*الحياء كما هو معلوم مكانه الوجه .. *وبالدارجي كدا : تظهر علاماته عندما يفعل الزول الدوغري أي شيء (ما كويس) !!.. *أو عند رؤيته لحاجة ما كويسة !!.. *لكن : *هل يستحي بتوع هي لله كباقي خلق الله؟!.. *نطوا على كرسي الحكم بكذبة من (شيخهم) !!.. *حكموا تحت راية الشريعة ولم يطبقوا (آدابها) واحكامها على أنفسهم .. *شردوا آلاف من لا صريخ لهم من وظائفهم و(مكنوا) بدلاً منهم كوادرهم المتسلبطة بلا مؤهلات وبلا فكرة وبلا خبرة .. *نصبوا المشانق لمن زعموا انهم تجار عملة .. *اعدموا بعض العساكر في رمضان بتهمة الشروع في القيام بإنقلاب بينما هم ايضاً اتوا للحكم بانقلاب .. *دمروا وشلعوا جميع المؤسسات والمشاريع الإستراتيجية .. *(أدلجوا) الجيش وأبعدوا أي عسكري كارب قاشو رفض المسخرة والشغل البيش !!.. *أشعلوا الحرائق في معظم أنحاء السودان باسم جهاد (امسح واكسح) .. *صنعوا الميليشيات و(عسكروها) بغرض تثبيت اركان حكمهم .. *استوردوا (حمايتي) من الخلاء .. وكبروهو .. و(فرقنوهو) .. وفرعنوهو .. وتفرجوا عليه ماشي وجاي من الإمارات .. *ثم أخذوا يكيلون السباب والإتهامات لقحت وما أدراك ما قحت .. *المهم : *راعي الضأن في خلاء أم برمبيطة يعلم ما فعله الكيزان بالسودان .. *ورغماً عن ذلك .. *وبعد دا كلو .. *ولأنهم قوم لا يستحووووون .. *فهاهم يحاحون ويتوحوحون حباً وطمعاً وطموحاً و(جحماً) وحلماً في العودة لكراسي هي لله مرة أخرى !!.. *لا خلوا كواريك .. *ولا خلوا كركبة زواحف .. *ولا خلوا مديدة وبلح شام ناشف .. *ولا خلوا كواديك .. *ولا خلوا تهديد وتلاتيك .. *ولا خلوا إفطارات رمضانية .. *ولا خلوا تلفيقات قحطية .. *ولا خلوا موز وطحنية !!.. *ولا خلوا فولكر مع إنه البرهان هدد في شهر 10 الفااااات بطرده من السودان .. لكنه قااااااعد لحد الآن !!.. *عينكم يا عديمين الحياء في رئيس مجلس السيااااااادة المسؤول الأول في البلد تقولوا قحت قحت قحت !!.. *رئيس مجلس السيادة الطلع ليكم بيان الموز بعدما ضربتوا صواني الرز والجدادة !!.. *غايتو : *من تسببوا في أذية السودان ويريدون العودة للحكم بأي ثمن لن يخجلوا إلى قيام الساعة .. *و *الله في ..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عادل هلال
فيس بوك
تويتر
انستقرام
يوتيوب
بنتيريست