بالسوداني : ما ياهو ده الغطس حجر السودان: شعور اغلب الشعب السوداني بالاستعلاء علي الشعوب الأفريقية

01:59 PM August, 17 2024

سودانيز اون لاين
احمد التيجاني سيد احمد-ايطاليا
مكتبتى
رابط مختصر

بالسوداني : ما ياهو ده الغطس حجر السودان: شعور اغلب الشعب السوداني بالاستعلاء علي الشعوب الأفريقية ؟؟

@“”كتب البرفسور الدكتور محمد عبدالله الريح: أغلب الشعب السوداني بتلقاهو عندواحساس استعلائي على الشعوب الافريقية التي تقع جنوبا من السودان، بينما عمليا وفعليا -وانا شغلي كلو في افريقيا- نحنا أفقر و اجهل وأكثر تخلفا من أغلب الشعوب دي.””

@وًنقل عدةً امثلة من تجاربهً الشخصيةً في نيجيريا و رواندا و زمبابوي . وخلص ناصحا: حقو نبتدي ندرس عيوبنا وعيوب مجتمعنا ونواجهها بشجاعة، عشان يكون عندنا ثورة حقيقية، طبعا ده ما بيعني الشعور بالدونية بقدر ما هو معرفة القدر الحقيقي لمميزاتنا وعيوبنا.

@و كان هذا رد احد القراء :
**ما ياهو ده الغطس حجر السودان ! !! العدل راسي انو في اول سنه عمل لي في الابحاث أنا زرت تقريبا كل البادية من غزال جاوزت الي البني جرار الي الكبابيش والاحامدة و الكواهلة و رفاعة و
والشكرية.. و شفت كيف ناس خرتوم و شندي الكانوا بيقولوا علينارطانة برابرة ما بيقدروا حتي يغسلوا عوراتهم . شفت كرم و انفة عرب الباديةً وجمال الفور و الهمج و الانقسنا و ناس الجبال (كما يسموهم وليدات الخرتومً) و صليت فيزوايا التيجانية في الأبيض و تندلتي و شفت جمال بنات النهود وًالاضية .. و ليالي المديح في الصابونابي و كركوجً و صيد جداد الوادي في ابو حجار …**كلهم ناس متكفين و شبعانين**.. إلا اولاد المركز قشرة وًجوع وًزوغةً عين . *مش؟ بلغةً ناسخرتومً😂

والسلام
د احمد التيجاني سيد احمد
١٧ اغسطس ٢٠٢٤ روما إيطاليا
Sent from my iPhone