بالدارجي كدة :بتاع الصحة دة اما كضاب او كضاب ، يعني ما بطلع من الاتنين ديل بقلم :صلاح الدين حمزة

11:26 PM March, 24 2021

سودانيز اون لاين
صلاح الدين حمزة-السودان
مكتبتى
رابط مختصر

بالدارجي كدة : بتاع الصحة دة اما "كضاب" او "كضاب" ، يعني ما بطلع من الاتنين ديل

◼كلما اسمع خبر او اجد تصريح لأحد مسئولينا و اريد ان اعلق عليه اتذكر ان هناك خبر او حدث بنفس الموضوع قد علقت عليه قبل فترة لذلك تجدني ارجع الي الارشيف و لا أرهق ذهني في التفكير والكتابة مرة اخري فقط أقوم بعمل بعض التعديلات ليتماشى المنشور مع الظرف و الوقت و ربما المسئول او المكان احيانا ،،
▪️شكر:-
من لا يشكر الناس لا يشكر الله فالشكر الجزيل للأخ مارك زوكربيرغ حفظه الله لنا علي احتفاظه بهذه المعلومات و تمكننا من استرجاعها مجانا و في اي وقت و التي أصبحت بينات لا ادري ان كان بعض مسئولينا لا يعلمون بهذا الامر و يظنون ان الامر يمر مرور الكرام و لا يتذكره الناس .
🤣الخبر القديم و الذي علقت عليه :-
رئيس هيئة السجل المدني والجوازات الفريق عوض ضحية: (95%) من المواطنين حصلوا على الرقم الوطني.
🤣الخبر الجديد و الذى عملت التعليق من اجله:-
((مدير إدارة الطوارئ والوبائيات بولاية الخرطوم نادر الطيب: أجرينا مسحاً بالتعاون مع منظمة دولية وأثبتت الفحوصات الأولية أن 38٪ من سكان الولاية أصيبوا بكورونا)).

⭕⭕تعليقي بالدارجي⭕⭕

✅ "شوف يازول اولا":-
مافي حد يقدر يغشنا و كلللللنا عارفين .. السودان دة ليست لديه ادني معايير القياس و الاحصاء .. و ليست لديه مؤسسات أو مراكز تستطيع أن تقدم ارقام و معلومات إحصائية صحيحة .. و شغلنا كله قائم علي التقريب .. و التقريب كمان غير المناسب و لا المنطقي .. فهي ثقافة .. سواء كان دولة أو الناس عموما .. و ابدا لم اسمع شخص يقول لشخص آخر هذا الموضوع سيكون غدا الساعة الخامسة و الدقيقة كدة أو الاقيك الجمعة الساعة العاشرة و الدقيقة كدة .
و كلها :
#اجيك الصباح بدري ..
#تعال لي بعد الفطور ..
#نتلاقي يوم الجمعة ..
#قابلته العصر ..
#نتلاقي بعد العشاء ..
#المظاهرة المليونية ..
#جو ناس كتار جدا ..
#ايييك ..
#بعد شهر شهرين كدة ..
#يتخايل لي ..
#بكرة بكرة ..
#عيييك الاسعار زادت زيادة كبييييرة ..
#الاجتماع اخر اليوم ..
#تلاتة اربع مرات ..
#مابين خمسة و ستة كدة ..
#يعني ..
#سكر عادي ..
#كب حبة ملح ..
#تلقي شجرة اول شارع تاني شارع خلي ..
#وسع وسع ..
#انتظرني شوية ..
#مسافة السكة ...
#اكبر مظاهرة ...
#الأكبر .. الاقوي ..
#و اهم حاجة الرقم الوطني ..
و ما يسمون أنفسهم بالخبراء ذاااتن يلصقوا علي كيفن ما سمعت خبير يوم قال " استنادا علي الأحصائية التي قدمها المركز الفلاني " .
✅ "شوف يا زول ثانيا":-
ثقتنا تكاد تكون انعدمت في أي مؤسسة في بلدنا لأنها كلها لا تملك ادني معايير التعامل الاحصائي و الاستقرائي الممنهج و العلمي و مععظم تقاريرها و اراءها (يتخيل لي ٥٠ .. يعني في حدود ٦٠ .. و الله الإحصائية ٩٠٪ .. و الله ما متأكد لكن بكون في حدود كدة ) .. يعني كلها تقارير قائمة علي السبهللية و التخمينات و كل المؤسسات الموجودة عندما تزورها تري موظفيها هائمين و نائمين و ليس لديهم ميزانيات لكي يتحركوا و يسافروا و يكتبوا و يحللوا و يبحثوا و يخططوا فمن أين لهم بالاحصائيات و ليس هناك في الأصل معلومات ! .

✅ "و شوف يا زول ثالثا":-
هل نسبة ال ٣٨٪ غطت المناطق التالية :
الشكينيبة
و الضبيبينة
و عد الغنم
و دبة التكل
و وادي هور
و قرورة
و حلة الفقراء
و عوج الدرب
و الاركي
و تنقاسي
و الوساع
و الخليلة
و العقدة
و كرش الفيل
و الحوش
و الدنيقيلة
و الكرو الاحامدة
و دار مساليت
و الحجير
و الخوي
و جبرة
و حمرة
و الطويلة
و المسيكتاب
و قوز قراقي
و الدبة
و سنار التقاطع
و الخوجلاب
و الازيرقاب
و الكاسنجر
و المحمية
و السيال
و حجر الطير
و حجر العسل
و سوبا شرق
و ام ضبان
و الباقير
و الحلة الجديدة
و ام بدة
و دار مالي
و قندتو
و الجنيد
و السروراب
و الجريف شرق
و المكنية
و عطبرة
و سرف عمرة
و الطويلة
و رهيد البردي
و كجبار
و كجبي
و همشكوريب
و مليط
و حلو مرة
و تنقسي
و وادي عروس
و المعيلق
و فداسي
و الفشاشوية
و السواقة
و معتوق
و الجاموسي
و العيلفون
و الدارباب
و الشاويشاب
و الحسيناب
و الدومة
و الضيقة
و البرصة
و الاراك
و الجنينة
و جزيرة بدين
و عكاشة
و كرمة البلد
و مقاصر
و كركوج
و مدني
و شندي
و اللعوتة
و مرزوق
و كرور
والقضارف
و باسندي
والكرمك
ودار السلام المغاربة
والمسيكتاب
والمرابيع ود اللبيح
و مرابيع الشريف
و برى الدرايسة
و اللاماب بحر ابيض
و كرنوي
و الفولة
و الرهد التكنة
و الأبيض
و فاشر السلطان
و مروي
و جيل اوليا
و الرصيرص
و الحصاحيصا
و دامر المجذوب
و بربر
و ودرملي
و الفاو
و الحاج عبد الله
و مايرنو
و الفكي هاشم
و الدباسين
و ود عجيب
و الحلو البيضا
و الغريبة
و ود ارو
و الفادنية
و الزريبة
و جبل الرويان
و الراوات
و الدويم
و القطينة
و حسينارتي
و مساوي
و دويم ود حاج
و الركابية
والباندغيو
و الدلنج
و التمتام
و ود الحداد
و غريقانة
و الهنود
و حي ازهري كوستي
و الشكابة
و التقابة
و قنتي
و ود الترابي
و القلابات
و الفولة
و زالنجي
و قنب الأسد
و لولو امارة
و كادوقلي
و الدبيبات
و ارقين
و شبشة

صلاح الدين حمزة لحسن/ باحث
[email protected]