هل بساطة كجراي في انتقاء الكلمات ..؟ ام لحن وردي الحنين ؟ ام مقدمته الصوتية بكل روعتها و دفئها .
Post: #2 Title: Re: ياخوانا .. غنية وردي دي ماشة تودر بي .. Author: علي عبدالوهاب عثمان Date: 02-24-2020, 07:48 AM Parent: #1
الحبيب الجميل قباني .. تحياتي لم أذكر أنني سمعت هذه الاغنية من وردي أعتقد أنها أول مرة .. يمكن زمان عشان في ضواحي الدنيا الرديوهات كانت قليلة والارسال صعب لم نسمع بعض الاغاني القديمة .. كنا مضطرين نسمع ( ركن السودان من القاهرة ) لم تكن مثالية
يا سلام يا قباني وردي بالنسبة لي الأول والأخير ( بالنوبية والعربية )
نرجع نسمع الأغنية مرة أخرى
تحياتي يا جيمل ..
Post: #3 Title: Re: ياخوانا .. غنية وردي دي ماشة تودر بي .. Author: حسن محمد عمر Date: 02-24-2020, 09:29 AM Parent: #2
ياسلام عليك ياأستاذ قباني أنا من مستمعى أغاني أبوالورود بس ماكنت عارف إنو الأغنية دى يؤديها وردى ورغم أنى مامتذكر كلماتها بس أذكر اللحن جيداً ولفترة كنت أدندن باللحن وكنت فاكرو للفنان / صلاح بن البادية لحدى مااليوم عرفت أنها أغنية لوردى يعنى معناها الأغنيةدى أنا سامعها زمان بس نسيت كلماتها أما اللحن لا زال راسخ فى الذهن لا وكمان كلماتها من تأليف أستاذ نا كجراي ( رحمه الله ) شكرا أخي قباني رجعتنا للزمن الجميل واللحن الأجمل
Quote: الحبيب الجميل قباني .. تحياتي لم أذكر أنني سمعت هذه الاغنية من وردي أعتقد أنها أول مرة .. يمكن زمان عشان في ضواحي الدنيا الرديوهات كانت قليلة والارسال صعب لم نسمع بعض الاغاني القديمة .. كنا مضطرين نسمع ( ركن السودان من القاهرة ) لم تكن مثالية
يا سلام يا قباني وردي بالنسبة لي الأول والأخير ( بالنوبية والعربية )
نرجع نسمع الأغنية مرة أخرى
تحياتي يا جميل ..
عم علي يا بديع ...
ياخي بسمع فيها انا و ما املها ابدا ...
كلماتها على كلمة وردي و اللحن البديع ... بخليني في حالة اشبه بالتحليق فوق وديان و سهول لا نهائية ...
لا امل سماعها اطلاقا ...
Post: #5 Title: Re: ياخوانا .. غنية وردي دي ماشة تودر بي .. Author: ترهاقا Date: 02-25-2020, 00:06 AM Parent: #4
الاستاذ قباني والضيوف سلام تعرف الاغنية دي من الاغاني اللي ما كان بيغنيها الراحل المقيم في الحفلات ولمن مشينا نعمل حفلة في الطائف في السعودية اقترحنا للمرحوم إنو يغنيها المهم كان عندنا وقت كويس ضربنا البروفات واتغنت لأول مرة بعد سنين طويلة جداً في حفل عام وغناها كما لم يغني من قبل وكان معي في الاوركسترا عضو البورد عازف البيز الفاتح ياسين ولكم الود
Post: #6 Title: Re: ياخوانا .. غنية وردي دي ماشة تودر بي .. Author: يحي قباني Date: 02-25-2020, 04:46 AM Parent: #5
Quote: ياسلام عليك ياأستاذ قباني أنا من مستمعى أغاني أبوالورود بس ماكنت عارف إنو الأغنية دى يؤديها وردى ورغم أنى مامتذكر كلماتها بس أذكر اللحن جيداً ولفترة كنت أدندن باللحن وكنت فاكرو للفنان / صلاح بن البادية لحدى مااليوم عرفت أنها أغنية لوردى يعنى معناها الأغنيةدى أنا سامعها زمان بس نسيت كلماتها أما اللحن لا زال راسخ فى الذهن لا وكمان كلماتها من تأليف أستاذ نا كجراي ( رحمه الله ) شكرا أخي قباني رجعتنا للزمن الجميل واللحن الأجمل
سلام حسن ... حقيقة الاغنية ما متداولة كتير ... و وردي عنده اكتر من اغنية ما بغنيهم كتير و يشهد على ذلك الشفيف ساطور كما ذكر لاحقا لمداخلتك ...
