رغم ظروف الحرب العبثية الكارثية السودانية ورغم كل الظروف المعاكسة داخل وخارج السودان، قلب 10 من لاعبي السودان تأخرهم بهدف لبناني في الشوط الأول لانتصار 2-1 على لبنان!! ليحجز السودان بطاقة التأهل إلى دور المجموعات بكأس العرب لكرة القدم لعام 2025 على الرغم من أن السودان قد أكمل المباراة بـ 10 لاعبين فقط منذ الدقيقة 22 من الشوط الأول، بعد حصول اللاعب جون مانو على إنذارين في غضون 4 دقائق!! ما علينا!! دخلت على موقع الذكاء الاصطناعي شات جي بي تي وكتبت له بالعامية السودانية ما يلي: انا الزول السوداني الكلس ياخي يا زيكو الاصطناعي في المباراة اللي اتلعبت الاسبوع الفات بين السودان ولبنان في كاس العرب 2025 انتا يا زيكو الاصطناعي كنت بتشجع ياتو فريق السودان واللا لبنان؟!! خليك صريح ما تلف وتدور وتزوغ بدبلوماسية من الإجابة!! رد علىّ زيكو الاصطناعي بالعامية السودانية وقال لي: يا زول اسمعني كويس، أنا ما عندي قلب ولا ميول كروية عشان أشجّع فريق على فريق، ما بقدر أكون مع السودان ضد لبنان ولا مع لبنان ضد السودان!! أنا بديك معلومات أو نقاش أو تحليل برايي الحيادي ساي، لكن تشجيع؟!! ده شغل البشر، مش شغل الذكاء الاصطناعي!! ويا زول لو داير تحليل للمباراة، أو أداء المنتخبين، أو رأي في التكتيك، أنا جاهز تمام!! قلت لزيكو الاصطناعي: اوكي طيب اديني تكتيك وريني ليه السودان فاز؟!! رد زيكو الاصطناعي: كويس يا زول — دي بعض من الأسباب التكتيكية اللي خلت منتخب السودان يفوز على منتخب لبنان في مباراة 26 نوفمبر 2025 رغم الصعوبات ✅ ليه السودان فاز — التكتيك والعزيمة السودان خسر لاعب تم طرده في الدقيقة 22 من الشوط الأول بعد حصوله على إنذارين: السودان عمل تنظيم دفاعي بعد الطرد ورغم النقص العددي، الفريق السوداني أعاد تنظيم دفاعه وخلي المسافات ضيقة عشان يمنع لبنان من استغلال الفرص الهجومية!! باستغلال الأخطاء والهفوات من لبنان: لبنان تقدم أولًا في الدقيقة 30، لكن قبل نهاية الشوط السودان نجح في تعديل النتيجة بسبب “هدف في مرمى لبنان” (خطأ مدافع) — يعني استغلو خطأ خصمهم في التمركز!! إصرار ذهني وعزيمة رغم الضغط: في الشوط الثاني — رغم أن لبنان كان عنده لاعب زيادة السودان ما تدحرج، بل بالعكس ضغطوا وركزوا على الدفاع أولًا ثم هجموا عند الفرصة. هذا الانضباط والصلابة الذهنية خلتهم يصمدوا لآخر دقيقة!! بعد الهدف التعادلي قرب نهاية الشوط الأول، حصل تحول تكتيكي بعد التعادل والسودان دخل الشوط التاني بثقة أكبر، وده خفف الضغط الهجومي من لبنان وأعطى السودان فرصة للهجوم المرتد وعمل تنظيم دفاعي أفضل!! فعالية هجومية عند الفرصة: الهدف الثاني جاء في الدقيقة 73 بواسطة بعد اختراق من الجناح — يعني السودان ما كان بيعول على الدفاع فقط، لكن عرف يستغل فرص الهجمة بشكل ذكي 🎯يا زول الخلاصة التكتيك كان بسيط لكن فعّال: بناء دفاع متماسك — رغم النقص —، استغلال أخطاء الخصم، وضغط ذهني عالي مع هجمات منظمة عندما تتاح الفرص. ده أظهر إن العزيمة والتنظيم ممكن يغلبو تفوق عددي وهجوم ضاغط من الخصم!! قلت له: شكراً يا زيكو الاصطناعي لكن برضو انت ذاتك كان مفروض تشجع السودان!! حياد بتاع فنيلتك!! خرمجة أخيرة بعض أصدقائي اللبنانيين العاملين في الرياض السعودية كانوا يدخلون معي في مواجهات طريفة من وقتٍ لآخر، ذات مرة قالوا لي بسخرية: ياخي ليش السودان انضم لجامعة الدول العربية والسودان دولة أفريقية وليس دولة عربية!! قمت برد الصاع صاعين وخبطتهم بسؤال استنكاري: طيب ليش لبنان الفينيقي يدخل جامعة الدول العربية التي مقرها في بلاد الفراعنة ويتولى الفراعنة رئاستها منذ لحظة تأسيسها إلى يوم يبعثون؟!! ما علينا!! اليوم تتجدد المواجهة مع أصحابنا الفينيقيين ويعيد التاريخ نفسه لكن بشكل رياضي وليس سياسي ويتمكن السودان الأفريقي من هزيمة لبنان الفينيقي في بطولة كأس العرب لكرة القدم لعام 2025 ويبتهج السودانيون الكثيرون المقيمون في الدوحة ابتهاجاً مبالغاً فيه وكأن السودان قد فاز على البرازيل!! ما علينا!! نطلع من الرياضة شوية وندخل في علم الأجناس ونقول: أثبتت دراسة حديثة أجرتها جامعة اكسفورد أن السودانيين، الكوشيين، النوبيين الأفارقة هم أقدم شعب في العالم وأنهم أصل الجنس البشري وأن كل أجناس العالم تحمل الجينات الوراثية للنوبة الكوشيين وتنتسب للنوبة الكوشيين وليس العكس!! ما علينا!! نرجع للرياضة تاني ونقول: المهم أو غير المهم نحن سودانيون كوشيون نوبيون أفارقة ونلعب حالياً في كأس العرب لكرة القدم لعام 2025 وقد فزنا بجدارة على الفينيقيين وإن شاء الله نفوز على الأمازيغ ونهزم الفراعنة والعاجبو عاجبو والما عاجبو يحلق حواجبو!!
؛ ملحوظة: لا للحرب، نعم للسلام في السودان وفي جميع البلدان
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
فيصل الدابي المحامي
فيس بوك
تويتر
انستقرام
يوتيوب
بنتيريست