جادت قريحتي في ضوء هذه الأبيات فإستمعوا لها ..

05:55 PM February, 27 2020

سودانيز اون لاين
HAIDER ALZAIN-
مكتبتى
رابط مختصر

قلت صباحاً على ضوء الاحداث الأخيرة :-

حقك تحرسو ولابيجيك حق تلاوي وتقلعو
أمسك شباطين الصراع
والمابتحصلو جدعو
يختونا يمشوا يودعوا
فقرا علينا إتربعوا
ديل لابيخافوا من الحساب لابيختشوا
ولا بيشبعوا ..

تاملت في هذه الابيات ثم قلت سراً :
تباركت ياخي اشعر الشاعرين ..




ــــــــــــــــــــــــ..
اتقبل النقد البناء فقط ولا اقبل تثبيط الهمم

يا عربي روووق ....

اقترح عليك اخ حيدر
ان تفتح الباب
لمن يريد ان يزيد او يستزيد او يعدل يعني بتصرف
ونشوف في النهاية قريحة اعضاء المنبر في الشعر العامي

سلامات ياكنزي
دا بيصب في خانة النقد البناء والمفيد تماماً ..
الباب مفتوح وياريت نبدأ تدينا مما تجود به مخيلتك الشعرية لمجارة هذه الابيات ..

what؟؟


هذا منبر حر ولا يخضع لقوانينكم يا ابوحسين ومن حقي ان اكتب ومن حق الاخرين ان الخ الخ

كدي ياحيدر اسال لينا قريحتك دي

Quote: شباطين

اتفتقت عن شنو هنا ؟

لو كان شعراء العصر الاموي احياء ، لتبنوا موهبتك الشعرية .. بتكلم جد :)
--
لا تكترث لابو حسين ده .. اصلا كيسو فاضي من الشِعر الرفيع

يا سلام يا حيدر ياخي
عجبتني جداً تفاعلات النسق داخل بنية النص والمحايثة السميوطيقية لمحاوره الدلالية
في إعتقادي أن النص قد تجاوز التمفصل الإبستيمي والبناء الإعتباطي للعبث التموضعي
وفي الحقيقة النص قابل للتفكيك من عدة زوايا في سياق التضاد والعدم.

Quote: حقك تحرسو ولابيجيك حق تلاوي وتقلعو

الحتّةدى مسروقة

Quote: حقك تحرسو ولابيجيك حق تلاوي وتقلعو أمسك شباطين الصراع والمابتحصلو جدعو يختونا يمشوا يودعوا فقرا علينا إتربعوا ديل لابيخافوا من الحساب لابيختشوا ولا بيشبعوا ..

يا ود الزين أخونا نويساتا شبعوا اترعوا
يا ليت للسم السقونا يجرعوا
ملموين هناك ما اتفرزعوا
يا أخوانا روقوا ما تتسرعوا
بالفكر السديد اسخوا اتبرعوا
للعدل القويم أسسوا شرعوا
للوطن أبقوا واحد لا تتفرعو
ما بقيفوا ما بتورعوا
30 بالتمام قعدو اتربعوا
لكل شطر اتفنوا يرضعوا
والمحلوب لحسوهو وقرطعوا
وفي كل وادي يرتعوا
ويوم سقط النظام ما فاتونا ودعوا
وكم خانوا وكم غشونا وادعوا
باتحادنا بابن مقفول عليهم مهما سعوا
والشعب الصامد يسعدوا يتمتعوا
وعدونا يملاهو الغيظ لمن يفقعو

Quote: الحتّةدى مسروقة

و وين المدعو كوستا رئيس قسم شرطة البلاغياريزم بالمنبر ؟


على اي حال سي سي : حسن مكاوي .. شاعري المفضل بمنبر بكري

Quote: what؟؟ هذا منبر حر ولا يخضع لقوانينكم يا ابوحسين ومن حقي ان اكتب ومن حق الاخرين ان الخ الخ

يا حمبره نعم منبر حر لكن ما لي درجة انك تملانا فقر ....
بعدين شعر شنو البتجود بيه قريحتك ...
و انت زاااااتك ما اظن عندك قريحة زاتو ....

