(adsbygoogle = window.adsbygoogle || []).push({}); عاطر التحايا ناس البورد الطيبين غبت لي فترة طويلة عن المنبر و نسيت الحاجات التقنية بتاعتو مثال شير صفحات. ، تحميل فيديوهات ...الخ و الصراحة عامل الزمن ما مساعد الواحد يقعد يطقش براهو لغاية ما يتعلم تاني بتذكر زمان كان في لنك كدا فيهو شرح للحاجات التقنية دي فا ياريت لو في زول عارفو ينزلو لينا هنا ...حيستفيدو البرالمة القدام زي حالتي و الجداد برضو ... و مرحبا بالأعضاء الجدد علي فكرة برلوم دي ما كلمة كعبة او بتنقص منك في شيء برغم البعض احيانا ممكن يحسسك بغير كدا لو لقي فرصة ؛)نصحتي لو حصل كبر دماغك و ابتسم :) المهم معظم السناير طيبين ؛)
Post: #2 Title: Re: برلوم قديم محتاج مساعدة فنية Author: حسام الدين حمودة Date: 02-17-2020, 05:59 PM Parent: #1
تحياتي ما تخافي برالمة بي سنونهم ههه ده رابط الأكواد https://sudaneseonline.com/code.cfm وممكن تلقوه لما تعمل رد ضمن الأيقونات قرب صندوق الرد
Post: #3 Title: Re: برلوم قديم محتاج مساعدة فنية Author: أحمد محمد عمر Date: 02-17-2020, 07:10 PM Parent: #2
Post: #7 Title: Re: برلوم قديم محتاج مساعدة فنية Author: جواهر ابراهيم Date: 02-19-2020, 09:42 PM Parent: #6
أهلا و سلامات كتير الأخ ياسر شكرًا علي الترحيب بالمناسبة انت ياهو ياسر اخو بروف عوض ولا تشابه اسماء
Post: #8 Title: Re: برلوم قديم محتاج مساعدة فنية Author: جواهر ابراهيم Date: 02-19-2020, 10:23 PM Parent: #7
Test
Post: #9 Title: Re: برلوم قديم محتاج مساعدة فنية Author: امتثال عبدالله Date: 02-20-2020, 00:55 AM Parent: #8
جواهر شايفك عملت test ... انا شرحوا لي رفع الصور والفيديوهات وانزال تصوير الكاميرا مرات عديدة وفشلت ..وعملت test أكثر من مرة وفشلت .. والآن وجدت فيديو المرحوم سامي عبد المطلب، يرحمه الله ويغفر له ، وسوف ارجع واذاكر من جديد ...لعل وعسى .. نحن في التكنلوجيا برالمة ....مش برالمة وبس ....ما بنعرف اي شئ الا ندخل معهد كمبيوتر من جديد
Post: #10 Title: Re: برلوم قديم محتاج مساعدة فنية Author: ترهاقا Date: 02-20-2020, 01:10 AM Parent: #9
Quote: Test (عدل بواسطة جواهر ابراهيم on 02-19-2020, 09:25 PM)
دي جلّت ، باقي ليكي محاولتين
Post: #11 Title: Re: برلوم قديم محتاج مساعدة فنية Author: جواهر ابراهيم Date: 02-20-2020, 01:24 AM Parent: #10
Quote: جواهر شايفك عملت test ... انا شرحوا لي رفع الصور والفيديوهات وانزال تصوير الكاميرا مرات عديدة وفشلت ..وعملت test أكثر من مرة وفشلت .. والآن وجدت فيديو المرحوم سامي عبد المطلب، يرحمه الله ويغفر له ، وسوف ارجع واذاكر من جديد ...لعل وعسى .. نحن في التكنلوجيا برالمة ....مش برالمة وبس ....ما بنعرف اي شئ الا ندخل معهد كمبيوتر من جديد
هههههه والله يا امتثال الحاجات التقنية دي لو ما الواحد بيطبقها بانتظام بتتنسي سريع التعليم ما صعب بس عايز طولة بال في البداية وانا النوع البيمل سريع داك .. البركة في شرح المرحوم سامي ربنا يجعلها صدقة جارية في ميزان حسناته يا رب حاجي ان شاء اعمل test هنا في البوست اخرمج براحتي لغاية ما تظبط الحاجات 🙂
و دعوة اَي زول من البرالمة تعالو جربو هنا التطبيقات براحتكم
Post: #12 Title: Re: برلوم قديم محتاج مساعدة فنية Author: جواهر ابراهيم Date: 02-20-2020, 01:28 AM Parent: #11
Quote: دي جلّت ، باقي ليكي محاولتين
ههههه محاولة واحدة تكفيني ما شايف بدينا نقدل كيف في الاقتباسات ..
