من تراث الدوباي / الدوبيت في نهر النيل: الولد ال بخاف من القبيلة (تلومه)تلومو يخلف ساقه فوق تيسن رقيق (قدُّومه) قدّومو امّا ان جاب رضوة البَهَم ال بِنَقِّر (فُومُه) فومو و اللَّى اتكاتَحَن قدح الرماد (حرُّومه) حرّومو سنامك حدّر الطافة وجرايدك نوّى كُورَك ساله مزّيكا و رطانة و عَوَّه الخلّاني في النار اُم لهيب اتكَوّى النوم شفته يا قرد القلوع شن سَوّى؟ اكل الشِلخه لامن حصّل البادريه و شرَف الحوري لى بعصة عريب بت ريّه اكان ما اسكِّت الباكيات و اخلف الكَيّه قولة ابو فاطنة يا الصادق خسارة علّيا خرير دوماته فوق عاج الرسن متلاقية يا الغول النجيب سوّي له سوق الساقية بت معزه الخلاء الفوق الكُجَر متّاقية عكّرناها يا اُم رُوبه ال نشوف الباقية ،،،،،،، تَرويحة /الفنان خلف الله حمد/ الدوباى او الدوبيت في المقدمة لشاعر بربر ابراهيم الفرّاش كتبه في فترة الحكم التركي المصري قبل المهدية و اغنية يا نسيم السحر لشاعر الحقيبة و بركة مسيد البادراب ذو الساس المتين في اُم ضُبّان والقائد الاتحادي المؤسس. محمد احمد الرضي ( ود الرضي):-