Post: #2
Title: Re: ليبيا: بلاد عجائب .. هل حقاً مات القذافي .. ش
Author: Biraima M Adam
Date: 02-24-2020, 01:12 PM
Parent: #1
الجمال في أستراليا .. متوحشة .. عايشه بالملايين في الخلا ساكت .. وقبائل حمر والشنابلة وبنور جراء والكواهلة .. وعموم الأبالة في السودان .. كثير منهم لا يملك زمالة شيل؟!!
الناس ديل أقترح عليهم يجروا أستراليا .. ويلموا الجمال ..
أنا عايز أكون رسول خير .. وأحاول أقوم بالوساطة .. لفتح هجرة لأستراليا لجمع الإبل .. الواحد لما يجمع ألف راس يرسلها السودان .. ثم يأتي راجع لرعيها .. وتهجينها.
هذه الهحرة فقط للأبالة .. حتى أهلي البقارة .. خارج الحسبة.
هييييع الجمال .. الراتع في الخلا هاملة ساكت ..
بريمة
|
Post: #3
Title: Re: ليبيا: بلاد عجائب .. هل حقاً مات القذافي .. ش
Author: Abdullah Idrees
Date: 02-24-2020, 08:27 PM
Parent: #2
تخيل يا بريمة شاهدت وثائقي عن جمال استراليا دي ، استغربت جدا ليه ما يصدروها ؟ او يقدموها لحوم
للشعوب البتعاني من مجاعات ومشاكل غذاء لانهم مرات بضطروا يبيدوها بالطائرات عديل رصاص حي
لحمية المراعي والمستوطنات وغيرها ..
|
Post: #4
Title: Re: ليبيا: بلاد عجائب .. هل حقاً مات القذافي .. ش
Author: Biraima M Adam
Date: 02-24-2020, 09:55 PM
Parent: #3
الأخ عبد الله إدريس
سلامات ..
| Quote: استغربت جدا ليه ما يصدروها ؟ |
تخليل يا عبد الله السبب شنو في عدم تصدير الجمال الأسترالية إلي الدول العربية .. السبب هو أن الجمال التي يأكلها العرب شفاهها طويلة .. أما الأسترالية شفاهها صغيرة .. بالله شوف العرب ديل انطباعيين قدر شنو؟
تخيل الزول الذي أحضر 3 ألف راس دا .. إلا يقوم بتهجينها حتى يستطيع تسويقها في الأسواق العربية .. لكن نحن السودانيين .. أو قل علي الأقل الأبالة .. (اكثر 5من مليون نسمة .. لا تهمهم شفاه الأبل .. اللحمة بس تكون طرية) .. وأنا شخصياً من كبار شاربي لبن الأبل ..
العام الماضي أباد الأستراليون أكثر 10 ألف من الجمال البرية .. و80 مليون من حيوان الكنغرو .. (رغم أني لم أكله من قبل .. لكن من ناحية أسلامية الكنغرو ليس حرام .. لأنه ليس من ذوات الناب).
في شهر يناير الماضي وحده تم قتل 5 ألف جمل رمياً بالرصاص .. (فطسوهم ساكت .. وتركوا اللحم للكلاب البرية والثعالب) .. بالله شوف المغصة دي مش دي حكاية: تموت الأسود جوعاً ولحم الضأن تأكله الكــلاب.
دي صورة أوردتها Fox News .. القتل بدأ من هذا القطيع ..
والمغصة الأكبر .. قتل الأرانب البرية .. ناس كردفان لو جيتم ضيف بأرنبك ممكن يأكلوك لحمة جداد أو خراف .. ويدسوا منك لحم الأرنب .. شيئ أشبه ببيض السالمون للأمريكان.
وبرضوا الأستراليين بقتلوا الحصين سنوياً ..
بريمة
|
|