Post: #13 Title: Re: برلوم قديم محتاج مساعدة فنية Author: Gaafar Ismail Date: 02-20-2020, 01:29 AM Parent: #11
اهلا وسهلا جواهر والف مرحب بالعودة إلى المنبر بعد طول غياب والحمد لله علمنا انك بخير وعافية تحياتي ووافر احترامي
Post: #14 Title: Re: برلوم قديم محتاج مساعدة فنية Author: جواهر ابراهيم Date: 02-20-2020, 01:40 AM Parent: #13
Quote:
اهلا وسهلا جواهر والف مرحب بالعودة إلى المنبر بعد طول غياب والحمد لله علمنا انك بخير وعافية تحياتي ووافر احترامي
اخي العزيز جعفر شكرًا كتير سلامات تاكي والله، لعلك و الاسرة بخير .. ما زلت متذكرة حواراتنا بعربي جوبا في ال English forum زمان.. خالص الود
Post: #15 Title: Re: برلوم قديم محتاج مساعدة فنية Author: اخلاص عبدالرحمن المشرف Date: 02-20-2020, 03:06 AM Parent: #14
ما شاء الله عليك يا جواهر التقنيات استعملتها 💯💯
اللهم أرحم عبدك سامي عبدالمطلب استفدت منه كثير ، الان استعمل الموبايل وشوية متعب
Post: #16 Title: Re: برلوم قديم محتاج مساعدة فنية Author: جواهر ابراهيم Date: 02-20-2020, 05:23 AM Parent: #15
Quote:
ما شاء الله عليك يا جواهر التقنيات استعملتها 💯💯
اللهم أرحم عبدك سامي عبدالمطلب استفدت منه كثير ، الان استعمل الموبايل وشوية متعب
تسلمي إخلاص 🌹🙏 ... يا دوبك بديت اتاقلم علي التقنيات دي شوية شوية ... هسي برد عليكي من الايباد و شكلو ما بطال فرصة اجرب منو تحميل فيديو او صورة و اشوف حيظبط ولا لا اتخيل لي حيكون صعب لإيراد لنك الصفحات منو
Post: #17 Title: Re: برلوم قديم محتاج مساعدة فنية Author: جواهر ابراهيم Date: 02-20-2020, 05:30 AM Parent: #16
Post: #18 Title: Re: برلوم قديم محتاج مساعدة فنية Author: ياسر السر Date: 02-20-2020, 09:49 AM Parent: #17
أهلا و سلامات كتير الأخ ياسر شكرًا علي الترحيب بالمناسبة انت ياهو ياسر اخو بروف عوض ولا تشابه اسماء
------ معزرة لا اعرف كيف اعمل نسخ للمداخلة ولكن للإجابة على سؤالك الأخت جواهر ( انا ليس لدي اخ بروف وقد يكون تشابه أسماء ) ولكي جزيل شكري ..
تحياتي : ياسر العيلفون .....