انا الاغنية دي لا امل من سماعها ... خاصة التسجيل ده ...
فيو سحر عجيب ...
Post: #7 Title: Re: ياخوانا .. غنية وردي دي ماشة تودر بي .. Author: حسام الدين حمودة Date: 02-25-2020, 07:58 AM Parent: #6
تحياتي الأستاذ يحيى قباني والضيوف وردي قمة لا يدانيها إلا القليل ، أغنية مافي داعي كنت أسمعها منذ الصغر ،، أغنية نادرة أبدع فيها وردي وقدم فيها دروس كثيرة وشجن مبالغ فيه ،،،، المقدمة الموسيقية الفي التسجيل ده ليست من أصل الأغنية وأضافها وردي لاحقاً ،، وفي رأيي المقدمة لا تتوافق مع باقي اللحن وتشعر بالفرق بينهما عندما ينتقل من المقدمة الى اللحن الأساسي تشعر بأنه لحن آخر ألصق مع الأغنية في بدايتها خصوصاً لمن تعود سماع الأغنية باكراً،،، إضافة لأن التسجيل ده تم لما وردي تقدم في العمر وبقى صعب يغني الكلمات بصورة مستمرة وبقى يقطع الكلمات واحدة واحدة أحب أن أسمع الأغنية بتسجيل الإذاعة عندما كان صوت وردي رويان والأوركسترا ملتزمة . عموماً في رأيي التحديث أضر بالأغنية أكثر من تجويدها .مرفق تسجيل الإذاعة في الستينات
Post: #8 Title: Re: ياخوانا .. غنية وردي دي ماشة تودر بي .. Author: Zakaria Fadel Date: 02-25-2020, 09:23 AM Parent: #7
تحياتي الاخ حسام
التسجيل الذي اوردته انت ...ينقصه الكثير.... ليس به المقدمة الميلودية (ان صح التعبير) لصوت وردي (استهلال القصيدة) وليس فيه المقدمة الموسيقية (نعم تسجيل الاذاعة به مقدمة موسيقية تختلف قليلا عن تسجيل اخونا قباني)
اخونا لؤي شمت يمتلك نسخة كاملة للتسجيل الاذاعي لهذه الاغنية الرائعة
Post: #9 Title: Re: ياخوانا .. غنية وردي دي ماشة تودر بي .. Author: Zakaria Fadel Date: 02-25-2020, 09:37 AM Parent: #8
تحياتي اخونا قباني...
للعبقري وردي طريقة خاصة في صبغ الكلمات (الحنينة)...بموسيقى (أحن) منها هذا ما فعله وردي في جميع كلمات اسماعيل حسن...وبها طبقت شهرته الآفاق في جميع انحاء السودان....
ردد السودان كله مع وردي يا المسير و ماك مخير ...انت يا الصابر عند الله جزاك واكدت جموع الشعب من حلفا لنمولي (وقتها) .... انت ما بتعرف صليحك من عدوك.....
للاسف اراد اسماعيل حسن مجدا شخصيا لهذه الشهرة الطاغية...فكتب ان أصل الحنان في هذه الاغنيات هي (الكلمات)...
