Post: #1
Title: هل رفع الدعم.. والسترة متباريات؟
Author: قيقراوي
Date: 02-27-2020, 10:09 AM
Parent: #0
09:09 AM February, 27 2020 سودانيز اون لاين
قيقراوي-
مكتبتى
رابط مختصر
وزير المالية كل دقيقتين جاري لينا لي رفع الدعم..
والله تلحق ترفع الدعم تشوف شعاع..
الشعب السوداني قاعد امفكو ساي.. اوعك!🤣
|
Post: #2
Title: Re: هل رفع الدعم.. والسترة متباريات؟
Author: جمال ود القوز
Date: 02-27-2020, 06:53 PM
Quote: وزير المالية كل دقيقتين جاري لينا لي رفع الدعم..
والله تلحق ترفع الدعم تشوف شعاع..
الشعب السوداني قاعد امفكو ساي.. اوعك!🤣
|
يشوف شعاع ود الناس بس ..
وحاتكـ يشوّفوهو العمره ماينساهو ..
الناس ضاقت بيها الوسيعة ..
قدر نصحوهو قالوا ليهو شوف ليك حاجة غير الرفع ده ..
الراجل يلف يلف ويرجع للرفع ..
الشعب المكلوم حيطة مخاته كل من غلبتو الحيلة ..
يجري على جيب المواطن وقفة ملاحو ..
يكفاح الفساد
يكافح التهريب
يكافح التجنيب المازال
يكافح النهب والقروش اللافة خارج خزينته ..
بي جازو
لكن يرفع الدعم .. يترفع هو وحكومتو ..
التجار من هسه طرقو سكاكينهم لرفع الدعم ..
ليقفزوا بمستلزمات قفة الملاح لتصبح من الكماليات ..
ـــــــــــــــــــــــــــــــ
منوّر ياقيقا ...
|
Post: #3
Title: Re: هل رفع الدعم.. والسترة متباريات؟
Author: ابو جهينة
Date: 02-27-2020, 09:57 PM
Parent: #2
سلام قيقراوي
********
وزير المالية كل دقيقتين جاري لينا لي رفع الدعم..
والله تلحق ترفع الدعم تشوف شعاع..
الشعب السوداني قاعد امفكو ساي.. اوعك
********
صدقت
|
Post: #4
Title: Re: هل رفع الدعم.. والسترة متباريات؟
Author: Hafiz Bashir
Date: 02-28-2020, 00:48 AM
Parent: #3
لكن كمان برضو دولة بتشيل ضريبة من سيد الدرداقة ومن بتاع الكارو عشان تدعم جالون بنزين لواحد بيسوق عربيتو من الكلاكلة القبة لشارع النيل عشان يشرب كباية شاي مع أصحابو
عمرو إقتصادها ما حيتصلح و لا حاجة آمنة اتصبري ديك حتلقى من الدولة دي دعم لي حق الملاح وتعليم أولادها وعلاجهم.
|
Post: #5
Title: Re: هل رفع الدعم.. والسترة متباريات؟
Author: Hani Arabi Mohamed
Date: 02-28-2020, 01:30 AM
Parent: #4
الحل شنو ؟
|
Post: #6
Title: Re: هل رفع الدعم.. والسترة متباريات؟
Author: Asim Ali
Date: 02-28-2020, 01:30 AM
Parent: #4
| Quote: لكن كمان برضو دولة بتشيل ضريبة من سيد الدرداقة ومن بتاع الكارو عشان تدعم جالون بنزين لواحد بيسوق عربيتو من الكلاكلة القبة لشارع النيل عشان يشرب كباية شاي مع أصحابو |
البنزين تحديدا لو رفعو انشا الله اللتر الف جنيه مامشكله لكن مايهبش الجازولين دا البيمس الشعب فى مواصلاتها وزراعتها ...
|
Post: #7
Title: Re: هل رفع الدعم.. والسترة متباريات؟
Author: اخلاص عبدالرحمن المشرف
Date: 02-28-2020, 02:07 AM
Parent: #6
السلام عليكم
الخبز والجازولين لا
البنزين ده يرفع منو الدعم
وبعد الوضع يتحسن يرفع الباقي ويوحد سعر الصرف .
|
Post: #8
Title: Re: هل رفع الدعم.. والسترة متباريات؟
Author: مرتضي عبد الجليل
Date: 02-28-2020, 07:49 PM
Parent: #7
قيقراوي طيف حالك
الاقتصاد السودانى محتاج لجراحات مؤلمة لإزالة التشوهات الهيكلية ومنها طريقة الدعم الحالية التى يستفيد منها الغنى قبل الفقير والاجنبى اللاجئ قبل المواطن ومرات دول الجوار قبل الداخل .
البنزين مفروض يشيلوا منو الدعم بعد اصدار قرار بتحويل كل المركبات التى تعمل فى المواصلات العامة الى مواعين كبيرة تعمل بالجاز و اصدار كروت محددة لها ,
دعم الجازولين يتم تقنينو ويكون الدعم موجه لمدخلات الانتاج الزراعي والنقل . مع ذيادة سعة خطوط السكة حديد للموانى .
دعم الخبز يستمر ويتم تغيير طريقة الدعم بالكروت بعجد عمل مسح اجتماعى وتعداد سكانى وعمل قاعدة بيانات ومن ثم يتم تغيير الدعم للبطاقات التموينية لاكثر الفئات حوجة .
|
|