Post: #19 Title: Re: برلوم قديم محتاج مساعدة فنية Author: Maawya Hussein Date: 02-20-2020, 03:30 PM Parent: #17
الكوبي الصحيح من اليوتيوب هو
copy embed code
وممكن بعد وضع الكود التحكم في الابعاد لمناسبه عرض الشاشه
Post: #20 Title: Re: برلوم قديم محتاج مساعدة فنية Author: امتثال عبدالله Date: 02-20-2020, 08:00 PM Parent: #19
اصعب حاجة يا جواهر انزال صورة من الdesktop أو من الإنترنت إلى المنبر العام ، أو تصوري حاجة بالكاميرا وتحاولي تنزليها في المنبر، ودي قالوا عاوزة وصلات واسلاك ،،،أو تحاولي تنزلي صور من الواتساب... أما من اليوتيوب فدي أظنها بقت ساهلة بعد ما شرحوها لينا ٥٠ مرة ..هههههههه
Post: #21 Title: Re: برلوم قديم محتاج مساعدة فنية Author: حسام الدين حمودة Date: 02-20-2020, 09:15 PM Parent: #20
Quote: و دعوة اَي زول من البرالمة تعالو جربو هنا التطبيقات براحتكم
هههههه جواهر ،، برالمة بي سنونهم ،،، إن شاء الله نعمل تستات هنا وكمان ممكن نعمل بعض الشروحات حسب معرفتنا الشوية بأضابير الأكواد وحركات المنتديات ،،،، لأن الكود لو فهمته ممكن تتعامل معاه وتكتبه كمان ملحوظة كود URL فيه خطأ في البرمجة من أصله لذلك ما بيشتغل صاح ،، وبيقوم يكتب العنوان المطلوب مرتين وبكده ما بينقلك للصفحة المطلوبة بالنسبة لليوتيوب مافي داعي تغير معطيات المقاسات وخليها زي ما هي حتى لا تخرب الفيديو ويطلع فيه Distortion
.
Post: #22 Title: Re: برلوم قديم محتاج مساعدة فنية Author: Maawya Hussein Date: 02-20-2020, 09:49 PM Parent: #21
لو اخدت الكود من الرايد كليك الابعاد حاتكون width="1280" height="720 ودي بتخرب البوست .. الابعاد من شير width="560" height="315 وممكن تتحول لي width="640" height="420 بتكون انسب
Post: #23 Title: Re: برلوم قديم محتاج مساعدة فنية Author: حسام الدين حمودة Date: 02-20-2020, 10:24 PM Parent: #22
Quote: لو اخدت الكود من الرايت كليك الابعاد حاتكون width="1280" height="720 ودي بتخرب البوست .. الابعاد من شير width="560" height="315 وممكن تتحول لي width="640" height="420 بتكون انسب
الأخ معاوية صحيح كلامك يجب التأكد من عرض الفيديو وأن لا يزيد عن 600 لأن أي شيئ صورة ولا فيديو ولا رابط يزيد عرضه عن 600 بيكسل بيفتل الصفحة .. لكن لو نسخت كود اليوتيوب بيطلع ليك غالباً عرض الفيديو بيكون 576 وإرتفاعه 317 ودي ظاهرة في الكود ممكن تقراها ،،، لكن لو إحتاج الموضوع لتعديل الأرقام فيجب أن تتناسب طردياً ،، يعني ينقص إرتفاع الفيديو بنفس نسبة نقص العرض حتى لا يتشوه الفيديو ،،،،
iframe width="576" height="317" src="....................................." frameborder="0" allow="accelerometer; autoplay; encrypted-media; gyroscope; picture-in-picture" allowfullscreen> ده الكود طبعاً أنقصت منه علامة أصغر من في الأول وأكبر من في الآخر عشان يظهر كود وما يشتغل فيديو ،،، الأرقام 576 و 317 لو لقيتوها أكبر من كده غيروها بنفس الرقمين ديل في مكانهم وبيتغير مقاس الفيديو ليتناسب عرض صفحة المنتدى
Post: #24 Title: Re: برلوم قديم محتاج مساعدة فنية Author: جواهر ابراهيم Date: 02-21-2020, 03:38 PM Parent: #23
Quote: معزرة لا اعرف كيف اعمل نسخ للمداخلة ولكن للإجابة على سؤالك الأخت جواهر ( انا ليس لدي اخ بروف وقد يكون تشابه أسماء ) ولكي جزيل شكري .. تحياتي : ياسر العيلفون .....
