جريدة الوطن ... تكشف بالمستندات راتب موظف

06:14 AM February, 18 2020

سودانيز اون لاين
الزبير بشير- السودان - ام درمان
مكتبتى
رابط مختصر

بالله ده صحافه مسئوله او بلد ذاته فيها مسئولين

هل يعتبر فساد انه موظف يتقاضي راتب نظير عمله

نفترض انه جهة ما تصرف لموظف 10 مليار راتب شهري ، هل هذا فساد

بالله بالبونط العريض و في الصفحه الاولي و خبر رئيسى انه جريدة تكشف راتب موظف ، هل هي جهة قانونيه منوط بيها التفتيش و الحصول علي مستندات ادانه

افيدونا يا اهل القانون ؟



الزبير الختمي

التحية حبيبنا الزبير الختمي ..
أنا قرأت قبل فترة في مداخلة للحبيب محمد خضر البشرى مصطلح ( حسدنة ) اعجبت بها جداً
الحبيب الزبير الحسد والغيرة ارتفع معدلها في مجتمعاتنا بصورة ملحوظة
وخاصة في الجانب المالي والوظيفي ..
وهذه الايام بممارسات غريبة تتم بإسم الثوار والثورة تصفية حسابات خاصة
في زمنا القديم كنا نحسد فقط ( الزول القيافة .. الوسيم ) عشان كان يخطف الاضواء

تحياتي الحبيب الختمي .. الموضوع يستحق المزيد من التأمل والدراسة
وربما لأن تفاصيل حياتنا عبارة عن كتاب مفتوح كلنا نعرف عن بعضنا كل شيء
وحتى فلان في المدرسة الأولية ، الوسطى ، الجامعة ... إلخ
بعد الاغتراب ومعايشة الشعوب الاخرى عرفت أن لدينا أمراض مزمنة جداً فقط مغلفة بممارسات عاطفية
الشعوب الاخرى تعرف تفاصيل حياة المشاهير فقط ( سياسي ، رياضي ، ممثل ، مطرب ... إلخ )
كمان نتدخل في حيواتنا الخاصة بدون أي تردد ..

الحبيب الختمي .. مشكلتنا كبيرة جداً .. تحتاج لدراسة ..

الاخ علي
مشكور على المرور

تصدق بعد كتبت انها ( الحساده ) بس شطبتها

فعلا حساده .

في الخليج نعمل مع جنسيات غير سودانية تاخد رواتب عليه جدا ربنا يزيدهم و ناسهم ما شغالين بيهم

تعرف انا شغال معاى واحد من قريتنا ، اذا مشيت القريه و سالت الغنمايه عارفه راتبي كم

حاجه غريبه ، راتبنا معروف ، عربيتنا معروفه ، اذا استثمرنا في درداقه معروفه

و الحل شنو


الزبير الختمي

الحبيب الزبير .. تحياتي
ولا تنسى التدخل في حياتك الخاصة كلنا نتدخل في حياة الاخر
يا زول .. ليه ما تجيب اخواتك عمرة ؟
عملت شنو في موضوع البيت ؟
اخوك مالو لسع ما تزوج ؟
أولادك ليه ما تنزلهم البلد ؟

وعشرات الاسئلة في أدق الخصوصيات

الحبيب الختمي .. يا ريت كل الناس يشاركوا في البوست
لنعرف الاراء والحلول ..