يا عربي روووق ...

فوق دربك يا حيدر

واصل

كوستاوي ما مرا من هنا ...
غايتو لو ما كنتا كوز ابياتك
دي حا تخليك كوز إستانلس ستيل ...
واحد معرفه عندهم عمود كهربا قدام
باب بيتم ... يوم سكران لط ومحبس
بي سيجاره بي كرت واحد ... جا البيت
ولقا عمود الكهربا في طريقو للباب ...
الليل كلو غالبو يصل الباب ... يمشي
شمال العمود .. يرجع يقيف ورا العمود
يمشي يمين .. يرجع يقيف ورا العمود ..
جا واحد ماري بيهو سألو في شنو يا حاج
قاليهو عليك الله زح عمود الكهربا دا
من قدامي عشان أخش البيت ...
شكلك نجحت في المدرسة سرقة وتزوير ...

بسم الله نبدأ المجاراة

Quote: حقك تحرسو ولابيجيك حق تلاوي وتقلعو أمسك شباطين الصراع والمابتحصلو جدعو يختونا يمشوا يودعوا فقرا علينا إتربعوا ديل لابيخافوا من الحساب لابيختشوا ولا بيشبعوا ..

ضلك وراك ما بشبهك
طفلك معاك ما بتعرفو
حتى الطريق ما بوصلك
والذكريات ما بترصفو
أمل تهدو وترصفو
ما بوصلك
الألفة .. الحن .. الشجن
حتى الطفولة إتليفت
صوت الحبيبة .. الليل .. ملامحها ...
كل حاجة إتزيفت
ما الريد ركب أخر قطار
غادر موانيك يا خفوت

التعديلات لأن القريحة كانت دايشي داقسي المغربية

Quote: جادقريحتي تفي ضوء هذه الأبيات فإستمعوا ل

اول مرة اعرف فصيلة القرود العليا الاورانج اوتان عندها قريحة

البنقو ما كعب كعب البنقو الكعب
اكيد من صنف بولاق الكرور بتاع صديق مهدي
كويس البورد اتملا شعراء من النوع (ابو كديس)

السلفي قال للأنصاري انت عارف الخلقك لكن كايس مشاكل ساكت

شاكر ومقدر لكل التشجيــع والإحتفاء اللقيتو منكم يا أصدقاء والنقد البناء..
مع تجاهلي التام والكامل للوهم ولكل من شكك او تمحرك حول النص العبقري..
وكما قال الأديب الاستاذ حافظ بشيـر العبث التموضعي في النص هو البيدينا البناء الابستيمي للتفاعل بين المبدع والمتلقى
ودا البيخلق التناص مابين فعل الإرهاق الموضعي ونزف ذات الروح الشعرية البتواجهنا كلنا ككتاب وشعراء حداثويين ..
والحاجة دي لقيتها محاولة منتصر عبدالباسط واحمد محمد عمر وإن كان ينقصها فعل المجرد المزيد بالتماهي..
وأقول للرجرجة والمتوهمون :

يا أيــها الماضون

في شقق المشـارق
بالبيــارق والبريــق
يا أيــها الآتون
من صدف الجسـارة
بالسحائـب والحريــق
ضيـّقوا ليتسـع الطريـــــق


كفو عن الصدقات
نفهم عنكم ما قد حصل...


وشكرا

حيضر

يعني ما بين 6 و 7 من عشرة

نسبة كويسه والله ما بطاله

المهم

see me

تتذكر دى زمان بكتبها ليك المدرس في الكراس بعد التصحيح لامن يكون عندك بلوه

هههههههههه

Quote: حقك تحرسو ولابيجيك حق تلاوي وتقلعو أمسك شباطين الصراع والمابتحصلو جدعو يختونا يمشوا يودعوا فقرا علينا إتربعوا ديل لابيخافوا من الحساب لابيختشوا ولا بيشبعوا ..