تشابه اسماء اذا اخي ياسر ...بالمناسبة لو عايز تعمل نسخ مداخلة كل ما عليك اضغط علي زر اقتباس فوق صندوق المداخلة عند الرد حيطلع ليك صندوق تاني امسح المكتوب فيهو و انسخ داخله المداخلة ...جربها هنا اذا تريد
Post: #25 Title: Re: برلوم قديم محتاج مساعدة فنية Author: جواهر ابراهيم Date: 02-21-2020, 03:49 PM Parent: #24
Quote:
الكوبي الصحيح من اليوتيوب هو
copy embed code
وممكن بعد وضع الكود التحكم في الابعاد لمناسبه عرض الشاشه
شكرًا اخي معاوية خلاص عرفت اجيب فيديو من يوتيوب من كمبيوتر بس ما بيطلع لي embed code لما حاولت من الايباد حقي .. هل في طريقة من التلفون او ايباد؟
Post: #26 Title: Re: برلوم قديم محتاج مساعدة فنية Author: جواهر ابراهيم Date: 02-21-2020, 03:58 PM Parent: #25
Quote: اصعب حاجة يا جواهر انزال صورة من الdesktop أو من الإنترنت إلى المنبر العام ، أو تصوري حاجة بالكاميرا وتحاولي تنزليها في المنبر، ودي قالوا عاوزة وصلات واسلاك ،،،أو تحاولي تنزلي صور من الواتساب... أما من اليوتيوب فدي أظنها بقت ساهلة بعد ما شرحوها لينا ٥٠ مرة ..هههههههه
لا لا كلو الا أسلاك و كميرات ..الخ و كل الحاجات المعقدة دي يا امتثال ههههههه... خلينا احسن في ال A B C و خلاص بكون ما قصرت تب
Post: #27 Title: Re: برلوم قديم محتاج مساعدة فنية Author: جواهر ابراهيم Date: 02-21-2020, 04:10 PM Parent: #26
Quote: هههههه جواهر ،، برالمة بي سنونهم ،،،
لا لا دا ما بس برالمة بسنونهم اخي حسام الدين بالأصح برالمة بضروسهم يطحنو اَي شيء قدامهم 👏👏👏 ما شاء الله :)
شكرًا ليك و للأخ معاوية يا دوب فهمت عن ابعاد الفيديو
Post: #28 Title: Re: برلوم قديم محتاج مساعدة فنية Author: امتثال عبدالله Date: 02-21-2020, 04:23 PM Parent: #27
جواهر Empede code من التليفون ما ممكن ..وحاولت وما قدرت...الا من اللابتوب أو الكمبيوتر... ويا دوب عرفت كيف نعمل تظليل وكوبي وبيست من التليفون بعد شرح ابو الريش في بوست الجيش الأمريكي...لكن لسع ما عملت الtest ..
Post: #29 Title: Re: برلوم قديم محتاج مساعدة فنية Author: Maawya Hussein Date: 02-21-2020, 04:41 PM Parent: #28
ممكن يكون عندك Empede code جاهز محتفظه بيهو في ايميل ولا ملف وماعليك الا تغيري في رابط اليويتيوب كل مره
Post: #30 Title: Re: برلوم قديم محتاج مساعدة فنية Author: أحمد محمد عمر Date: 02-21-2020, 05:23 PM Parent: #29
Quote: جواهر Empede code من التليفون ما ممكن ..وحاولت وما قدرت...الا من اللابتوب أو الكمبيوتر...