ومن هنا نبعت اهمية اغنيات مثل مافي داعي تقولي مافي ...و حبيب القلب يا اغلى الحبايب ...و غيرهما (في إعتقادي)... ولا تنس كمية (الحنان ) المتدفق في لحن...اول غرام ...(وهي ليست من كلمات اسماعيل)
Post: #10 Title: Re: ياخوانا .. غنية وردي دي ماشة تودر بي .. Author: يحي قباني Date: 02-26-2020, 06:29 AM Parent: #9
Quote: الاستاذ قباني والضيوف سلام تعرف الاغنية دي من الاغاني اللي ما كان بيغنيها الراحل المقيم في الحفلات ولمن مشينا نعمل حفلة في الطائف في السعودية اقترحنا للمرحوم إنو يغنيها المهم كان عندنا وقت كويس ضربنا البروفات واتغنت لأول مرة بعد سنين طويلة جداً في حفل عام وغناها كما لم يغني من قبل وكان معي في الاوركسترا عضو البورد عازف البيز الفاتح ياسين ولكم الود
استاذنا الفنان ساطور ... يا ترى هل يوجد تسجيل لحفل الطائف ؟
ما اجمل الذكريات مع وردي .. نكاد نحسدكم على صحبتكم الجميلة ...
التحية لك و لصديقي الجميل (تحتج) الفاتح ياسين ...
Post: #11 Title: Re: ياخوانا .. غنية وردي دي ماشة تودر بي .. Author: ياسر السر Date: 02-26-2020, 11:22 AM Parent: #10
رووووووعه ما بعدها يشهد الله ,,, امنت بالله .. كلمات شجية ولحن جميل وأداء خيالي لا يعلا عليه ... من اجمل الأغاني السودانية على الاطلاق ولا نقول الا ما يرضي الله رب العالمين ،، رحم الله العملاق وردي ورحم الشاعر الفذ محمد عثمان كجراي وغفر لهما بقدر ا امتعونا وحلقو بنا في سماوات الابداع والشجن الجميل ... لك التحية استاذنا ترهاقا وانت احد شهود العصر على عبقرية الموسيقار محمد وردي .. ولك التحية الباش مهندس قباني على نثر الفرح والابداع الغير متناهي هنا ...
تحياتي : ياسر العيلفون ...
Post: #12 Title: Re: ياخوانا .. غنية وردي دي ماشة تودر بي .. Author: zico Date: 02-26-2020, 11:38 AM Parent: #11
مافي داعي محمد عثمان كجراي محمد عثمان وردي مافي داعي تقول مافي يالربيع في عطرو دافي لهفة الشوق في سلامك في كلامك وسر غرامك ماهو خافي ارتعاشاتك بتحكي قصة احلامك معايا كل خفقة في قلبي نغمة تحكي ليك شوقي وهوايا انت في بهجة شبابك وحبي ليك من غير نهاية مافي داعي قلبي اخضر ولسة في ريعان شبابو ي حرارة شوقو بيسطر كتابو شوقي ليك نشوان بتتراقص حروفو كل لحظة شوق شوق بتتجدد ظروفو مافي داعي عشنا في دنيا الصبابة والسعادة فتحنا بابها بهجت الدنيا وشبابها ابتساماتك حبابها ...
Post: #13 Title: Re: ياخوانا .. غنية وردي دي ماشة تودر بي .. Author: عبد الباقي الجيلي Date: 02-26-2020, 12:02 PM Parent: #12
.يا سلام عليك يا يحى ياخ
ولكل امريء من اسمه نصيب
أحييت فينا ذكريات ذات شجن .. الله يسامحك بس
كثيرا ما أردد " ارتعاشاتك بتحكي .. قصـة أحلامك معايا .. كل خفقة في قلبي . نغمة ♬ تحكي ليك شوقي وهوايا"
وردي ألبسها أحد أكثر ألحانه شجنا ...
كجراي زول رهيف شديد .. اسمعه في شجون لإبراهيم حسيين ...
الله يسامحك بس ياخ ...
