Post: #1
Title: وداعا عالم السياسة
Author: علي دفع الله
Date: 02-09-2020, 09:26 PM
Parent: #0
08:26 PM February, 09 2020 سودانيز اون لاين
علي دفع الله-سنار
مكتبتى
رابط مختصر
طوووووظ في حميدتي
وطوووووظ في برهان
وطوووووووظ كباشي
و طووووظ في ناس الهبوط الناعم
ثورة تصنف من اجمل وانبل وامتع الثورات
عذرا كل الشهداء
عذرا كل المفقودين
عذرا كل الجرحى والنازحين واللاجئين
عذرا هامشنا الحبيب دارفور جبال النوبة النيل الازرق
كان الامل حدادي مدادي بوطن معافى من من إرث الكيزان
ولكن مخرجات ثورتنا العظيمة وتضحياتنا صفر كبير
تبا لكل الاحزاب
لا أدعي النضال الخالي من الاجندات الحزبية ولكن على المستوى الشخصي دفعت فواتير كبيرة وارهقت عائلتي الكبيرة والصغيرة من غيابات متكررة في غباهب زانين نظام الانقاذ هاجرت ورجعت وتم افقاري وعاودت الهجرة ورجعت مرة اخرى وكنت احلم بي وطن على اسواء الفروض يشبع نهمنا المتلهف للحرية والعدالة والسلام ولكن خاب ظننا
وصلنا مرحلة الاحباط اي ورب المجرات
باقي عمرنا دا نشوف زراعتنا واولادنا
بلادك وام اولادك
بوستات الونسة والفرفشة كان لقينا فرقة
|
Post: #2
Title: Re: وداعا عالم السياسة
Author: Elhadi
Date: 02-09-2020, 10:33 PM
عندك حق..
ياخ أنا بشوف الأمنجية رأسهم عديل الآن بيكرموا كرموز للثورة..
|
Post: #3
Title: Re: وداعا عالم السياسة
Author: Asim Ali
Date: 02-09-2020, 10:50 PM
Parent: #2
سلام عليكم
واحد من زملاء العمل معروف بالنشاط الامنى - من الناس المدعين الهزل ومسك العصايه من النص) وتعيينو اساسا كان غير مستوفى الشروط ولكن بدل ان تطالو يد ازاله التمكين اصبح هو من العناصر التى وضعت ضمن تغييرات ازاله التميكن فى الادارات والكارثه انو كمان ممثل التجمع عن جزئيه المؤسسه اللى انتمى ليها.
|
Post: #4
Title: Re: وداعا عالم السياسة
Author: عبدالحفيظ ابوسن
Date: 02-09-2020, 11:29 PM
Parent: #3
اسهل شي تخلي السياسة
انا خليتها مية مرة
|
Post: #5
Title: Re: وداعا عالم السياسة
Author: امتثال عبدالله
Date: 02-09-2020, 11:57 PM
Parent: #4
واذا انت خليت السياسة يا علي دفع الله ، منو تاني البيمارس السياسة، ياخي انت كنت واحد من المناضلين ضد نظام اللصوص والحرامية فلا تترك الساحة خالية للصوص والحرامية كي يعودوا مرة أخرى، فأصبر ، فإن هناك أمل في الإصلاح...ما دام شباب الثورة حارسين الثورة...ولسه الثورة متقدة على الرغم من احباطات المجلس السيادي وسيطرة الجنجويد على مقاليد الأمور، وضعف الحكومة الانتقالية ، وسيطرة الكيزان على مفاصل الاقتصاد السوداني..ولكن برضه العافية درجات ....ما زال هناك أمل كبير
في الإصلاح...
|
Post: #7
Title: Re: وداعا عالم السياسة
Author: Sinnary
Date: 02-10-2020, 00:06 AM
Parent: #5
ما تخلي نفسك قصير يا ولدنا
وما تنكسر
البنكسر مرة بينكسر تاني
قطر النضال ما بمر بمحطتين
محطاته كتيرة ومضنية
في كل محطة بتنزل ناس وتركب ناس
لكن القطر بيواصل مسيرته وما بتوقف
والمناضل الحقيقي رهانه ما على الوصول
بل على التماسك في اللحظة الراهنة أمام عثرات الموكب
وكمان يسند كل من خلص زيته وفترت همته
انت في كل لحظة في ثغرة محتاجة حد يسدها
فإما تسدها
أو تخليها يوسع قدها
ويصعب رتقها
|
Post: #6
Title: Re: وداعا عالم السياسة
Author: منتصر عبد الباسط
Date: 02-10-2020, 00:00 AM
Parent: #4
تحياتي الأخ علي لم تأتي بجديد !
