ياهو دا البقولوا عليه فى السودان سكرة يٌني يرقص و يغنى..
Post: #3 Title: Re: من أغاني السكارى Author: عبد الصمد محمد Date: 02-17-2020, 11:57 PM Parent: #2
الفيتوري كتب يا ستي نور
دنيا لا يملكها من يملكها أغنى أهليها سادتها الفقراء
وكتب كذلك:
لن تبصرنا بمآقٍ غير مآقينا
لن تعرفنا
ما لم نجذبك فتعرفنا وتكاشفنا
أدنى ما فينا قد يعلونا
يا قوت
فكن الأدنى
تكن الأعلى فينا
هؤلاء لا يملكون في الدنيا من فرح إلا هذه الساعات التي يهربون فيها من عنت الواقع اللئيم
تسلمي
Post: #4 Title: Re: من أغاني السكارى Author: خضر الطيب Date: 02-18-2020, 00:04 AM Parent: #2
سلام يا عبد الصمد عرقي الدويم دا عرقي العيش لانو البلح غالي و الدويم غير منتجة للبلح ذي الشمالية بقولو الشريبة انو عرقي الدويم دا ذي الموية ما فيهو لسعة عرقي البلح الواحد مع الونسة بفضل يشرب بشرب و هو عرقي غدار فجاة الشريب بحصل ليهو Syncope and collapse صاحبنا دا في مرحلة ما بعيدة الناس المعاهو ديل لو م لحقوهو بعد شوية الاسعاف ما بلحقو هههههههه
ياخ الراجل ده راجل مبدع وصوتو جميل واداءه مقنع افضل بكثير من ناس مالين علينا صلات الافراح والشابات التلفزيونية باصوات عادية ولا تتمتع باي تطريب ... شكرا عبد الصمد والتحية لهذا المبدع ولكل اهل الدويم الاكارم ...
السلام عليكم لك التحية عبد الصمد محمد دائما عقلي الفتى في محل استغراب .... في العلاقة الحميمة البتجمع الغناء مع الخمرة واحيانا الشعر مع الخمرة والحب ايضا مع الخمرة وبمناسبة الحب مع الخمرة دي ........ عندي واحد من معارفي اخت ليهو شاكوش جامد كده بسبب مغترب والله يكفي العاشقين شر المغتربين المهم صحابنا مش شرب عرقى جامد كده من النوع بتاع كوستي حي الرديف .......ومتاكد خضر الطيب بكون بعرفو مادام عرف عرقى الدويم وصحابنا طوالي جا الحفلة وطلب انو يديهو المايك عشان حابي يقدم فاصل غنائي وبعد محاولات طويلة اداهو المايك والزمن داك اغنية في الليلة ديك بتاعة زيدان كان طالعة جديدة بصوت معتز صباحي ...... وقام صاحبنا كده وبدا يغني .... غايتو 80 % من الحضور كان محل استغراب بجمال الصوت والاداء كان رائع جدا ولمن انتهى من الاغنية كل الحضور في الحفلة طلبو منو يغني تاني وفعلا غنا ليهم وادخلهم في عالم ممزوج حزنا وفرحا في زمن واحد .... ختم الحفل باغنية مع السلامة لمحمود عبد العزيز اليوم اصبح فنان كبير لدرجة الحجز لو ما من بدري مابتلقى طريقة
Post: #7 Title: Re: من أغاني السكارى Author: عبد الصمد محمد Date: 02-19-2020, 11:45 PM Parent: #6
لتسجيل التالي عن واحد أصحابه عاملين فيه المقلب خلو صوت ما بيعرفه يضرب ليه تلفون بعد منتصف الليل وهم عارفنه في اللحظه دي راسه مشعشع ومع وزنة راسه يرن تلفونه ويقول ليه أديني الواثق معذرة الراجل رش الزول الضارب ليه بكلمتين نابيات
Post: #8 Title: Re: من أغاني، حكاوي وإبداعات السكارى Author: عبد الصمد محمد Date: 02-20-2020, 00:09 AM Parent: #1
Post: #9 Title: Re: من أغاني، حكاوي وإبداعات السكارى Author: بدر الدين الأمير Date: 02-20-2020, 01:48 PM Parent: #8
هسى انا بعد كمية الطشمة الطشمتها فى بوست دا كيف اقدر اسوق سيارتى واصل بيتى
Quote: .ومتاكد خضر الطيب بكون بعرفو مادام عرف عرقى الدويم
ليه يا اخوي انت قايلني انا ست عرقي هههههه اكيد بعرف الرديف لانو مشيت كوستي كتير و عندي فيهم اهل لهم التحية و بعدها قريت كتاب الانداية للاستاذ الباحث الراحل الطيب محمد الطيب و الذي يحكي في احد فقراته بأن في كل مدينة سودانية هناك اندايات و حتى في القرى هناك الكنابي جمع كمبو
Post: #11 Title: Re: من أغاني، حكاوي وإبداعات السكارى Author: عبد الصمد محمد Date: 02-20-2020, 07:38 PM Parent: #9
يا ود الأمير ولله فعلاُ تخليك تطشم وتنسى الدنيا الملانة زيف
Post: #12 Title: Re: من أغاني، حكاوي وإبداعات السكارى Author: HAIDER ALZAIN Date: 05-10-2020, 08:34 AM