بالسوداني: ماذا قال البرهان في خطابه امام الدورةً الحالية للامم المتحدة؟ كتبه د. احمد التيجاني

03:10 PM September, 24 2023

سودانيز اون لاين
احمد التيجاني سيد احمد-ايطاليا
مكتبتى
رابط مختصر

اتي البرهان لقاعة غير مكتظة. يحدث هذا عادة عندما لا يكون في برامجها خطاب هام يستدعي الانتباه و القرار. والذين حضروا الجلسة من ذوي القرار الفاعل تسربوا كالماء في الرمل عندما بدأ البرهان في الجخ وًالكذب السافر.

تحدث البرهان وهو يلبس بدلة مدنية! وكتفه غير مرصع بنياشين جيش الهنا الذي قاد حربه ضد الجنجويد من داخل قبو لمدة تفوق أيام (عدة) الأرملة، قبل ان يتم تهريبه بعيدا عن قبضة الفلول علي أمل أن يهبه اللة الشجاعة ليرتد عن قسمه في كتدرائية الشيطان ياسر عبدلله قسيس الفلول.

و كان واضحًا فيه أثر شظف العيش حيث كان يتقوت داخل القبو بالعدس و الأرز و يشرب الماء الغير قَرَاح. يا حليلك يا الوسكي و يا البراندي و يا كل ما طاب مما أمر الله و العرف باجتنابه!

اتي البرهان القاعةً شبه الخالية قسيما جميلا خفيف الوزن بدون الكروش والجعبات المعهودة لظباط الكيزان في الأيام الخوالي أيام كافوري و مزارع سوبا و حفلات ندي القلعة. *وينك يا ندوية… يا حليلك لما كنتي لابسة جياشية أو علي باب الطائرة القطرية أو الاماراتيه، وكأنك رئيسة بنقلادش أو فنلندا. صدقي يا ندوية السيدات هناك متعلمات وصعبات المراس وماهن متحننات و متجرتقات ولاكوزات… ولاهن من بنات نسيبةً! الكوزة العصامية الخشبية الوحيدة هي بت أهلي النوبية اللاجئة الدارفورية الشتامة الدكتورة حياة عبد الملك .. الله يجير الشعب السوداني ويكفيهم من شرها.

*المهم البرهان اتي نحيفا و لكنه لم يغير عادته ابدا*
*اتي كاذبا منافقا وكانه يقول لقادة العالم و للعالم كله "طظ فيكم"*

* اتي محملا بخبرة ٣٠ سنة من تخانة الجلد الكيزانية والتي لايهما أن تتحدث الي مجتمع لا يعترف بانه يمثل اي حكومةً شرعية في السودان منذ ٢٥ اكتوبر ٢٠٢١. وبانه سوا سوا طرف نزاع مع نائبه حمدان دقلوا حيا كان او ميتا ! لا يهمه طالما هو عارف بان اسطاتيجييه و اعلامه يملاون الاسافير بان استقباله في القاعة كان أروع من استقبال نيلسون مانديلا 😇

*قال ملية شوال من الكلام الفارغ الما بيتقال حتي في الاندايات.

*قال:
القحاحيط بيكذبوا وبيقولوا أنو الحرب دي بين امارة فلول الكيزان بقيادةً كتائب البراء وبين الجنجويد. وهي في الحقيقة حرب بين شعب السودان وبين الباطل!!
الحرب دي تهدد ألأمن الدولي والاقليمي. يعني ضروري تكون في قوات حماية دولية و أقليمية !! يعني تطبيق الفصل السابع أمر عاجل و ضروري😇
انا لم اخرج المطلوبين للجنائية من سجن كوبر ولا شفتهم في بورسودان و لا في القضارف، لكنهم طلعوا براهم 😊
والله احسن اوكد ليكم: طلعهم الجنجويدي الخاين حميدتي.
والا يمكن طلعوا لما الحراس في سجن كوبر ودار الشفا اكلوا فول صاموتي و دقسو🤣
صدقوني وخليكم قاعدين لمن أكمل خطابي.

*ثم استطرد قائلا:
يا آل دقلو (ده اسم الدلع الكان البرهان بينادي بيهو حميدتي): أنا ما رقيتك لفريق ولا وطدت قواتك ولا عملتك نائبي و لا قننت وضعك ولا سمحت ليك تملاء الخرطوم بعشرات الالاف من الجنود المرتزقة تحت امرة ضباط كيزان تم انتدابهم من الجيش. ديل القحاحيط الخونة العملوا فيك / و فيني المصايب دي كلها. والله العظيم!
انا لا ارغب في الحكم ووالدي جاني امبارح في الحلم 💭 و أنا نايم في الطيارة و قال لي يا أبني انا مسامحك.. ما تستعجل . ما تبقي ملك لحد ما نتايج الانتخابات تطلع!

كسرة-١:
ما في واحد قدر يعرف الحصل شنو بين زيارة البرهان لموسيفيني و ظهوره بالبدلة في إجتماع الامم المتحدة في نيويوركً!

انتشرت إشاعات اللايفاتية:
البرهان مشي السعودية و أخد الاوامر!
قعد في الطيارة في مطار بورسودان لحدما الامريكان وافقوا علي سفره😇
كان معتقل عند أمير الفلول في بورسودان القال ليهوً:
*جدة شنو و نيويورك شنو
*انت خاين والا شنو
*ود اختك الداعوشي أرجل منك

كسرة-٢
التاخير ده كلو علي حساب الشعب السوداني . سياسة الامريكان انها تخليهم يتناطحوا لحدي ما يقعًوا الاتنين . زي شكلة الاسد و التور البري . يتشاكلوا لحدما الاتنين يموتوا . وده البيحصل منذ ١٥ ابريل. عشرات الالاف ماتوا في الحرب الفالصو دي وكل طرفيصفق و ينطط يقول جغمناهم بليناهم وووو . دي حرب أكبر مهذلة و قسوة بدون سبب الا تلاته أطماع فالصو:
-١- الكيزانً يحلموا يرجعوا ويحكموا. وده ما حيحصل
-٢- البرهان ناوي يحقق حلم ابوه . وده ما حيحصل
-٣- حميدتي (حي والا ميت) عاوز يحقق حلم الموساد وحلم ماكرون ويكون أمير عربالشتات. وده ما حيحصل

دعاء:
*الله ريحنا منهم و حيريحنا منهم تماما.

خلاصة:
*العسكر كما قال الشيخ تميم و رباعية الايقاد و السعودية و (القالوها في سرهم) اكدوا للعالم ولانفسهم بان السودانً (الموحد) سيحكم حكم مدني كامل الدسم.. عاجلا او اجلا!

نواصل

د. احمد التيجاني سيد احمد
٢٥ سبتمبر ٢٠٢٣ روما ايطاليا