Post: #14 Title: Re: ياخوانا .. غنية وردي دي ماشة تودر بي .. Author: عبد الباقي الجيلي Date: 02-26-2020, 12:09 PM Parent: #13
بعدين .. مافي داعي ... ومرحبا يا شوق
فيهم صولات بتاعة كمان كده ...
لو قلبك رهيف دموعك بتنزل طوالي ...
Post: #15 Title: Re: ياخوانا .. غنية وردي دي ماشة تودر بي .. Author: أبوذر بابكر Date: 02-27-2020, 06:57 AM Parent: #1
طبعا يا يحي شغل وردي كله إبداع وتجلي وتفرد وتميز
كل أغنياته
ما عدا وااااااحده بس
أنقر ياتا ؟
هههههههههههههه
من اجمل الحاجات العند وردي
بستخدم ايقاع نادر جدا فى الألحان السودانية بشكل عام
تلقاه في
من غير ميعاد
وفي
ذات الشامة
إيقاع غريب وعجيب وما كتير
و وردي هو الوحيد الوظفه بشكل إبداعي ما عادي
Post: #16 Title: Re: ياخوانا .. غنية وردي دي ماشة تودر بي .. Author: حسام الدين حمودة Date: 02-27-2020, 07:13 AM Parent: #15
ههههههههه أبو ذر بابكر أتوقع وردي لم يوفق في أغنية أحبك أحبك أنا مجنونك ،،، ما بتشبهه إطلاقاً ،،،، زي ما ود اللمين نزل للحضيض في أغنية يا معاين من الشباك ،،،،،
Post: #17 Title: Re: ياخوانا .. غنية وردي دي ماشة تودر بي .. Author: حسام الدين حمودة Date: 02-27-2020, 07:17 AM Parent: #16
في تسجيل قدمه وردي بعد عودته من أمريكا ، وغنى الأغنية ، ولكن بعد أن فقد الأبعاد الصوتية ،،، ولكن أسمع المقدمة الموسيقية (ميلودي) روعة ما بعدها وتكامل اللحن والتوزيع والأداء مع أساطير العازفين والموسيقيين ،،،،
Post: #18 Title: Re: ياخوانا .. غنية وردي دي ماشة تودر بي .. Author: أمير محمد أحمد أبيض Date: 02-27-2020, 09:54 AM Parent: #17
ولا تنس كمية (الحنان ) المتدفق في لحن...اول غرام ...(وهي ليست من كلمات اسماعيل) .............................................................. أغنية أول غرام تاليف محمد وردي.. استمعت لأغنية مافي داعي كثيراً من الإذاعة خصوصاً في برنامج أوتار الليل تقديم عمر الجزلي.. ولكن أنا أحب جداً أغنية الحبيب العائد للشاعر صديق مدثر لهم الرحمة والمغفرة.
Post: #19 Title: Re: ياخوانا .. غنية وردي دي ماشة تودر بي .. Author: علي عبدالوهاب عثمان Date: 02-27-2020, 10:25 AM Parent: #18
الاحباب الكرام تحياتي الحبيب قباني .. يا جماعة هذا الايقونة وردي بالنسبة لنا مختلف وكمان بالنوبية اكثر طرباً من مزامير داؤود رحمه الله رحمة واسعة .. أنا طبعاً من عمق تلك البيئة التي أنتجت وردي والخليل وردي لن يتكرر .. وذهب إلى رحمة الخالق .. الانسان لا يخلو من الخطأ ولكن كمستمع وعشاق لوردي عشرات السنوات الطويلة من أواخر الخمسينيات استمع لوردي بالنوبية والعربية ولكني لم اسمع له أي نغم شاذ أو هكذا .. ربما الموسيقيين يطبقوا النظريات الاكاديمية حست تخصصهم ولا أعرف إذا هذا شرطاً لسماع الاغنية .. لماذا نطرب نحن جهلة الموسيقى لغناء وردي وغيره ولا نجد فيهم أي شيء قبيح
حبيبنا قباني .. أرجوك رجاء خاص .. أغنية ( اسمر اللونا ) بالنوبية دي حاجة كده من وراء الطبيعة فوق طاقة وقدرة البشر .. رجاء خاص جدا ( أسمر اللونا ) بالعود أو بالطنبور بأي حاجة
تحياتي الحبيب قباني ..
