عم عبدالرحيم كتبه عبير المجمر(سويكت)

08:17 PM June, 04 2023

سودانيز اون لاين
عبير سويكت-فرنسا
مكتبتى
رابط مختصر

بعد مرور قرابة العام فى احد معاقل اليسار لضرورة المهنة مما أتاح لى كأنسانة مستقلة الفكر و التوجه
فرصة التعمق فى فهم أدبيات اليسار فأصبح الآن فى إمكانى الاستماع لرائعة الفنان الإنسان اليسارى الفكر مصطفى سيد احمد (عم عبدالرحيم) بمفهوم أكثر عمقًا.

ﻓﺘّﺎﺡ ﻳﺎ ﻋﻠﻴﻢ
ﺭﺯّﺍﻕ ﻳﺎ ﻛﺮﻳﻢ
ﺻﻠﻰ ﻋﻠﻰ ﻋﺠﻞ
ﻫﻤﻬﻢ ﻫﻤﻬﻤﺔ
ﺣﺼّﻦ ﻟﻠﻌﺒﺎﺩ .. ﻭﻫﻮﺯﺯ ﺳﺒﺤﺘﻮ
ﺩﻧﻘﺮ ﻟﻠﺘﺮﺍﺏ .. ﻫﻢ ﻓﻮﻕ ﻫﻢ ﻫمى
ﺻﻨﻘﻊ للسما
ﻭﻛﺎﻥ ﻓﻰ ﺍﻟﺠﻮ ﻓﻰ ﻏﻴﻢ
ﻭﻛﻢ ﻧﺠﻤﺎﺕ ﺑُﻌﺎﺩ
ﻭﻛﺎﻥ ﺍﻟﺪﻧﻴﻰ ﺻﻴﻒ
ﻻ ﻗﺎﻟﺘﻠﻮﺍ ﻛﻴﻒ
.. ﻛﻴﻒ ﺃﺻﺒﺤﺖ .. ﻛﻴﻒ
ﻻ ﻟﻤﺴﺔ ﻭﺩﺍﺩ
ﻻ ﻟﻤﺴﺔ ﺣﻨﺎﻥ
ﻻ ﺭﻣﺸﺔ ﻃِﺮﻳﻒ
ﻣﻦ ﻗﻠﺒﺎً ﻭﻓﻰ
ﺯﻯ ﺃﻳﺎﻡ ﺯﻣﺎﻥ .. ﺃﻳﺎﻡ ﺍﻟﺪِﻓِﻰ
ﻛﺎﻧﺖ ﻣﺎﻫﺎ ﻓِﻰ .. ﻛﺎﻧﺖ ﻓﻰ ﺍﻟﻤﺮﺍﺡ
ﺷﺪَّﺗﻠﻮ ﺍﻟﺤﻤﺎﺭ ..
ﺗﺤﻠﺐ في ﺍﻟﻐﻨﻢ ﻟﻰ ﺷﺎﻯ ﺍﻟﺼﺒﺎﺡ ﻭﺍﻟﻄﻴﺮ ﻣﺎ ﻧﻀﻢ .. ﻣﺎ ﺭﺳـّﻞ ﻧﻐﻢ.


