|
Re: الرياض فتحت (Re: جلالدونا)
|
كدى او حاجة خلونى ارحب بالاعزاء الكرام ضيوفنا الجدد ثم بعد ذلك نرجع لى موضوعنا الامين حسن بخيت محمدعبدالله نهرو حسام الدين حمودة معاوية عوض ياسر عباس ابو سوار مرحب بيكم اخوة كرام و عضوية فاعلة كما ارحب بالاخنين ام سهى جواهر يمناسبة العودة الميمونة و اعادة ترحيب و حار كمان بالعزيزين الاخ الكريم قباني و الصديق العزيز صديق مهدى
| |
|
|
|
|
|
|
Re: الرياض فتحت (Re: جلالدونا)
|
سلام جلالدونا احسن الله عزاؤكم وتقبل ميتكم ربنا يجعله من اصحاب اليمين في سرر متقابلين
معليش لحرف البوست عن مساره .. شفت قبل كم يوم واحد بوست عن وفاة اخوك ومع زحمة الشغل نسيت اعزي
| |
|
|
|
|
|
|
Re: الرياض فتحت (Re: صديق مهدى على)
|
الأح جلال ،،،، كل الشكر والشكر الجزيل للترحيب الحار منك ومن باقي الأعضاء بالمنبر وبالفعل فتحاً مبينا واحسن الله عزاءكم في فقيدكم إذ فاتنا واجبه
| |
|
|
|
|
|
|
Re: الرياض فتحت (Re: جلالدونا)
|
مرحب اخونا صديق تقبل الله دعاءك و مشكور على مواساتك و الصلاة و السلام على اشرف خلق الله محمد بن عبدالله خاتم الرسل و الانبياء ___ ياخى الحمد لله انت ما قصرت معانا زول حارة و مواجبة ربنا يحفظك و الاسرة الكريمة و يديم عليكم نعمة الصحة و العافية
| |
|
|
|
|
|
|
Re: الرياض فتحت (Re: جلالدونا)
|
Quote: الأح جلال ،،،، كل الشكر والشكر الجزيل للترحيب الحار منك ومن باقي الأعضاء بالمنبر وبالفعل فتحاً مبينا واحسن الله عزاءكم في فقيدكم إذ فاتنا واجبه |
مرحب يا هندسة الحمد لله الذى لا يحمد على مكروه سواه ____ كل الامنيات بالاقامة الطيبة
| |
|
|
|
|
|
|
Re: الرياض فتحت (Re: جلالدونا)
|
شنو يا ابو حسين ياخ لو قصدك على الخطأ الاملائي ساهلة و بتتعدّل اما لو قصدك الترحيب فى ذات نفسو اقرا صاح عشان يقع ليك Quote: كما ارحب بالاختين ام سهى جواهر يمناسبة العودة الميمونة |
ثم انت مستعجل على رزقك مالك!!! يعنى عشان فتحت ليك بوستيين و الناس جات عليك عاوز تعمل لينا فيها ألفة .... ألفة .... دى بى مناسبة قوم لف
| |
|
|
|
|
|
|
Re: الرياض فتحت (Re: جلالدونا)
|
حبيبنا جلال تقبل الله فقيدكم انا لله و انا اليه راجعون الدوام لله و ترحيب حار بالأعضاء الجدد
يلا نرجع لموضوعنا الفتحها شنو؟
| |
|
|
|
|
|
|
Re: الرياض فتحت (Re: Khalid Saeed)
|
الاخ الفاضل جلال
عظم الله اجركم ورحمه الله اخوكم وجعلة فى اعلى الجنان
وناسف للتعزية المتاخرة مع انى بالشك واليقين انى دخلت بوست التعزية
صبركم الله فى فقيدكم الجلل
| |
|
|
|
|
|
|
Re: الرياض فتحت (Re: احمد حمودى)
|
يا جماعة الخير.. في بوست مفتوح لتعزية الزميل جلالدونا ... ونحن حتى الآن ما فهمنا شئ من عنوان البوست "،الرياض فتحت " ..هل المقصود رياض السعودية، ( اقصد رياض ارض الحجاز) ام رياض الخرطوم....وفتحت لمنو !؟ المهاجرين ولا المقيمين ام لكل العرب.... ..وعظم الله اجركم جلالدونا ... وضح ..ابن فسر
| |
|
|
|
|
|
|
Re: الرياض فتحت (Re: امتثال عبدالله)
|
الاعزاء الكرام الارباب ابوسنينة طلحة احمدونا عبدالله حمودى و الفاضلة امتثال تقبّل الله دعاءكم و رحم موتانا و موتاكم و غفر لهم شاكر و ممتن لطيب مواساتكم و ان شالله ما نسمع عنّكم شينة
| |
|
|
|
|
|
|
Re: الرياض فتحت (Re: Yousif A Abusinina)
|
لاخ الفاضل جلال
عظم الله اجركم ورحمه الله اخوكم وجعلة فى اعلى الجنان
وناسف للتعزية المتاخرة مع انى بالشك واليقين انى دخلت بوست التعزية
صبركم الله فى فقيدكم الجلل
أحمـد الشـايقي
| |
|
|
|
|
|
|
Re: الرياض فتحت (Re: فتحي الصديق)
|
السلام عليكم اخي جلالدنا وعظم الله اجركم وغفر لاخيكم وجعل الجنه مستقر له .. وعلى حسب فهمي المتواضع للعنوان انك تعني بان هناك عضوية جديده للمنبر العام واغلبهم من الرياض أي ان بورداب الرياض اذدادو عددا بدخول هؤلاء الاخوة الأعزاء لعضوية المنبر .. وهذا اجتهاد مني والله اعلم وانت تعلم ,,,,
تحياتي : ياسر العيلفون .....
