Post: #1
Title: قصيدة تنبأنا فيها بالحرب عام ٢٠١٩ وهروب الناس الذين يحبون مدح أنفسهم بالكذب: الرسالة - أمل الكردفا
Author: أمل الكردفاني
Date: 10-26-2023, 07:16 PM
07:16 PM October, 26 2023 سودانيز اون لاين
أمل الكردفاني-القاهرة-مصر
مكتبتى
رابط مختصر
قصيدة تنبأنا فيها بالحرب عام ٢٠١٩ وهروب الناس الذين يحبون مدح أنفسهم بالكذب:
الرسالة - أمل الكردفاني
قالو البدرع الساقيي لي أمو بعل ويعاتي
انشغل الرجال بالسيف حماهم عاتي
وزولنا بصير قعاد في جمل الحريم الفاتي
دوباي الطيور أنا كان هجيت ماخاتي..
***
الدرار بساسك بي الكلام الني
وكان شاقوه فر من الدواس والكي
في ميط امو متوهط هجيعة الفي
وين مفازتك يا ود القليب الني
بنمورقك قشيرة من جوا اللحيم الحي
***
غتغات في الضهر وشمس النهار الحارة
الراجيك دواس وليلة فجيعتك صارة
وين تهرب تكوس تلحق رويحة فارة
ما تنجيك مفازة على الضريسة الشارة
***
قالوا الموت رحيم وقبر السمح والطالح
الا معاك محنضل... مرا كريها مالح
جاييك الغراب ما ضوى وجهو الكالح
غوغاي في السما...كان تبقى راجلا فالح
***
|
|