Post: #1
Title: وعد برهان Vs وعد بلفور
Author: قيقراوي
Date: 03-01-2020, 03:46 PM
Parent: #0
02:46 PM March, 01 2020 سودانيز اون لاين
قيقراوي-
مكتبتى
رابط مختصر
في أولى ابتدائي جيت السابع في امتحان الفترة.. وعدوني لو جيت في الخمسة الأوائل ح يجيبوا لي شوال سكر.. لاني كنت بحب السكر شديد وبسفو سف.. اها صدق يا مؤمن واجتهد لحدي ما جيت الخامس في امتحان النقل.. لكن لحدي ما هرمتا وجاني السكري ما في زول جاب لي شوال السكر .. بعد دا الا كان مسوح لو تحقق الوعد😂
ما يستفاد من هذا الحديس.. في وعود كدا ما مفروض تصدقا ولا تقعد تنتظرها تتحقق.. لأنها ما واقعية ولا ممكنة.. وبيض ذاتا..
قلنا الكلام دا بمناسبة وعد البرهان لي ذا النون.. هبة من لا يملك لمن لا يستحق.. بقى عندنا وعدين بي الباء.. مشهورين ومشئومين.. وعد بلفور ووعد برهان.. والرابط بينهم الصهيونية😂
|
Post: #2
Title: Re: وعد برهان Vs وعد بلفور
Author: أحمد الشايقي
Date: 03-01-2020, 04:10 PM
Parent: #1
شكرا أخ قيقراوي
ذو النون كان (لايفلــو) فــوق راي
أحمد الشايقي
|
Post: #3
Title: Re: وعد برهان Vs وعد بلفور
Author: ABUHUSSEIN
Date: 03-01-2020, 05:17 PM
ما يستفاد من بوستك دا انك جيت السابع و بعدها الخامس ....
لكن ظنون مالو ... ؟؟؟؟
😂😂😂😂😂😂
|
|