بعيداً عن الموضوع
والله يا حيدر ..
المقطع قدر ما يلاقيني بتذكر عبدالناصر وأسامة الجياشي

رآه جاره وهو يحاول يائسا إدخال المفتاح في خرم الباب
الجار امسك بيده وحاول يثبتها حتى يساعده في فتح الباب..
المسطول قال له: ( ايدي خليها يا اخي، امسك الباب البتراجف ده)
هههههه
القصة ما عارف علاقتها بالنص الشعري ولكنه معبر ومحفز للإبداع..
أو كما قال الشاعر؛ هق هق هل من مزيد.

شفت يا ابوالحسيــن الوهم ..
المبدعين بيفهمو الإبداع 6 والا سبعة من الزميــل ابوذر بابكر وقبلها الزميل ابوجهينة مفروض تخليك تعرف مكانك وموقعك وتاني ما تخاطبني مباشرة ..
شوف واسطة ترفع طلبات المخاطبة لو سمحت ..
رجرجة..


سيد الكارو سلامات ياحبيب

Quote: المقطع قدر ما يلاقيني بتذكر عبدالناصر وأسامة الجياشي

يا الله

والله الحصل و الجابتو لقريحتي مناسبتو كان معاي يونس موسى الدكيم لغاية امس بالليل واكيد طبعا لازم تمر احداث 94 وعبدالناصر في 114
وبشرى حامد وعشنا أجواء نكسة المستقليـن فقلنا في القول:

حسبنا الوطن المضرج بارتحال الطير
عن شجر تيبس متيبس
كم تشبس ما تشبس كم تجاسر ثم مات
وما تذكر للنجوع

جاب كلامو زمان وورجفك ورجفك ثم قال :

كفوا عن الصدقات
نفهم عنكم ماقد حصل
خلونا نقرض
موت اخير من جوع يمّوت للأزل
يا خسة الرأسمال
جوعت الشعوب لكي تظل
جوعنا جوعكم للخراب
كترة دبيّكم في التراب
تورلنا الجدب الدجل.


تحياتي

Quote: وأقولللرجرجة والمتوهمون :

اوسكار .....يا حيدر الشين
دشنت مصطلح رجرجة في البورد وما فسرتو ليهم اصلهم ربع دماغ ما قرو كتب الدكتور منصور خالد التي تعبر تحفة في الادب السياسي
بالله الشيوعيين غير ملونا شعر وملونا فقر عملو شنو
بتولول مالك شعرا وناسك في قحت ماسكين الحكومة
ونحن القوى الرجعية المتربطة بالاستعمار بنتفرج بس ...

يعنى نفهم من كده انو
المدرك لمتاهات للنص المستوعب لخفايا تلافيفه
تستجم على ضفاف بيدائه كواعب الافراس
فى استغماءتها على مدارج اللهو
فى ساحة بهو بملأها الزهو
و الرمش خصلات تلهو
على سوح جفن رخو
و النسيمة الحلوة تسبقنا و تزغرد
و تنقر بابنا كو
___
امنتووووووو بالله ياخ
بى قدرة قادر الموضوع جاب منصور خالد
و دستور يا اولاد ماما

Quote: امنتووووووو بالله ياخ بى قدرة قادر الموضوع جاب منصور خالد و دستور يا اولاد ماما

الرجرجة قوم اذا اجتمعو ضرو واذا تفرقو لم يسمع بهم احد
المرجع:النخبة السودانية وادمان الفشل
والنعر ايضا
انت ما لقيت زول يوديك الضل بعد فات النوار وفضل العوار وبقيت حايم وراي من بوست لي بوست يا دنان زمن الكوليرا
المسخرة ما بتفيدك بي اي حاجة يودوك الضل او شيخ العيير
يجرجر الكلب بقايا نفسه
كأنه يجتر ذكرى أمسه
وسط موائد الصخب
ﻻ يذكر النبح، وﻻ يدري متى
كشر أو هز الذنب .
يقعي وفي إقعائه
يئن من فرط التعب !
وباللهاث وحده
يأسو مواضع الجرب .
تنزل فوقه العصا
فﻻ يحاول الهرب !
ويعبث القط به
فﻻ يحس بالغضب !
لكنه
بين انحسار غفوة وغفوة
يهر دونما سبب !
**
الكائنات كلها
في منتهى انحطاطها
تشبه جلادونا الضنب