أنت تكرر ما يردده الآلاف
من تحميل الخطأ لطرف واحد من الاطراف دون الأخرى !
وهذا هو أس المشكلة للأسف
|
Post: #8
Title: Re: وداعا عالم السياسة
Author: علي دفع الله
Date: 02-10-2020, 06:39 AM
Parent: #6
تحياتي لكم جميعا يا جميلين
المشهد السياسي مربك ان تداعيت للوقوف ضد فاتورة البنك الدولي القاعدة تتنفذ
باستحياء او وقفت ضد المحاصصة الحزبية او وقفت ضد هيمنة العسكر و تغولهم على الوثيقة
الدستورية او وقفت ضد اختراق لبعض الناشطين ولجان المقاومة من الدعم السريع على طول بتلقى نفسك
مع تيار نصرة الشريعة والزواحف والانتهازيين وايتام الانقاذ
وان سكت وقلت ممكن تعدل عوج حكومة حمدوك الاقل من تطلعات الشارع بتلقى الوضع ما ظابط
كوركنا سرا وعلنا عسى ولعل حكومة الثورة تكون ما خايفة وتنفذ الشرعية الثورية من اول يوم مسكت فيه الحكم
نرجسية حمدوك وضعف بعض وزراؤه ترك الكيزان واهل المصلحة من ايتام النظام السابق والعسكر يستعيدوا لياقتهم ويطلعوا لسانهم
لكل ما سبق احسن للواحد يقنع تب من السياسة لانو خلاص كبرنا على الملاواة
والله وتالله قمة القرف والاحباط
تبا لحميدتي مليار مرة وتبا للعسكر و التاافهين من رموز سياسة الهبوط الناعم
و وكلاء الامارات
|
Post: #9
Title: Re: وداعا عالم السياسة
Author: يحي قباني
Date: 02-10-2020, 06:59 AM
Parent: #8
ابو الدفاع يا صديقي ...
السياسة دي دودة ... و انت دودتك طولها مترين ...اسأل عووضة ...
اخد زهجتك و تعال ... العرجا لي مراحها ... :)
|
Post: #10
Title: Re: وداعا عالم السياسة
Author: adil amin
Date: 02-10-2020, 11:46 AM
Parent: #9
السياسة انحطت باسبب الفئات التي تعاطتها بعد الاستقلال
عولم وعيك بتشوف كويس
ولو عايز بندول قاااااعد
|
Post: #11
Title: Re: وداعا عالم السياسة
Author: adil amin
Date: 02-10-2020, 01:10 PM
Parent: #10
انت يا دوب وعيت تخلي السياسة ليه ؟
القال ليك منو الفي السودان ده سياسة
بعد ده تباري بس عمك جقود بتشوف الطريق
بعاعيت مايو 1969 × ايتام الترابي 1989
دي بقت ما جايبة حقها ابدا
ديل رجرجة قال عليهم د منصور خالد رايح ليهم درب
https://top4top.io/
|
Post: #12
Title: Re: وداعا عالم السياسة
Author: علي دفع الله
Date: 02-10-2020, 01:22 PM
Parent: #11
الباشكاتب عادل امين مافي بعاتي غيرك انت دا
ربع قرن في المنبر دا غير تدوير مفاهيمك المعتتة دي ما اضفت حاجة
حتى الناس حفظتها
تبا لك وتبا لي يحيى قباني بتاع الدود الفوق دا ههههه
|
Post: #13
Title: Re: وداعا عالم السياسة
Author: adil amin
Date: 02-10-2020, 01:52 PM
Parent: #12
Quote: الباشكاتب عادل امين مافي بعاتي غيرك انت دا
ربع قرن في المنبر دا مفاهيمك المعتتةغير تدوير دي ما اضفت حاجة
حتى الناس حفظتها
تبا لك وتبا لي يحيى قباني بتاع الدود الفوق دا ههههه |
اهو انت كويس يابو الدفاع وبتقسم كويس وبترفس ساكت ذى الفل