Post: #20 Title: Re: ياخوانا .. غنية وردي دي ماشة تودر بي .. Author: Ahmed Yassin Date: 02-27-2020, 07:50 PM Parent: #19
يا يحي يا يحي يايحي دي اسمها (الاغنية الحسناء) إرتعاشاتك بتحكى قصة أحلامك معايا كل خفقة فى قلبى نغمه تحكى ليك شوقى وهوايا
فيها فرح وربيع وحب رشاقة الحنين وهي تعبر عن شفافية كجراي الآتي من الشرق الجميل وردي اثبت ذكاء وعبقرية في اللحن والاروع انه الكلمات واللحن المتناسق مع الكلمات ادي وردي الأغنية بى طبقة (متوسطة) او وسيطة وهادئة مع ان صوته فيهو مساحات لا يملكها الا هو . وختم الاغنية بى حوار الكمنجة والاكورديون في تدوير للكوبليه عشنا فى دنيا الصبابه والسعاده فتحنا بابا بهجة الدنيا وشبابا إبتساماتك حبابا شوف التفاؤل والامل والفرح ، ياخي الكلام كتير ياخ
Post: #21 Title: Re: ياخوانا .. غنية وردي دي ماشة تودر بي .. Author: محمد أبوجودة Date: 02-27-2020, 09:42 PM Parent: #20
سلام وتحايا ليــحيى، ورهطِه الفنانين، وشآبيب الرحمات تتنزّل على أبي الورود وناظم القصيد التليد كـــجراي ..وفي تسجيلك يا باشمهندس، يوثّق أبوالورود، وَ الصاحية تحديداً، إلى أنه التقى كجراي، مدير المدرسة بـــ " واو " بحر الغزال، فكتب له " مافي داعي " دي .. يااااااالله؛ كويِّس أنهما التقيا. تُرى لو لم يلتقيا، هل كانت هذه "الارتعاشات" غزت كل الوجدانات السودانية القمراء تلك الستينيات ثم انشاعت فيما بعد للسبعينيات والثمانينيات فالتسعينيات ثم دخلت بنا القرن الحادي والعشرين..؟! هل كتبها له مباشرة..؟ أم هل نشرها أوّلاً فقرأها وردي ثم حدّثه عنها وَ فيها لمّا التقاه بــ" واو" ؟ أم يا تُراه أرسلها له من جنوب السودان، إلى عاصمة السودان القومية مذّاك الحين؟ الخرطوم عموم يا عينيا ..؟ ... ارتعاشاتك بتحكي، قصة أحلامك معايا ... و زَودٌ متموّج من موسيقى تتخلل العظام وتنسدل آثاراً معروقة ربما، على الجبين .. جبينٌ ناصع رقّقه بردُ الشجنِ الشجين .. فنحن السودانيون لا تعجبنا إلّا الموسيقى التي تتخلل المسام وتنقر في صخور هَمٍّ، لا ندري كيف لبسناه أم التُبس علينا و " حِــنّا مادارين" ؟ ومنتَهى إعجابنا يقع فريسةً سائغة حينما تصل ألسنة الموسيقى الخلّالة "مِشاش" العضم، ثم يغلي الدماغ بالذكريات صدى السنين الحاكي..وهل كان لإذاعة أمدرمان مجدٌ في السّتّينيات..؟! لا سيما عندما يرخي الليل من سدولِه، فيأتيك نغمٌ أخخخخخخدر ولسّة في ريعان شبابو .. في حرارة شوقو بي يسطططططر كتابو .. شوووووفي! أعتقد - واللهُ أعلَم- أن المرحوم كجراي، ومن قبل أن يكتب قصيدته المغنّاة " ما في داعي " كان مستمعاً ذِوِّيقاً حريصاً لفنّ أبي الورورد، ثم إن الستينيات كانت خضراء عديل كدا، وكذلك كان أوكتوبرها عند ودالمكّي ..والنصف الأول من الستينيات، كانت الخرطوم، كـــ Dallas يتهيّأ لي! وكان ما أخاف الكضب أقوووول: إنّ الخرطوم كانت قد بكت " جون فيتزجيرالد كينيدي "J.F Keniedi بدموع أكثر من دموع "دالاس" وواشنطن دي سي، تلك الأيامات!! بعد أن أمضّتْ بهم ميتته الهَمَلة.
