Post: #1
Title: جوالات عجين المخابز في القمامة لصناعة الأزمة
Author: أحمد محمد عمر
Date: 02-16-2020, 09:45 AM
Parent: #0
08:45 AM February, 16 2020 سودانيز اون لاين
أحمد محمد عمر-
مكتبتى
رابط مختصر
زمان سمعت إنه الاسلاميين في زمن الأحزاب كانوا بشتروا العيش ويرموهو في البحر .. وما بصدق الروايات السماعية أنا
لكن الشغل دة واضح إنه في ناس بدفعوا أضعاف لأصحاب المخابز عشان يقولوا مافي عيش
شكراً لجان مقاومة اركويت
|
Post: #2
Title: Re: جوالات عجين المخابز في القمامة لصناعة الأ
Author: Nasser Amin
Date: 02-16-2020, 10:43 AM
أتمنى أن تستنفر الدولة كل اجهزتها الأمنية للقبض
على الجناة و معاملة الواقعة كأنها جريمة قتل عمد و هي كذلك.
وتقديمهم لمحاكم منقولة على القنوات التلفزيونية.
تحياتي أحمد
|
Post: #3
Title: Re: جوالات عجين المخابز في القمامة لصناعة الأ
Author: محمد البشرى الخضر
Date: 02-16-2020, 10:51 AM
Parent: #2
سمعت تسجيل لواحد قال كان عنده فرن تركي الحاصل انه لأي سبب مثل عطل في المخبز او انقطاع الغاز أو الكهرباء بخرب العجين ولابد من اخراجه بسرعه و رميه قبل ان يتسبب في اضرار أخرى
فا ففي رأيه انه دا امر عادي
هذا و الله أعلم
|
Post: #4
Title: Re: جوالات عجين المخابز في القمامة لصناعة الأ
Author: علاء سيداحمد
Date: 02-16-2020, 11:43 AM
Parent: #3
على الجهات الرسمية تقصى الحقائق مع لجان مقاومة اركويت
للوصول الى الحقائق .
فى حال ثبوت تعاون المخبز المتهم مع جهات اخرى لاحداث ازمة فى الخبز .
لابد من معاقبة صاحب المخبز والعاملين عقوبة رادعة تكون عبرة
لمن يعتبر حتى لا تتكرر هذه الجريمة .
|
Post: #5
Title: Re: جوالات عجين المخابز في القمامة لصناعة الأ
Author: أحمد محمد عمر
Date: 02-16-2020, 12:18 PM
Parent: #4
كلامه منطقي يا البشرى لي سببين
الأول إنه كان ممكن يشتروها دقيق ما عجين
والتاني إنه لو سرقة عمد كان بجدعوها بعيد في الخلا بتاع شارع الهواء ما في منطقة مأهولة زي المدينة الرياضية
علاء وناصر بعد الفيديو الشهير بتاع مكانا وين اقتنعت بإنه أغلب أزماتنا مصنوعة
الوزير كان بقول وفرنا زيادة من حوجة ولاية الخرطوم من البنزين ورغم كدة مافي بنزين!
الآن برضو الوزارة بتقول وفروا القمح وبرضو الصفوف في محلها
كلام مديرة مكتب وزير التجارة عن إنه في أزمة داتا وإنهم حيستغنوا عن الوكلاء حرك عش الدبابير والأزمة زادت شديد لأنه بلدنا قايمة على السمسرة أي منتفع وراهو في جوقة منتفعين فاتحين بيوت من فساده
التحية لي لجان المقاومة .. عيونهم المفتحة وكاميراتهم المدورة بترعب أي مفسد
واتمنى يتعامل الرغيف بما يليق به كسلعة استراتيجية وأي تلاعب بيه يعتبر مساس بالأمن القومي
|
Post: #6
Title: Re: جوالات عجين المخابز في القمامة لصناعة الأ
Author: Hafiz Bashir
Date: 02-16-2020, 12:52 PM
Parent: #5
هل مراقبة لجان الأحياء للمخابز صارمة ولكنها غير مكتملة بحيث تنتهي ولا تتابع ما يحدث بعد عجن الدقيق؟
لأنو ما منطقي أبداً إنو بتاع الفرن يخسر في فقدان الدقيق ويتعب في تجهيز العجين ويتكلف بترحيل العجين الثقيل الوزن مقارنة بالدقيق للقمامة عشان يخلق ازمة.
في حين ممكن يخلق الأزمة ويستفيد من الدقيق في نفس الوقت.
أللهم إلا إذا كانت المراقبة على الأفران صارمة جداً في مرحلة ما قبل العجن ومنعدمة تماماً في مرحلة ما بعد العجن.
|
Post: #7
Title: Re: جوالات عجين المخابز في القمامة لصناعة الأ
Author: Asim Ali
Date: 02-16-2020, 01:59 PM
Parent: #6
| Quote: سمعت تسجيل لواحد قال كان عنده فرن تركي الحاصل انه لأي سبب مثل عطل في المخبز او انقطاع الغاز أو الكهرباء بخرب العجين ولابد من اخراجه بسرعه و رميه قبل ان يتسبب في اضرار أخرى |
سلام عليكم
حتى لو فرن تركى ممكن الهجين يترفع لمخبز تانى رغم انو ممكن يكون فى فاقد لسبب العمليه دى لكن على الاقل فى ناس استفادت
ملحوظه تانيه لو الفرن فى اركويت مفروض يكون المشكله الحاصله بعلم لجنه المقاومه لكن دا بعنى انو العجين دا من حته بعيده
.
بمناسبه الافران التركيه ناسنا مابعرفو يستخدموها ويوزنو سرعه الشريط ودرجه الحراره وغالبا لو فى مشكله تكون سوء تشغيل.. جنبنا - فى سوق بحرى- فرنين واحد عادى والتانى تركى بينهم اقل من 50 متر نكون واقفين فى الفرن العادى صف طويل والفرنا التركى مابفرب منو الا الماعارف انو العيش بيطله نى واقرب للعجين.
|
|