| |
|
|
|
|
|
|
Re: الرياض فتحت (Re: هشام الدرديري)
|
مرحب اخونا وليد بس ياها .. كتلتها تب الرشقة الاولى كانت جماعية و تلتها كم رشقة فردية مع رشقة فردية من الخرطوم اها انا متابع الحاجة دى لشيئ فى نفس ود الصايم عموما مرحب بيهم
| |
|
|
|
|
|
|
Re: الرياض فتحت (Re: جلالدونا)
|
مرحب اخونا ياسر السر فهمك صحيح و فعلا بورداب الرياض ازدادوا عددا طيبا مباركا ان شاءالله لكن الفهم شنو ده دى الدايرة شغل شكلى ح استعين بى حبوبتي لمياء فى الحتة دى
| |
|
|
|
|
|
|
Re: الرياض فتحت (Re: جلالدونا)
|
مرحب يا جلجل .. والبركة فيكم في وفاة شقيقكم .. نسال الله له الرحمة والمغفرة ..
اها الرياض فتحت شنو ؟؟؟ عشان نمشي نقيف في الصف ...
عــــاالــــم بطاالـــــــــــــــــــــــة ,,
| |
|
|
|
|
|
|
Re: الرياض فتحت (Re: محمد عبد الله الحسين)
|
اووووو حبيبنا هشام ياخ مشتاقين والله الفتحت ياها رياضكم دى حفلاتكم قاجّة و نادى الكشتسنة شغّال تش نساء و رجال و تحت تحت سمعنا عفوكم من حكاية الكفالة و بكري فكّاها ليكم دايرين شنو تانى و الم بخّلى ود الصايم يضحك شنو تحياتي لى كل ناس البيت
| |
|
|
|
|
|
|
Re: الرياض فتحت (Re: جلالدونا)
|
الله يستر من الدقيس ... ما يكون ودالباوقه وأبو روضه غيرو رقم الشاسي وخاتين نمر جديده وجايين داخلين ... بعدين مجيدو دا حا يصرف ليك من العلبة عديييل وما حا يقول ليك تفطك نانسي عجرم ...
| |
|
|
|
|
|
|
Re: الرياض فتحت (Re: Salah Zubeir)
|
اووو حبيبنا حاج الطيب كيفك ياخ ود الباوقة رغم اختلافنا معاهو فى مواقفوا من الانقاذ لكن اشهد هنا انه من انبل و اعف الاعضاء و رجل يستحق الاحترام و زول بالصفات دى ما اظن يجى مندسى او متخفى ابو روضة احفظ له جميلا حسدته عليه فى عراكه مع المرحوم الصادق الخالدى الا انه كان من المبادرين فى زيارته و الوقوف بجانبه فى مرضه الاخير و اكرمنا ببوست اعتبره قمة البوستات و نحن نتابع حال المرحوم الخالدى فى حاجة كده ماب تلقاها الا فينا و ابوروضة ما شاء الله عليهو شال و خمّ منها رغم انو بعد مرّات بركبوا ريح احمر كده و يقوم و يطقطق من طرف هسى يا ريت يجينا و يطقطق لينا ود التاج و ود المدير و المرجفين فى مدنية المدينة ___ يا سلام ياخ الخالدى كان حضور دايما فى ما يلمنا من بوستات و لا يحلو له الا ان يخاطبنى بى ... جلالدونا الضلالى ... بس كانت نابعة من محبّة الا رحم الله اخونا الخالدى و غفر له و عفا عنه و اسكنه فى عليين مع الابرار و الصديقين و حسن اولئك رفيقا
| |
|
|
|
|
|
|
Re: الرياض فتحت (Re: جلالدونا)
|
Quote: ابو روضة احفظ له جميلا حسدته عليه فى عراكه مع المرحوم الصادق الخالدى الا انه كان من المبادرين فى زيارته و الوقوف بجانبه فى مرضه الاخير و اكرمنا ببوست اعتبره قمة البوستات و نحن نتابع حال المرحوم الخالدى فى حاجة كده ماب تلقاها الا فينا و ابوروضة ما شاء الله عليهو شال و خمّ منها رغم انو بعد مرّات بركبوا ريح احمر كده و يقوم و يطقطق من طرف هسى يا ريت يجينا و يطقطق لينا ود التاج و ود المدير و المرجفين فى مدنية المدينة |
