Post: #1
Title: السودان الغضبة بقلم:محمد حسن
Author: مقالات سودانيزاونلاين
Date: 02-07-2021, 07:40 PM
06:40 PM February, 07 2021 سودانيز اون لاين
مقالات سودانيزاونلاين-USA
مكتبتى
رابط مختصر
يجيك الهم،
بلد الجدود ركب فوق ضهرو أنصاص الرجال و العفن!
و ثورة مجد؛
سقاها الشهيد بأخلاقو و روحو
بدم.
وزارات قعد في كراسيها ضفاضع وطاويطا و غربانا
و غم!
زمن الكورونا؛
رتب الخلا جيوشا مسخت
و سخت كاكي الأسود
طهر العرين
و اسم الفريق أركان حرب عشم الوهم!
و أكواما ضلو الطريق
قطاع طرق
فاكرين البلد فات صاحبا
لا مالا فيها بقى
لا ولدا فيها يقيف يدافع عن عرضها و يسندا!
يجيك الهم
لو فكوك بين عزة الأهل الحنان؛
كان دلوك على قبر فيه تنجدع
طريدا براك
ترفث فيك التراب
الطاهر الدنستو
و تندفن
تنكتم.
عاوز المناصب و انت ما زول الأصول
لا بتعرفا؛
لا أهل ليك بنعرفهم ربوك؛
لا بلدا ليك تاخدك معاها في داهية بتعرفا.
فارقنا ملعون الجابك و زرعك فينا
شيطانا بشيرا
خلاك للثورة توقف مراكب الأحرار
و تتجدع فيها البلد
تركبا!
|
|