سبحانك اللهم ما انزلتنا سهواً
لنحيـا هكذا سهواً
ونصعد هامشياً
ننزوي في لوحك المحفوظ
والأجل المسمى والأزل

سلام يا حبيبنا ... والله سنين ما عتبنا المكان ده لكن جابنا الشوق وتداعي الذكريات زي ما قال ليك عمر رغم انو ساكت وجود الجياشي وعبدالناصر في جملة مفيدة ممكن يكون دعوة لثورة كاملة الدسم :)
خالص التحيات يا صاحب ... وبي توب وكت نزحت حرق
قشت وشيها من الاسى
ومسحت وشي الضو العرق
عصرت على طرف الطريق
عقدت سفنجتها بي دلق
وكل فردة كانت من بلد
وينشافن الاتنين خدر ....

نسال الله الرحمة والمغفرة للحبيب حميد

الحبيب خالد صيـاح
سلامات والحي فعلاً يشوفك يا حبيب ..

رحم الله حميد رحمة واسعة .. الجياشي غايتو ما قصر اخد حقو في الثورة دي وشاركنا في الكولنات عبر اللايف :
قال لك :

كــلـب اب زهانة .. تهينو هانة.
ومن المهانة تقولوا تَكْ ..

Quote: ومن المهانة تقولوا تَكْ

غايتو دي إلا تترجمها لغير الناطقين بها ..
دي ابلغ سخرية تردف معاها ذلة وتعبر عن سخط ما بعده سخط..
برضو مداخلة مولانا بستمت الابيات بستمة شديدة..
الظاهر ( في ضوء ) الحشرتها في العنوان ضوت للكثيرين..
زدنا .

بلاغ كارب لشرطة سرقة النصوص في البورد .......

Quote: https://sudaneseonline.com/db/attention/010_Smile.gif[/QUOTE]

---

Post: #32 Title: Re: جادت قريحتي في ضوء هذه الأبيات فإستمعوا ل� Author: HAIDER ALZAIN Date: 03-23-2020, 05:54 AM Parent: #31 وانا بقرأ في كلام منتصر حول اغلاق الكعبة بوجه الطائفيــن ومنع صلاة الجماعة والعمرة في وجه العابد والفاسق والزاهد والظالم وتفكرت في امر الفيروس المجهري ومشيئة الله وقدرة الدم على الممناعة والصمود في وجه البلايا والمحن .. وعلم الله الذي ينزله بفضله على البشر ثم يخشاه من يخشاه منهم على بينة ومعرفة ويقين .. ثم رأيت صفوفاً من هؤلاء الطائفين جلهم الموصدة في وجوههم المساجد والمقادس طوافاً وتسبيحاً على المجاهر والمخابر والجامعات يتحرون فصلاً من قول طائفي الكنائس والمعابد .. فرت ممانعة دمعي .. ووجمت كريات صبري البيضاء .. إنهزمت وسرحت ما بين الميضنة والفانوس .. مابين علم الله والفايروس وشظايا الألم الواقع .. وقعت .. وجاتني كرونا إستحميت وهضربت وقلت : يا مِتلبّك في الأدران .. الحجر الأسود ما هو البروة وما ها مكاوى الكعبة تجيها .. حين ينكَرْفَسْ توب التّقوى ومافي خُرَط لي الجنّة تودِّي .. لا في خُطط ممهورة برشوة والمشروع الديني الخالِصْ ... ما محتاج لدراسة جدوى يا من قال يارب من قلبو .. رد الخالق دائماً .. أيوة...

