في يوم عيدك لك كل التهاني سنجعل من صرحك عظيم الكياني ونرد الصاع صاعين ونشيل حقنا حمرة عين ما بنقبل نكون ضحية للجاني العمر مهما طول فاني والحياة بلا حرية خالية المعاني ابشر يا وطن شعبك ما بنذل تاني نحنا ولادك في الشدة نحنا صوتك في المدى نحنا نارك في الهبوب ونحنا غيمك في الندى ما بنفرّط في أرضك وعرضك ولا بنبيعك لأحد لو مشينا فوق الشوك نشيلك فوق ونهتف: سودانا فوق سودانا فوق سودانا فوق دم الشهداء ما راح الحرية ما هدية الحرية ما كلام الحرية مواقف وصمود في وجه الظلام عشان نبني وطن خالي من التطرف والجهل والفقر والخوف وصرحك يبقى ساحة للتسامح والتعايش نزرع ونبني ونعمر نجعل منه منارة ونطرد من ديارك الذل والحقارة وتعود الهيبة بعد غيبة لدارك تحرر قرارك تملأ فضاءاتك رايات ترفرف: بالحرية والعدالة والسلام الحرية فينا زي شمس الصباح تشرق تغسل وجوهنا من باقي النعاس وتنادي حى على الصلاة حى على الفلاح حى على العمل مهما حصل من الكيزان الرمم رايتنا تبقى ترفرف فوق القمم لان الحرية في حياتنا زي شمس الصباح نفتح لها نوافذ الروح مهما حصل الحرية حية فينا ما بتموت والكرامة ما بتنحني ✌🏽
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
الطيب الزين
فيس بوك
تويتر
انستقرام
يوتيوب
بنتيريست