نزلي متصفح فايرفوكس افتحي يوتيوب اضغطي الثلاث نقاط المتعامدة أعلى اليسار بتجيك الخيارات اضغطي على (اطلب موقع سطح المكتب) بنقلب يوتيوب كمبيوتر تشغلي الفيديو وتضغطي ضغطة طويلة على شاشة الفيديو بظهر ليك copy emed code
Post: #31 Title: Re: برلوم قديم محتاج مساعدة فنية Author: احمد حمودى Date: 02-21-2020, 06:53 PM Parent: #30
يا شباب بالله كمان اشرحوا كيف تقطع الفيديو ؟؟؟؟
Post: #32 Title: Re: برلوم قديم محتاج مساعدة فنية Author: أحمد محمد عمر Date: 02-21-2020, 07:19 PM Parent: #31
الفيديو قاعد وين؟ في اليوتيوب ولا موقع تاني ولا في جهازك؟ وهل في موبايل ولا كمبيوتر؟ وإذا موبايل ايفون ولا اندرويد؟
Post: #33 Title: Re: برلوم قديم محتاج مساعدة فنية Author: احمد حمودى Date: 02-21-2020, 08:07 PM Parent: #32
Post: #34 Title: Re: برلوم قديم محتاج مساعدة فنية Author: أحمد محمد عمر Date: 02-21-2020, 09:06 PM Parent: #33
مافي فيدوهات لي مصعب الضي، أحمد الضي، تراجي، ذا النون ؟ كلو بشتغل:)
والله يا حمودي بندور المساعدة لكن ما لي درجة أبو رهف ياخي
النطة شينة ما بنط لكن بقول ليك هسة نعسان لي بكرة لو مافي زول نجدك باقي الليل دة بوفي بي وعدي
أبو رهف يا حمودي؟!! أبو رهف؟!! عصرت علي شديد خلاص
Post: #35 Title: Re: برلوم قديم محتاج مساعدة فنية Author: احمد حمودى Date: 02-21-2020, 09:34 PM Parent: #34
ياخى ابورهف عزيز وغالى وثورى لى درجة قف وانا ما بفولت ليبه فيديو
Post: #36 Title: Re: برلوم قديم محتاج مساعدة فنية Author: ياسر السر Date: 02-22-2020, 09:10 AM
Quote: تشابه اسماء اذا اخي ياسر ...بالمناسبة لو عايز تعمل نسخ مداخلة كل ما عليك اضغط علي زر اقتباس فوق صندوق المداخلة عند الرد حيطلع ليك صندوق تاني امسح المكتوب فيهو و انسخ داخله المداخلة ...جربها هنا اذا تريد
شكرا جميلا ...
تحياتي : ياسر العيلفون ....
Post: #37 Title: Re: برلوم قديم محتاج مساعدة فنية Author: أحمد محمد عمر Date: 02-23-2020, 09:58 AM Parent: #36
والله يا حمودي حاولت أعمل نايم من فيديو أبو رهف لكن الشردة عيبة وشينة خش الموقع دة ytcropper.com لصق رابط الفيديو حرك العصايات في نهاية الفيديو وبدايته على الحتة العاوز تقصها وشيل الرابط أو كود التضمين
Post: #38 Title: Re: برلوم قديم محتاج مساعدة فنية Author: عمر التاج Date: 02-23-2020, 08:08 PM Parent: #37
مرحبا بك يابرلومة قديمة ومرحبا بكل العضوية الجدد ونتمناك وهمو إضافة حقيقة للمنبر .. ونتمنى تجدي كل مساعدة وعون .. .. .. بالنسبة لابورهف يا احمد اختلف معه كثيرا ، ولكني احترمه جدا واقدر دوره الكبير هو وأولاد الضي وذو النون في نجاح الثورة بعض هؤلاء كان يجوب شوارع الخرطوم ويكشف ضعف النظام في الوقت الذي كان بعض الرجال يتدثرون بثياب النساء في الشوارع وها هم اليوم يجابهون بالتخوين ويرمون بالعمالة
Post: #39 Title: Re: برلوم قديم محتاج مساعدة فنية Author: جواهر ابراهيم Date: 02-24-2020, 09:52 AM Parent: #38
-أهلا و مرحبا بالمشاركين في البوست
-شكرًا كتير الأخ احمد عمر علي الشرح الوافي بخصوص تقنية الفيديوهات....
-رجاء من الجميع الالتزام فقط بما يتعلق بموضوع البوست و مافي داعي لمواضيع فرعية حتي لا يخرج البوست من مسارو وتعم الفايدة
لكم خالص التقدير و الاحترام
Post: #40 Title: Re: برلوم قديم محتاج مساعدة فنية Author: حسام الدين حمودة Date: 02-24-2020, 11:43 AM Parent: #39