ﻋﻢ ﻋﺒﺪﺍﻟﺮﺣﻴﻢ
ﺇﺗﻮﻛـّﻞ ﻧﺰﻝ .. ﻓﻰ ﺍﻟﻤُﺸﺮَﻉ ﻟِﻘَﻰ
ﺯُﻣﻼﻥ ﺍﻟﺸﻘﺎ
ﺍﻟﺠﺎ ﻣﻦ ﺍﻟﺠﺮﻳﻒ .. ﺍﻟﺠﺎ ﻣﻦ ﺍﻟﺠﺒﻞ
ﻋﻞْ ﺍﻟﻨﺎﺱ ﺑﺨﻴﺮ
ﺻﺒّﺢ ﻫﺎﻇﺮُﻡْ .. ﻧﻘْﻨﻖْ ﻧﺎﻗَﺮُﻡْ
ﻏﺎﻇﻮﻫﻮ .. ﻭﻧﻌَﻞ
ﻭﻋﻢ ﻋﺒﺪﺍﻟﺮﺣﻴﻢ ﻣﺎ ﺑﺨَﺒِﺮ ﺯﻋﻞ
ﻛﻞ ﺍﻟﻨﺎﺱ ﻫﻨﺎ ﻣﺎ ﺑﺘﺨﺒِﺮ ﺯﻋﻞ
ﺗﺰﻋﻞ ﻓﻰ ﺷِﻨﻮ .. ﻭﺗﺰﻋﻞ ﻣﻦ ﻣﻨﻮ ..
ﻛﻞ ﺍﻟﻨﺎﺱ ﻫِﻨﺎ .. ﻛﻞ ﺍﻟﻨﺎﺱ ﺻِﺤَﺎﺏْ .. ﻛﻞ ﺍﻟﻨﺎﺱ ﺃﻫَﻞ
ﻭﺍﻟﻤﺎﻫُﻢ ﻗُﺮَﺍﺏ .. ﻗﺮّﺑـُﻢْ ﺍﻟﻌﻤﻞ
ﺍﻟﻄﺎﻕ ﺍﻟﻴَﻄُﻖْ .. ﻋﺸﺖْ .. ﺁ .. ﺃﺑﻮﺍﻟﺰَﻣَﻞ
ﺑﻰ ﺍﻟﺤﺎﻝ ﺍﻟﻌﻠﻴﻚ .. ﺑﻰ ﺍﻟﻔﺎﻝ .. ﺑﻰ ﺍﻷﻣﻞ.

ﻋﻢ ﻋﺒﺪﺍﻟﺮﺣﻴﻢ ..
ﻛُﺖْ ﻓﻼﺡ ﻓﻰ ﻳﻮﻡ
ﻓﻰ ﺇﻳﺪﻙ ﺗﻨﻮﻡ .. ﻋﻠﻰ ﻛﻴﻔﻚ ﺗﻘﻮﻡ
ﻻ ﺩﻓﺘﺮ ﺣﻀﻮﺭ .. ﻻ ﺣﺼﺔ ﻓﻄﻮﺭ
ﺗﺰﺭﻉ ﺑﺎﻟﻘﻤﺮ .. ﺗﻘﺮﻉ باﻟﻨﺠﻮﻡ
ﻟﻜﻦ ﺍﻟﺰﻣﻦ .. ﺩﻭّﺍﺭ .. ﺁ .. ﺑِﺪُﻭﻡ.

ﻋﻢ ﻋﺒﺪﺍﻟﺮﺣﻴﻢ ..
ﻣﺎﺷﻰ ﻋﻠﻰ ﺍﻟﺸﻐﻞ
ﻓﻰ ﺍﻟﺒﺎﻝ ﺍﻟﻘﺪﻳﻢ .. ﻣﻦ ﻋﺎﺭ ﺍﻟﺘُﻜﻞ
ﺗﻨﺸﺎﻳﺢ ﺟِﺮﺍﺡ
يــا ......
.. ﻛﻴﻒ ﺍﻟﻐُﺴُﻞ
وﺍﻟﺪِﻧﻴِﻰ ﺃﻡ ﺻﻼﺡ ﺗﺒﺪﺍ ﻣﻦ ﺍﻟﺘُﻜُﻞ
ﻣﻦ ﺣِﺠـّﺔ ﺻﺒﺎﺡ .. ﻓﻰ ﺣﻖ ﺍﻟﻤُﻼﺡ
ﻓﻰ ﺍﻟﻐُﺒُﻦ ﺍﻟﺠﺪﻳﺪ .. ﻓﻰ ﺍﻟﻘﺴﻂ ﺍﻟﻘﺪﻳﻢ
ﻭﺑﻴﻨﺎﺗِﻦ ﻋﺸﻢ ..
ﻓﻰ ﺍﻟﻔﺮﺝ ﺍﻟﻘﺮﻳﺐ.

