازات و منها الزيارات الخارجية و الداخلية الصبر طيب يا فلة