قابلتو فيس تو فيس في إحتفالية بعد الثورة مباشرة .... اتونسنا و ضحكنا و غنينا كتير ..... 😂😂😂😂😂😂😂 الزول دا المنبر دا مضيعو ..... 😂😂😂😂
| |
|
|
|
|
|
|
Re: الرياض فتحت (Re: جلالدونا)
|
.Quote: اووووو حبيبنا هشام ياخ مشتاقين والله الفتحت ياها رياضكم دى حفلاتكم قاجّة و نادى الكشتسنة شغّال تش نساء و رجال و تحت تحت سمعنا عفوكم من حكاية الكفالة و بكري فكّاها ليكم دايرين شنو تانى و الم بخّلى ود الصايم يضحك شنو تحياتي لى كل ناس البيت |
الشوق من عندنا لي بلاد العم سام لك ولي الوليدات سالت منك في احد اجازاتي كنت مع اخونا كبس قالي جلال جاء من امريكا كسر الشاشة (شاشة 60 بوصة ) دي واحده جديده بي سبب قون الهلال في المريخ ....كورة السودان البترفع الضغط دي برضو لي اسع في الدم ياجله اليومين ديل في الرياض منتخب الشباب يخبتوا فيه ساكت بس ربك يعين جاء منتخبنا فتح هنا في الرياض
| |
|
|
|
|
|
|
Re: الرياض فتحت (Re: هشام الدرديري)
|
يا سلام يا ابوحسين ياخ شفت شوف العين بعمل شنو مع انو ما شفت ابو روضة زى ما انت شقتو لكن يمين الله بعتمد شهادتك فى حقّو و يا ريت نتلاقى ياخ
| |
|
|
|
|
|
|
Re: الرياض فتحت (Re: جلالدونا)
|
تحياتي جلالدونا كتبنا فوق في بداية البوست ،،، والحقيقة ومنذ قدومنا والى اليوم مازلنا نروح ونغدو بين بخ ويا مرحى به ،،،، وقوبلنا بترحاب دافئ غمرنا جميعاً كما كنت أتابع في بوستات الترحيب ،،،، وفي بعض الأحيان بالهاتف ،، وهي فرصة كي نشكر كل من رحب بنا سواء عبر البوست أو هاتفياً ،،، وللحقيقة عدد من الناس كانوا يقولوا لي (جيتو كتار مع بعض وكده يعني والحاصل شنو) والجملة دي بالذات بتدي إحساس بإنو وجودك مستغرب وعليه 20 علامة إستفهام . عموماً الأيام دول وسينفصل الزيت عن الماء وستتبين ألوان سوط المطر بعد حين. ويا ريت نقدر نواكب سخونة البورد ،، ونذوب فيه ونقدم شيئاً يفيد .
| |
|
|
|
|
|
|
Re: الرياض فتحت (Re: حسام الدين حمودة)
|
اههههها اى والله كسرتها يا هشام الغريبة قلت ليهم نمشى نخشها قالو احسن نحضرا فى البيت ما دام منقولة خالنا جلال عبد العزيز قدر ما يجى البيت مرتضى ود كبس لى يوم الليلة يقول ليهو بى زعل: انت الكسرت التلفزيون ,,,, مرتضى كان صغير وكت الحادثة و سمع التلفزيون كسرو جلال ... الحلة اتغيرت يا هشام الموت شال كتيرين و دخلوها ناس كتيرين
| |
|
|
|
|
|
|
Re: الرياض فتحت (Re: جلالدونا)
|
Quote: الحلة اتغيرت يا هشام الموت شال كتيرين و دخلوها ناس كتيرين |
اي والله اتغيرت والناس الكبار كلهم رحلوا انت ومجدي وكمال الطويل والعشاء عند ابوالزوق ايام لها ايقاع
| |
|
|
|
|
|
|
Re: الرياض فتحت (Re: هشام الدرديري)
|
ياااااه يا هشام ياخ بالجد كانت ايام ابو الذوق الله يرحمو و يحسن اليه دكانو و بيتو مفتوحات لينا مرات صحن الفتّة يجينا فى العوّامة و الحساب متين ما نتلاقى ياخ بيوت الحلة كانت كلها بيوتنا توووش تخش هسى الا تدق الباب و مرات كده الشغلة جابت مسج و مس كول
| |
|
|
|
|
|
|
|