ﺃﻣﻮﻧﺔ ﺍﻟﺼﺒﺎﺡ ..
ﻗﺎﻟﺘْﻠُﻮ ﺍﻟﻨـِّﻌﺎﻝ ﻭﺍﻟﻄِﺮﻗﻰ .. ﺇﻧَﻬَﺮَﻥْ
ﻣﺎ ﻗﺎﻟﺘْﻠُﻮ ﺟِﻴﺐ
.. ﺷﻴﻠِﻦ ﻳﺎ ﺍﻟﺤﺒﻴﺐ ﻏﺸّﻬِﻦ ﺍﻟﻨُﻘُﻠْﺘـِﻰ ﻭﺍﻟﺘﺮﺯﻯ ﺍﻟﻘﺮﻳﺐ
ﺑﺲ ﻳﺎ ﺍﻡ ﺍﻟﺤﺴﻦ ..
ﻃﻘّﻬِﻦ .. ﺁ .. ﺑِﻔﻴﺪ .. ﻃﻘّﻬِﻦ .. ﺁ .. ﺑﺰﻳﺪ
ﺇﻧﻄﻘّﻦ ﺯﻣﻦ
ﻭﺇﻥ ﻃﻖّ ﺍﻟﺰﻣﻦ .. ﻻﺯﻣِﻚ ﺗﻮﺏ ﺟﺪﻳﺪ
ﺑﻰ ﺃﻳـّﺎً ﺗﻤَﻦ
ﻏﺼﺒﺎً ﻟﻰ ﺍﻟﻈﺮﻭﻑ .. ﻭﺍﻟﺤﺎﻝ ﺍﻟﺤَﺮَﻥْ
ﺷﺎﻥ ﻳﺎ ﺃﻡ ﺍﻟﺮﺣﻮﻡ .. ﻣﺎ ﺗﻨﻜﺴﻔﻰ ﻳﻮﻡ
ﻟﻮ ﺟﺎﺭﺍﺗﻦ ﺟَﻦْ .. ﻣﺎﺭﻗﺎﺕ ﻟﻰ ﺻُﻔﺎﺡ
ﺃﻭ ﺑﻴﺮﻳﻚ ﻧﺠﺎﺡ
ﺩﻩ ﺍﻟﻮﺍﺟﺐ .. ﺇﺫﻥ
ﻭﺃﻳﻪ ﺍﻟﺪِﻧﻴِﻰ ﻏﻴﺮ .. ﻟﻤّﺔ ﻧﺎﺱ ﻓﻰ ﺧﻴﺮ
ﺃﻭ ﺳﺎﻋﺔ ﺣُﺰُﻥ.

ﻋﺒﺪ ﺍﻟﺮﺣﻴﻢ ﻳﺎ ﺣُﺮ
ﻣﺎﻛﺎ ﺣُﺮ
ﻳﺎ ﺭﻳﺖ ﺍﻟﺘﻤﺮ ..
ﻳﺎﺭﻳﺖ ﻟﻮ ﻳﺸﻴﻞ ﻛﻞِّ ﺗَﻼﺕْ* ﺃﺷـُﺮْ
ﻭﻻّ ﺃﻳﺎﻡ ﺯﻣﺎﻥ ﻛﺎﻧﺖ ﻣﺎ ﺗﻤُﺮ
ﻛﺎﻥ ﻣﺎﺟﺎﻙ ﻫﻮﺍﻥ .. ﻣﺎ ﻻﻗﺎﻛﻰ ﺿـُﺮ
ﻛﺎﻥ ﻻ ﺿِﻴﻖ ﻳﻀﻴﻖ
ﻻ ﺃﻧﻐﺮﻏَﺮْ ﺻﺒﺮ
ﻻ ﺷﺎﺑﻴﺖ ﻏﺮﻳﻖ .. ﻭﻻ ﻃﻠﻮَﺡْ ﻓﻘُﺮ
ﻛﺎﻥ ﻣﺎﻛﺎﻥ .. ﻭﻛﺎﻥ ﺃﻛسيكي ﺩُﺭ.