---

Post: #33 Title: Re: جادت قريحتي في ضوء هذه الأبيات فإستمعوا ل� Author: HAIDER ALZAIN Date: 04-05-2020, 01:12 PM Parent: #32 يا سلام يآخ .. القومة للسودان # يا طالع الشجرة ... جيب لي معاك خيمة تستر من المطرة ... ان كبت الغيمة جيبلك معاك قمحات ... قمحاتنا في الشيمة وغنم الحلب رايحات ... ضلمنا ضليمة يا طالع الشجرة جيبلك معاك خيمة خيمة السعودية ... دفو ما تدفيك لبن اليهودية ... بلدك ينسيك قمحا من امريكا ...خازوق ركب فيك يا طالع الشجرة ... من خيمتك التوبة جيبلك فروع خضراء ... او جافة يا دوبا في الحرة في المطرة ...في عز برد طوبة نمرق من الوكرة ... وتبقالنا راكوبة يا طالع الشجرة ... قبل علي الحلة قول ليها يوم بكرة ... كربتنا تنحلا ننزل نضويكي ... ضرعاتنا مادلة قادرين نسويكي ... وعقبان علي الله يا طالع الشجرة ... طولنا يا والله ... انزل هيا ويلا اندلى نندلى ... نندلى حلتنا ... حلتنا مادلة

---

Post: #34 Title: Re: جادت قريحتي في ضوء هذه الأبيات فإستمعوا ل� Author: طلحة عبدالله Date: 04-05-2020, 01:21 PM Parent: #1 Quote: تاملت في هذه الابيات ثم قلت سراً : تباركت ياخي اشعر الشاعرين .. أما هذه فلله درك من (شاعري) فقد أقرضت وأجدت وان كره الحاقدون Quote: اتقبل النقد البناء فقط ولا اقبل تثبيط الهمم وأما هذه فباركها يا أخي .. خخخخخخخخخ

---

Post: #35 Title: Re: جادت قريحتي في ضوء هذه الأبيات فإستمعوا ل� Author: HAIDER ALZAIN Date: 04-05-2020, 01:35 PM Parent: #34 Quote: أما هذه فلله درك من (شاعري) فقد أقرضت وأجدت وان كره الحاقدون بارك الله فيك أخي طلحة وجزيت خيراً .. هذا مما يسرنا ويشد ازرنا في هذا الزمن الغشاش وهرلاء الرجرجة الأوباش.. وفيهم نصيح بالقول : ما ضر غير ابان دقون فيها الضلالي معشعشي وفقرا تغش في الله ... تخش بيتو وتسرقو ورا العشى كر من ضمير ناس هان قدر ... تجلب بلادها وتترشي وكر من عوارضك يا بلدنا ... الناس تشوف ومدعمشي ما نضمت بالحكمة نضم بالله يا الحبيب .شكرني تاني عليك الله ههههههههههههه

---

Post: #36 Title: Re: جادت قريحتي في ضوء هذه الأبيات فإستمعوا ل� Author: HAIDER ALZAIN Date: 05-19-2020, 09:55 AM قــيرة قيــرة .. يا مطيــرة .. يا شهيـد الشعب اهلاً .. يا ما شفتك يا ما ياما .. في النهر البسافر أطول قامة .. في الشوارع نيمة ميمة .. وفي فوانيس المدينة .. من دمانا الموية شربت .. وكل ذرة رملة شربت .. حبة حبة .. موية احمر لونها قاني .. وقيـرة قيــرة يا مطيــرة .. ....... لم تجود به قريحتي ولكن وجدته ملتبك ملفوف في أقع قاعات المخيخ السفلي ولم استطيع تفكيكه او تلخيصه لمعرفة راس الخيط من وسطه فتركته ينسال هكذا كما التف ملبوكاً ..