جادع نفسك في الكوشة ليه
معتتة شنو يا بط
نحن وصلنا مرحلة الااغلبية الواعية وتحالف الحركة الشعبية + الاتحادي الديمقراطي
وصدفة جميلة تلمني مع قباني ...مش المقمل معاوية المدير
انا بعاتي وقاعد بعيد موديل 2020
انت شوف البعاعيت البضرو في الشعب السوداني لحدي هسة
الرجرجة قوم اذا اجتمعو ضرو واذا تفرقو لم يسمع بهم احد
|
Post: #14
Title: Re: وداعا عالم السياسة
Author: HAIDER ALZAIN
Date: 02-10-2020, 02:02 PM
Parent: #13
باقي ليك تففففففففففف .. وســخ .. وتبني جامع تاني دور هههههههههههههههه
امشي اخد لفتك وتعال راجع زي ما قال ليك قباني .. تلقانا زي ما نحن متونسين والحبوبة عادل آمين في حجاهو وعبادة اصنامه اصلاً شئ حا يفوتك مافي .. والله صحي :)
|
Post: #15
Title: Re: وداعا عالم السياسة
Author: adil amin
Date: 02-10-2020, 02:28 PM
Parent: #14
| Quote: تلقانا زي ما نحن متونسين والحبوبة عادل آمين في حجاهو وعبادة اصنامه اصلاً شئ حا يفوتك مافي .. والله صحي :) |
فصك..وفص اي سوداني في كندا معاك يا HAIDER ALZAIN
كده قبل الارشفة
ويطفش ولدنا علي
|
Post: #16
Title: Re: وداعا عالم السياسة
Author: حيدر حسن ميرغني
Date: 02-10-2020, 02:44 PM
Parent: #15
بالفعل الإحباط حاصل يا عمر
حاجة تقصر العمر ياخ
معاك للطيش ..
|
Post: #17
Title: Re: وداعا عالم السياسة
Author: HAIDER ALZAIN
Date: 02-10-2020, 02:46 PM
Parent: #15
أنا يا عجل مأرب مافي كندا..
قاعد هنا في ارض صــقر العرب محمد بن سلمان حفظه الله وأعانه على دحر أعداء الامة والأرهابيين من ألايرانيين ووأذنابهم في المنطقة
نحن مع ملك الحزم والحسم المحشر لاهلك الحوثيين بالناشف والمبلول ..!
همة حتى القمة 
|
Post: #18
Title: Re: وداعا عالم السياسة
Author: adil amin
Date: 02-10-2020, 03:16 PM
Parent: #17
Quote: أنا يا عجل مأرب مافي كندا..
قاعد هنا في ارض صــقر العرب محمد بن سلمان حفظه الله وأعانه على دحر أعداء الامة والأرهابيين من ألايرانيين ووأذنابهم في المنطقة
نحن مع ملك الحزم والحسم المحشر لاهلك الحوثيين بالناشف والمبلول ..! |
كان كده نعتذر للحبايب في كندا بدون فرز
ونعدل الكوجيتو
فصك وفص كفيلك التكروني العامل فيها عربي ...ما بتخجل وقاعد في السعودية كمان
وبعد الارشفة الدواس مفتوح
يا حيدر الزين وبكل اسلحة الدمار الشامل والزوامل والطيران المسير والصواريخ البالستية
والله لو ما امريكا عاملة محرم ليكم
الحوثيين ديل كانو مرقوكم في المنطقة المحايدة جمب الكويت
بعد الارشفة
يا دوك
|
Post: #19
Title: Re: وداعا عالم السياسة
Author: muntasir
Date: 02-10-2020, 09:53 PM
Parent: #18
بت الكب يا القضارف ، اها مسكتلك طريق ولا لسه بتلاوي يا اب شنبن روب, طلقا السياسة طلقا البلا زي ما قال عزالدين صاحب الكاريكاتير جينا لي مكة تغنينا قلعت طواقينا
|
|