ﺣﻴﻜﻮﻣﺎﺕ ﺗﺠﻰ
ﻭﺣﻴﻜﻮﻣﺎﺕ ﺗﻐﻮﺭ
ﺘﺤﻜﻢ ﺑﻰ ﺍﻟﺤِﺠِﻰ .. ﺑﻰ ﺍﻟﺪﺟﻞ ﺍﻟﻜِﺠُﻮﺭ
ﻣﺮّﺓ ﺍﻟﻌﺴﻜﺮﻯ .. ﻛﺴـّﺎﺭ ﺍﻟﺠِﺒُﻮﺭ
ﻭﻳﻮﻡ ﺑﺈﺳﻢ ﺍﻟﻨﺒﻰ .. ﺗﺤﻜﻤﻚ ﺍﻟﻘﺒﻮﺭ
تعرف يا صبي مره تلف تدور
وللا تقول بري أو تحرق بخور
ﻫِﻢ ﻳﺎ ﺍﻟﻔﻨﺠﺮﻯ .. ﻳﺎ ﺍﻟﺠﺮﻑ ﺍﻟﺼﺒﻮﺭ
ﻛﻞ ﺍﻟﺴﻘﺘﻮ ﻣﺎت ، ﺑﺎﻗﻰ ﻋﻠﻰ ﺍﻟﺘِﻤﻮﺭ
ﻭﺃﺭﺿﻚ ﺭﺍﻗﺪِﻯ ﺑﻮﺭ
ﻻ ﺗﻴﺮﺍﺏ ﻭﺻﻞ .. ﻻ ﺑﺎﺑﻮﺭ ﻳﺪﻭﺭ
ﻭﺍﻟﻤﺎﻫﻴﺔ ﺃُﻑْ
ﻋﻴﺸﺔ ﻫﺎﻙ .. ﻭﻛُﻒ
ﻓﻰ ﻫﺬﺍ ﺍﻟﺰﻣﻦ .. ﺗـُﻒ ﻳﺎﺩﻧﻴﺎ .. ﺗـُﻒ.

ﻳﺎ ﺍﻟﻌَﺒِﺪ ﺍﻟﺸﻘﻰ
ﻣﺎ ﺃﺗﻌﻮّﺩْ ﺷﻜﻰ
ﻟﻜﻦ ﺍﻟﻜﻔﺎﻑ ﻓﻮﻗﻚ .. ﻣﻨﺘﻜﻰ
والسوق فيك يسوق
ﺣﺎﻟﻚ ﻣﺎ ﺑﺘﺴـُﺮ
ﺇِﻟِّﻰ ﻛﻤﺎﻥ ﻓﻰ ﻧﺎﺱ ﻓﺎﻳﺘﺎﻙ ﺑﻰ ﺍﻟﺼﺒُﺮ
ﺳﺎﻛﻨﻴﻦ ﺑﻰ ﺍﻹﻳﺠﺎﺭ .. ﻻ ﻃﻴﻦ .. ﻻ ﺗﻤُﺮ
ﻭﻭﺍﺣﺪﻳﻦ ﺑﻰ ﺍﻹﻳﺠﺎﺭ .. ﻣﺎ ﻻﻗﻴﻦ ﺟُﺤُﺮ
ﺳِﻠﻌـﺘُﻢْ ﺍﻟﻀُﺮﺍﻉ .. ﻭﺍﻟﻌﺮﻕ ﺍﻟﻴﺨُﺮ
ﻋﻤﺎﻝ ﺍﻟﻤﺪﻥ
ﻛﻼّﺕ ﺍﻟﻤﻮﺍﻧﻰ
ﺍﻟﻐُﺒُﺶ ﺍﻟﺘﻌﺎﻧﻰ
ﺑﺤّﺎﺭﺓ ﺍﻟﺴُﻔُﻦ
ﺣﺸّﺎﺷﺔ ﺍﻟﻘﺼﻮﺏ
ﻟﻘﺎﻃّﺔ ﺍﻟﻘﻄﻦ
ﺍﻟﺠﺎﻟﺒﺔ ﺍﻟﺤﺒﺎﻝ
ﺍﻟﻔِﻄﻦ ﺍﻟﻔُﺮُﻥ
ﺍﻟﺸﻐﻼﻧﺘﻮ ﻧﺎﺭ
ﻭﺍﻟﺠﻮ ﻛﻴﻒ ﺳُﺨُﻦ
ﻋﻴﺸُﻦْ ﻛﻤّﻬﻮ .. ﻭﺩﻳﺸُﻦ ﻫﺎﻥ ﻗَﺪُﺭ
فرقاً شتى بين
ناساً عيشا دين
مجروره وتجر
تقدح بالأجر ومره بلا أجر ،
ﻭﻧﺎﺳﺎً ﺣﺎﻻ ﺯﻳﻦ
ﻣﺼﻨﻊ .. ﻣﺼﻨﻌﻴﻦ
ﻃﻴﻦ ﻓﻰ ﻃﻴﻦ .. ﻭﻭﻳﻦ
ﻣﺎ ﻣﺮﺍﺑﺎ ﻣُﺮ .. ﺑﺎﺭﺩ ﻫﻤﻬﺎ
ﻻ ﻳﻌﺮﻕ ﺟﺒﻴﻦ .. ﻭﻻ ﻭﺷﺎً ﻳﺼُﺮ
ﻋﻴﻦ ﻭﺍﻟﻠﻪ .. ﻋﻴﻦ
ﻛﻠﻬﺎ ﻛﻤﻬﺎ .. ﻭﻫﻤﻬﺎ ﻫﺎﻥ ﻗﺪُﺭ
ﻓﻰ ﺍﻟﺠﻨﺔ ﺃﻡ ﻧﻌﻴﻢ .. ﻓﻰ ﺍﻟﺠﻨﺔ ﺃﻡ ﻗُﺼُﺮ
ﻳﺎ ﻋﺒﺪ ﺍﻟﺮﺣﻴﻢ ﺇﻟِّﻰِ ﻭﺭﺍ ﺍﻟﻘﺒُﺮ ؟.