---

Post: #37 Title: Re: جادت قريحتي في ضوء هذه الأبيات فإستمعوا ل� Author: MOHAMMED ELSHEIKH Date: 05-19-2020, 10:59 AM Parent: #36 Quote: شفت يا ابوالحسيــن الوهم .. عيب دي لغة يخاطبوا بيها العلماء؟

---

Post: #38 Title: Re: جادت قريحتي في ضوء هذه الأبيات فإستمعوا ل� Author: HAIDER ALZAIN Date: 10-01-2020, 12:42 PM Parent: #37 استيقظت منذ صباح الامس وفي قريحتي ابيات الدرويش .. الحقيقة هي مش ابيات اكتر منها بقايا حلم عابث عن هم العيش .. حلم أراني فيه ذكرى اعادتني لزمن مضى عليـه اكتر من 32 سنة وانا اكابس في الخامسة صباحاً صفوف الفرن. وأرى فيما يرى النائم مدني عباس يحمَل جرادله خبزاً وينسل مسرعاً في زقاق .. أنا خلفه .. وخلفي أمي أشير فيه الي المنسل بينما اجيبها سؤالها : ما الذي أيقظك الآن تمام الخامسهْ ؟ إنهم يغتصبون الخبز والإنسان منذ الخامسهْ !.. افيق بين حلمي والعبث لاسمع صوت طفلي يرسم جسداً مزدحماً بالوطن المطحون في معجزة الخبزِ ويرسمْ مهرجان الأرض والإنسان وخبزاً ساخناً عند الصباح الان بعد ان افرغ من تهافت المشروع تحت سنابك الافران وسنابل القمح .. يُردد قولي : ببذرة سيئة لن تجد أبدن خبزاً جيدن

---

Post: #39 Title: Re: جادت قريحتي في ضوء هذه الأبيات فإستمعوا ل� Author: HAIDER ALZAIN Date: 10-04-2020, 07:51 AM Parent: #38 السلامات والتحية على هذا الرقي الإبداعي يا شيخنا عاطف بن عمر .. Atif Omer Mohamed Ali ببذرة سيئة لن تجد أبدن خبزاً جيدن ..... ويمرق من حُمى(الضنك) الإبداع "مروق الحنة من ضفر العروس" و(نزيز) السمنة من لبن التيوس! ولولا مدني وجرادله (الودباندية) لما عرف المرهفون رائحة الكوشة! ولما قالدوا(عشوشة) في الطرقات! ولما اقاموا لها(النفرات) لإصلاح(برطوشا) الذي قطعه القراي حين عفصها في (منامه) الثوري!

---

Post: #40 Title: Re: جادت قريحتي في ضوء هذه الأبيات فإستمعوا ل� Author: HAIDER ALZAIN Date: 11-19-2020, 08:47 AM Parent: #39 ما يتردد في قريحتي غيـر هذا البؤس : جَبَىَ المـالَ الخَـرَاجَ وَجَبْوَتي .. مُقَطَّعةُ الآذانِ صُفْرُ الشَّواكل رَعَيْنَ الرُّبَا والبقْلَ حتَّى كأنَّمَا .. كَساهُنَّ سُلطانٌ ثيابَ المَرَاجِل

---

Post: #41 Title: Re: جادت قريحتي في ضوء هذه الأبيات فإستمعوا ل� Author: معاوية المدير Date: 11-19-2020, 09:39 AM Parent: #40 Quote: قلت صباحاً على ضوء الاحداث الأخيرة :- حقك تحرسو ولابيجيك حق تلاوي وتقلعو أمسك شباطين الصراع والمابتحصلو جدعو يختونا يمشوا يودعوا فقرا علينا إتربعوا ديل لابيخافوا من الحساب لابيختشوا ولا بيشبعوا .. درّبك عديّل تب، إنتكي علي عُكازك المضبب وأخلف ساقك فوق رٌكبتك ؤ طُظ أصبعك في أضانك ؤ قول بوشيك، بالحيل طلقت الطيّنة . أمسكـــــــ.......... والما (بتلحقو).... الما بيعرفوا الحق بِعيّق يختونا يمشوا يودعوا والضلّو من وضح الطريق فقرا وعلينا إتربعوا ديل لابيخافوا من الحساب لابيختشوا ولا بيشبعوا أدي البجم يا زول قفاك حوض العمار ميّل عليهو وأفرعو ؤ طرّق طواريك السُنان ؤ جدول عمارك أقرعو باكر بتحصد خير ضراعك ؤ خايب الرجا بتقرعو ...