مع التحايا
Post: #22 Title: Re: ياخوانا .. غنية وردي دي ماشة تودر بي .. Author: يحي قباني Date: 02-28-2020, 03:48 AM Parent: #21
Quote: عموماً في رأيي التحديث أضر بالأغنية أكثر من تجويدها .مرفق تسجيل الإذاعة في الستينات
سلامات اخونا حسام ..
ما داير اخش في نقاش القديم و الجديد خاصة عمنا علي عبد الوهاب طلبني اننا نخلي كل زول يعشق بي معرفته ههه
لكن بي أمانة تسجيلي فيهو صولات الفلوت مبالغة ... و الصولات اجمل من صولات الاكورديون بس برضها وجهة نظر :)
ارقد عافية ...
Post: #23 Title: Re: ياخوانا .. غنية وردي دي ماشة تودر بي .. Author: يحي قباني Date: 03-01-2020, 07:02 AM Parent: #22
Quote: لك التحية استاذنا ترهاقا وانت احد شهود العصر على عبقرية الموسيقار محمد وردي .. ولك التحية الباش مهندس قباني على نثر الفرح والابداع الغير متناهي هنا ...
Quote: مافي داعي تقول مافي يالربيع في عطرو دافي لهفة الشوق في سلامك في كلامك وسر غرامك ماهو خافي ارتعاشاتك بتحكي قصة احلامك معايا كل خفقة في قلبي نغمة تحكي ليك شوقي وهوايا
Quote: هل بساطة كجراي في انتقاء الكلمات ..؟ ام لحن وردي الحنين ؟ ام مقدمته الصوتية بكل روعتها و دفئها .
كل السماحة دي كوم و العزف الفي المقدمة دا كوم تاني براهو ...روعتو فات حد الوصف
شكرًا قباني 🙏 و للعملاق وردي اعلي جنان الخلد يا رب
Post: #26 Title: Re: ياخوانا .. غنية وردي دي ماشة تودر بي .. Author: Ali Alkanzi Date: 03-03-2020, 04:54 PM Parent: #25
وردي هو فنان السودان الاول بلا منازع في ماضيه وحاضره وربما مستقبله ولكن هذا اغنية مبكية تفزع القلب وتجرحه ليس لكلماتها فحسب بل لان وردي التقى بشاعرها في صيف ١٩٦٢ بواو عندما كان السودان من حلفا إلى نمولي والأن فقد بتروا ساقية وقدميه التي كان يسير عليها وفصلوا منه نمولى واو وجوبا وملكال واصبحنا كمريض السكري مبتور القدمين والساقين لا يسير إلا على كرسي متحرك والله مقدمة وردي وخطبته القصيرة انزلت في عيني ومضة من الدمع السخين وابكي يا وطني الحبيب
Post: #27 Title: Re: ياخوانا .. غنية وردي دي ماشة تودر بي .. Author: يحي قباني Date: 03-04-2020, 03:34 AM Parent: #26
Quote: وردي ألبسها أحد أكثر ألحانه شجنا ...
كجراي زول رهيف شديد .. اسمعه في شجون لإبراهيم حسيين ...
أقوووول: إنّ الخرطوم كانت قد بكت " جون فيتزجيرالد كينيدي "J.F Keniedi بدموع أكثر من دموع "دالاس" وواشنطن دي سي، تلك الأيامات!! بعد أن أمضّتْ بهم ميتته الهَمَلة.