ﻭﻳﻠﻜﺪ ﻓﻰ ﺍﻟﻨﻌﺎﻝ
ﻓﺘﺎﺡ ﻳﺎ ﻋﻠﻴﻢ
ﻭﺇﻥ ﻛﺎﻥ ﺍﻟﻔﻘﺮ ﻳﺎ ﻋﺒﺪﺍﻟﺮﺣﻴﻢ
ﺃﺷﺒﻪ ﺑﻰ ﺍﻟﻜُﻔُﺮ
ﻭﻧﻘﺮﻁ ﻟﻟﺤﻤﺎﺭ
ﻧﻘﺮﻳﻂ ﺍﻟﺤﻤﺎﺭ .. ﻻﺗﻨﺴﻰ ﺍﻟﻨِﻌﺎﻝ
ﺍﻟﻄِﺮﻗِﻰ ﺍﻟﺨﺪﺍﺭ
ﺍﻟﻠِّﺒِﺲ ﺍﻟﺠﺪﻳﺪ
ﺗﺴﺮﻳﺢ ﺍﻟﺴﻔﺮ .. ﻟﻰ ﺍﻟﻤﺎﺷﻰ ﺍﻟﺼّﻌﻴﺪ.

ماشى الدّيش .. نَفَر
والبال إشتغَل
بى الأبى ما يعِيد .. الحول ما أشتغل
الغُبُن الشديد .. السابا ورحَل
الضيق .. المحَل
والفرج القريب
الجا .. وما وصَل
زى الحال ده يوم .. لا كان .. لا حصَل
والبال إشتعَل
السكة الحديد .. يا عمو القَطَر
يا عبدالرحيم قِدّامك قطر
...........
وسال الدم .. مطر
وطارت دمعتين .. وإنشايح وتر
يا طاحن الخبر
ما بين القضا .. ومَرْحاكة القدر
الشِّهدوا الدموم .. والدمع الهَدَر
إيدُمْ فى التُراب .. والعين فى القطر
عارفين الحصل
عارفين فى حذر
الخبر ليقين .. بوّخ .. وإنتشر
أطفال القرى .. وعمال الحضَر
أدوهو الطيور .. ودَّوا البحر
إنصاعت سحاب
وإنْدافَقْ مطر
عم عبد الرحيم .. فى الشارع عَصر
لى تالا اليسار
متفادى الكَجر .. دورية الكجر
جفّلت الحُمار .. وطلوَح زى حجر
وعم عبد الرحيم .. إتلافا القطر
فتاح يا عليم .. سال الدم مطر
جرتق لى التُراب
منشور بى كتاب
روشتّة .. وجواب
مفتاح أب قُراب .. أورنيقين سَهَر
جنب لِبدة حُمار
مقطوعين ضَهر
... عم عبد الرحيم ..يا كمِّين بشر
صحِّى الموت سلام
ما يغشاك شر …