النيزك وقع وين؟. كتبه عمر التجاني

07:27 PM April, 07 2025

سودانيز اون لاين
عمر التجاني-السودان
مكتبتى
رابط مختصر

يكفينا شر قالوا. في نيزك داير يقع في الواطة وقالوا   الخبر. قالوا وا
يمكن يقع في اي لحظة وممكن يقع في بلدنا دي. تقول هي ناقصة.
هم عرفوه كيف؟ بلا ،  : هم كمان دايرين يدخلوا في علم ا
كضب بلا مسخرة نصارى كفار.
تناقل الناس خبر الحجر القادم من السماء السابعة لارض
الطيبين،. بين مصدق ومنكر، وبين مستنكر الحديث عن اشياء
هي من اختصاص رب العباد.
:عمي اسمع، النقول لك في ناس شغلتهم متابعة النجوم في السماء
وعندهم نظارات كبيرة بي يشوفوا بيها حركات النجوم، اها اكتشفوا ان
في حجر كبير طاش الدرب وطوالي جاي علي الواطة.
: طيب الحجر ده ما يمشي يشوف ليه مكان تاني يقع فيه وما يقع
إلا في بلدنا دي، وحتى اكان داير يقع في بلدنا دي ما هي دي العتامير
قاعدة ما فيها زول ولاجنس حيوان.
: يا زول ده كله كلام فارغ رب العزة هو البقول مو النصارى الكفار.
ذهبت افكار بعض الخلق مضارب شتى متى سيقع النيزك واين وكيف؟
كل شخص يتمنى ان يكون سقوط الناس يصب في مصلحته
الشخصية. تعددت الأماني. عمار الطفل الشقي والقليص كان يستمع
لحوار الكبار ما ان علم بسقوط النيزك. رفع يده للسماء ان يسقط
النيزك على المدرسة ويسويها بالتراب وياليت استاذ طلحة يكون ساعة
السقوط داخل المدرسة ومعه السوط.
يقع في حميتي وعبد الرحيم   قال ود عابدين ان شاء ا
اخوه الفقر ده.
تدخل هيثم يازول حميتي شنو قول في قبر حميتي حميتي
مات من زمان هلك هلك.
اما عبد المجيد جارنا المصري فتمنى ان يقع على راس السيسي.
ابو سارة فرفع يديه للسماء سائلا المولى عز وجل ان يكون
البرهان وياسر العطا والكباشي في اجتماع ويسقط النيزك عليهم
العباد من شرهم.   ليريح ا
امام المسجد صديق الربراب انتهزها فرصة ورفع يديه بالدعاء
المستجاب ان يسقط هذا النيزك بعد ان ينشطر قسمين يقع الأول على
لم اهل غزة.   راس ترامب والثاني على راس نتنياهو. ويس
يارب النيزك يقع في دكان ود الاحيمر ده راجل طماع يا رب تجازيه.
وتلك أمنية عبد المحمود أب راسا غليد. ونقل بعض الوشاة الخبر
فوصل ود الاحيمر فغضب وقال تاني يا اب راسا غليد تعال ادين مني.
جارنا المصري الثاني يتمنى ان يقع النيزك على راس حماته
الشقيه، دي ست عجيبة خالص، كلامها كتير، ما تستكش ولا نص
دقيقة، وكلامها حجر ظلط.
وللحكاية بقية
جاء شيخ اسعد وقال بصوته الاذاعي ولغته العربية السليمة هل
سبحانه وتعالى ان يقع   تعلمون ويا ليت قومي يعلمون لو قيض ا
هذا الشهاب على أرضنا فان فيه خيرا كثيرا. هذا النيزك يحمل أسرارا
كثيرة ستساعد العلماء على دراسة نشأة الأرض وهل الكواكب الأخرى
تحمل ذات خصائص الأرض.
المهم كلام شيخ اسعد كتير ؤصعب استيعابه ولكن في ختام حديثه
قالوا كلام مهم بلحيل قال يازول الخواجات ديل يتلملوا من اخر الدنيا
يجو بلدنا لدراسة اسرار النيزك.
وهنا كذلك تضاربت الأمنيات، اولهم بهلول الذي فكر في عمل مقهى
بالقرب من مكان سقوط النيزك بالطبع سيكون المقهى مناسبا
للخواجات، لكن ممنوع علينا نبيع البيرة البلد ما شريعة وكده. خبرك
حسك تجيب طاري البيرة والويسكي. ماعارفين الخواجات ديل ما
بيبقوا بلا بيرة. سمير صاحب الركشة كان اسعد الناس بقرب قدوم
الخواجات يا زول المشوار بالدولار وكده. اما صاحبي وصديقي زاهر
الذي تزوج اربع مرات وطلق لانو المره السودانية سجمانة وما بتفهم ما
عندها هم غير القروش والملايات وخبيز العيد. يتمنى ان تجي معاهم
واحدة دنماركية ما معرسة بيضا وعيونها كبار
تملا   ينهره دايما عمي علي انت يالسمجان المره السودانية مالا وا
العين وتفصل. اما زاهر فكل همه أن تأتي خواجية شعرها أصفر موش
قالوا صفراء فاقع لونها تسر الناظرين اها أنا داير لي واحدة بيضا
بياض شديد وسمحة وصغيرة، دنماركية ماكله جبنة بوك. عندما تسمع
يديك ليها. اها   النعمة زوجته السابقة تضحك بسخرية وتقول ليه ا
داير تعرسها بي قملك؟ انت سجم رمادك ما عندك، هن النسوان طلقنك
لي شنو؟ ما علشان فقرك ده.
انتي قالوا ليك الخواجيات زيكن ديل لامهر ولا شيلة ولاعباطة
ورسوله   بس على سنة ا
هوي يالغبيان هن ذاتن ما مسلمات قول علي سنة الرب
ورسوله عيسى.
: شوفوا محن الزمن كمان النعمة بقت تعرف شغلات الخواجات.
: مالي ما بعرف.
لم يكن عمي الرشيد وهو رجل مثقف لا يدخل نفسه في حوار وجدال
لايجدي. ولكنه قطع لهم بان النيزك لن يقع إلا بعد ثمان سنوات من الآن.