---

Post: #42 Title: Re: جادت قريحتي في ضوء هذه الأبيات فإستمعوا ل� Author: Hassan Makkawi Date: 11-19-2020, 09:45 AM Parent: #40 Quote: على اي حال سي سي : حسن مكاوي .. إبن إدريس تشكراتى لدعوتى ك شاعر متمرس للإدلاء ب "دلتى" أما بعد: قصيدة حيدر .. مدامة حيدر قد اخرجتة من ملة اهل القريحة ف اودت به إلى ملة "قريعتى راحت"

---

Post: #43 Title: Re: جادت قريحتي في ضوء هذه الأبيات فإستمعوا ل� Author: HAIDER ALZAIN Date: 04-15-2021, 12:58 PM Parent: #42 لو تصبر علينا شوية والصبر ان كمل نتسامى .. فوق كل الجراح الحية والنار التزكي ضراما .. ما بتعرف كلمة أحيّا والنضم الوراهو ملامة .. والعمر البيروح ايديا هدر في مسخرة دعامة .. ما بناخد فداهو الدية ما بنقبل قصادو غرامة .. نحن على الفداء اتواعدنا واتعاهدنا حب وكرامة .. زي سرب القماري صعدنا في لحظة وقوع الطامة .. اتوسمنا خير وقعدنا في جحر الأفاعي السامة .. شن طعم القيادة بعدنا !! شن معناهو طولة القامة؟

---

Post: #44 Title: Re: جادت قريحتي في ضوء هذه الأبيات فإستمعوا ل� Author: HAIDER ALZAIN Date: 04-15-2021, 01:06 PM Parent: #43 ما بيـن مشهديـن :/ يا مجلوب في سوق الآخرة .. ويا متمقلب تحت جهادك خرّ جوادك . عينو على الرغيـف والطرقة وإنت علي المعاكـ يتامى بينك والمشارع فرقة والبحـر الكبير دوامة ـــــــــــــ.. واستغفر الله بس؛

---

Post: #45 Title: Re: جادت قريحتي في ضوء هذه الأبيات فإستمعوا ل� Author: MOHAMMED ELSHEIKH Date: 04-15-2021, 04:54 PM Parent: #44 اها عاوزين اخر ماجادت به قريعتك

---

Post: #46 Title: Re: جادت قريحتي في ضوء هذه الأبيات فإستمعوا ل� Author: HAIDER ALZAIN Date: 04-18-2021, 08:28 AM Parent: #45 Quote: اها عاوزين اخر ماجادت به قريعتك قال شـاعر آخر وهو ليس انا :/ لسان الفتى حتف الفتى حين يجهلُ وكلُّ امرئٍ ما بين فكَّيه مقتلُ إذا ما لسان المرءِ أكثر هذره فذاك لسان بالبلاء موكَّلُ وكم فاتحٍ أبواب شرٍّ لنفسه إذا لم يكن قفلٌ على فيه مُقفَلُ كذا من رمى يوماً شرارات لفظه تلقَّته نيران الجوابات تشعلُ ومن لم يقيِّد لفظه متجملاً سيُطلَقُ فيه كلُّ ما ليس يجملُ ومن لم يكن في فيه ماءُ صيانةٍ فمن وجهه غصن المهابة يذبلُ فلِم تحسبنَّ الفضل في الحلم وحدَه بل الجهل في بعض الأحايين أفضلُ ومن ينتصر ممن بغى فهو ما بغى وشرُّ المُسِيئَينِ الذي هو أوَّلُ ــــــــــــــــ آخر القرائع